泰式燒王 (已結業)

上次試過覺得唔錯，所以再番去。坐低叫咗3樣嘢：海鮮沙律、泰式燒雞、芋頭焗飯及一個椰青。先講海鮮沙律─酸辣程度略為偏辣，所以叫咗個椰青！如果食得辣呢隻會唔錯！泰式燒雞今次就頗為失望，因為明顯係雪藏貨仲無乜味！無泰式辣醬吊味，就好似水滸傳魯智深話齋：淡出鳥來！最後想讚芋頭焗飯：除咗料足、飯香，軟硬適中，值得推薦！臨尾仲有段小插曲：俾咗人地張二百幾嘅單我！調查變咗$162，不過又計錯沙律，結果係$166落樓！如果你唔太要求服務質素同接受水準參差，你都可以試下呢間嘅！如果呢餐碟雞可以有番上次嘅水準，我會俾好高分佢！

已是第四次來這店吃飯，來這兒唯一目的，就係為左燒牛胸﹗牛胸接近是全脂肪，經烤後質感卻異常的香口爽脆，油香豐腴味道一流。明知多吃對身體不佳，卻又抵受不住那油脂吸引，吃了便算﹗其實這店絕大部份出品也不錯，我個人推介香脆的油酥餅、烤雞及螄蛤等，泰式木瓜沙律夠辣又大碟﹗愛泰菜的朋友來這兒準沒錯，自備酒水無收開瓶費，今次我地帶支威士紀去仲有冰提供添，服務細心。

睇完網友介紹，當晚就去試下菜，唔知會唔會有驚喜？到達九龍城已經差唔多六點半，大部份食肆都無乜客，而泰式燒烤就在某新開點心店旁，相當唔起眼，仲以為去錯咗地方！坐低後，無茶水供應，不過可能係第一枱客，馬上有位泰藉侍應過嚟俾餐牌，招呼算OK啦！叫咗幾樣嘢：清炒芥蘭、白灼司奄、蝦醬炒飯同半隻泰式燒雞。先講第一隻菜﹝清炒芥蘭﹞：唔算太鹹，都幾惹味！所以係最快清嘅！第二道菜﹝白灼司奄﹞：上海人稱為「元寶」，屬於過年時候食嘅意頭菜，煮工在於時間掌握、食品質素及處理。從當晚睇，處理衛生程度屬於可接受，不過食到其中一隻係臭嘅，就令我唔會推薦呢隻菜！畢竟食品質素及處理對健康有重大影響！第三道菜﹝蝦醬炒飯﹞：睇網友介紹話偏淡，不過食落又唔覺得唔係網友講得咁差。太座話應該為佢平反，而飯面有蛋絲，泰式腸及炸蝦米，如果唔係食慣濃味嘅人，呢隻可以一試！第四道菜﹝半隻泰式燒雞﹞：相當有水準，不過唔係新鮮雞，所以唔好咁高要求！整咗支泰啤，埋單二百，從價錢衡量應該算抵食！

上星期2夜晚同左班FD去九龍城聚舊九龍城最多係咩??就梗係泰國野啦~我地班人就去左食泰式燒烤.依間野有炭爐燒烤食, 一邊燒烤一邊打邊爐~全程都暖立立~頭盤叫左個泰式生蝦先~60幾蚊一碟10隻, 正~佢係用海蝦, 幾鮮味架~再用埋佢個醬~唔錯唔錯~主菜燒烤併盤靚到呢, 豬肉, 牛肉, 粉腸豬肝, 魚蛋牛丸~牛丸魚蛋彈牙好食~D肉又新鮮, 係上面番幾番大家都搶住食~青檸梳打唔少得啦~唔錯, 下次一定去食多次

終於來到晚餐時間，由於剛剛才吃完牛肉餅，因此只點了四道菜，分別是生蝦、咖喱炒蜆、青炒芥蘭和蝦醬炒飯。生蝦：勁好食，鮮、甜、爽，連辣椒一起吃更是極級享受，只需 $68!青炒芥蘭：好吃，汁十分入味，芥蘭也十分爽甜，正....蝦醬炒飯：略鹹，但好吃，可惜太飽有點吃不下。咖喱炒蜆：這個實在失望......原本蜆是頗好吃的，但卻與黃咖喱的味道格格不入....絕對浪費了蜆本身的味道和質感...仲要是最貴的一碟，失望失望。總括來說是十分不錯的，但唯一比較有泰國風味的咖喱炒蜆卻反而不夠好吃，希望下次嘗試其他具泰國風味的菜式會更佳。

好少去九龍城, 去問嗰頭有嘢整就上open rice望下有邊間推介. 老公揀咗呢間, 話有人讚過燒牛胸, 反正未食過呢樣嘢就試下.7點就到, 所以唔洗等位. 不過一拉開張chair, 就有條前人食完嘅米粉喺上面, 張枱都唔係抺得好乾淨. 反而係個厠所就幾整潔泰式鳯爪 - 夠辣, 不過有雪藏味青咖哩豬 - OK蒜蓉包 - 冇乜蒜蓉味, 不過焗得啱啱好燒牛胸 - 等咗好耐, 第二啲嘢都差唔多食晒先黎. 睇到個樣其實燒得幾好.. 不過.. 係燒脂肪... 一咬落口, 啲肥油爆晒出黎, 真係想吐返出黎. 好可怕... 有幾粒唔係脂肪就係筋, 咬極都咬唔爛嘅筋. 好奇怪嘅一味餸.

