泰星匯泰國菜

營業中

休息中

今日同屋企人去到葵芳食飯，葵涌廣場人來人往，要找一個位置，唔使等位，真的不容易，所以行多兩步，去到運動場附近。叫咗個炒蟹，咖喱炒蟹$138份量真係好大份，隻蟹好大隻，仲要好新鮮，全家人都食到舔舔脷就好好滿意。另外叫咗條燒魚，就算我唔鍾意食魚，我都覺得好味，一啲都唔鞋，仲要好大條。泰式串燒真係好味到爆，最緊要牛肉一啲都唔鞋，好似牛柳咁好食。晚市有甜品送，整體都好味，難怪而家除咗泰國菜，斜對面仲有佢嘅車仔麵分店啦。唯一缺點係，呢啲街坊小店，坐得會冇咁舒服，同埋有少少迫，不過嘢食好味都已經補番。

葵芳廣場出名喺購物及美食天地，不過每處都人頭湧湧，今次行過廣場對面搵嘢食，見到間泰國嘢餐館門前招牌吸引著，$138咖哩炒肉蟹，咁抵食就要入去幫襯下啦。咖哩炒肉蟹$138上枱時整碟蟹好澎湃，熱騰騰陣陣咖哩香味撲鼻，咖哩汁內有濃濃椰汁，個茨汁啱啱好辣辣香香，蟹肉肥大鮮甜，配白飯或蒜蓉包齊吃，惹味又滋味，大家都比個like佢。泰式炒雜菜 $65有介蘭，椰菜花，椰菜，香菇 及甘筍片，用泰式麵醬炒得好香，唔太鹹。香葉炒鵝腸$75呢款菜式喺泰式餐館少見， 鵝腸用雜菜一齊炒，炒得好香有鑊氣，鵝腸好爽， 冇異味，不過碟頭細咗，可能我鍾意食就覺得份量少。 鹽燒烏頭$115上枱時熱辣辣還冒堙，掰開魚身， 見到肚皮塞滿泰式香葉，香茅，檬檸葉，南薑等香草，令條魚冇晒腥味，烏頭魚燒得剛剛好，完全唔乾，魚新鮮有肉汁，點埋個特製嘅醬料，老公不喜歡食魚都大讚啖啖肉，滋味無窮。沙嗲串燒$87雞豬牛肉各二串，又是熱騰騰上碟，牛肉入口即溶 ，而豬肉串燒味道似义燒，雞肉就偏淡，點上沙嗲醬，味道立刻提升，幾款都好好味，最重要時即叫即燒。石榴沙冰味道酸酸甜甜 ，吃過辣嘢， 飲多兩口石榴沙冰，喉嚨都舒服曬及食埋老板送嘅甜品就好滿足

今晚心血來潮想食泰國菜但又唔想去九龍城咁遠，記得上次家姐提過葵芳有間不錯嘅泰國菜館，一於搭車過去試下先。餐廳地方不算太大，但地方乾淨企理。餐廳選擇多而且仲有套餐可以選擇，非常方便。我地叫咗款套餐再加其他小食，一於今晚大吃一餐。椰青沙冰第一次原個椰青沙冰，份量十足，味道清甜解渴，超正！無骨海南雞飯海南雞雞肉鮮嫩多汁，雞皮滑嘟嘟，沾上泰式醬汁，更添滋味，反而香茅油飯可以再濃味一點。冬陰公海鮮湯（小）湯頭酸辣味非常均勻，入口濃郁鮮味，鮮蝦爽口又彈牙，正！馬拉盞炒通菜馬拉盞咸香惹味，通菜鮮嫩甜美，好有鑊氣。燒大鱔外皮酥脆口感，咬落脆口，肉質爽嫩有彈性，味道鮮美，非常滋味，最後還忍唔住encore多2串炸芝士蝦丸蝦丸蝦膠鮮味又彈口，蝦味濃郁而中間半溶化嘅芝士餡料軟嫩香口，芝士配蝦膠，絕配呀！價錢又便宜，味道又好，堅抵讚！

