泰爸爸

營業中

休息中

🕖時段-星期二夜晚 6點幾去到唔多人 可以即時入坐 當日食到7點幾離座時都見有空位唔使排隊_▫️肉碎生菜包 $88比較濕 肥豬肉比較多 辣度溫和 味道唔錯_▫️泰式燒豬頸肉 $88豬頸肉外層微微焦香 咬落口香嫩多汁 配埋微辣嘅泰式醬汁 十分惹味🤤_▫️泰式煎蠔餅 $98蛋餅煎到好香脆 鑊氣十足 蠔仔份量都幾多 味道鮮美😋_▫️鮮蝦炒金邊粉 $88鮮蝦大隻又爽口🦐加埋花生碎撈埋一齊食 口感豐富 份量好大碟_▫️椰汁西米糕 $30入面有西米粒 粟米粒 甜度適中 幾好食👍🏻_▫️椰青$33▫️珍多冰 $30_🍽環境餐廳有室內室外 室內座位大概有八張枱 感覺舒適幾chill 侍應姐姐都好有禮貌 每一張枱都有紙巾供應 乾淨企理 不過坐咗最角落頭張枱間唔時有隻蚊🤭

👍🏻泰式煎蠔餅 $98鐵板渣渣聲上枱，記得一定要趁熱食！同潮州蠔餅唔同，表面微脆，內裏厚身有類似炒滑蛋嘅口感，感覺似蠔仔煎蛋咁😜蠔肉都幾多，大大粒幾肥美又冇腥味冇沙唔會成口粉團，不過都幾飽肚，兩個人食份量好多🤰🏻-👍🏻鮮蝦炒金邊粉 $88味道唔錯，甜甜地唔太酸，有啲食上癮嘅感覺😛汁量正常偏濕潤，可以炒得乾身啲同有鑊氣啲金邊粉夠煙韌，唔會痴埋一舊蝦仁肉質爽彈，其他配料份量唔少，除咗蛋花仲有炒香咗嘅蛋粒、芽菜同韭菜撈埋花生碎幾好食，大大碟份量多😙-👌🏻泰式燒豬頸肉 $88大大塊幾厚切，份量都算多表面燒得幾香，肉質爽口不過偏瘦，略嫌唔夠多油脂香，可以燒得再焦脆啲就仲正-👌🏻肉碎生菜包 $88肉碎偏肥多肥豬肉粒，濕潤多汁酸辣平均、溫和，香料味亦唔算好重，好易入口份量都唔少，足夠每塊生菜包到滿晒爆餡🤪不過個人口味比較鍾意炒得乾身香口嘅肉碎，會惹味啲-👍🏻椰汁西米糕 $30/4件椰汁糕下面係西米、芋頭粒同粟米粒甜度正常，凍凍地都幾好食，做飯後甜品都唔會太滯-👍🏻椰青 $33好抵飲！平時啲泰國餐廳椰青通常都要近$40個呢度$33真心抵，仲要一樣大大個，多水多肉😛👍🏻-整體味道比想像中唔錯，係奧海城想

自己一個人係奧海城 shopping完，行左去附近商場既地下外圍，原來都有好多特式餐廳。揀咗間泰國菜餐廳「泰爸爸」食個下午茶，呢間餐廳有室內同室外，都坐得好舒服。餐廳食物質素唔錯，性價正比仲好高，星期一至四外賣仲好抵食，幾十蚊就有交易，唔煮飯黎買外賣都好正!🔸泰式生蝦刺身$98生蝦刺身大大隻，鮮海蝦冰鎮過後，肉質更緊緻又充滿彈性，味道鮮甜有口感。點埋生蝦醬汁，酸酸辣辣，泰國風味十足！🔸芒果糯米飯芒果鮮甜又多汁，仲有紫糯米拼白色糯米。糯米飯熱辣辣，特別軟糯有口感，椰漿充滿椰汁香味，紫糯米又帶點斑蘭香，飯後黎一個做甜品一流。🔸龍眼冰 $30即叫即整，龍眼大大粒，好鮮甜， 感覺清新又唔會好甜。

