泰星匯泰國菜

營業中

休息中

平時去開葵廣都係掃街，但今日想搵一間餐廳坐低食，所以就行出左葵廣，搵到呢間餐廳。我地入去餐廳既時候都未有好多人，但愈食就愈多人，係坐滿晒成間餐廳添！！呢個柚子沙律真係要讚一讚，首先佢真係好足料，除左有大量柚子之外，餐廳仲加入左D腰果、蝦米、洋蔥，腰果同蝦米令到呢個沙律多左口感，配埋個酸酸地既泰式汁，好醒胃！呢個泰式炒通菜，因為媽咪唔食得辣，所以叫左佢走辣，最欣賞佢唔會太咸太重口味，雖然話泰國野係會重口味D，但始終蔬菜都想清淡少少，所以呢道菜岩晒我地心意呢個芒果蟹肉炒飯碟頭都幾大，佢唔會用好多油去炒，而且芒果同蟹肉既數量都非常之多，令到呢碟飯食落好fresh，有驚喜！至於呢個鹽燒鰂魚，以呢條魚既size，係出面真係食唔到呢個價錢，抵食條魚燒得非常之香，因為係鹽燒，所以肉身帶點咸味，點埋個泰式醬汁，酸得黎又有少少辣，好有泰國菜既味道整體黎講呢間餐廳既性價比都幾高，價錢合理，份量夠大，味道唔錯！

行經葵芳運動場 附近信芳街 有一間泰星匯泰國菜 餐館， 是在 大街很容易揾到。餐廳內的裝修比較 平民化 ，但很受歡迎的是全日免收加一。我們入座後 order咗一碟 鹹魚茸 炒芥蘭$59。分量足夠， 會有鹹魚粒 ，加入紅椒 絲，味道鹹鹹地，帶 有少少微辣， 味道不錯， 芥蘭 也很新鮮嫩 綠。明爐烏頭一條 $145。 不爱食魚的，最怕魚腥味的，可能今次會爱 吃這條 烏頭 魚 。不但沒有魚腥味，還 帶點酸味 ，非常醒胃。朋友order咗一碗 泰式 無骨豬手米線$45， 豬手肉質 嫩滑 ， 濃縮湯底， 回味無窮。去泰式餐廳 食飯 必定不可少的， 是叫 個椰青。 可以生津解渴

位置於葵芳舊區，有一間泰國餐廳，叫人一試難忘!紅日去食個飯啫，唔駛咁丫。餐廳入面有個男嘅態度好差，啲語氣衰到一個點，唔識講“唔該"不但只，仲會“吱”啲客(意思係嫌你阻住佢)，又漏單(其實你冇通菜咪出聲囉，我一定體諒你嘅，不過你漏單好似漏到理所當然咁，態度係十分劣劣劣)炒金邊粉其實係油浸粉，又油又炒到過晒龍;個海南雞飯啲雞係我食過最鞋嘅海南雞。如非必要，真心唔再會去食。茶餐廳嘅服務同食物質素都應該好過佢多多聲。如果服務嗰項評分可以俾負分的話，我一定唔會俾一粒星。

這天放工後，我約了相識很久的老朋友在大窩口附近吃晚飯和打保齡球，經過朋友的推薦，我們便決定來到這間餐廳試一試，餐廳雖然比較小，但店內坐滿了人客，所以要花一些時間等位，證明食物的質素應該很高，印在門口食物的相片非常吸引，店內環境清潔衛生，亦有電視新聞直播生菜包($69)十分新鮮和爽口微彈的生菜，豬肉味道微酸而且富有水份，令人十分開胃，非常適合這炎炎的夏日食用，整體份量非常多，很有泰國的風味沙嗲串燒2串雞2串牛2串豬($87)即叫即燒的串燒有香稔軟嫩的雞，軟彈煙韌的牛，爽彈鮮美的豬，配上自家製的沙嗲醬，味道恰到好處，不會太甜，也不會太鹹，價錢合理炸蝦膠釀皮蛋球($42)用新鮮蝦肉打成的蝦餅，非常新鮮，在蝦餅上加上軟綿綿的皮蛋，配上甜酸醬，十分特別，十分創新，份量非常多，價錢非常合理馬拉盞炒通菜($59)爽口微彈的通菜，非常新鮮，馬拉盞的份量恰到好處，不會太鹹，非常抵食泰式豬手($72)豬手非常非常香稔軟嫩，酸上自家製酸中帶點甜的醬汁，份量非常非常多，非常非常抵食泰式炒金邊粉($66)清鮮甜美和爽口微彈的蝦，軟彈煙韌的金邊粉，份量非常多，價錢延合理椰汁沙冰($25)椰汁帶給我清新的感覺，很大

