泰旺泰國餐廳 (已結業)

屯門華都有好多食肆，但令我幫襯完又幫襯既名單之一，就係呢間泰旺呢間泰國餐廳既員工/廚師全部都係泰國人🇹🇭，佢哋之間溝通都係用泰文，可想而知佢地有幾正宗👍🏻冬陰功雞肉金邊粉🐔 $48 （送汽水/紙包飲品）雞肉好滑，全部都起哂骨，成舊放落口咬就可以👍🏻冬陰功湯唔太辣，見到用好多料去煮呢個湯，個麵重配埋菇同埋生菜餐飲包可口可樂/七喜/紙包檸檬茶/紙包菊花茶另外推介星洲咖哩豬扒飯，咖哩汁係甜甜地，唔辣，豬扒都好大塊👍🏻

偶爾走過就進去試一試。吃了一個豬頸肉飯，單單外表會覺得寡，但係豬頸肉調味好合我心意，有點炭燒既香味，少少鹹又唔柴，唔係蜜汁豬頸肉咁甜。個汁撈飯好好食。分量亦剛剛好。雞蛋估計七、八分熟。總之我覺得味道同賣相反差有點大，即係個樣單調，但係好好味。

夜晚8點半，去到華都，好多食肆都差唔多收工，見依間泰旺仲開緊，就入去醫肚泰式生菜包，食咗少少，之後發現入面有隻昆蟲，同店員講，佢只係掉咗，無換過比我，又無取消，好彩我有影低相先蝦炒粉絲，幾好味，粉絲彈牙又炒得夠乾身咸魚炒芥蘭，顏色好翠綠，咸魚味都足夠，好有咸香味，而且芥蘭好嫩泰式燒雞就一般，比較乾身，無乜肉汁，但勝在奄得夠味，香料味十足食物味道係可以，但衛生情況就一般，而且8點半已經無乜選擇，生蝦，泰式鳳爪，魚類，都已經賣曬

係屯門市中心地帶可以簡嘅餐廳多到用埋其他人嘅腳趾都數唔晒，但如果你想食小店的話，選擇就會大大減少，熟屯門嘅朋友都會知，屯門市廣場旁的華都商場就係可以係屯門市中心地帶食到平、靚、正嘅地方。而今次我地食嘅餐廳就係位於商場一樓嘅泰式小店。餐廳係由泰國人主理，啲嘢食都有啲保證嘅。餐廳唔算大，但2個人午餐黎食都算坐得舒適。今次就叫咗冬陰公雞絲湯金邊粉同馬拉盞炒河。無睇錯，個雞絲好大舊一開始我以為比錯我，但又無見人有叫。海南雞咁大塊真係幾正，個炒河都炒得好有獲氣，都好好味。椰汁水同龍眼冰都好好飲，食泰式嘢濃味就一定㗎啦，食完飲杯都可以中和下都幾好

屯門美食多不勝數，要生存一點都不容易。某天晚餐時間經過華都發現這小小的泰國菜館，決定一試。當晚點了豬肉生菜包，雞肉濕炒河和泰式豬手。生菜包的生菜十分新鮮，豬肉炒得香口。雞肉炒河味道很好，河粉加上濕潤的汁液十分順喉。豬手分量很足，十分入味。本來準備多叫一個油飯配豬手，店員友善的提醒我們有可能會吃不完。最後感謝她的提醒，原來點的三樣食物已經吃得十分飽和滿足，再來一碗飯真的太多了。十分有良心的小店。

想食泰國菜，於是幫襯下小店。兩個人，叫左馬拉通菜，$58，泰式春卷，$48，青檸蒸魚，$128，泰式炒豬河，$68。通菜好有獲氣，好香。青檸魚，雖然唔係用青檸，用左檸檬，但都好好味，酸酸辣辣咁，條魚仲好大條添。條魚一直用火加熱住，食到尾都熱辣辣，令到條魚入晒味，正。至於個炒河，豬肉都唔少，香味都唔錯，但d河粉就薄左d，不過就好滑。反而最唔吸引係個春卷，入面d料係齋黎，主要係粉絲，加上佢配個汁係酸梅醬，如果配泰式辣醬會好食好多。小店唔使加一，埋單$302，幾抵食，不過只收現金。

