影片
港鐵荃灣站 A3 出口, 步行約11分鐘
繼續閱讀
電話號碼
57282626
開飯介紹
由泰籍廚師主理，選用泰國空運進口食材，開業至今屢獲好評，亦多次有電視邀請拍攝飲食節目。餐廳設有上下兩層，一樓提供吧檯座位，二樓則是以長枱及圓枱為主，適合多人聚會。裝潢糅合工業風和民族風格，打卡一流。
繼續閱讀
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
*最後下單時間：22:15
以上資料只供參考, 請與餐廳確認詳情
有關獎賞計劃
相關文章
📍 泰玖之前見ViuTV節目「準時開飯」曾經介紹過！餐廳有兩層，裝修行工業風😍今次坐下層bar枱！💡真係泰國廚師！佢有個notice係話要備註寫泰文/英文—————————————————————❣️ 泰玖招牌蟹肉煎蛋捲 $138果然係招牌！煎得熱辣辣嘅蛋卷，用左日本蛋，蛋味超香，包住超多嘅蟹肉，面頭再加上蟹柳碎同蟹籽，中間仲有啲好有咬口嘅綠色嘢，口感好好！.❣️ 泰式串燒（雞/牛/豬各一串） $65串燒一份有三串，有晒雞、牛、豬，啱晒兩個人share，沙嗲醬都好惹味！雞好味！.❣️ 大頭蝦炒金邊粉 $138份量好大！大頭蝦很鮮嫩彈牙，外層裹着的炸粉令蝦炸得很鬆脆，連蝦殼都食得！好有鑊氣，金邊粉都均勻有汁，甜甜酸酸，熱辣辣，好味！有蔥、花生碎、芽菜、芝麻和芫荽等，好有層次！.❣️ 自家製泰式奶茶 $30記得要攪勻先飲，濃厚奶茶係泰奶！.❣️ 蜜桃茶（熱） $38超香！蜜桃味好濃但又唔會甜，最正係可以添飲！—————————————————————不專業評分👅好味指數: 7.5/10 💰性價比: 7/10👍🏻推薦: 7/10 —————————————————————🏡地址: 泰玖 (荃灣)荃灣曹公坊5號地舖🕑營業時間: 12:00-22:00 （4-6落場）—————————————————————
繼續閱讀
金不換炒豬肉河粉(辣） 這款跟泰式不同的是，所用香葉不同而且會辣一點。河粉跟我們平時泰式河粉不同，寬身透明而且好煙軔！喜歡煙軔口感朋友必點！！！豬肉份量好多，食極仲有！除了豬肉，還有許多配菜，燈籠椒、秀珍菇、粟米條、洋葱等，炒得惹味，而且乾身，我對個煙軔念念不忘炒河粉可以覆桌，但我會試其他肉類。份量超級大，CP值高！泰式鳳爪沙律鳳爪份量超多！！沙律配有不同蔬菜，如青瓜絲、沙葱絲、夢白絲、芹菜等、呢個辣個好過癮🤤而且夠凍！呢個沙律可以encore!泰式串燒(豬、牛、雞各一)由於不食牛，改了兩豬一雞串燒熱辣辣，不用點醬料都夠惹味雞肉略比豬肉優勝！泰國羽葉金合歡煎蛋這菜式是餐廳推介之一，煎蛋份量比一般餐廳double，中間夾著的菜亦是滿滿的，有住家菜煎蛋的味道！總括來說，呢個餐廳食物份量超級大，CP值高！抵食夾大件，而且食物的定價貼地，晚餐時間看見幾乎滿座！可以覆桌！
繼續閱讀
之前來過泰玖吃泰國菜，一直念念不忘它的傳統風味泰菜。今天和住在荃灣的朋友再來吃一次。今晚客人頗多，因為餐廳樓底極高，所以空間感充足，讓人不覺有侷促之感。我們點了：大頭蝦炒金邊粉份量很多！大頭蝦很鮮嫩彈牙，外層裹着的炸粉令蝦炸得很鬆脆，連蝦殼也可以吃！搭配金邊粉，口感滑順。還有香氣四溢的青蔥、花生碎、芽菜、芝麻和芫荽等，為整道菜增添層次感。炒粉的火候掌握恰到好處，每一絲金邊粉都均勻裹上了濃郁的醬汁，甜甜酸酸的，熱騰騰的，非常好吃。泰式蟹肉炒飯份量十足！好大的鍋飯！飯炒得很乾身，蟹肉新鮮且甜美，上面配上一隻煎得很脆邊的蛋，還有一粒粒蟹籽。飯裏有很多蟹肉，還有一絲絲蟹柳，口感爽甜。泰式調味讓這炒飯散發出獨特的香氣，搭配米飯的粒粒分明，每一口都是美味的享受。龍眼冰和青檸梳打消暑清爽，冰涼的龍眼配上香甜的糖漿，口感滑順且不膩，讓人一口接一口。青檸梳打則清新爽口，非常適合與泰菜搭配。檸檬的酸味很適度，梳打水的氣泡感令人覺得很清新開胃。泰式蠔仔煎蛋蠔仔很大隻新鮮，蛋煎得很香口爽滑，配搭着秘製的泰式辣椒醬，提升了泰式風味，也增添了濃厚的口感層次。而且份量十足，一大碟熱騰騰的，令人吃後大滿足。這間泰菜CP值極高，食物抵食夾大件，食物的定價貼地，原來亦有做午市套餐，下次可以中午來吃！絕對值得回訪！
繼續閱讀
#跟住我食唔中伏 #香港真好食餐廳 早幾日我約咗朋友喺荃灣見面，佢帶我去咗「泰玖」享受一餐好有特色嘅泰式午餐🩷餐廳環境真係好靚，氛圍輕鬆又舒適🥰好適合食飯同朋友傾計！ 我試咗「泰式香辣肉碎飯」同「新鮮大頭蝦冬陰公湯麵」🌟嗰個肉碎飯微微香辣好惹味，送飯一流！米飯粒粒分明，加埋個流心煎蛋好香👍而「新鮮大頭蝦冬陰公湯麵」真心令我驚喜，湯底酸辣適中，大頭蝦好新鮮，好好食！令人回味無窮！😋還有小食「泰式蒜蓉炒通菜」同「泰式鳳爪沙律」，通菜清脆爽口，鳳爪沙律鹹香開胃，估唔到小食份量都多，整體味道都好好～另外，餐飲我哋揀咗熱泰式香茅茶，飲落去清香又解膩！價錢方面好親民，性價比超高，令我哋可以食得開心又唔使擔心荷包🥳如果你都鍾意泰國料理，推薦可以試下呢間！
繼續閱讀
同行朋友都好喜歡食泰菜的，千挑萬選選中呢一間，網上講到真正泰國廚師煮理，滿懷期望佢幫襯；但食物質素及味道簡直真心失望。椰子沙冰嚟到係一杯椰子汁加冰，串燒又乾又硬，炸蝦餅炸魚餅係室溫偏凍；明顯係一早炸好放喺度備用。青咖哩雞啲雞肉一陣雪味；青咖哩仲衰過啲預製菜，飛天通菜仲衰過自己屋企炒嘅。濕炒豬咸到一個點。全晚最能比較接受，只可以話係蒜蓉包同薄餅。泰奶茶還可以啦，橙茶同蜜桃茶無限添飲係唯一覺得做得最好。樣樣嘢都好冇誠意，唔覺得係出自泰國師傅嘅製作。
繼續閱讀