同老婆都好耐冇黎葵芳行街食野喇，今日過來行下街睇下有咩食先，行行見到有間泰國野，我地其實都好耐冇食泰國野喇，之後坐底試下先。【椰青沙冰】值得推介!!真係好特別，平時多數係一杯杯，唔會好似佢地咁係成個椰青上，兩個人飲的話都已經足夠，最重要D沙冰打得好幼細，原全唔覺有冰粒，喺咁炎炎夏日飲返個超滑既沙冰，超正!!【燒大鱔】值得推介!!係泰國菜館都見到有串燒大鱔，真係少見，鱔燒得非常香口又有蜜糖味，皮仲少少脆口，正。【炸芝士蝦丸】芝士味都好濃，正啊，只係個人對丸類無咩興趣，而且粒丸既比例同份量都岩岩好。【薑蔥蟹肉海鮮炒粉絲】值得推介!!粉絲炒得非常乾身，有好多材料，有蝦、魷魚、蟹肉等，粉絲乾身得來又夠香口又不會好鹹。真心正!!【馬拉盞炒通菜】值得推介!!馬拉盞通菜，好夠惹味！正！又不會過鹹，其他地方一係好鹹一係冇味，呢間係我食咁多之中最好食。【鹽燒鱸魚】燒魚就未見過咁大條，燒得岩岩好，魚肉非常嫩滑。整體上真係好好食，最重要係價錢不算好貴。

葵芳多數會想起掃街，不過今次小編就去左試食泰國菜!!!雖然地方係幾逼，不過真係坐滿晒人，同埋坐近門口都幾熱架！而且小編重見到有人獨食一碟生蝦!勁!餐廳都幾多套餐選擇，所以小編同朋友就選擇左：冬蔭公海鮮湯(小)無骨海南雞飯馬拉盞炒通菜($178)泰式鹹檸七($22)先要讚一讚個馬拉盞炒通菜，非常惹味，小編同朋友都食唔停口!! 而冬蔭公海鮮湯係一啲都唔小，每人至少有2碗!!入面重有2隻好大、有鮮味的蝦!!!冬蔭公偏向酸但唔辣，岩晒小編既口味XD 無骨海南雞飯，海南雞幾滑，但無咩特別~~ 泰式鹹檸七可以唔洗叫...快速路線:其實只要在葵涌廣場落天橋就可以好快去到餐廳架啦!!

這是第一次到訪這小店，大致感覺不差，但未至於「lam lam 俐」。 鮮魷牛腩牛根冬蔭公湯米線：整碗米線及餸均不錯，鬆軟度適中，唯該冬蔭公湯底濃度稍感不足，既不夠酸，也不夠辣； 豬紅牛柏葉竹生冬蔭公湯米線：據我太太表示，該米線較普通。 泰式生蝦：一客八十元，共六隻，價錢雖不算平，但SIZE不細，有清甜的口感，配合埋該店提供的醬汁，正！ 環境：該店的鋪位面積較細，座位較窄，而且其經常未有關門，在三十幾度的日子下，顯得冷氣略為不足夠。 

第一次黎，見佢夜晚都人山人海，地點方便，就一於試下。地方細細，估唔到好快就全場爆滿，但都要排下隊，黎試下有咩咁吸引到d街坊。等左20分鐘就有位，店員都好爽手，禮貌好好。雖然個個都好忙，但都好有禮，讚! 見到晚市有唔同既套餐，岩晒我呢d選擇困難既人， 最後嗌左個2人餐加少量小菜。店內仲有個電視播放泰國歌，雖然唔知佢唱乜，但等候上菜期間睇下就好好。落完order冇耐就好快就上菜，而且全部都冇漏單，咁忙都冇漏單，證明真係唔錯!

