泰爸爸

營業中

休息中

今日難得返公司做嘢，公司喺奧海城附近，所以收工想去街食吓飯😁但遇着落雨，只可以喺附近商場食😆老公話想食泰國菜，所以初嘗泰爸爸！可惜今日落雨，所以坐唔到outdoor😭餐廳鋪面唔算大，但係啲職員都似泰國人而且好親切，好快睇啱就叫嘢食，由於太掛住泰國嘅海南雞。所以嗌咗海南雞🤤🤤滑滑的海南雞同埋泰式通菜👍跟住嗌咗個肉碎炒飯，辣辣地好野味同埋菠蘿沙冰已經飽飽好滿足👍👍兩個人都食唔晒😂職員問我地係咪唔岩口味🤣難得難得👍

難得平日放假去左旺角同大角咀行街行到下午茶時間搵野食Openrice search 到奧海城3期有間泰國菜價錢又唔貴 即刻決定去試下餐廳有落地玻璃 採自然光 令整體空間感大大提升室外都有座位 可惜落雨冇開到下午茶時間除左有tea menu仲可以食午市套餐同其他dish選擇多多決定叫飯麵再加小食share 食泰式海南雞飯$40本身以為下午茶份量會少啲上枱既時候比佢既份量嚇親😂完全係午餐既份量海南雞顏色好靚 雞肉嫩滑配埋sauce 非常好食黃薑飯好香 跟餐仲有湯 係冬瓜湯 飲落味道清甜 唔會過咸朋友要左生牛肉湯檬$40佢話天氣熱唔太想食得太heavy清淡一點既麵食就最適合不過牛肉嫩滑 食落去牛味香濃湯底都好清甜 檬粉掛起湯頭一齊食都非常不錯小食叫左3款最鐘意泰式小食既我 樣樣都好想試炸蝦餅$38蝦餅炸得香脆食落蝦肉爽口彈牙炸魚餅$35炸魚餅都好香口配甜酸醬食好正 又唔會油膩泰式鴛鴦串燒$48有豬同雞肉各2串2款肉都香嫩 食落有肉汁好juicy配上特色沙爹醬一齊食係地道既泰式風味飲品跟餐加$8就可以飲特飲我要左珍多冰好好飲 好足料朋友叫左三色冰佢都話好飲聽到隔離枱叫左啤酒同小食感覺好chil

奧海城三期一向都算多嘢食 今日行過就試咗間泰菜佢仲有室外可以坐 但係天氣好似有少少熱所以我哋就費事出汗燒豬頸肉撈檬😗 勁大碗 有成塊10豬頸肉 燒得好香 配菜都好多 花生碎乾蔥好香燒牛柳沙律❤️ 沙律係有青瓜芫荽蘿蔔香芹 撈埋個酸酸辣辣嘅醬汁真係好惹味 超級開胃 牛柳輕輕燒過 仲有好多舊添泰式檸檬汁明爐魚😀😀 我哋冇叫烏頭 叫咗鱸魚 貪啲肉實淨啲 條魚好大條 鋪滿青檸檸檬辣椒蒜頭洋蔥碎 撈埋魚肉一齊食好清新 估唔到咁好食❤️❤️好好食😋下次再食過！

今日同屋企人喺奧海城搵嘢食，我哋就揀咗感覺幾抵食嘅泰爸爸要出咗商場先可以搵到餐廳嘅入口室內同室外都可以坐，怕熱嘅我就揀返冷氣位午餐同下午茶餐嘅選擇都唔少屋企人叫嘅係午餐嘅濕炒海鮮河粉($62+1)，配料好豐富，河粉底嘅份量亦好多我叫嘅係下午茶嘅泰式海南雞飯($40+1)，海南雞都算嫰滑叫海南雞飯會跟個冬瓜雞湯我哋兩個都轉飲泰式特飲(加$8+1)，左邊係好fresh嘅青檸梳打，右邊就係龍眼冰我哋另外都叫咗啲幾實惠嘅午市小食，首先係呢個足料嘅招牌炸蝦餅($38+1)，點甜酸醬真係非常夾仲有炸得脆口嘅香茅炸雞中翼($30+1)最後係食泰國餐一定要食嘅飛天通菜($38+1)，辣辣地真係好過癮呢食咗咁多嘢都係呢個價錢真係好抵，啲食物質素都唔錯，係地道嘅泰國菜呢！