我以前喺屯門華都住嗰陣，都好鐘意幫襯下D細鋪食肆，佢地通常都係家庭式生意，但係D出品好好食。今次去咗屯門市廣街，順便來華都揾野食，睇下以前D鋪仔變或點? 地下都有D集團式進駐，去到2樓，見到新開間泰國餐廳仔，係泰國人開，裏面見到泰王張相和泰國佛像，其實間鋪好細，最多係容納到十幾人，樓間一個泰國姐姐，廚房都係兩個炒鑊，一腳踢。我叫左個泰式海南雞飯，個海南雞係肥左D，多膏，但D肉好滑有雞味，羗蓉做得好幼細，食落有少少魚露鮮味，個泰式酸辣汁很正，又酸又辣，㸃雞超好味，飯都係食得過，餐只48蚊，有埋雞湯，個雞湯有芹菜和香料的味道，OK啦，另外配凍椰汁冰不用加$，椰汁冰好飲又清甜。老公叫左個泰式炒金邊粉，炒得好有鑊氣，個汁夠薄有茄汁味和魚露味，入面有蛋絲，肉粒和芽菜絲，食落香口夠乾身，少少汁，好開胃，炒得好巧手，配熱柚子蜜不用加$，40幾蚊泰式炒野，扺又好食，D鋪仔出品唔差。

天氣凍凍哋，最啱食啲有湯嘅嘢食，而冬蔭公豬頸肉湯河（$52）就係不二之選，食飽暖笠笠！湯底少辣，酸味比辣味重，愈食愈開胃！另外，湯粉有嚼口，唔會一夾就散。豬頸肉稍稍煎過，好香口，正！乾炒金邊粉（$50），普普通通，不過就比較油。最驚喜嘅係，入面有菜甫粒粒，估唔到增加到口感之餘，又幾夾噃！我仲追加咗份小食，香茅炸雞中翼兩隻（$13），一般般，唔夠脆。好彩入面唔鞋，好多肉汁！建議可以叫下其他小食！店舖面積唔算大，當炒嘢炒到有鑊氣嘅時候，會有啲煙霧瀰漫嘅感覺😂不過唔會維持好耐，放心！

先講講餐廳入面，入邊既店員唔算好多都係得1，2個，Service客人。環境一般，不過可能因為細店原因總係有種好地道好親切嘅泰國感覺。入面D牆壁貼滿 食物既相 ，本身肚餓中嘅我變得更加肚餓😂，不過我都係選擇左我最鍾意食嘅海南雞飯，但入面D店員提醒，叫我加雞髀因為家雞俾個餐好食啲，睇返Menu 都係加多$5 我梗係試吓啦，我想講既係店員真係冇介紹錯。佢啲海南雞飯雖然冇寫到無骨，但係佢碟飯完全接近係冇骨㗎 我一啖一啖咁食 超好食， 值得一提嘅係，一定要點佢特別製嘅汁黎食 甜甜地辣辣地好醒胃👍🏼臨走我用返泰國嘅 打招呼方式雙手合十同佢地講再見👍🏼呢間小餐廳真係好好希望佢可以越做越大👍🏼

男朋友喺屯門返工次次都會晏晝呢度食飯，今次佢就夜晚帶我嚟食。大約九點嚟到好彩依度仲未收舖，因為係小店所以只有幾張枱，同一兩個員工，佢地係泰國人黎，好有禮貌呢度嘅食物款式雖然唔係話好多但係夠哂地道，我哋叫咗半打串燒簡左雞同豬，因為係即叫即燒所以都需要時間等待。生蝦刺身夠哂大隻同凍，再加上個特製辣汁，食落好爽口好鮮。炸蝦餅係我每次嚟到泰國菜館都必叫嘅小食，依度啲蝦餅夠晒香口大件兼抵食，值得推薦炒金邊粉一上枱聞到已經知道夠晒鑊氣賣相又吸引，味道又好食，兩個人食份量剛剛好。如果你哋係住屯門真係要有機會黎依度試下