一心想黎試下呢間，好想食青木瓜絲沙律，同芒果糯米飯，點知下午時間無得食，已經夠失望😫😫，加上個店員坐係我隔離等我點餐，感覺上有點壓力同感覺不太滿意囉。最後點左個小食~馬拉盞炒通菜味道普通泰式海鮮炒金邊粉賣相都吾錯味道5星滿分都有4分價錢正常價吾算貴飲品選了凍檸蜜

因為好想食泰國野所以就試左呢間未入坐已經諗好左食咩到入坐已經叫左野食但竟然等左足足半個鐘有多味道好吃價錢合理知道餐廳人手唔夠侍應做得辛苦又攰所以都冇多抱怨傾住計仔咁等下次有充裕時間嘅時候有機會再幫襯試下其他野食因為味道真係唔差慢工出細貨👍🏼

自從搬到石陰住，經常落荃灣葵芳揾食，以前去葵芳只識新都會呀葵廣呀，現在就揾食揾到小巷後街，發現原來好多好野食，之前就吃過一間吃泰式車仔麵的很不錯，然後發現對面有另一分店，是吃泰國小菜的，今次就試下~椰青沙冰 $39椰青水打成沙冰，以椰青殼盛載，超級大杯，足夠二人分享，非常清甜解喝，必點推介冬陰公海鮮湯 $72(小)有分兩個size，我地四人點小的已足夠，湯頭酸酸辣辣，非常濃郁，鮮蝦大隻爽口，海鮮配料也不少，十分足料~燒大鱔 $59/2串外皮燒得香脆，入口爽滑肉厚，十分肥美，充滿油脂香~黃金咖哩炒肉蟹 $138這價錢可以吃到有膏的新鮮大肉蟹很超值呢，蟹多肉，肉嫩新鮮，咖哩汁微辣帶椰香，很下飯~後來追加一份薄餅配咖哩汁吃~炸芝士蝦丸 $49/2件比想像中大顆很多，每人半顆已十分飽肚，中間芝士流心的，芝士控一定喜歡友人的咸檸七，除了咸檸，也加了兩片青檸，更清新解膩，貼心之作

以往食開泰國菜都係喺九龍城食，有個朋友介紹話呢間又平又好食，於是就黎試吓啦！好近葵芳地鐵站，出咗閘之後一條直路行到尾，再過埋馬路入條小路就到啦佢對面嘅車仔麵同佢都係同一間黎嘅，可以喺嗰度食埋泰國嘢，入面都已經坐咗兩三台客，之後一路食都勁多人入嚟坐滿哂成間餐廳碳燒豬頸肉每一塊都切得好薄，佢嘅邊位烤得香脆，肉質同脂肪都好稔，稔到好似可以唔使咬直接吞，每一塊嘅水準都一樣，正👍🏿馬拉盞炒通菜每一條都炒得好入味，個汁味道好濃同埋都唔浠嘅，有淡淡的蒜蓉味，通菜亦都好新鮮，食完一啲都冇口渴，唔靠味精都咁好食👍🏿薑蔥蟹肉海鮮炒粉絲見幾個食評都有叫呢碟餸，佢嘅味道比上兩碟淡，但依然夠味，配有少少麻油味。粉絲條條分明，炒得爽口唔濕，份量好大碟。特別鍾意佢嘅蝦肉，係新鮮蝦肉，並非雪藏蝦肉，亦相信冇用化學野令佢變爽口👍🏿菠蘿海鮮炒飯有勁多菠蘿，另外有啲臘味粒同蔬果粒炒嘅，旁邊有啲肉鬆同腰果，入面仲有幾舊魷魚。飯粒分明，魷魚亦好爽口，啲配菜炒埋一齊味道豐富～燒大鱔鱔肉好厚身比足料，啖啖都爽口彈牙，有幾啖仲咬埋皮下脂膀，油香出晒嚟，撈飯食應該會超正🤤 外面亦都搽咗啲調味醬，另外配左泰式酸辣汁可以點，點完嚟食更加開