走進奧海城，究竟有什麼好食呢？找到了泰國菜的泰爸爸，這間泰國菜有戶外座位，感覺休閒舒適，不過，熱辣辣的天氣，還是坐室內的好，室內位置空間雖然比較細小，但防疫措施也做到足，令人安心。泰國菜有下午茶比較少見，但下午茶的價錢非常抵食，所以今日也叫多了一些食物：海南雞飯：雖然是下午茶，但份量相信與午餐時候應該相同吧，雞肉非常嫩滑，黃姜飯香口，此海南雞飯與其他泰國餐廳一樣配有餐湯，是冬瓜湯，下火，正！豬頸肉撈檬：豬頸肉燒得香口爽脆，撈檬的汁料清淡，食落口非常消暑清新。小食叫了炸蝦餅及青木瓜沙律，炸蝦餅香脆可口，木瓜沙律雖然有點辣，但配料豐富，木瓜絲清爽，作為餐前小食非常惹味。飯後甜品叫了芒果鴛鴦糯米飯，也是典型的泰國甜品，芒果非常非常清甜，糯米飯也煮得較「淋」，是非常好味的一個甜品。飲品則叫珍多冰及紅豆冰，很好，並不會太甜，感覺不會太肥或太邪惡🤣🤣！

今日去奧海城附近食晏時間想搵間平靚正嘢食吓發現一間泰國菜小店在奧海城三期呢度嘅午市定食 好食又抵食包一杯檸茶、檸水或熱咖啡轉特色飲品都得㗎 只係加$8汽水就加$3泰式海南雞飯 （$58）雞去骨 肉質嫩滑有雞味 又有juicy個湯好鮮甜又好夠熱個油飯新鮮好味豬頸肉湯粉 （$48）豬頸肉分量十足湯底無味精河粉夠滑餐飲夠晒喉 好大杯招牌炸蝦餅又脆又彈牙原個鮮椰青好大個 好甜芒果糯米飯芒果入口清甜清香應該係泰國水仙芒白糯米人口軟綿黑糯米有口感非常完美如果晚飯嚟呢度食好有氣氛㗎呢度設有戶外座位旁晚時分 配合滿佈掛燈裝飾邊食邊傾 靜靜地relax 吓係唔錯嘅選擇可惜今日落大雨影唔到多d相比大家睇

泰爸爸👻奧運站三期既一間泰菜奧運站行過去都算易搵除咗有室內之外室外都仲有唔少位擺位又夠鬆動唔會迫都幾好feel架😛.🔅鮮蝦炒金邊粉 HKD 88份量都幾多 黎到都有啲驚訝啲金邊粉炒得夠乾身唔會痴住其他好糊咁啲蝦食落都幾彈牙幾新鮮好食又夠大隻🔅碎肉生菜包 HKD 88係我最鍾意既生菜包去到食泰國菜必點既佢原本係中辣既因為朋友唔係好食得辣所以叫佢轉小辣出到黎真係少少辣only唔食辣既朋友都食到👍🏻啲生菜幾乾淨同新鮮夠爽口碎肉汁都偏多唔會太乾整體幾好食☺️🔅香芒軟殼蟹米紙卷 HKD 82一碟有六大舊入面都幾多料米條芒果軟殼蟹生菜紅蘿蔔配埋個泰式甜酸汁幾夾幾好食🔅芒果糯米飯 HKD 50最後叫多個甜品糯米飯佢有兩款米黑糯米同白糯米黑糯米有咬口啲白糯米就煙韌啲多啲口感配好甜既芒果作為一餐既完結very good🥰.整體黎講：高質泰菜 大份抵食😚.🎈 泰爸爸 (大角咀)大角咀海泓道1號奧海城三期地下G26號舖

