泰潮 (新港中心)

營業中

休息中

之前係機場食過 咁啱今次我同朋友一齊行尖沙咀見到大食代又有泰潮 就建議朋友食呢間 叫咗份海南雞飯同肉碎飯 份海南雞啲皮爛晒咁 唔講以為係廚餘 斬到碎晒 餐牌寫係香葉肉碎飯 未叫之前我估係甲拋葉炒嘅因為我都去過泰國旅遊好多次但係炒出嚟好似怪怪地咁有浸好重嘅怪味 似草味 又唔係甲拋初頭仲好興奮 以為係甲拋飯炒到出嚟仲要好油 流晒出嚟仲有份木瓜沙律 呢樣比較可以啲配料好齊全 味道又唔係好辣雞翼都好多汁反而啲飲品唔係咁掂檸檬茶完全無茶味 得甜味同檸檬酸味而奶茶話係中式同泰式兩溝茶但係朋友話飲唔出 同埋多奶得滯茶餐廳仲好飲啲明明之前係機場啲質素好好點解宜家變到咁

響新港中心food court隔離本來淨係想食普通一個海南雞飯賣相唔錯 份量正常但食落雞肉質難又冇咩雞味油飯正常冇咩特別個湯超鹹飲唔哂加左客香茅雞翼小食唔難食但冇咩香茅味 普通炸雞翼咁整體黎講完全唔係聲稱嘅米芝蓮質素

態度簡直係垃圾中既垃圾 自稱女經理既員工已經無態度可言 話自己係經理 即管投訴wo本身好正常同佢order野食 但係態度已經開始好差 明明講過嘅嘢仲要一直反問 唔知係特登定係特登嘅呢？其次 買嘢食相指着俾佢睇 點知佢話雪櫃唔係俾你指㗎 直頭o嘴 喺網上Search佢哋嘅電話同埋email 完全投訴無門 電話打唔通 email send唔到 社交媒體網站 dm唔理 依間店請問咩事？如果佢真係經理 呢啲人都做到經理嘅話 相信呢間餐廳唔會好得去邊 客人嘅投訴完全唔會處理 甚至態度差到無人有 請問泰潮 究竟會唔會處理客人投訴？

同事約食飯於是揀咗呢間喺food court入面嘅泰國菜其實未食都知唔會太好食，而結果就係一食就知唔好食，相都唔想影又唔係話去到難食入唔到口，只係呢個中等價錢可以有其他更好選擇囉我食嗰個豬髀飯啲肉係太淋，爛曬，味道還可以但係個芡就真係唔得，因為根本唔係煮豬髀嘅汁有個同事食海南雞飯話ok，我有試另一個同事嘅辣肉碎炒飯，我覺得係咁多樣嘢當中最好食，不過唔食得辣嘅人就要小心，因為個炒飯本身有勁多指天椒，都幾辣下一定唔會再嚟

病了三星期，吃得清淡一點，今日點了個船麵。這船麵份量不錯，豬肉丸爽口彈牙，味道也不太淡，還有滿滿的肉碎，而那湯汁不油膩，味道濃厚，是牛骨湯風味，加埋香葉，和那滑滑的寬河粉，是輕怡又幾可口的午餐。奶茶是港式奶茶，口感幾ok, 是滑身不澀口，有濃厚的紅茶風味。

星期六約咗人响尖沙咀傾嘢，順便去行吓街。本身想去海港城食Dan Ryan, 但我見到食評一陣伏味，所以唔去啦！忽然有啲想食金邊粉，就近近哋行過去新港中心嘅Food Republic 附近間泰潮。第一次食泰潮，門口貼曬米芝連車軚人推介的貼紙。咁對餐廳水準期望會高啲啦！咁睇吓餐牌，金邊粉冇嘢飲賣成70蚊，算係Food Republic 內比較高的價錢，可惜質素不太成正比。成個餐都幾淡，冇咩味，只係好油。而且不夠乾身～ 整體上，係我食過的金邊粉裡面算係中下嘅味道！賣相倒算ok 嘅～

今日經過尖沙咀行街，諗住搵個地方坐低休息下同食個下午茶，行咗一個圈最後決定食呢間，叫咗個下午茶，等咗一陣，第一口食落去甜甜哋，以為自己feel錯左，第二、三口都係帶甜味，感覺味道有少少奇怪。

Lunch 時間來食飯，賣相都幾吸引，有個好靚嘅彈網，份量都幾大碟，配料豐富，蝦肉爽口彈牙，配上花生碎更有口感，再加啲檸檬汁，食到原汁原味嘅泰式Phai Tai 風味。