餓到爆快速的點了兩項，沒有想到一天的最後--晚餐，竟然無法有個Happy End...點了什麼呢?香辣碎肉煎蛋飯- 呃嗯呃...如果這不是泰式餐廳，我覺得味道還可以，中式碎肉煎蛋飯嘛。但是如果保持著來吃泰式打拋豬的心點餐的話，絕對會心碎....完全沒不是那個味，而且太濕，口感不太好，但是是可以吃完的。叻沙雞絲米線 叻沙湯底夠味夠香好喝，喝下第一口，心想這個可以唷～但是！！！但是雞絲完全不是雞肉絲，像是把無骨海南雞不要的部分丟進湯裡，皮厚，皮下脂肪更厚，脂肪在湯裡漂，雞塊有難咬的筋、有骨頭、又大塊，就算把皮剝下來，仍無法下嚥，太heavy了，真的很想吐，濃厚的湯底跟油膩的雞肉加在一起，零食慾。而湯裡的幾塊豆卜有生味，咬一口就不吃了，總之吃了米線、喝了湯，OK...返屋企 我真的很喜歡泰式料理，所以這個經驗讓我很難受.....

想係香港食到泰國食物真係唔難，黎葵芳就得啦！最近，食左呢間泰星匯，非常有泰國風味，而且價錢又唔貴！見到餐牌就知道好多不同的選擇，有小菜有套餐！呢碟係豬頸肉飯，再加上特製燒汁，入口非常開胃！必飲！純天然，又大又多汁，仲好鮮甜架！份量一啲都唔少，仲有餐湯送！好好味嘅串燒，有雞牛羊俾食客揀！新鮮美味蔬菜，正！一啲都唔䝴，而且份量十足椰子焗飯，好出名，用新鮮原隻椰子🥥黎焗，面頭再加上一層椰汁、雜豆非常美味！

今日去左葵芳「泰星匯泰國菜」，係葵芳地鐵站出口行多5分鐘就到 好方便！晚上佢有唔同既套餐可以食，但我地想散叫試多些食物！我地叫左「明爐烏魚」，「生菜包」，「4串串燒」，「菠蘿海鮮炒飯」，飲料方面叫左椰青同埋芒果冰沙！「明爐烏魚」有一整條烏魚，上面鋪上了不同的佐料，有菇，肉碎，香料等！等上湯滾左後就食得，我地想入味少少就等多左一陣！ 肉質鮮美，入晒味道, 個底仲有好多椰菜可以食，感覺健康！「生菜包」叫左少辣，肉是半肥瘦既豬肉，用新鮮生菜包上熱辣辣既豬肉碎，肉汁爆滿！好好食！叫左少辣岩岩好！「串燒」叫左2串雞肉，1串豬肉，1串牛肉！旁邊加上左滿滿花生醬香既sauce! 澆上去之後，令感覺更加豐富！「菠蘿海鮮炒飯」最後上埋，入面有3隻大蝦，有魷魚，菠蘿，提子乾，青豆粒等等！旁邊仲有腰果同肉鬆！份量黎講好大碟，食到3碗飯有多!椰青好清甜，仲會貼心比埋個匙你，等你食埋d肉佢！芒果冰沙好好飲，唔會話太甜！

葵芳近日有美食嘉年華，便相約了朋友逛逛，行經 葵芳信芳街 發現 有間泰星匯泰國菜。因為朋友很喜歡食泰國菜，又剛巧是晚餐時候，所以便到泰星匯食吓泰國菜。餐廳內佈置簡單，光線充足，牆壁上掛上多款美味菜色，提供客人選擇。朋友安排了 泰式香辣椒鹽軟殼蟹 ， 烹制軟殼蟹的材料十分 豐富 ， 有香蒜，芹菜，红辣椒，烹調 軟殼蟹十分惹味， 和泰式椒鹽豆腐，外面炸到金黄色，皮脆香口， 豆腐 入口 嫩滑，送酒一流。還有海南無骨雞半隻， 雞肉嫩滑 ，感覺新鮮， 味道清甜 ，也是值得再來一食。飲品方面 ，在泰國餐廳 選擇飲品 ，首選的是 冰凍的椰青$ 33。椰青清甜多汁， 清熱解渴，還有龍眼冰$25凍飲也非常回味。

同朋友行開附近唔知食咩就唯有試吓呢間泰國菜啦..見當事人少少又唔使排隊，仲見到晚飯時間有甜品送呢間位於葵芳嘅泰國菜都唔錯㗎價錢比較平民相對於x都會嘅泰國菜黎講呢個肉鬆炒飯大大碟，啲臘腸甜甜地都幾盞鬼，而且好有鑊氣味，啲開心果都好香呢個生菜包份量就唔係話好大份，不過佢勝在夠辣同埋夠酸，生菜都夠食泰國嘢當然唔少得嘅就係蝦餅啦佢嘅蝦餅都OK，個粉唔係太厚，係熱辣辣炸出來的，所以食嘅時候要小心啲唔好太大啖呀！我就帶咗杯芒果沙冰不過就甜左少少，芒果味道較重嘅

