泰灜

營業中

休息中

最近同朋友黎呢間泰國餐廳食生日飯6個人 樣樣都想食叫左招牌咖喱麵包軟殼蟹 小食拼盤 串燒 生蝦 燒雞 炸魚 叫咗好多野食！當日星期六 7點去到已經坐滿哂 見到有人等位好彩我哋一早book定 直接入得！叫完野食之後好快就上菜 出菜好快 成枱都係野食菜式有驚喜 生蝦會炸埋蝦頭比你食 正！小食拼盤竟然有埋生菜包 唔洗另外叫咖喱麵包軟殼蟹 賣相好正 味道甜甜地 小朋友都食到 麵包同軟殼蟹沾滿咖喱汁 好好味！串燒就不過不失 但個串燒汁好好食店員姐姐推介炸魚 我哋即管試一試 有驚喜！炸到好脆 好香口無介紹錯最後就係招牌既芒果糯米飯蛋糕 真係好靚呀我哋以為好飽會食唔落 但原來中間果層都係芒果 所以糯米飯唔會好多 最後6個人清哂 呢餐好滿足 下次會再黎

和家人過嚟食晚餐，預先留咗火焰雞同咖哩蟹，我哋13人點咗拼盤、柚子沙律同沙爹、兩疏菜，共十款式菜式，非常飽足，員工服務好，上菜速度快。甜品類珍多冰、芒果沙冰同芒果糯米蛋糕好好味有機會會再幫襯。

去佐敦搵食，見到個餐廳名以為係好地道嘅泰國菜，點知中伏。1. 炸蝦餅超鹹2. 海南雞，一見到就唔開胃，肉質很差，嚡口，醃味奇怪，比快餐店的更差3. 街邊燒牛肉是比較食得下，不過肉質都係差4. 濕炒豬肉河粉，本來應該最穩陣，點知豬肉又老，又有雪藏味，芥蘭又老又韌，食咗一半就放棄5. 珍多冰，咁普通嘅嘢都唔好飲用的食材都係劣質嘅，港式泰菜

位於佐敦的泰瀛平日都幾受上班一族歡迎，正值午市時間基本上是座無虛席。假期的下午來食午餐，這天比較少人返工所以餐廳仍然有很多座位。雖然是假期，餐廳仍然有供應午市套餐，讓客人們能夠有較經濟的選擇。餐牌上的選擇都頗多，飲品除了一般的咖啡茶，還可以享用龍眼冰或者青檸梳打，不需要另外加錢。鮮蝦炒金邊粉($65)的賣相都幾似樣，乾濕度適中，金邊粉條條分明。以我的口味，一般吃到的Pad Thai我都需要加入魚露去增加風味和提鮮，但這裡的食物對我來說鹹度已很足夠，可以不需另外再加入魚露，也就是食物味道偏重口味，而我則加入了一些白醋和少許辣椒粉去令這碟金邊粉更開胃。材料方面有三隻蝦仁，爽口但沒有甚麼味，其他都是雞蛋、芽菜等的基本材料。說是蝦頭膏海鮮炒河($68)，味道上不怎麼食得出有蝦頭膏味，感覺得到的是油份較多而已，餐廳也是用一些坊間可以買到的現成蝦頭膏醬去炒。河粉程薄身，吃起上來比一般厚身的河粉輕盈一點，但因味道不足我們需要自己加入魚露、白醋等調整一下味道。跟炒金邊粉一樣都是炒粉來說，這碟炒河裡的海鮮份量都有不少，例如有蝦仁、墨魚仔、帶子粒，份量不吝嗇，感覺好像比較抵，但是味道來說Pad Thai會

✨Thai-In火焰燒春雞（$228）原隻燒春雞，店員會現場加火特效讓食客打卡，同時成為全場觸目，雞肉保持到鮮嫩多汁，亦醃得入味✨麵包軟殼蟹（$198）5-6塊的軟殼蟹半浸住咖喱麵包，軟殼蟹保持到口感香脆，雖咖喱味道不太濃，但麵包吸收咖喱汁後仍然美味✨馬拉盞通菜（$78）經典的馬拉盞醬汁炒通菜，味道鮮香開胃，味道不會有太大出入，穩陣的菜式✨泰式蟹肉炒飯（$108）鋪上蟹肉的炒飯，看似平平無奇，卻出乎意料美味，炒飯味道香濃，米飯粒粒分明，口感Q彈，店員表示是當日大部分客人的必點菜式之一✨芒果糯米飯蛋糕（細）（$288）當初正是被這款蛋糕吸引，以芒果糯米飯砌成的蛋糕，中間還夾著一層芒果餡，糯米飯香甜軟糯，芒果甜度適中，加上擺設成花形，又靚又好食✨椰青（$48）大隻椰青清甜解渴，忍不住連椰肉一起吃掉✨芒果沙冰（$48）份量十足的芒果沙冰，使用新鮮的芒果製成，口感清新甜美由於生蝦、燒春雞和軟殼蟹都需要提前準備，店家會在當日早上聯絡客人確認訂位和食材，十分細心抵讚