泰潮🧉📍 尖沙咀廣東道30號新港中心地庫大食代R2號舖❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚由於要食外賣既關係😮‍💨 ，今日試左呢間連續攞左9年米芝蓮既泰國菜館⏩泰潮。一去到呢間鋪， 梗係試佢地最出名既米芝蓮雞飯🍗 $65 ，下午就有個午市套餐，包括雞飯，冬瓜湯，同埋小青瓜。先講下食物質素啦😁， 個雞都算係滑既， 飯都滲入左雞油，都幾香。 而個冬瓜湯落左胡椒， 岩晒冬天飲👍🏻我反而最鐘意係個湯😂，小青瓜就一般般，冇咩特別。整體推介指數：❤️❤️❤️🤍🤍❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚

因為到科學園新開果間食但冇地方寫哩間食評所以先來這發表一吓，午市套餐跟單叫一樣，要加錢先有野飲，係咩玩法，重要加一，野食係ok既不過冇下次了88..............................

叫碟海南雞飯問你要多碟醬，你話一碟只係跟一個醬（語氣差），我都算，咁睇下係咪好食到要睇侍應面色啦，雞一般味道，啲飯完全不知所謂，前菜非常求其（隔夜青瓜），例水味精嘢！唔會有下次🙏🏼

貴，船麵勁碎，啲碎咗嘅啲粉雖然浸喺湯，但一啲都唔入味。船麵個亦唔夠濃啲芒果糯米飯要再軟啲先得，略硬及韌，唔好食。同埋啲椰汁得個甜字，冇椰香，唔好食。杯奶茶個味唔甜，有啲啲似溝淡咗。諗緊食唔食嘅話搵第二間好啲

適逢免費搭大部分公共交通工具，咁就由新界出市區行下。夜晚，度度都咁多人，又唔想食太貴，就入左新港諗住食Foodcourt。點知真係太多人，見到呢間入面有啲位又冇人等位，就同老公兩個入去啦。一諗住行入去，就俾門口點餐位小姐好大聲話"要買左嘢食先入座喎"。咁我同老公就出返黎，但老公已經有啲嬲，叫我入去坐住先，佢去買嘢食。咁我膽戰心驚咁好似偷嘢咁入去坐，又俾人喝住"小姐! 你買左嘢食未架?!" 我話我老公買緊呀。佢啤左我一下，好似奈我唔何咁由我坐低。然後一路坐，我都好驚又再有人黎鬧我… 好彩老公好返買完返黎 (想同返staff講，我地真係有買兩份嘢食，唔係黎呃你個位坐!!)講返食物，咁平心而論，食物係唔錯。可能係態度太差，到食返嘢時覺得有驚喜。米芝蓮海南雞飯，見到出餐不斷出，應該好出名，雞都唔錯，幾滑。但個湯定汁，超級鹹，但唔掂佢又冇乜所謂嘅。炒金邊粉，賣相好靚有個"蛋網"，心機嘢 份量夠，味道唔錯，係我鍾意嘅酸酸甜甜。咁Fair啲講，喺海港城同新港呢個area，呢個價錢呢個質素算好唔錯了 (唔駛加1，因為冇服務)。如果下次Foodcourt 都係冇位，我都會再考慮入黎嘅。

Lunch時間同朋友係尖沙咀搵食，Food Court就啱晒，因為唔洗就黎就去，大家都可以揀大家鍾意食嘅野😎我就心血來潮想食下泰國野，咁啱係到見到呢間泰潮擺左大大隻米芝蓮公仔係到，所以就決定試下佢地嘅雞飯🟡 米芝蓮雞飯 $60話晒都係攞獎嘅海南雞飯，所以期望都幾高😮‍💨點知一食啲飯係凍嘅，而且好硬，有啲好似未熟咁🤷🏾‍♂️ 好彩啲雞都算滑，加上蘸雞個醬汁幾好味，成件事未至於失望🟡 泰式船粉 $15明明落單個陣嗌金邊粉，點知黎到係河粉黎，不過唔想浪費就照食。湯底算係濃郁，而且15蚊黎講啲料都算幾足

本身諗住去食food court ,點知見到呢間米芝蓮泰國嘢，仲可以坐舖頭入邊，冇咁多人，所以我哋諗住試吓我哋叫咗一個豬髀飯加金邊粉，要自己出去拎野食既，好攪笑既係佢地隻碟係心形既我個人覺得豬髀飯既汁麻麻地，食到有啲頹，而金邊粉個樣都幾靚仔，不過都係一般，總括嚟講試一次已經夠了