泰廳 (已搬遷) 新店位置

有時返工返元朗，好鬼遠，唯有食番啲美食平衝下❤️首先來一個青木瓜大蝦沙律 $69可以走辣^^一邊食冬陰公湯檬，一邊食沙律中和下，感覺會清新啲~ 如果溫度可以再凍多少少就好啦~小食就點左紅咖喱芝士焗青口 $98 😍🤤超多芝士完全不吝嗇!!❤️ 咖喱不會太辣，加上醬汁，食落好香口好好味👍🏼👍🏼主菜點左札肉湯檬. $49 + $10 轉冬蔭公湯底~ 我真係好犯賤，明明唔係好食得辣，但偏偏又鐘意冬蔭公嗰種香味😍🤤最後都係忍唔住叫左冬蔭公湯底🙈可以話係絕對無後悔!😎 香濃好味既湯底，加埋扎肉,香菜等等真係食唔停口呀🤤食泰菜點少得我最鐘意既椰青丫 $32💚椰汁又多又清甜👍🏼啱啱喺泰國返嚟嘅同事仲話好飲過泰國嗰啲添啊😂😂以後去元朗又多間餐廳去食啦!!😍

泰國菜係我最喜愛之一之前聽朋友講過泰廳都唔錯所以今日決定來試試咸肉椰菜苗椰苗好嫰咸肉好特別呀，皮脆👍🏻香葉肉碎炒飯少少辣好香香葉味每次食泰國菜必叫而呢度既香菜肉碎炒飯真係好出色😋炸魷魚，火候過咗太乾啦呢個係唯一失望既😢黃咖哩牛腩份量好足牛腩炆的好淋好味呢個蒜蓉包真係不得了外脆內軟蒜蓉味好香一個人都可以食晒六條😆

泰式小食拼盤呢個小食拼盤有好多小食款式選擇, 包括串燒、炸蝦餅、炸魚餅、香葉包雞、泰式素春卷，並附上有三碟沙嗲醬、甜酸醬同梅醬, 以下呢3樣最正最深刻。炸蝦餅:  蝦餅由豬肉及蝦肉製成, 香脆十足, 口感彈牙。炸魚餅: 用鯪魚肉炸成，配以香茅調味, 十分香口。牛雞串燒: 肉醃得十分入味，咖喱汁如果可以辣多少少會較好, 椰汁味較重泰式香芒蟹肉炒飯蟹肉份量超多, 一絲絲既蟹肉佈滿成個飯, 份量十足, 再配上酸甜芒果, 同埋淡淡的咖喱汁炒飯, 感覺新鮮, 另外, 飯質偏濕潤, 如可炒得更乾身較佳青檸梳打青檸梳打好夠氣, 唔太酸唔太甜, 飲落會更加開胃西瓜沙冰飲落有啖啖西瓜果肉, 飲得出飲品甜度源於西瓜本身既鮮甜, 無落太多糖水, 岩哂D唔中意飲太甜既人

平時好少同女朋友入元朗食飯，難得入元朗陪佢~ 就係元朗搵間好野食下啦~ 行下行下,佢見到間泰國餐廳話想試WOR而我都好耐無食過泰國菜，就試下啦~入到去地方都闊落，2個人都被安排係卡位，坐得好舒服啊~MENU 都幾多野揀啊! 最後我地揀左黃咖喱豬扒、芝士蝦丸同埋馬拉盞通菜，飯就揀左黃薑飯!黃咖喱豬扒唔辣既，椰味好重，所以食落好香好滑~用黎撈飯一流~豬扒切到細細塊，易入口又易咬開，點黃咖喱都好MATCH!芝士蝦丸係重點推介，4粒一人兩粒岩岩好，外表金黃，食落去芝士就流出黎，蝦丸大大粒，好正下次都一定要叫~馬拉盞通菜就係泰國菜必食ITEM! 馬拉盞既香味配埋D通菜既口感，簡直係絕配而且大大碟，2個人配埋飯食都有淨!黃薑飯比起普通香飯更有特色~ 油身D，香咪重D~ 我就鍾意白飯多D，女朋友就鍾意黃薑飯下次有機會再黎食啊要!