葵芳美食多，唔止葵涌廣場，連鄰近智訓芳街一帶都係搵食好地方，今次想介紹泰星匯呢間泰國餐廳可以用大件夾抵食形容，不論午市定夜晚都咁好味今日同朋友黎到食lunch，好彩早少少到，事關佢一到一點左右午市時間就好多人架喇。晚市可以叫多d(記得佢冬蔭同埋蝦醬粉飯公好好味）午市就每次都必點海南雞飯，因為健康關係，轉左白飯同埋雞胸，一樣無問題唔好以為雞胸就好孩口呀，一樣咁滑，仲啖啖肉tim ! 白飯分量都唔少，食飽飽真係好想抖一抖，哈哈。 朋友就柯打左個青咖哩，雖然就無試味，不過同枱都有其他人叫青咖哩雞，應該都唔差架。

走出九龍城，已有不少好食又地度嘅泰菜餐廳。但估唔到就連葵芳嘅街坊區都可以揾到cp值高嘅泰國餐---泰星匯。喺同一條街開左倆間鋪，一間做泰菜，而另一間就主打冬陰車仔麵，海南雞飯，但伙計整晚就將店內美食在倆店中穿梭，真令我聯想到水門大排檔嘅熱鬧。海鮮冬陰公湯，細size其實都夠四人用，湯味香濃，酸酸辣辣中帶住楓柑葉嘅香，係我中意嘅味泰北脆炸鱸魚生菜包，相當新奇，因為平時大多點生菜包肉碎，所以有新鮮感，將鱸魚起肉切粒炸至香脆，再拌入香茅，辣椒，大葱，菠蘿粒，腰果，層次感豐富，食前沾上酸汁，十分開胃燒大鱔也有驚喜，肉厚肥美，配埋秘製泰式辣醬就更覺惹味。特價推介黃金咖哩蟹每隻$138,個人認為咖哩汁過濃，食起黎有些許膩。薑葱蟹肉海鮮炒粉絲，味道係好好，海鮮有中蝦魷魚，唯獨唔太食到蟹肉三色冰個人推介椰青沙冰，份量十足，椰青味濃，$39咋，如果唔係太飽，真係想追加

我最鍾意食嘅其中一種菜式就係泰國菜，原來葵芳呢度都有泰國菜食，就係信芳街呢頭，之前都有同朋友食是過魚蛋粉。一嚟到呢度覺得好奇怪，原來呢度有分車仔麵同埋泰國菜，兩間店舖都係屬於佢哋，門裡裏面嘅擺設放有泰國特色嘅裝飾，從相片得知，原來呢度係由一對泰國夫婦主理。先叫咗我最愛吃嘅生蝦，海南雞飯同豬頸肉，另外呢度仲有泰式蠔仔煎蛋同埋 薑蔥海鮮蟹肉炒粉絲，我朋友口渴都叫咗個椰青飲。先黎個椰青，好鮮甜！佢唔算好大但係椰汁就好多。最後忍唔住拎埋佢啲椰肉出嚟食，好硬身同爽口呢。佢嘅生蝦擺喺冰上面，不過唔知係唔係熟冰，一開始有少少擔心佢唔夠衛生，六隻蝦都好大隻，而且啲蝦肉好厚，上面放咗蒜頭粒同埋辣椒粒粒，強烈的味道，可以辟走蝦本身嘅腥味。我最欣賞嘅係海南雞飯，呢度係價錢合宜，只係50幾蚊，但係就可以食咗一個高質素嘅海南雞飯，海南雞飯用嘅係油飯，唔似出邊嘅茶餐廳轉油飯要加錢！而且佢配埋冬瓜湯，可以解除口裏便嘅油膩感。飯粒分明，而且雞件白滑，非常好吃。仲有個豬頸肉都幾吸引，明顯睇得出佢花過心思，咁多塊豬頸肉都切成花紋形。配上特別嘅醬汁，甜甜的又能帶出豬頸肉本來的味道。最後原來仲有椰汁糕送，糕點食得出有椰肉在肉