泰旺泰國餐廳 (已結業)

新搬入屯門，周圍唔熟。lunch 時周圍睇下有咩好食。一向我都支持小店，所以行過好多間，就見依間大大張相介紹 星洲咖哩豬扒飯，就入去一試la。點知就中伏，啲豬扒油炸到又乾又柴，完全唔覺食緊豬扒，似魚乾。咖哩無咖哩味，比平時茶記咖哩飯更差。失望，失望。大家樂咖哩飯好食得多。小店要生存，不僅食客要懂得選擇，更靠小店自身努力，食物超出連鎖店水準，先叫又叫坐，食完番轉頭。下次再找屯門小店，唔食依間囉，同商場仲有大把選擇。

入左屯門搵老公剪左十幾年既師傅剪頭髮，我就順手染加焗油。點知一整就已經到左三點半，去附近尋下寶搵下野食嘩~不得了，一經過呢就俾佢既香味吸引住，忍唔住要入去食下佢！ .🔹咖喱豬扒飯 $48咖喱汁入面加左隻蛋入去，好香咖哩味仲因爲蛋液而更加滑溜，豬扒又餣得好入味。另外，因為鋪頭既白飯用晒，要等多5分鐘先有，我地決定加$5要油飯，加左真係令成個飯更香！.🔹海南雞飯 (雞脾加$5) $48本身如果要脾要加錢，但佢都俾左隻脾我lucky 😎😝雞件本身肉質好滑嫩，不過雞皮有少少肥，唔係我食過最正既水晶皮，但都已經好正！令減緊肥既我都忍唔住要食埋啲皮😂😋油飯唔洗講喇，好有味，正！佢連旁邊放既醬汁都好有泰國風味 .🔹椰汁冰 跟餐送既真係要讚一讚個椰汁冰，超濃味，啖啖椰奶香，啲冰又唔會多到整到杯野淡晒，抵讚.🔹龍眼冰 跟餐送既唔會超甜，好清香，相信係真龍眼水，內面仲有幾粒龍眼肉食下👍🏻👍🏻.總體黎講，間野好泰國，好重口味同略咸左少少，但係好食既！.#店內電視都播緊泰文歌唱比賽#連食客都係泰國人#唔講以為去咗泰國

今日同朋友行街，聽人講華都多野食就去睇下，見到有間泰國野都平喎就入去試，點知原來仲要送特飲堅抵。海南雞飯 ……叫左少飯份量都吾少，驚喜飯十分好味，有味之餘又粒粒好乾身。雞肉一般吾錯，但味道差d..但窩心係雞轉彎有切等人易點吃，冬瓜湯好咸，飲左一口就放棄了。泰式 冬蔭公海鮮 粉絲 ……冬蔭公 味係有，吾夠辣， 海鮮份量都吾少而選擇左粉孌絲吸左湯味好味道。每個餐都會送飲品，仲要有特飲喎， #龍眼冰 味道正常吾會太甜，不錯。

It is very hard to find a place to eat on a Sunday afternoon. Luckily, me and my friend found this tiny Thai restaurant with lunch set. The place is very small so the seat was not that comfortable but the food was good. The people are from Thai so the food was very tradition. Minced pork with basil leave and sunny egg: My favourite Thai dish, I couldn't resist the smell of the basil leave once I stepped into the restaurant. The proportion was pretty big, the minced pork was seasoned perfectly! I

餐廳是很地道的泰國人主理，一入餐廳聽到廚師在唱泰文歌😂待應在講泰文😂我同老公都好想試佢嘅泰式海南雞飯，雞肉好嫩滑，黃油飯亦都大份量，仲有少少椰菜配飯，還有一碗熱熱嘅雞湯👍👍仲有兩款幾好味嘅豉油汁同泰式酸辣汁用嚟點在雞肉上，十分惹味。但唯一是雞肉骨位略生帶不少血，於是叫佢哋整返熟少少怕肚痛😬😬佢哋亦十分樂意用熱雞湯淋上雞肉骨位整熟d，雞肉可保嫩滑👍👍之前食過佢d泰菜晚餐，都不錯，起碼十分地道嘅泰國人烹調，都不會太差的👍😁

是日非常懶惰，不想外出，朋友經開市中心吃午餐，她問我想吃甚麼，我說想吃泰式牛肉濕炒河，她二話不說幫我買了~一打開飯盒，超多醬汁與配料呢~ 河粉炒得確實有火喉，有微焦的香，可惜河粉炒作一團，一是很難夾起來，一是一夾即爛。蔬菜非常豐富，蘿蔔，粟米仔，芥蘭，草菇，冬菇滿滿的，醬汁不算太膩味，且用蒜頭香炒。牛肉肉質彈性一般，厚度尚可。不過店舖服務很不錯，朋友說老闆娘跟她說如果下次想買外賣，可提早致電給餐廳，預先做定外賣，一來便可取，十分方便。午餐餐有龍眼冰奉送，我數過足足有八顆龍眼呢~ (朋友認為我是瘋，這也要數數看) 龍眼冰足料外，茶味清而舒喉，不太甜香膩。有機會我還是會來的，感覺這小店很不錯。

自從最後一間泰菜館執左變左韓燒炑八，成個屯門市中心係冇泰國菜ga (雖然果間秦菜好難食) 最近或者要去置樂既小曼谷同人迫，但真係唔鍾意迫。但!!!開心大發現，尋晚同2家姐搵食搵到華都一樓，搵到呢個泰旺，真係幾偏僻!!小店只得5張台，由泰國廚師主理，老闆娘都係泰國人，連部電視都係播緊泰國連續劇一坐低見到台面有本相簿覺得好奇怪(係20年前好興果d曬相相簿款) 原來係餐牌哈哈。真係夠晒'地'道。嗌左豬肉生菜包，明爐烏頭，蒜蓉通菜，黃咖喱，蒜蓉包。生菜包幾酸微辣，正!!!略嫌生菜少左dd，包唔晒d肉碎烏頭都幾新鮮，滑要盛讚係個黃咖喱配蒜蓉包!!!黃咖喱甜甜地，椰香重，蒜蓉包烤到外脆內軟，勁濃蒜蓉和香料味，浸係咖喱汁入面食係無敵呀!!!無敵!!!最後係飽到顛...眼闊肚窄既我們當然係食唔晒打包...埋單$440(2個人)。2個人應該嗌3-4樣就夠晒十分推介!!!!!