雖然我碗<<雜錦湯粉>>嘅湯底冇乜味...不過$48咁多餸又好多粉~ 係抵嘅👏🏻唯有話佢太健康太清淡啦😅粉可以揀河粉/米線/檬粉/米粉/金邊粉!我揀咗金邊粉~ 算係偏粗厚嘅! 幾有口感!扎肉同魚蛋都彈牙👍🏻而且扎肉好重黑椒味~正😋蘿蔔同埋豬頸肉都好入味!! 係塊魚片爭咁啲🤨如果厚切啲就應該有嚼感啲嘞🤗同事食嘅<<菠蘿雞粒炒飯>>($62)好足料!!好多好甜嘅菠蘿！好多雞！好多提子乾！啲飯都炒得好乾爽~呢個唔錯! 加$8仲可以將普通咖啡茶轉做三色冰😍邪惡邪惡😂Lunch set 有成24款~下次可以試吓喇沙湯底會唔會濃味啲先🙃

咁啱去奧運嗰頭搵朋友，夜晚行過見到有間泰國餐廳好靚✨就入咗去醫肚，果然冇令人失望👍🏽餐廳有分室內同室外場，侍應好熱情咁招呼我地坐室外，室外掛滿咗裝飾燈💡好有情調，好啱情侶👫嚟食，而且有大風扇吹住，夏天都唔熱蟹肉芒果炒飯 $88同朋友兩個人嗌咗碟炒飯，炒飯好有鑊氣，加上蟹肉同埋鮮甜嘅芒果，口感豐富又清新😋😋芒果一啲都唔酸，味道濃郁👍🏽泰式拼盤 $138食泰國嘢少不免要嗌泰式拼盤，一盤入面有齊炸蝦餅、炸魚餅、春卷同串燒雞，配上泰式辣醬同沙嗲汁😋最值得一提係個沙嗲汁，沙嗲汁香料味重又唔辣，搭配串燒味道非常夾，停唔到口🤤🤤🤤其餘三款小食都好出色芒果沙冰 $30雖然冇一粒粒嘅芒果肉，但飲品清甜又味道香濃，飲得出係真材實料👍🏽總括嚟講餐廳食物質素唔錯，侍應態度有善，餐廳環境加分不少💯

難得放假約朋友食個泰茶下午茶！本身大家都好中意食泰國菜大家都好肚餓，先叫咗三樣小食有鳳爪，炸蝦餅，同埋我至愛嘅生菜包上菜時間好快，生菜包份量十足，勁多料又熱辣辣！個肉碎夠辣夠香口，係我鍾意食嘅味道炸蝦餅好脆好彈牙。鳳爪夠晒酸辣味，有多洋蔥好正，喺咁熱嘅天氣之下食真係好開胃！食完小食更加開胃所以我哋再加碼叫咗個冬陰功湯河，仲有豬頸肉撈檬。個冬陰功湯好正宗夠晒酸辣，令個河粉好入味！而豬頸肉撈檬係撈，有配一個酸汁，又係好開胃嘅一道菜飲品我哋叫咗珍多冰同埋泰式奶茶，個人好喜歡泰式奶茶嘅味道！總結下午茶好大件夾抵食，會再去！

冇得飛，好掛住泰國菜酸酸辣辣嘅味道,唯有四圍揾好嘢食,滿足一下心瘾！今次嚟到奥海城三期地下哩間泰爸爸。店鋪細細哋,但空間感大,仲可以透過落地大玻璃睇到街景,感覺好舒適！原來除咗呢間店鋪,仲有間位於荃灣楊屋道名~金屋泰國菜館~嘅姊妹鋪,下次係荃灣都可以食到！餐牌上有多款泰式地道菜選擇,今次我哋點咗酸辣鳳爪沙律蟹肉芒果炒飯芒果大菜糕椰汁千層糕🤩泰菜必食之選酸酸甜甜中帶有小辣嘅無骨鳳爪爽口入味,加埋紅艷車厘茄、紅椒絲、嫩綠生菜、芫茜、唐芹、橙黃甘筍、粉紫洋蔥…等配菜,顏色豐富,十分FRESH！一道勁開胃美味嘅夏日涼伴,令人食慾大增！🥙泰國芒果出晒名清甜味香濃,哩個蟹肉芒果炒飯，米飯炒得乾身粒粒分明,芒果粒味道甘甜芳香,蟹肉鮮，加入蛋絲同香蔥，啖啖清新滋味,口感豐富而不油膩,飽肚推薦！晶瑩通透嘅大菜糕裏面有好多芒果粒,入口冰涼爽滑,伴隨着芒果同椰汁香甜味，夏日消暑最佳甜品！食完一個透心涼甜品,再嚟一個口感軟糯。Q彈。和暖。吾粘牙,又充滿椰汁清香嘅椰汁千層糕,雙重大🈵足！露天座位好受歡迎,下次約多俩個朋友,坐喺Led燈下,嘆住泰國🍻,吹下水,咪話吾寫意呀！泰爸爸食物質素高,環境舒服。大部份服務員

