小弟第一次寫食評,自知冇圖,冇準確食物名&價錢,還望各位多多包涵=P
與朋友二人第一次到MIKIKI RED THAI 食,可能也是最後一次.......
why 去 食?
行經RED THAI,第一眼立即比在門口的印度師傅拉薄餅的超凡身手吸引,細細個返鄉下係D酒店茶樓,唔多唔少會有個印度師傅拉薄餅,好鍾意一食飽就同2個細佬睇人拉薄餅,甚至試過為左睇人拉薄餅而一齊"LER"屋企人叫多個食,近年香港都多左呢種GIMMIC野,e.g.陶大的冬陰公公&mikiki 呢間red thai.唔知點解,總係覺得呢d中東薄餅,一定要中東師傅用呢種係頭頂飛下飛下的手法拉先好食.anyway,就係因為個薄餅師傅,所以決定一試.
服務奇差
門口有recepion counter 但係就一個recepionist都冇,冇人招呼,2條友盲中中,行左好耐先有人招呼,可能本身間野好多位淨掛.行近4人位,因同友人到一田買左d野,很自然想把d野放係四人位其中2個位,正準備放之際,帶位果個將張四人枱分開做2張兩人枱跟住走開左, 心諗:welcome to facebook,而家算點,明明間餐廳有一半位係空ge,隔離果張枱都係咁擺野......我同友人都係識趣的人,如果間餐廳真係好full,見到有客冇位,一定即刻讓番d位出黎.咁我地冇理照擺野&推番張枱.剛坐低,一個待應行埋黎,用十分,極之,喪,爆.....(下刪一百字) 差劣 的態度表示不可把d野放在位上,因為一陣(可能)會有客黎.但係明明間野有一半位係空ge,我地左邊重有兩張空ge 4人枱+一張10人大圓枱,咁我地盡量好聲好氣同佢講,如果一陣有客我地會比番d位出黎&我地好快食完就走,得到ge回應係:"我地一陣好快就有客架喇!",then走左去. 我差d想唔食即走,但友人話既言都坐低左,不如試埋d野食先(寫衰佢xd).(新聞透視tone)究竟我同友人最後有冇屈服係佢ge淫威低下呢,廣告番黎我地再睇.......
food&drink
叫左食物:泰式酸辣牛肉沙律,海南雞,馬沙拉咖哩薯仔鬆餅,油飯,炒芥蘭(脆豬肉);
飲品:龍眼冰,凍拉茶
1)泰式酸辣牛肉沙律
材料:生菜,一塊塊BBQ牛利大小的熟牛肉,香茅,泰式酸辣汁,不知名香草
評價:above average,感覺非常地道,有置身東南亞感覺(可能因為個汁+香茅+香草配搭得宜),不過辣 左少少(可能我唔係太食得辣),但係係好味ge.
2)海南雞
評價:合格但唔特別,比起勝利小廚,好時沙嗲,聚寶 差太遠,a)雞係暖暖的,感覺怪怪,加上唔滑;b)d汁唔係特別好,黑豉油唔夠濃,薑蓉唔夠香,唯獨泰式酸辣醬有d家樂牌鮮露味,(比起其他2隻)ok好味
3)馬沙拉咖哩薯仔鬆餅
評價:正,我硬係覺得門口有個中東師傅親自拉ge鬆餅係唔同d ge,鬆餅鬆化,咖哩亦夠濃郁,鬆餅入面ge薯仔粒入哂味,口感十分軟滑,但係就滯左d,食一舊好似食左成兩碗飯咁,即刻飽哂.
4)油飯
評價: ok,應該加左d香茅落去煮,d飯食落好香香茅味,唔會一味得個油字,d香茅味令成碗飯upgrade,都幾有特色.
**5)炒芥蘭(脆豬肉)
材料:芥蘭(苗),脆豬肉(泰國版火腩),醬(馬拉盞?)
評價:全餐最好食,以為外表平凡,但係真係超超超水準,1)芥蘭幼嫩,爽脆,清甜;2)脆豬肉(泰國版火腩),係一塊塊彈牙淋皮的玻璃肉,肥而不腻,肉味濃而不蘇,一口咬下去肉汁飛濺,油香四溢;3)醬,疑似馬拉盞,唔會太濃/鹹而蓋過食材的鮮,反而"釣"出芥蘭的鮮甜&脆豬肉的油香,吃罷齒頰生香,必食!!!!!!
飲品:1)龍眼冰kay(我assume),因為友人飲ge,冇咩comment
2)凍拉茶:麻麻地,唔夠滑,有d"鞋"口
後記:講真,如果唔係d野食好食,我諗我一定唔會再去比錢受人氣&比笑臉佢.(廣告番黎)講番,究竟最後我同友人有冇讓番個位出黎呢?(鼓聲......)係........冇ge!(緊係啦,如果唔係我點會打出黎呀,咁"火羅"),事實到最後,那位waitor(ress) 口中"好快到ge客人"係冇到ge,直至埋單,左邊兩張空ge 4人枱+一張10人大圓枱keep 住空(未計右邊果d空枱),埋單果陣真係埋佢單,因為係佢找錢,我地有比tips,咁佢都有講多謝,真係多謝你個多謝wor.+番分服務分比你.
p.s. 下次我決定外賣算數
題外話/補充資料：
後後記:其實最後句多謝係有個story ge:還番個公道比red thai 其他 ge staff,其他staff d 服務其實ok,e.g. 有問d野食o唔ok,打包有問洗唔洗多個膠袋,防穿.不過an bad apple spoils the bunch,咁點解壞蘋果會講多謝呢,首先,當然係店舖keep住50%空,唔洗講野啦,正所謂一隻香蕉能收緊你的皮膚.第二,油飯係之後加單ge,落單係個睇落senior+mature d ge staff(cause 佢地d制服全部一式一樣+全部冇名牌),咁我就順便問佢攞多張意見卡,"咁啱"壞蘋果係隔離張枱"汁"緊野,senior staff 聽唔清楚我講咩,我再一次有禮貌地用清楚有力ge語句重覆"唔該我想要張意見卡",我想確保"佢"清楚聽到,點知:"唔好意思,我地呢度冇意見卡架","哦,唔緊要,唔該"...........之後服務質素顯注提升,起碼"佢"黎收碗果陣都有加句"請問",我個fd話,既然佢肯改,已經原諒左佢,叫我都唔好再嬲.我差d想問邊個in-charge,但係我都唔想搞到人地冇左份工,我找in-charge,唔係想port死條友,而係覺得red thai d 野食真係幾好,如果因為服務問題搞到d人唔去,我登個廚唔抵,本身憑間野d野食"d客真係好快會到",唉.........
希望red thai 能致力改善服務質素,得到各位前輩食家認同.~end~
p.s.去red thai 食想服務質素好d?(雖然冇)記得叫野食果陣順便問佢lor張意見卡.
(以上食評乃用戶個人意見 , 並不代表OpenRice之觀點。)
影片