好熱,冇冷氣坐門口位吹下水都幾ok~1.木瓜沙律, 好咸2,鳯爪 ,普通3.生蝦,ok4.咸魚炒菜苗,普通5.串燒6.紅咖哩雞+蒜茸包7.唔記得係咩..8.炒河,太飽已經食唔到連啤啤特飲4位賣單$6xx

我女朋友帶我黎食~話又平又正咁話~ 8點鐘去到, 舖入面已經full左,因為天氣熱唔想坐街~ 等左大約3個字就有位~舖入面都唔係好涼, 可能由於舖頭係開放式, 只用風閘既關係啦~ 而且店舖比較細~ 所以d 位都幾逼~ 環境同衛生都係大排檔level ~我地叫左 – 東陰功湯, 螄蚶, 串燒(牛+雞),青咖哩雜菜1) 東陰功湯 $40 幾好味~ 夠酸夠辣夠香料味~ 只係料少左d~2) 螄蚶$48 小弟第一次食唔係好接受到, 因為我知唔係人人岩食, 所以不作評分3) 串燒(牛+雞) $42 好普通… 唔見特別好食… 牛比雞好~4) 青咖哩雜菜 $40 好香香葉味 + 椰奶味~ 好creamily, 送飯一流~! 總體食物都ok, 價錢亦唔貴~絕對值得一試~! 軒仔記總評分 4分(滿分5分)

Wanted to try the skewers here for a while but didn't have time all along. Tried it a couple days ago but was disappointed. Maybe cos I had high expectations. Turned out to be just average. Also had a beef noodle which was just ok. Not too tasty in general. The other dish was 蝦膏炒飯, I like this most out of the 3. I have to admit there are still many good Thai restaurants in Kowloon City that I haven't tried before so I wouldn't be back in the near future.

個人大左冇咁食得辣添~~不過今次唔止我一個食唔掂, 好似我d partner, 係咁飲水, 呢間泰國野果然勁!!!!間店係好朋友上openrice搵, 反正又未食過, 感覺上幾有泰國風味喎, 好似露天茶座先前book左位, 我地坐最近門口果張, 3個人, 好快點了一堆菜. 款式都幾多~朋友話要留肚食烤雞喎!是日晚餐:- 魷魚沙律>> 一上場就辣到嘔, 冇晒味覺~~唔太欣賞. 燒雞腎>> 規定三串以上, 好香口, 唔錯唔錯! 炸大腸>> 臭得好嚴重, 唔似平時食開既炸大腸, 唔太0岩胃口. 炒椰菜苗>> 好硬.....有點後悔叫了. 豬頸肉炒飯>> 好乾身, 豬頸肉唔多覺, 下次會就咁叫豬頸肉食! 半隻泰式燒雞>> 冇得頂!好滑, 又唔乾身. 個平少少脆, 下次會成隻上~~ 椰青x2>> 泰國人開的茶館, 椰青特別好飲架店內以泰國人居多, 有時候我地叫野食要等泰國客果批攪掂晒先輪到我地.但大致上都nice~

4-4-2010久聞呢度的大名, 是日朋友到九龍城探我 , dinner 就拉了佢嚟陪我試試呢間的泰式燒物, 還掂佢都話想食豬頸肉. 2 人叫了一包一飯一菜 2 肉, 食得好飽, 不過唔算十分滿意:-蒜蓉包: 一客 4 件, 全都烘得十分鬆脆, 不過其中一件蒜蓉份量好多, 其他的就幾乎完全無, 又唔夠牛油, 真係 配咖喱汁會否好食好多無從考究, 但空口食就絕對唔得, 大家 order 的話要留意.燒豬頸肉: 帶點炭烤味, 食落爽口豐潤, 油香十足, 幾好食 不過份量唔少, 2 人嚴重食唔晒, 唯有打包吧.燒牛胸: 以為係「近胸口的肉」, 食了一舊先知原來係肥膏 燒得微燶, 食落 sok sok 聲, 油香四溢, 都幾香, 不過始終係「燒肥油」, 大家都唔敢多食, 打包後亦唔知點算...鹹魚炒椰菜苗: 鹹魚落得好多, 亦炒得好香, 不過椰菜苗有點老, 食落幾硬又幾嚡, 可惜.蝦醬炒飯: 炒得乾身, 飯粒粒分明, 不過蝦醬味略嫌太輕, 可以更好; 仲有蛋絲及泰式臘腸 (?)點綴一下, 簡簡單單反而好快清碟.環境如預期的 up dup, 阿姐態度就有點寸, 不過見我