呢間「泰爸爸」泰國菜成日都會幫襯，放假就會經常去，佢地既泰菜真係好抵食，所以食飯時間都經常滿座。餐廳已經開左一段時間，但仍然保持到水準。餐廳仲有露天嘅位置，夜晚同朋友坐低飲吓嘢食吓嘢真係幾chill!🌟鮮菠蘿海鮮炒飯 $98鮮菠蘿海鮮炒飯，賣相好靚，仲份量十足! 原隻鮮菠蘿上枱，有好多配料，有蝦，青口，肉鬆，腰果，魷魚，當然唔少得菠蘿。特別鍾意一路食一路有粒粒清甜菠蘿，全部海鮮又大隻又新鮮，必食!🌟泰式拼盤 $138拼盤既小食有4款，各款有2件，可以同朋友share每款都試下。有串燒雞，春卷，蝦餅，魚餅。串燒雞都幾大串，雞肉好有肉汁，點埋個帶椰香味的串燒醬非常好食。炸蝦餅好香口，蝦肉新鮮彈牙，一D都唔覺得油膩。泰式炸魚餅都好香口，有香茅味道。春卷好特別，裡面有各類蔬菜絲，炸得黎又幾健康。仲有沙嗲醬同埋甜辣醬可以點，更加惹味!🌟椰汁三色冰 $30食泰菜點少得一杯三色冰。平時飲既三色冰都係條狀，呢杯係粒狀好特別，煙煙韌韌，椰汁好香又唔會太甜，加咗朵花，杯椰汁三色冰即刻更加有泰國風味。📍泰爸爸 (大角咀)大角咀海泓道1號奧海城三期地下G26號舖

最近同朋友試左間性價比高既泰國菜，味道同價錢我地都滿意😋❤️❤️❤️首先講下泰式拼盤，佢既擺盤賣相吸引😍，拼盤包含食物種類都幾多，有蝦餅、炸肉餅、燒雞肉串、春卷，而且份量都唔少，配埋泰式甜辣醬同埋沙嗲醬一齊食，味道都唔錯，值得推介😋泰式煎蠔餅係大大塊蠔餅連埋鐵板一齊上，賣相十分吸引，而且用料十足，蠔餅夠厚身，煎到夠香脆，配埋泰式辣醬，相當滋味，不妨一試😝燒豬頸肉生菜包沙律估唔到有驚喜，燒豬頸肉燒到夠曬香口，配料都幾豐富，有洋蔥、青瓜、生菜，另外泰式酸辣醬都幾正宗，夠辣，用生菜包住黎食相當滋味，鍾意正宗泰國菜嘅朋友就不能錯過啦🥰鮮蝦炒金邊粉炒都夠乾身，幾有鍋氣，蝦肉幾大隻而且都幾新鮮😋，食落味道都唔錯，而且份量都唔少菠蘿海鮮炒飯賣相都幾吸引，金黃色嘅炒飯加上豐富嘅配料，包括魷魚、鮮蝦、腰果、提子乾、菠蘿、肉鬆等等，食落都幾香口，份量夠大☺️原個鮮椰青椰青都幾大個，味道純正，椰子肉食落都幾嫩滑，啱曬用黎解下滯，而且以哩個價錢黎講性價比相當高😍

早排同屋企人黎奧海城行下，發現三期呢邊有間價錢望落既合理既泰國菜餐廳，呀媽話想試下，就聽佢話入去試試啦；食完覺得性價比幾高，決定介紹比大家😙◦ 泰式拼盤 ($138)呢個拼盤每份食物都係四人份，一家人黎食岩岩好；當中有蝦餅、炸肉餅、燒雞肉串、春卷，點埋泰式甜辣醬/沙嗲醬一齊食，味道都唔錯，值得推介😋當中幾滿意既係好香脆既春卷同埋彈牙既蝦餅😍唯獨有個扣分位係雞肉串燒唔夠熱🔥◦ 泰式煎蠔餅 ($98)我同屋企人都幾滿意呢份蠔餅，首先連鐵板上就夠曬熱，而且蠔仔既份量都幾多，同時食落唔會好油膩之如都做到好香脆，配埋辣醬真係幾過癮😋◦ 燒豬頸肉生菜包沙律 ($88)呢份真係幾有泰式風情，用生菜包住豬頸肉，再加埋洋蔥、青瓜、蕃茄仔同埋秘製醬汁，酸酸辣辣咁真係好開胃！我地幾個都表示好滿意呢道菜😙◦ 鮮蝦炒金邊粉 ($88)呢份金邊粉份量幾大，上面有蝦🦐、花生等；食落甜甜地唔會好辣，不過我個人覺得如果可以炒得再乾身D就更完美😝◦ 菠蘿海鮮炒飯 ($98)呢份炒飯同樣份量好大，用個菠蘿🍍裝住份炒飯真係特別有胃口🤤材料豐富包括魷魚、鮮蝦、腰果、提子乾、菠蘿、肉鬆等等；同金邊粉一樣，如果D飯可以再炒得乾身就