之前收工喺呢間食過晚餐 覺得okay 今日就同同事嚟食吓lunch 見到價錢都唔算太貴 而選擇都幾多😗 一到lunch hour就好多人食 佢地晏晝租埋對面間打冷黎做午巿真係誇張🤭 我地坐喺正舖嘅 但環境都算逼 坐得唔太舒服😥 落左單之後 聽到店員話同其他客講可以有車仔麵揀添😮 不過就見唔到餐牌 可能要紙仔剔掛🤔我叫咗個香葉肉碎煎蛋飯配熱奶茶 我同事就要咗個泰式燒雞髀煎蛋飯配熱檸茶 上菜速度幾快 啱晒打工仔😂 香葉肉碎煎蛋飯嘅煎蛋幾脆邊嘅 不過幾冧油🤮 食落口有啲似飲左羹油入口 肉碎係幾惹味嘅 辣辣地 可惜肉碎肥膏較多😐 而雞髀肉都嫩嘅 但個汁有少少奇怪 又甜又鹹咁樣 可能係泰國風味掛😥 但真係麻麻地 雖然侍應態度 服務質素都Okay 但食物麻麻 得閒可以再俾多次機會佢嘅😥

呢日個個都有街出，得返我同老媽子兩個係屋企，我地索性就決定兩母子撐枱腳，係附近食返餐。呢間泰星匯就係葵涌運動場隔離，過條馬路就到。店內似有家庭式經營既感覺，四周牆上都掛住滿有泰國特色既畫。餐牌選擇都好多，另外仲有晚市套餐，實惠得黎又滿足有選擇困難症既我地。我地一共叫左套餐C再外加一道青芒果皮蛋沙律。先黎既二選一，我地揀左冬蔭公海鮮湯，黎到泰國餐廳點會唔叫最有泰國特色既冬蔭公湯？！湯呈鮮紅色，入面煮滿各種香葉，內有大鮮蝦同鮮魷等海鮮，食落先係濃郁既香葉味，然後係辣，最後才帶出酸味。青芒果皮蛋沙律。老媽子點名要食既一道菜，連我自己之前都未食過。作為一款泰式沙律，少不得既係佢甜甜酸酸既感覺。帶有青澀味既青芒果絲夾住皮蛋一齊食，清新得黎又有皮蛋既厚感。馬拉盞炒通菜。亦都係一道特登點比老媽子既一道菜，蒜香、乾蝦、辣椒等炒成一碟，唔會好辣，媽媽級數都食得到，十分惹味。肉碎生菜包。用生菜將滿滿既肉碎包住，再一次過擺入口，微辣既肉粒同清爽既生菜一齊食，令整道菜都唔會咁膩，可以不繼咁食。泰式炒金邊粉。主要既配料有大蝦、蛋絲、芽菜等。主要味道偏向酸酸甜甜，味道不俗而且份量十分之多，最後食到飽到上喉嚨仍然有

葵芳出名多小食 不過今次食既係一間隱世的泰國菜蟹肉粉絲好入味 用料充足又熱辣辣拼盤有蝦餅 魚餅 春卷等 可以一次過試唔同的炸物而通菜亦都炒得好入味直情好似去左泰國咁呀下次會再番來試其他菜式!

今晚約左朋友去葵芳廣場食泰菜，地點離葵芳廣場好近，一條天橋就到啦，店舖雖小，但裝修挺光亮整潔。我地二人肚餓關係，點左4款食物，其實有好多套餐選擇，方便懶惰點菜人士😂但我地左揀右揀之下，決定單點。小食方面，我地叫左炸蝦膠釀皮蛋球，一碟有8件，上碟時熱辣辣，咬落外表香脆，蝦膠彈牙，足足用上兩隻皮蛋，好食！黃金咖哩軟殼蟹黃咖哩唔算太辣，怕辣人士可以放心，調配醬汁有蛋花、三色椒、洋蔥等作配菜，食落香口，整碟軟殼蟹份量都好多，百拎蚊咁大碟好抵食👍🏻蔬菜方面，泰式炒椰菜苗，朋友怕太辣，所以我地點小辣，蒜香味夠，亦都夠入味。食泰菜一定會點泰式炒金邊粉，今次都唔例外😎份量充足、即叫即炒，有芽菜、蔥、仲有4大隻蝦！👍🏻食泰菜都一定要飲下冰，椰汁涼粉冰同鮮石榴沙冰，同樣份量多，食到有磨爛左既鮮石榴肉同核😃整體來講，價錢平，百拎蚊就食到蟹，同其他海鮮都係百拎蚊，好抵食，性價比高，最後每人二百都唔使，仲要坐足傾足三個鐘，好愉快的晚上😁