中午經過華都，諗唔到食咩好，見到間野有位就入左去試試啦。叫左兩個餐，第一個係48蚊已經有一碟大大碟既星洲咖喱雞排飯，雞排明顯有煎過，因為食到脆邊。最離譜係送凍飲呀。另外叫左個雞絲冬蔭公湯河，最過份係雞絲全部係雞件，一碗湯河出現左例牌雞既份量，不過呢，d雞件呢就有d鞋。但係湯底好夠味亦唔係特別咸，飲完都唔會話要特別飲多d水既感覺。兩個細食既人，其實叫一個麵加小食已經好飽。總括黎講值得推薦俾屯門街坊。

平時食連鎖店餐廳食得多，試下依間小店。同商場都有幾間唔同小店，依間係泰國菜。講得出小店，坐位都偏迫，大概30個位。一個女侍應加一個大廚，未知兩個是否夫婦。侍應都幾忙，又落單，又埋單，又洗碗，傳菜。濕炒肉片河師傅係廚房煮到呼呼聲，未食已經感覺到有鑊氣。分量足夠，料都算多，鑊氣當然十足。乾炒金邊粉相對粉分量少些，但料都多，酸味十足。不過我就覺得略嫌唔夠乾身。泰式春卷冇咩特別，13蚊一條，略嫌貴左少少。下次可以試下冬蔭公湯河。

緣食魔宮的新系列，專門介紹一些小店。屯門華都商場，坐落大型商場旁邊，當中當然有不小小店。泰旺，正是其中一間，店內連老闆只有兩個人，操流利泰語，正宗泰國人，泰國人煮泰國菜有一定保証。每款午餐連飲品，只需五十元左右，有多款泰式粉麵，咖哩飯等等，我和女朋友，選了乾炒金邊粉，及濕炒豬肉河，再加小食炸春卷。點完菜，等候的時候，聽到廚房發出洪！洪！的聲音，正是鑊氣充足的標誌，我對出品更有信心了。大約十分鐘，濕炒豬肉河先上場，豬肉勁淋，河粉入味，大大碟，好食！乾炒金邊粉，雖然較油，但香味十足，泰味強勁，當中有小量的蝦、芽菜等等。看似細碟，但很飽肚。春卷，12元，只有一條，咖哩味，餡料是木耳，芽菜等等，口感香脆。小店，價錢合理，味道不差，當然不要對環境有太高要求，乾淨就好。泰旺泰國餐廳 抵玩指數2+/3 人均消費$50-60地址: 屯門屯利街1號華都商場1樓61號舖 緣份天成，初心為本。以分享飲食為主。有興趣請follow我～緣食魔宮。抵玩指數最高為三星，所有不用自掏錢包或劣評者， 將不給予抵玩指數。

呢間野 如果你係外面經過你會發現好普通 但當你入到去食野 你會覺得物超所值首先個豬頸肉冬陰公湯粉 個湯底同其他既唔同 去過泰國都知 果邊係偏酸 呢到同樣 好開胃之後個咖哩豬飯 個咖哩係即刻抄岀黎比你 勁香最後叫左2款小食 普普通通最後野飲 個龍眼水好純 好清甜但個椰汁冰太甜重埋個服務有d扣分 因為得一個樓面

入到去先知呢間小店是泰國人開, 牆上有泰國的肖像, 電視播的是泰國節目, 他們供奉的是泰國的神, 好有泰國風情啊。叫左個海南雞飯, 先送上例湯, 應該係節爪涉湯, 清清地唔錯。海南雞飯剛好俾左雞脾位我地, 正! 雞好嫩好滑, 如果D 雞皮唔係咁肥就好了。有2款醬, 一款係中國人食開GE 蔥油, 另一隻係辣辣地GE泰式醬, 幾特別。呢度lunch 都幾經濟, 都是4,50蚊。會再來試其他。