和老婆在佐敦吃午飯, 本想吃牛屋的便宜扒飯, 但人太多而在大熱天時不想等候, 就到了隔離的泰𤅗吃泰式午餐. 它的午餐份量和選擇也相常充足, 要滿足而簡單地填飽肚子, 絕對可以. 我對於它用泰式辣醬炒成的粉麵飯類有好感, 酸中帶甜, 辣勁之後浸出, 炎炎夏日吃起來相當爽.它的炒河用的是河粉相當粗身, 與其說是河粉, 不如說是貴刁, 炒的時候汁醬平均沾在身上, 味道平衡而有點街頭醉貓炒河之風味. 河粉炒得比較細碎, 但由於本身相當粗身, 吃起來有點似粉皮的感覺. 炒飯飯身較濕, 沒有糊化但表現不如河粉出色, 有點失色.The lunch of Thai in is always a wise choice in Jordan due to nice price and big portion. The fried rice noodles are nice with the complicated sour, sweet and spicy taste from sauce and thick texture of rice noodles. It tastes like the drun

朋友生日又想食泰菜，就諗起泰灜🥳呢度個芒果糯米飯蛋糕打卡一流，即刻訂位留埋蛋糕。餐廳Staff熱情有禮，會介紹菜式，服務都好好。Staff推薦嘅芒果沙冰好正，濃濃芒果味，無假甜，消暑一流馬拉盞炒椰菜苗，好惹味！豬肉生菜包，唔多肥肉，少少辣。肉碎好多，每個生菜可以包到滿滿，唔怕食晒d肉碎得返生菜！咖喱軟殼蟹麵包，好多軟殼蟹，咖喱汁好濃郁，點麵包食一流！Phad Thai炒得岩岩好，唔會太濕或太乾，蝦份量都唔會好小，撈d沙糖同花生碎仲好食！係芒果糯米飯呀，勁靚，朋友見到好開心！滿滿嘅芒果，粒粒都甜架，糯米飯唔會太乾，微暖，加埋椰汁食，好似飛左去泰國咁！朋友好開心好滿意所有菜式，下次會黎試火焰雞，見到枱枱都有叫，好吸睛

朋友慶生飯揀大家都愛嘅泰菜😆😍😋一行7人，叫到放滿2張枱，好爽🤣🤣芒果沙冰都唔錯，不過略嫌啲冰唔夠細唔夠綿食左pad thai, 燒雞，燒豬頸肉，燒牛肉，小食拼盤，酸辣鳳爪，咖喱牛，蒜蓉包，雞串燒，冬蔭公湯，泰式生蝦，炒通菜，炒芥蘭燒牛肉好味，牛味重相比之下，豬頸肉遜色啲，冇咁惹味小食拼盤有蝦餅，雞棗，生菜包同春卷蝦餅同春卷炸得幾好，都好味冬蔭公可能太耐冇飲，好似好好飲咁🙈🙈其他就正常水準，冇咩特別，但唔係差最後再嚟個芒果糯米飯蛋糕🤣🤣擺盤幾靚😀😀好多好多好多芒果啖啖芒果，成口芒果，食得好爽🥸🥸

🍴泰灜Thai in📍佐敦吳松街141號地舖✨Thai-In火焰燒春雞 $228這道菜遠看容貌誘人燒得鶏肉入味嫩滑多汁😍✨傳統咖喱炒肉蟹 $498傳統的泰式咖喱炒肉蟹使用新鮮的蟹肉加上大量的香料香氣飄散😚✨惹味蒜蓉包 $38沾上泰式咖喱的調料美味過癮✨芒果沙冰 $48芒果沙冰口感滑溜芒果果肉爽口帶甜冰沙是綿密又細緻而且不會太甜膩非常適合消暑🥰✨珍多冰 $28珍多冰甜度剛好奶香味十足😝✨沙爹雞肉串燒 $98沙爹的程度剛好讓人一吃就停不下來愈吃愈有風味😋

✨招牌芒果糯米飯蛋糕老實講我是為了這個蛋糕而來的！真的沒有吃過這種特別的蛋糕！要提早2天跟店家預訂，有分大及細size，當然選大的才美😜芒果糯米飯溫度很夠熱，口感濕濕的，不會很硬，不錯。淋上香甜的椰汁非香口，面上有巨量新鮮芒果，鮮甜十足，酸酸甜甜的，超好吃。✨小食拼盤有雞翼，春卷，蝦餅等小食，幾個人分享剛剛好全部都炸得香脆，很夠熱。不過炸粉有一點厚，如果薄一點會更好。點配泰式辣醬酸甜開胃。✨沙爹雞肉串燒正常的水準，燒得夠熱，味道不錯。雞肉不會烤得太乾身，點上醬汁很開胃。