住元朗既我平時好鍾意去元朗廣場對面一間夾公仔店夾公仔，隔離個舖位都轉過幾次手，有唔同餐廳進註，最近經過都見到晚市不停有人入去，仔細望望原來係一間新開既泰國餐廳，見到咁多人食，就比佢吸引左入去喇！食泰國菜我一定要叫馬拉盞炒通菜， 馬拉盞香味重於辣味，非常惹味，撈飯一流，菜炒得唔老，好嫩，食到lam lam脷！ 另外叫左個芝士蝦丸，一碟有4粒，大大粒，即叫即炸，外表金黃，咬落香脆，中間既芝士一咬即流，蝦丸打得好煙un, 配埋甜酸汁，食過翻尋味！最後叫左個芒果炒蝦球，芒果係泰式菜入面一直佔有重要既地位，今次既芒果唔酸，帶甜，配埋蝦球有種開胃既感覺！飲品叫左紅豆冰同龍眼冰，龍眼冰偏甜，紅豆冰既紅豆夠沙，好好味！

《不負責任食評—泰廳》呢間泰國菜呢排係元朗啲fb group都幾多人講故且去試一試————————<冬蔭功海南雞金邊粉> $48首先 啲雞真係多既 多到我心諗er會唔會太多雞本身偏肥 味道一般 叫做有啲咸味咁 亦唔算好滑不過最重要都係睇個湯底個湯偏甜 唔夠酸同辣 亦無乜鮮味（以前整過冬蔭功 個湯底會用蝦殼 香茅個啲煲至少30-45分鐘）咁出面個啲餐廳我就唔知啦 但我覺得個湯底本身個味唔算好出真係純靠醬料去出味而家呢個時勢 佢比料都算大方既但味道上就未去到好出眾我寧願佢比少啲餸 個湯整好啲💛💛

從加拿大回香港渡假的親戚住在天水圍的酒店，為咗方便佢哋，我今晚就約佢哋去元朗食飯，因為佢嗰邊其實食越南pho就好容易，但好少好味泰國菜，我睇完OpenRice上面啲人對呢間野嘅評分，我諗都唔諗就揀咗今晚去呢度食飯。其實哩間餐廳service唔錯，不過衛生方面就⋯柚子沙律有條長頭髮佢都立即換俾我哋嘅，而食物方面就，好港式⋯⋯叫咗一個濕炒海鮮河、泰式豬手、柚子沙律、肉碎生菜包等等，成餐飯我淨係影咗一張相，就係個泰式豬手，見到嗰個獻汁我立即O咗，我第一次見到咁港式嘅泰國嘢，其實味道真係唔差嘅，但係一啲泰國風味都冇，其實真係好後悔帶佢哋嚟食啲咁唔正宗嘅泰國菜。我開始對OpenRice好失望。講完。

一間元朗新開嘅泰國菜，地點方便喺元朗廣場對面，一入到餐廳長長方方，店內擺設都係一啲泰國畫像，放着泰文歌，簡單木枱，但裝潢未見得特別，略為有點擠迫，食客唔多。👌🏾好啦～ 首先，黎到泰國餐廳必點既冬陰公湯，用左多香料去煮成，入口香濃，辣道十足，比起泰國飲既冬蔭公湯仲要辣，老闆應該係為咗迎合香港人口味，但建議怕辣朋友可以點其他湯黎飲蒜蓉包，試過之後重點推介👍🏾👍🏾程長方條型，塗上牛油黎炸過，外脆內軟，連我本人唔太中意食面包都食多左幾件👍🏾然後當然唔少得配上咖哩，但咖哩味道略有少許濃然後再黎個泰式生菜包，配料十足，而且香料味道好重，真材實料。飲品就點左最近人氣熱賣既碟豆花青檸梳打，賣相好靚，但飲落碟豆花香味一般，無太大驚喜。

