泰廳 (已搬遷) 新店位置

星期日做完運動要好好慰勞自己 就試試附近新開張的泰菜-泰廳 剛坐下來沒多久便滿座了，好險不用等位  很久沒有嚐過椰青了很清甜，另點了菠蘿冰，很有誠意的是菠蘿是新鮮的，不是罐裝，甜度剛好值得推薦  食物方面，先來了泰式鳳爪..侍應事前已細心提醒鳳爪是比較辣的，需唔需要小辣...我們當然不用了，哈哈。 醬汁調配得剛剛好，有點像泰式生蝦的酸辣汁，但再要酸一點...很開胃  再來一碟泰式豬頸肉$69但份量很多非常抵食.醬汁是自家製的，惹味但不辣  另再叫了馬拉盞通菜和香葉肉碎太陽蛋炒飯通菜香而不鹹，不會蓋過菜本身的味道，因為最怕馬拉盞通菜只有鹹味... 至於炒飯，粒粒分明，味道不會太濃味，抵食。  很可惜這次來沒有嚐到無骨豬手飯啊，下星期再試！

今日有朋友生日 就梗係同佢慶祝下 今次試下呢間泰國野 佢面向大馬路 位置其實都易搵👍🏻 不過由於係星期五的關係 所以就近的車位就有多少緊張 所以揸車的師兄就需要多少少時間搵位講返野食先有最愛的皮蛋蝦餅 好味呀 皮脆有口感 炒椰菜 佢用左咸脆肉炒 令到個咸香味出左黎 好味金邊粉 好靚呀 佢用左隻蛋包住成個金邊粉 賣相勁靚 勁有心思 味道都唔錯呀 呢一個係呢間鋪頭必試之選原條爐魚 條魚新鮮 個汁都好好味 當然 個火熄左佢會再一次幫忙換個個火 呢個係抵讚的另外我地仲叫左鳳爪沙津 同生菜包 兩樣都好好味👍🏻👍🏻野飲方面 就叫左珍多冰 係地道的味道👍🏻總括黎講 呢間小店價錢唔貴 同時又會有地道感覺 值得一試👍🏻👍🏻

星期二放工，同老婆係元朗食飯。係元朗廣場附近 青山公路段 即運動舖隔離間泰廳食泰菜。七點零到 已經坐滿 要等位 好彩等十五分鐘已經有位。餐廳不大 大約三張卡位 另加兩三張台 兩張坐八人大枱 估計都係十張台左右 唔怪得咁快滿座 好快點左椰青 芒果蟹肉炒飯 芝士炸蝦丸 馬拉盞炒通菜 椰青好飲 椰肉好味 非常清甜 $32一個唔貴最先上是蟹肉芒果炒飯 賣相吸引 蟹肉加芒果甜甜地 配合炒飯鹹鹹地 味道好夾 炒飯夠香 不會油膩 飯用咖哩粉炒更加帶出香味馬拉盞炒通菜夠獲氣 又惹味炸芝士蝦丸 非常大粒 流心芝士配合蝦丸好味

泰廳泰廳， 係一個好名。簡單得黎又特別，唔錯入面既裝修有如泰國簡樸自然的設計。 掛上一副一副泰國的風景圖。 感覺舒適。簡單食物先啦 除咗煮得出嚟好香口好有鑊氣之外味道仲係啱我 我鍾意食個柚子沙律淡淡嘅柚子配上小小嘅辣味再加埋泰國秘製嘅醬汁 清新好味 其後就係 豬頸肉生菜包啦 佢同出面嘅泰國舖嘅生菜包有啲唔同佢有一陣麻香味 食落去有一種好獨特嘅辣味 呢個係口講唔出嚟你哋都可以去試下 沙冰簡直係一流全部用新鮮生果去漬咋啱曬而家大熱天時去飲 整體非常好， 係元朗食泰國菜的首選