母親節飯局，5大3小，叫左13碟野食😂😂 樣樣都好好味😋 正👍 全部清晒😂 小食：鳳爪沙律，生蝦(蝦頭炸過，可成隻食👍)， 小食併盤(有生菜包)，豬肉串燒 (好惹味)，豬頸肉 (好淋好嫩)主菜：燒春雞 (超嫩滑，又有表演睇😂)，咖哩軟殼蟹麵包 (麵包超脆👍)，大蝦粉絲煲 (粉絲好味)，鐵板蠔餅 (好多蠔)，菠蘿炒飯 (原菠蘿上，腰果脆，多肉鬆)，馬拉盞通菜 甜品：芒果糯米飯蛋糕 👍👍 超多芒果，芒果甜，椰汁香，糯米軟仲有其他餸菜都想試，下次一定再黎食過😋😋😋😋

回香港約了好久無見朋友，朋友話食泰國嘢，我們網上book咗七點鐘，book嘅時候個apps注明食個半鐘。侍應殷勤地介紹菜式給我們。我們覺得她介紹啲菜比較貴。我們不理佢，照我們意思柯打。飲品，青檸梳打和芒果沙冰。青檸梳打酸甜適中，芒果沙冰賣相都幾靚，好濃烈芒果味。唔錯。炭燒豬頸肉，肉質砌得太過薄，冇口感，又唔平，唔抵食。再嚟一個小食拼盤，蝦餅粉太多冇乜蝦味，普通燒雞翼冇乜特別，反而春卷幾脆口。還叫咗一個木瓜沙律，冇乜特別只係辣啲。馬拉盞炒芥蘭，味道都唔錯幾爽口但係實在太細碟了。鐵板蠔餅，其實係蛋炒蠔仔，冇特別。侍應殷勤介紹甜品，我們點了一個泰式千層糕。多種味道有，蝶豆花味和奶茶味。蝶豆花味比較淡，奶茶味唔夠濃，反而普通椰汁味仲好。整體嚟講，侍應服務態度一流，但價格比較貴又限時，食物就一般啦。

今日本身想鋸排，係泰灜隔離間鋸排店門口睇緊餐牌，點知俾泰灜嘅靚女姐姐嘅口才吸引去食。入到去靚女姐姐介紹咗好多招牌菜，最後我同朋友食咗麵包咖哩軟殼蟹：咖哩有蟹膏味，多軟殼蟹，麵包沾咖哩真係好好食👍🏼酸辣椰汁雞湯（辣）：係想像中嘅味道，你睇落幾好味就幾好味👍🏼翟道翟豬肉串配糯米飯：真係好食，有咬口，好香，配埋個汁好夾👍🏼珍多冰：椰汁配班蘭條都好好飲👍🏼仲有多謝個甜品-泰式椰汁西米糕：少少鹹，好食👍🏼8-9/10👍🏼👍🏼環境乾淨👍🏼服務質素都好好，靚女姐姐都好nice👍🏼嘢食都好好食，無介紹錯👍🏼我個人第一次點評餐廳，唔係好識點介紹，但泰灜真係推薦大家去食👍🏼👍🏼一定會再幫襯😘

服務態度好親切友善，雖然餐廳已坐滿客，但出菜時間唔耐，可以講快。食物質素好，待應有講解某種菜式要點食法，又主動幫忙/協助。芒果蛋糕一出場，主角驚喜，大家都給予好評價。一枱六位，食得開心又滿意，價錢合宜，皆大歡喜。唔係第一次嚟食，但一次比一次好。Keep住呀！加油！

又係一年一度姊妹約我生日飯嘅時候喇，今次揀咗泰國菜，個地理位置都唔算難搵，我呢啲路痴都可以去到，今次真係飽到不得了，三個人嗌咗五個餸，先來個泰式生蝦，跟住再嚟個泰式豬肉生菜包，我唔係好食得辣嚟講覺得個生菜包有啲辣，不過好快我就適應咗啦，一啖生菜包一啖純芒果打嘅沙冰咩辣都唔記得啦！最想食嗰個麵包咖喱軟殼蟹嚟啦！雖然軟殼蟹冇乜特別，但嗰個麵包吸曬啲咖喱汁真係好好食啊！下次必定encore。見到隔籬枱隻火焰燒春雞，我哋又跟住嗌先，不過要等20至25分鐘喎！啲雞肉真係好嫩滑好juice，我呢啲牛魔王點可能唔食牛啊？？再嚟多個街邊燒牛肉，如果啲牛肉可以燒生啲就更加好啦！已經飽到不行了，鑒於係我好姊妹同我補足生日，點少得芒果糯米飯砌成嘅生日蛋糕啊！點都要俾面食🥳🥳，總括嚟講大滿足大滿足大滿足，下次一定會再去幫襯。