其實黎呢度都好多次，次次都一定要食鰤魽，點知上次黎食飯佢話賣哂，攪到我去食飯之前點都要黎食鰤魽先得，見呢度咁多人都食過個生蝦，就試埋啦！白灼鰤魽 - 係我黎呢度既主要原因，好香同夠肥美生蝦 - 第一次係度食生蝦，都幾好味，爽口同埋個汁香其實佢呢度其他野都幾好味，等我下次去食既時候影多D相，再POST上黎俾大家睇！

甜胃得到滿足後，是時候補回一餐午飯，先上市政大廈的熟食中心搵食，卻發現樂園星期日休息，此刻想起食友們推介的泰式燒王 2 就在附近，當然去試一試。網頁上泰式燒王 2 的地址是南角道 33 號 A，但光顧當日已搬至南角道 17 號，正正是總店的隔壁。下午兩點，店鋪才剛開門，泰籍員工仍在執頭執尾，我和女友遂成為是日的第一檯客。先來一碟清炒椰菜苗 ($50)，名為「清炒」，其實也下了蒜蓉及辣椒仔，味道比想像中濃，椰菜苗大大棵，質地老，或者是「成長了的菜苗」，感覺只是一般。店名是泰式燒王，當然要點半隻泰式燒雞 ($50) 試試。見阿姐從廚房取出半隻已醃好的鮮雞件，放在近門口位的烤爐上燒，大約十五分鐘後，香噴噴的燒雞終於送上來，急不及待夾起一件放入口，雞皮微脆，肉質夠嫩滑，味道香濃，醃製時應下了不少香料，是不容錯過的招牌菜。最後的豬頸肉炒飯 ($45)，竟有約三至四人的份量，飯粒炒得夠乾身，豬頸肉切得夠薄，再加入芥蘭粒、三色雜豆及番茄肉，感覺飽足。下次再來，應該會掃盡餐牌上其他燒物。見天色不錯，不要浪費難得的陽光，去九龍寨城公園走走吧！

今日其實幾凍, 但係又好想試新野, 坐街邊都無所謂啦! 一坐低阿B即刻點了蝦刺身, 白灼螄蚶, 聽聞好出位. 另外再點了些串燒, 冬蔭公, 烤雞同通菜. 第一次食蝦刺身, 初初都有d驚, 但係一咬就愛上, 好新鮮好爽好甜. 白灼螄蚶就有些灼過了頭, 味道有點怪. 凍冰冰最啱飲返個足料冬蔭公暖下身, 牛串好食過豬串, 豬串乾了些.另外一樣最有驚喜的是烤雞, 雞皮烤得薄薄脆脆的, 那種脆真係令人讚嘆, 最重要係雞肉依然juicy, 好香燒烤味, 下次必點這個.

收工四人行先到尖咀HAPPY HOUR，再到九龍城吃泰菜﹗地點是上個月先食完既泰式燒王，今晚無牛胸肉，試左個泰式雜錦燒烤。價錢唔平成250蚊一個，個爐相當有趣，可以一爐兩食，最正係發現原來係炭爐，真係風味十足﹗坐在我地隔離是三個泰國女子，都係專登來呢度食呢個炭爐，連佢地都食應該夠哂地道了吧﹗爐上有一大塊豬油，吃前同燒緊野食既時候應經常用豬油刷刷燒板，咁樣就無咁易黐底同埋味道更足，這是我吃完之後睇見對面泰國人的做法，我地食時雞咁腳真係唔識﹗食物是一大個拼盤，有牛有豬有雞，仲有大腸同埋潤，牛丸蟹柳是用來打邊爐的﹔燒爐面積很細，仲要四個人分真係一次每人只可烤一片肉來吃，我只吃到牛豬雞，三樣都醃得入味非常，吃落新鮮甜美有肉味，老友們愛內臟就不停咁話潤是呢個爐最好食的﹗夠哂香軟味濃，大腸亦見爽口，爐還跟一大籃蔬菜，可以在烤爐邊的邊爐位置放湯淥來吃，一爐二食夠哂過癮又經典﹗凍冰冰對住呢個爐真係成身暖哂，不過其實在室內玩爐都幾大煙，侍應泰國姐姐都打開門來透透氣﹗這個爐四個大男人吃就唔多夠分，如果兩個人來呢間野只係食呢個炭爐就夠哂皮﹗跟手有十幾個中年漢入鋪，見到我地呢個爐都話要試下，我地在門口真係做左