走入奧海城想起泰式海南雞飯，就走到城外圍的店舖，今日太旺場了，室內坐滿了人，好吧！大風扇在旁，坐在扇旁ok。 店員細心用熱水杯內放下食具，感覺真體貼，不急問要什麼，讓三心兩意的人，可以慢慢選。 木瓜沙律：真心肚饑，一放下，大家三兩吓清了，照片也拍不到。 自家的海南雞飯，可以慢慢拍了，雞肉真嫩滑，加上醬汁內的姜蓉yummy，仲有青瓜，菜芯，真估佢唔到。黃飯口感不油膩，又清了。🤣！開心有嗰冬瓜排骨湯劃上完美句號。差點忘了凍O水，不用加2蚊。貼心，又加分。 下次可以試豬手飯。

位於大角咀奧海城三期< 𝓟𝓱𝓪𝓽 𝓟𝓪𝓹𝓪 >, 一間優閒泰國菜餐廳, 設有室內及室外, 亦有多款茶式選擇, 而且性價比高。ᵀʰᵃⁱ ᴾˡᵃᵗᵗᵉʳ $¹³⁸泰式拼盤非常豐富, 包括炸蝦餅、炸魚餅、春卷及串燒雞, 每款各有兩件, 整體味道相當惹味。ᵀʰᵃⁱ ᴿᵃʷ ˢʰʳⁱᵐᵖ ˢᵃˢʰⁱᵐⁱ $¹⁰⁸/⁸ ᵖᶜ泰式生蝦刺身, 味道清新, 肉質爽口彈牙, 面層放有蒜頭及辣椒, 再點上醬汁更好吃。ᶠʳⁱᵉᵈ ᴿⁱᶜᵉ ᴺᵒᵒᵈˡᵉ ʷⁱᵗʰ ˢʰʳⁱᵐᵖ $⁸⁸鮮蝦炒金邊粉, 帶點蕃茄香味, 加入花生碎、芽菜及大蔥, 再配有三隻彈牙大蝦, 很香口呢。ᵀʳⁱ ᶜᵒˡᵒʳ ᴶᵉˡˡʸ ⁱⁿ ᶜᵒᶜᵒⁿᵘᵗ ᴹⁱˡᵏ $³⁰三色冰馬蹄煙韌, 爽脆口感。ᶜᵉⁿᵈᵒˡ $³⁰珍多冰粉條爽滑, 椰漿香甜。泰爸爸📍大角咀海泓道1號奧海城三期地下G26號舖

去奧海城成日都食大型連鎖店，今次就比我搵到呢間泰菜小店，室內室外嘅裝修都幾chill，就約左幾個朋友黎聚下舊😌泰 式 拼 盤 ($138)拼盤有春卷、沙嗲雞串、炸蝦餅、炸魚餅香、脆、彈牙樣樣都有齊😋最驚喜係拼盤有埋沙嗲串燒雞，點落沙嗲醬好惹味👍🏻碎 肉 生 菜 包 ($88)肥瘦適中嘅豬肉碎香口Juicy，小辣嘅程度亦啱哂唔食辣嘅人士🌶值得一讚嘅係佢地嘅生菜大小平均，一隻手拎住兩啖放入口👍🏻冬 蔭 功 海 鮮 湯 河 ($72)冬蔭功唔會太辣，椰奶味較重，海鮮份量慷慨，係抵食之選👍🏻鮮 蝦 炒 金 邊 粉 ($88)Pad Thai 炒得濕度剛剛好😬甜酸味balance，鮮蝦亦大隻爽口🦐椰 青($33)椰青水冰凍清甜，椰肉香甜一刮就食到，爽👍🏻👍🏻👍🏻芒 果 糯 米 飯 ($50)暖笠笠嘅糯米飯口感軟糯，表面淋上椰汁更加能吊出左米香。芒果亦香甜juicy，係一個完美嘅飯後甜品呀😆