呢幾日天氣都好熱，午飯嘅時候跟同事，希望可以喺商場，搵一間舒舒服服，又好味嘅泰式餐廳，就想起了泰爸爸。泰爸爸，午飯嘅時候，都有好多套餐選擇，既有飯類，又有粉面，而且性價比相當高，加埋嘢飲，平均都是50至70。 返工咁辛苦，食晏嘅時候，我哋就想試吓佢嘅招牌海鮮菠蘿炒飯，而其他的小食實在太多選擇，乾脆就來一個拼盤吧。呢度每一樣嘅食物，都給我好大嘅驚喜，就是每一樣上碟嘅時候都食熱騰騰的。拼盤中，春卷咬落爽脆，蝦餅煙韌有口感，串燒每人一條剛剛好，再加上魚餅；而菠蘿海鮮炒飯，一上枱熱騰騰的還冒煙呢，再加上兩杯龍眼冰，好一個午餐，真係令人大滿足！

平時放lunch經過泰爸爸都會見到好快已經坐滿人啦，證明真係好受歡迎😆 今次早咗放lunch就過嚟試吓啦，叫咗lunch Menu入面嘅兩個午市定食同兩款小食仲加左兩杯特飲😋-曼谷鮮蝦炒金邊粉 $62金邊粉份量十足好大碟，蝦肉份量都好足料。旁邊仲有花生粒可以令味道更惹味同口感更豐富🥜 金邊粉食落好有鑊氣，調味剛剛好，味道好正宗好有泰式風味，值得試試👍🏻-冬陰功海鮮湯粉 $58海鮮有大大隻青口、大蝦同魷魚，以呢個價錢來講真係好抵食。冬陰功湯底味道濃郁，味道亦都好正宗，又唔會太辣🌶-招牌炸蝦餅 $38蝦餅係熱辣辣炸起嘅，炸得香脆可口，唔會太油膩。蝦餅食得出好足料，蝦肉好彈牙幾鮮🦐-泰式鴛鴦串燒 $48串燒係豬肉同雞肉各兩串，配埋沙嗲醬汁可以點嚟食。串燒食落好juicy啖啖肉，肉質一啲都唔鞋，但個人比較鍾意雞肉因為食落真係非常嫩滑😍-青檸梳打午餐仲可以加$8轉特飲，見幾抵飲我地就叫咗兩杯青檸梳打。青檸味十足但味道又唔會太酸，飲落好開胃，推薦大家試下～

美味的一餐 無得去旅行 唯有選間泰國餐廳頂著先 食左當去左😅 餐廳已經開左一段時間 但仍然保持到水準 👍 今日好遲先食午餐 到晚上時仍然好飽 所以晚餐都只是點左3款食物已經足夠😬 我地點左個串燒6串 可以選2款肉 我地選左豬同雞 每款3條 個咖哩醬好野味 不辣仲甜甜哋 肉質可以 但如果可以再juicy 點會更好😋 仲點左個蒜蓉包 都是6件 個包好脆 淡淡的蒜蓉味 好有口感😋最後點左個鮮菠蘿海鮮炒飯 個面見到好多材料 有蝦 有青口 有肉鬆 有腰果 同魷魚 🦑 當然唔小得菠蘿🍍估唔到食到中間都仍有好多材料 唔似出面個些餐廳得個表面先有料 👍👍👍 又是推介之一！

5日復活節連假咁岩行過奧海城，諗住食個下午茶，見到佢呢間評價咁高就諗住試一試，點知伏到PK，去到個outdoor好似好chill，40蚊下午茶又幾平，但一入去啲waitress態度已經唔好，叫完野要等半個鐘先到，一黎到可以用’超級精品’下午茶黎形容，叫左個豬頸肉撈檬同豬頸肉飯，得4片豬頸肉，普通男仔起碼要食兩個，個豬頸肉飯啲飯又硬又凍，可能係咪尋日晚市食淨，一個字 - 伏嬲過嬲嬲返旺角食個燒賣皇后冇咁嬲