之前去完泰國旅行一直好掛住泰國菜，住元朗嘅朋友一直有推介食泰廳，所以放假就約埋一齊去試試。餐廳對住大馬路，係豐年路輕鐵站行過去好快到，門口有泰式擺設，好易就認到餐廳。餐廳雖然唔算好大，但用餐空間好足夠，一啲都唔會覺得迫。泰國小食拼盤(細)$109小食拼盤有炸蝦餅、炸魚餅、香葉包雞、泰式素春卷同串燒2串，啱曬三心兩意想食齊特色小食嘅我地，配埋沙嗲醬、泰式辣醬同梅醬任君選擇，真係心心眼。最鐘意香葉包雞，雞肉醃到好入味，好有香茅味又嫩口！特色大頭蝦冬蔭公炒飯 $89大頭蝦好新鮮彈牙，冬蔭公炒飯辣辣地同好香，炒飯軟硬度啱啱好同好足料，落單嘅時候店員好好咁提醒如果食唔到辣可以叫少辣。泰式炒金邊粉 $69金邊粉酸酸甜甜，面頭有啲蝦，將蛋整成網狀包住金邊粉好有心思，入面有芽菜、豆乾、蝦乾仔、花生碎，食落口感豐富，令人越食越開胃。

是日係元朗shopping行行下見到間泰國菜《泰廳》又諗唔到想食其他野既情況下我同朋友就入左去試試喇第一味蒜容包無法抵擋既香脆兩邊烤過好脆，中間超軟熟加埋牛油蒜容真係隔住個mon都想食十分推介👍🏻香葉肉碎炒飯，仲配埋荷包蛋，正呀唔會太辣太油，夠鑊氣，飯粒粒分明好軟熟都係十分推介既飛天咸肉炒椰菜苗咸肉脆卜卜，好香但唔會太咸味道岩岩好菜苗夠嫩滑，爽口加埋咸肉炒埋一起好入味仲叫左咖哩牛腩牛腩燜到好淋，分量好足仲有個炸魷魚呀但是呢款我覺得炸耐左小小肉質有點'un'我地叫左多樣野先3百頭價錢合理值得一食

一路都聽說元朗好多出色嘅餐廳，當中一定包括泰國菜，呢一間我印象中開咗好耐，好多年前幫襯過，呢日經過見到，雖然唔知有冇易手，不過都入去懷緬一下！首先食泰國嘢當然要揀生蝦刺身，蝦肉好厚又鮮甜！旁邊嘅醬料冇預期咁辣！食落很對辦！我哋主菜要咗個咖喱軟殻蟹！咖喱做得十分出色！不會太辣，勁香又有蛋香味，濃淡剛剛好！中間仲有唔少洋蔥，十分之開胃！軟殻蟹炸得好脆身香口！呢一味餸要來送飯簡直一流！食泰國咖喱又點可以少咗蒜蓉包？呢度嘅蒜蓉包烘得外脆內軟，蒜香味十足！將蒜蓉包點上㗎喱簡直係人間美食！我哋再叫多一個馬拉盞炒通菜，份量比想像中大，不會太辣而且通菜好入味，實在香口，一啖一啖不知不覺食咗好多！呢度嘅椰青亦都比出面嘅清甜，好值得一試！呢度地點方便就響輕鐵站旁邊，而且價錢一d都唔貴！真的不枉此行。

原本收工諗住睇下附近有咩新野食，咁啱路過見到呢間＂泰廳＂，真係路咁多次都留意唔到原來有間泰國野，就入去試一試啦。閒日晚市有套餐，五六十蚊就落到樓都幾化算，我地就叫咗個青咖哩雞炒飯同埋噴呤咖喱牛肉飯再加個串燒拼盤。個青咖哩雞炒飯好好味，加埋上面塊炸脆脆一齊食，正，少少辣啱晒我，反而個噴呤咖喱牛肉飯就唔辣，都ＯＫ嘅但我個人偏好辣嘅咖喱囉。而個串燒拼盤就正常囉，唔算好好食，又唔算太抵，過返又新街掃街仲好食晚餐加6蚊可以轉特飲，幾抵，仲要幾好飲