呢間泰菜其實開咗好多年, 成日路經門口都冇入嚟食過飯, 今晚終於即興入嚟食餐飯, 食店唔係好大, 故平日的晚飯時段基本上一定fulled。夏天食酸酸辣辣嘅泰菜好啱數,  2人晚餐百零二百, 仲免加一, 抵食!咁多款.....食乜好呢？原個椰青沙冰 ($39）夏日炎炎, 等朋友之際先來個椰青沙冰降降溫, 原個椰青起肉加椰青水制成沙冰, 清甜涼快, 仲可以慢慢飲, 食完餐飯仲有得飲, 唔係冰水, 係溶咗嘅椰青水 泰式拼盤 （$59）有蝦餅、春卷、泰式香茅魚肉, 拈泰式甜酸醬, 好開胃。最好味係呢件炸香草辣魚肉, 香草味好濃烈, 爽口彈牙, yummy。鹽燒烏頭 （$105）在鹽及烏頭魚皮保護下, 燒出嚟嘅烏頭肉富魚汁, 完全唔乾, 肉質實淨冇泥味, 拈2滴泰式檸檬酸辣薑溶吃, 生色不少。揭開肚皮, 塞滿泰式香草, 這是辟腥良方, 有香葉、香茅、檸檬葉、南薑等新鮮香草, 令燒出嚟嘅烏頭不單沒腥氣, 魚肉還帶淡淡的香草清香。無骨海南雞飯附蘿蔔雞湯（$58）蘿蔔雞湯超清甜, 蘿蔔耐火, 要煲好耐才能煲出蘿蔔嘅甜味, 呢個湯做得到, 好甜。海南雞走骨, 啖啖肉, 浸得剛剛熟, 雞肉好嫩滑, 雞皮有

呀媽鍾意食泰國野，所以佢生日就成家去食啦~ 舖頭細細地，環境雖然唔算好靚，但冷氣足，服務尚可。燒豬頸肉燒到好香，仲有焦焦地脆脆地既邊，又唔會太乾，咬落都有汁~juicy~切到厚薄適中，配上甜酸汁。馬拉盞炒通菜，好惹味，味道較濃，有d肉碎~份量適中。炭燒魷魚味道較淡，但有鮮味，配上酸辣醬，就岩岩好~質感唔會太硬，咬得開。香茅炸蝦好大舊，一口咬落去好滿足，炸到岩岩好，金黃色，裡面用整條香茅串住炸蝦，可以拎住食，好似食雞髀咁~芒絲炸魚(個名其實好靚但我唔記得左😂) 賣相無得彈，感覺好考功夫，可以炸得再酥脆d，有果仁加上甜甜酸酸既汁，好開胃~菠蘿肉鬆炒飯份量足，口感豐富，有脆口既腰果，有提子乾，有好fresh菠蘿。而且唔油，好食。雞肉沙嗲串燒，個醬好香，有花生，雞肉烤到脆脆地，但又唔會太乾~整體來講，e個價錢有e個質量既野食，幾抵，平日都會去食~

上星期二晚，放工之後去咗葵涌廣場行街。行街之後，好想吃泰國餐，所以到了在不遠的泰國餐廳。店內很多人，很熱鬧。店內氣氛很好，有地道街坊鄰居的感覺。菜單裏有很多不同的菜式，也有不少套餐。價錢也不貴。我們二個人很餓，所以叫了很多東西吃，總來說味道不錯。香葉肉碎煎蛋飯$63-肉碎炒很不錯，有特別的自家醬料炒，甜甜的，也有香草的香味，真的別有一番風味。青咖哩牛$75-本人覺得這個咖喱汁不錯，不太濃，因我喜歡比較清的青咖哩。馬拉盞炒通菜$59-有點辣，味道ok。炸蝦餅（細）$45-炸得彈牙。不錯。燒豬頸肉$68-豬頸肉也燒得香。泰式鹹檸七$22-鹹剛好，好飲。