今晚家姐約我落元朗食飯，話最近元朗廣場附近開左間新泰菜館，見價錢幾合理，於是想去食。由於我今晚臨放工有d急野跟，遲左收工😌所以入到元朗已經7點50分，同家姐約左直接餐廳等，家姐早我少少到，餐廳坐滿客人，好彩我一到剛好有客人埋單，我地可以即刻入座😁我地點左👇🏻👇🏻👇🏻炸芝士蝦球呢個比個預期既大粒好多😯外面炸得脆脆，蝦肉彈牙，仲有溶岩既芝士😍😋就算吾點泰式辣醬都已經夠味，正！蟹肉芒果炒飯拆出一絲絲鮮味既蟹肉混合鮮甜既芒果，味道同口感都好豐富，我鍾意有甜又有咸既味道😋D飯粒粒分明，吾會覺得油，仲有咖哩既香味，好好味。馬拉盞炒通菜菜爽口而且夠鑊氣，吾算油，配上小小辣椒，惹味之餘帶微辣😊。香芒黑白糯米呢個系我既至愛😁 食親泰菜我都必食😆呢個黑白糯米夠熱👍🏻能夠將面頭既椰漿d香味帶出😋之前第二度食過好多次都系吾夠熱的😆呢個對我來講有驚喜。白糯米飯夠軟綿，黑糯米飯就有少少咬口，有齊两種口感👍🏻家姐點左芒果沙冰面頭有粒粒芒果肉，足料😊。泰國新鮮椰青好青甜，又冰涼，而且d果肉夠嫩，好容易刮出來食，當然我系刮至一點也不剩啦😁質素幾掂，埋單總共都系300出頭，好抵食，難怪閒日咁夜都一路有人客來帮襯👀🤣

夏日炎炎，當然要食椰青沙冰，這次來到位於豐年路輕鐵站旁邊的泰廳吃泰廳菜，位置好方便。泰廳的食物選擇蠻多，價錢平民。我們點了海南雞飯、泰式炒金邊粉、泰國小食拼盤、芒果沙冰和泰國新鮮椰青。芒果沙冰好大杯，沙冰打得好幼細，粒粒芒果肉，真材實料。椰青果然夠新鮮，椰汁甜而不膩，椰子肉夠爽。海南雞配薑黃飯，海南雞肉質夠滑溜，最香雞油味，如果是海南雞能去骨便完美了。泰式炒金邊粉賣相好吸引，用煎好的蛋網包住金邊粉，在一般平價泰國餐廳很少見。金邊粉酸、甜和咸三味齊備，但卻不會太濃味。泰國小食拼盤是必吃之選，包括炸蝦餅、炸魚餅、香葉包雞、泰式素春卷和串燒，即使我們叫了細份，其份量仍然很多。炸蝦餅和炸魚餅打得十分彈牙，微微的酸甜味教人垂延三尺；泰式素春卷內含多種蔬菜，口感豐富，外皮夠脆；串燒的外皮燒得乾身，沾上沙嗲醬，非常惹味。小食拼盤還配有三種醬料。最有驚喜的是香葉包雞，香葉的香味已滲透雞肉，香氣四溢。

元朗是個美食天堂, 很多小店選擇, 吃泰國菜的餐廳也不少, 最近見到新開的泰廳, 在大馬路元朗廣場附近, 位置方便, 見其蠻有泰國風味, 就試試吧。室內座位幾闊落, 坐得舒服, 並播放著泰國歌, 令人有錯覺置身於泰國度假, 享受一刻異國風情, 放鬆悠閒的感覺。椰青$32夠凍, 天然清甜美味, 解渴消暑, 是我的最愛。西瓜沙冰$28男生比較怕熱, 也較愛喝冰, 所以男朋友就喝西瓜沙冰, 冰涼感覺更勝椰青, 立即降溫, 而沙冰的味道, 是沒有直接食西瓜那麼濃吧。泰式濕炒海鮮河$59在座位上也聽到廚房大火炒菜的聲音, 想必炒物甚有鑊氣, 果然是不錯, 炒得很香, 材料亦甚多, 海鮮有蝦、青口、魷魚, 全都頗有鮮味不會雪藏到無味, 雜菜也不少, 整體幾豐富抵食。馬拉盞炒雜菜$55雜菜有芥蘭、西蘭花、椰菜花、磨菇、椰菜、甘筍等, 大致和濕炒河的配料一樣, 份量頗多, 馬拉盞是帶點辣味, 有些薑絲調味, 菜都頗新鮮爽脆乾淨。泰式香芒蝦球$79比較少吃的菜式, 見其特別又想試試, 鹹食的芒果沒有違和感, 芒果選用好熟好甜的貨, 蝦炸過再炒, 保留鮮味口感爽彈, 不要忘了洋蔥及三色椒, 又甜又爽, 好