餐廳內具佈置具有泰式擺設及感覺，地方整潔及假舒適，令人可以愉快地用餐。我們點了一個泰國小食拼盤，粉量比想像中大，有串燒，春卷，魚餅，荷葉包雞及蝦餅。而最令我們感到開心的是餐廳配有三款醬汁包括泰式辣醬，梅醬及沙嗲醬，這些醬汁配合小食拼盤一同享用是十分配合。主菜我們選擇了泰式西蘭花炒鮮魷及菠蘿炒飯，兩款菜式都能保留傳統泰式風味。西蘭花炒鮮魷的西蘭花十分爽口，而鮮魷火喉剛好，容易入口。菠蘿炒飯酸酸甜甜，配料與飯的比例不錯，能夠引起食慾。飲品方面則點了一杯龍眼冰，起初入口甜了一點，但待冰塊融化一點則甜度剛好，配合泰式食物感覺很不錯。而最後我們也點了一個泰式千層糕作結，兩件梛汁糕及蝶豆花糕雖然體積不大，但對於我們已吃到很飽的時候則感到粉量剛好，而且它是暖的，感覺有點新鮮。同時它也別於一般傳統泰式糕點只是很甜，反而突出了一點梛香及點蝶豆花的香味，不會產生太油膩的感覺。

難得放假入黎元朗一日遊～順便行下街食下野～見到呢間泰國野都唔錯，就入黎試下。串燒拼盤6串（雞豬牛各2串）$72食泰國菜最愛串燒，呢度可以比你揀晒雞豬牛3款，串燒燒得外脆內嫩，加埋串燒醬就更加香馬拉盞炒通菜$55呢度嘅秘制馬拉盞特別惹味，而且通菜好夠鑊氣，最貼心係加埋薑絲去炒，可以驅寒泰式炒金邊粉$69金邊粉加入芽菜、韮菜、蛋絲、少量辣椒絲炒，醬汁甜酸度適中，兩隻蝦大隻而彈牙。拌勻花生碎，灑上青檸汁食，好地道珍多椰汁冰$25粉條彈牙，份量夠多，椰奶香滑，夠解渴/辣！最後點可以唔食埋甜品，椰汁西米糕$30椰奶厚厚一層，入口好滑，感覺似食緊布甸

元朗泰菜餐廳數量可不少，其中一間位於青山公路，元朗廣場對面的泰廳，鄰近輕鐵站，位置都幾就腳方便。鋪面長方形，唔算好大，但裝修明亮乾淨，似家庭式經營。食物種類選擇多，價錢經濟實惠，開飯時間有唔少街坊黎食飯。泰國小食拼盤 細拼盤有炸蝦餅、炸魚餅、香葉包雞、泰式素春卷同串燒2串，仲跟有三碟甜酸辣醬可以點下。炸蝦餅，表面炸得香脆，加入豬肉打成的蝦餅，更增加香口感。炸魚餅，用鯪魚肉炸成，有點中式味道，加左香茅落去，中泰風味混合更加惹味。香葉包雞，用香葉包住雞肉黎炸，香口又唔會過燶，香茅味仲好突出。泰式素春卷，炸得香口鬆脆，入面係粉絲餡，唔油膩。串燒，一牛一雞，肉本身已醃過，加上淋左咖喱汁已經惹味，點上沙爹醬食更加豐富滋味。泰式炒金邊粉辣醬係另上，可以因應自己食到幾辣而落，唧埋青檸汁，酸酸香香更加開胃。用蛋網包住炒好既金邊粉，賣相已經擰晒分！金邊粉帶點點濕潤，炒得均勻又唔乾身，條條都上晒色好入味。加埋豆腐乾、芽菜、細粒蝦乾仔、花生碎等，口感更加有層次。平日有晚市套餐提供，選擇都好多，揀左其中一款海南雞飯 去骨雞肉嫩滑，又唔算太肥，不過就有小小雪藏味，點埋泰式醬汁又另一番風味。油飯份量多，粒粒分明，