泰爸爸🇹🇭唔講唔知原來奧海城3期地下外圍仲有幾間餐廳，可惜今日落雨無得坐室外入面環境都算舒適，牆上配有幾件裝飾同泰國風情畫點綴三個人嘅晚餐叫左好幾樣野，可以樣樣都試下🤭泰式拼盤 ($138)有春卷、沙嗲雞串、炸蝦餅、炸魚餅香脆彈牙都有齊，特別中意串燒雞食落夠嫩滑，沙嗲汁亦惹味泰式生蝦刺身 ($98)生蝦正常發揮，食落都爽口😌碎肉生菜包 ($88)食落juicy ，只係個人覺得辣左啲，朋友仲特別讚佢生菜嘅大小適中，唔會太大太細😜冬蔭功海鮮湯河 ($72)抵食之選，又有冬蔭功又有河粉，海鮮料都唔少🤓冬蔭功唔太辣，椰奶味較重，岩哂我呢啲唔食得太辣嘅🤭青木瓜沙律 ($72)味道相對較淡，食完油膩野refresh 下都幾好鮮蝦炒金邊粉 ($88)炒金邊粉都唔易整，今次就剛剛好唔好太濕唔會太乾，甜味鹹味都平衡得幾好😌芒果糯米飯 ($50)用上白糯米同紫糯米，2種一齊食令口感更豐富椰青($33)椰青水清甜，肉亦好易刮出黎，爽😎

附近的上班族或者居民，於奧海城除了Food Court外，於三期地下的這間泰國餐廳，也有價廉物美的美食，午市定食低至$52，跟附基本的飲料。海南雞湯粉 - $52 油亮黃澄的海南雞雞皮好柔軟，雪白的雞肉好滑嫩順口，份量也頗多。白蘿蔔吸飽湯底的牛骨香；麵底可選河粉、米線、檬粉、米粉或金邊粉，選了金邊粉，類似河粉，但較幼身質感較堅韌。 魚旦湯粉 - $52 有白魚旦和魚片頭，魚鮮味濃郁，入口彈力十足。沙嗲串燒豬肉&牛肉 - $88/6串 有豬、牛及雞三種，可以雙拼。即叫即燒的，每一口也是肉，入口幾軟腍，那另上的沙嗲醬汁很濃稠，更加上粒粒花生碎更惹味。 芒果糯米飯 - $50 新鮮的芒果肉鮮甜又多汁，多得滿瀉的椰漿十分邪惡，軟糯的糯米有紫色和白色兩種，紫色的有點斑蘭香。 椰汁冰 +$10 充滿清甜的椰子香和奶香。 泰式凍咖啡 +$10 加入煉奶和奶水，奶味更重更香更滑，味道會有少少甜。 

好食~正正泰式,性價比高收工做完強檢,近近地係附近食飯,泰爸爸之前都食過好幾次,感覺唔錯,今次試下D未食過泰式拼盤 例牌好食芒果飯,重點係芒果好諗,加埋啲飯一齊食好新鮮肉碎炒飯,走辣,本身辣的,都好好食野飲飲至椰青

我叫咗個海南雞湯檬粉，不過不失，假日無下午茶，變咗食午餐，仲要收加一服務費。。。到比錢既時間，個店員竟然話，公司policy 唔夠200蚊無得比Alipay！ ☹️

明爐烏頭啖啖肉又唔肥，真的很正呢！另外個菜好新鮮又爽口，加上兩道菜都配偶不同款的菇和醬汁，味道正宗。唯一美中不足係燒鮮魷，燒完好細條，圖文不符，珍多冰唔會太甜！多謝你成日帶我食好西！

而家搬咗黎大角咀住，住落覺得好便利，基本上好多野食呢一區都有，收工想食下泰菜，一出地鐵站，行幾步路就搵到呢間，就係奧海城三期地下，我係地鐵站一出經過奧海城地下既m記，出去一過馬路就可以見到奧海城三期，沿住路邊有幾間餐廳，向住果邊行就可以搵到。可揀室內或室外坐。札肉撈檬粉札肉大概有4塊，而魚露甜酸汁唔係好辣，面頭有花生碎、炸乾蔥、生菜同紅蘿蔔絲，撈完食落無比平時食既濃味，比較涼浸浸同清爽。冬蔭公海鮮湯河 入面大約有2-3隻大頭蝦、2隻青口同埋墨魚，而呢個湯亦都唔會太酸或太辣，椰奶味比較重，比較適合香港人口味。泰式串燒 （3串豬肉 3串牛肉）串燒被燒至有點焦香，肉質嫩滑，唔會燒到肉質鞋曬，串燒跟沙嗲永遠是絕配，點一點沙嗲，食起身更香口。個人覺得串燒牛肉會更惹味啲