打風過后，餓了很久轉了3號風球，晚上出元朗搵嘢食今日一行五人試這間泰菜，第一次的因為尚算早，不用排隊直接有位叫了好幾個餸及飲品冬陰公湯～味道還可以，但是椰奶味很重，飲完很口渴蝦餅～不錯吃很多台也有吃咖喱炒蟹～我個人覺得一般，蟹身食到有一層粉槳，蟹不是太新鮮生菜包～肥肉太多了！加上份量比較少蒜蓉包～OK馬拉盞炒菜苗～ok 椰青及西瓜冰～ok整體還是可以的，但咖喱蟹下次就一定不會再叫冬陰公也不會叫了因太多味精了

海南雞飯唔得，鞋既白切雞，飯又唔香，生菜包啲肉碎都未炒到乾身，偏酸！其他不過不失，一分錢一分貨！唔夠飽想嗌多個咖哩加薄餅，等左好耐原來漏單，放棄！宏觀張張枱都係擠迫戶！香港地吋金呎土，明白既！只可以話係平，我就唔會比lam lam脷喇！

星期六不用上班，那當然全家外出吃飯最好不過。元朗可算泰國菜林立的地區，我與家人都吃過十間左右的泰國餐廳。今次吃的泰廳蠻多人光顧，我們趁弟弟泊車的時候立即入座，因為錯過了入座時間應該要等很久。最近每次去泰國餐廳總會吃馬拉盞鹹魚炒椰菜苗，可能因為街市沒賣，所以覺得特別珍貴吧😂我問媽媽為何街市沒賣，她說大多都是泰國雜貨店可買，但一星期進口一次，難買是正常的。馬拉盞與鹹魚味道濃郁帶鹹香，用來炒鮮嫩的椰菜苗可為惹味非凡，同時馬拉盞及鹹魚口感層次比一般調味料更豐富，香脆可口，絕對是一道下飯好菜式。我和媽媽都說泰廳的椰菜苗嫩口度比另一間泰國餐廳更嫩，可想而知它多好吃。無飯不歡的弟弟最想吃泰式蝦醬肉碎炒飯，蝦醬淡淡的鹹味伴隨著肉碎的鮮香，加上熱炒的讓蝦醬跟米飯完美的結合，真的是「泰」入味了。另外搭配的風味臘腸與炒蛋絲，不但豐富視覺色彩，更多添一份滋味。我所期待的泰式青檸蒸鱸魚上桌了，加熱的鐵盤上躺著長長的鱸魚，肉質鮮嫩不腥，而魚汁則是用青檸汁拌煮出來的醬汁，這醬汁酸酸的但不膩口，直接用湯匙喝也很好喝，所以這道菜被我們吃得連湯汁都喝得乾乾淨淨。泰國小食拼盤一家大小都喜歡，沾上醬料，酸甜的滋味讓人胃口大開

元朗一向以街坊美食聞名，今天到位處大馬路新開的泰廳吃吃，店面不大，但勝在整齊舒適，食物種類不少。要吃泰菜，怎少得了椰青呢！兩個椰青大大的，椰青水透心冰涼，量非常多，椰肉奶白色而易刮出，正啊！泰國小食拼盤（炸蝦餅、炸魚餅、香葉包雞、泰式素春卷、串燒x2)，炸蝦餅五星推介，蝦肉彈牙，炸得香脆。炸魚餅相比較為一般，配以三種不同的醬汁酸酸辣辣，美味加分。香葉包雞，雞沾滿了香葉清淡的香氣，甚有東南亞風味。素春卷內餡有菇、紅蘿蔔絲、蘿蔔絲、蔬菜，口感清麗，外皮酥脆。串燒分吃是牛、雞，醬汁惹味。泰式豬頸肉生菜包，豬頸肉配以大量東南亞香料、香菜炒成，肉質細嫩帶有濃濃脂香，配以青綠新鮮生菜，中和了香料、油脂的膩感，很好的平衡。泰式香芒蟹肉炒飯，蟹肉、芒果量多，絕不欺場。蟹肉呈短條狀，絕非鬆鬆散散的丁絲，有口感，與芒果甜味搭配甚佳。香芒黑白糯米飯，椰漿香濃，黑糯米有嚼勁，加上甜美芒果，吃後令人非常滿足，飽腹感高，當心吃不下喔。整體食物質素很好，價格合理，會再來喔。

今次去泰廳食個平價午餐就係呢個黑椒雞扒飯加一個西瓜冰。 朋友呢就叫咗呢個海南雞湯檬同埋啲個咖啡。大熱天時， 我咩都唔想講住。 淨係想那那聲嘆杯西瓜冰Lee 到用料認真， 就我就唔推介傳真係推介呢個西瓜冰， 粒粒西瓜， 清甜解凍。好飲過好多甜水鋪同行朋友食個海南雞飯加龍眼冰。因為肚餓未影相都已經食咗一半。但雞好香雞味， 有滑， 配埋個野味既汁。泰廳價錢仲抵食過茶餐廳， 但用料味道又比得上九龍城。但地方比較細小， 但餐廳滿掛泰國晝。簡單純樸👍👍👍👍👍

今天路經小店，見OpenRice 有咁多好評，一於同hubby試試。店面不大，若有廿多個座位，牆壁四週都是泰式裝飾，平民泰式風味十足。飯類由$69-89，小食$49-139，而炒菜則$49-$59。馬拉盞通菜$55這通菜是嫩口的，有鑊氣，但馬拉盞味道唔夠濃郁。泰國小食拼盤$108蝦餅幾彈牙，有蝦味；串燒雞同串燒牛都比較乾同硬；春卷幾鬆脆，多以素菜作饀味，有點兒油膩；魚餅幾惹味可口，中間夾雜香芹，味道帶有清香氣息。菠蘿炒飯$69炒飯是整個菠籮上，有些菠蘿碎、雜豆、肉鬆同魷魚等，味道中規中舉，飯粒分明，唔覺得油膩，可算是不錯了，而且份量十足，兩人分享有餘。整體而言是ok的，食物份量唔細，價錢合理，可以一試！

元朗新開咗一間叫太聽嘅泰國餐廳入面嘅裝修滿布泰國嘅風味簡樸 入面嘅師傅都好似係泰國人煮出嚟嘅泰國菜非常好味今日單拖嘅我下午茶就去咗食咗個下午茶餐會西瓜沙冰好好食 除咗好食之外仲好抵食埋單都係42蚊 下午茶其實都好多選擇咁我就叫咗一個蝦餅拼蒜蓉包 個蝦餅炸得好好食皮唔會太厚都好有蝦味個杯西瓜沙冰， 個好大粒既西瓜肉， 解渴清池最啱而家天氣咁熱嘅夏天 佢好似仲有一個下午茶餐係春捲拼一個蒜蓉包下次我會試埋佢呢一個餐希望都會有驚喜啦

今日黎到新開 " 泰廳 " 食 Lunch 。真係好好味。叫咗個 Lunch 食包野飲非常抵食， $ 42 就有杯飲品個冬蔭功湯底濃到可以成碗飲曬扎肉夾口彈牙。 42蚊可以食到咁既湯料簡直係滿分。👍👍👍👍👍👍👍👍👍👍👍👍星期六，日都有 Lunch 食， 食到 2點半就見餐廳擺下午餐餐牌。 嘩， 下午茶仲抵食 ， $ 38 食碗麵仲包飲品， 有麵食， 有炸蝦餅， 芒果糯米飯， 海南雞飯。。。。。。。下次真係要試下。下午茶要 2點半後先有