泰紅泰國美食 (已結業)

同朋友去mikiki行街諗住就係商場搵嘢食，見到紅泰裝修唔錯同比餐牌上食物嘅相片吸引所以決定入去試試。點知😥....叫個咖哩雞煲啲雞勁重雪味，啲雞一啲味都無完全吸收唔到咖哩汁嘅味，成煲嘢得啲配菜可以（但連啲薯仔都未熟仲有啲生生哋)啲雞食咗食嚿就食唔落。仲有叫咗泰式抄金邊粉，味道好似食緊街邊腸粉加甜醬咁，一啲泰國香料味都無，係得個抄菜正常。真係無下次💨

野食黎講真心唔錯，不過令人不悅既係我12:50入餐廳佢問我可唔可以13:00走。。。叫左杯青檸疏打苦到不得了，叫佢換過杯又唔願換，換可樂仲要比臉色後先換(其實唔係苦到入都入唔口我都唔想阻住人做生意)，用94蚊食個午餐啲態度咁差下次一定唔會再黎

在返工的日子，我很少出外食午飯，因為很多時候lunch time 被工作蠶食了一大段....😩今天值老闆外出vacation中， 與同事們一起外出吃午飯，實行要鬆一鬆！在晚飯時段，已光顧了泰紅泰國餐廳很多次，水準不過不失。在商場鋪的馬泰菜而言，已是很好的製作，有水準之選。我會推介他們的薄餅，駐場印巴藉師傅炮製的薄餅，口感非常好，而且不會光是滿口油。是日光顧，當然點選了最抵食的午餐set lunch～馬來雞絲喇沙，蜆肉炒飯及冬陰公大蝦炒米。HKD60+左右，包冷熱飲品，絕對算是不錯的選擇。今次我尤其推介冬蔭公大蝦炒米，同事給我一口品嚐，米粉質地幼細，炒得乾身彈牙；冬蔭公醬味道剛好，很醒胃香口，大蝦亦非常爽脆。在貴租金商場裡，由開業到現在近五個年頭（或已過了），仍可屹立於其中，可見是間好食食肆吧！

本來唔想試呢間，但係諗下俾個機會人哋啦，點知貼錢買難受，明明係貨不對辦，仲比個女領班發爛渣閙!不消2分鐘，泰國海南雞及馬來咖喱牛腩已到，味道尚可；香芋海鮮肉碎焗煲仔飯10分鐘送到，但和餐牌上圖片差距太遠，沒有青口，只有兩小片魷魚圈、兩小方吋仿蟹柳、兩粒小帆立貝，大量芹菜丶姑類和芋頭，連肉碎也不覺有。找來女領班問，點解無青口、無海鮮，佢藉詞說：「噢...啲客嫌（食）青囗麻煩…有放帶子架…」，佢又話：「我哋咁做好耐架啦，啲客又冇話咁樣有問題喎！」我表示無人問過我嫌唔嫌食青口麻煩，我睇見圖片有青口先點這道菜的，佢再爭論已加了帶子（其實佢攪錯，應是帆立貝）。我覺得這樣的解釋是不能接受的，商品條例不符，佢話取消咗佢，嗌過第二樣。我感到兩難，根本不想浪費食物，況且竽頭撈飯已哽胃！佢同事通傳找佢來落單（處理佢未完成嘅事情），我哋等咗頗久的時間，（擱在桌上的餸都涼了），佢老大不願意帶面色慢慢行過來，即以中聲調發爛渣說：「我未叫咗夥計落單囉...我未宜家行咗過嚟…我都係打份工㗎渣！」佢說時雙手舞動，人向前俯又向後仰，很大動作，男家人想出聲，佢輕觸男家人左邊膊頭不讓人出聲，佢繼續中度聲音講：「食飯緊係要開

第一次幫襯，係上網睇到，無訂位，今日可能平曰，人唔多，我地一家三口七點到餐廳，唔使等位，入到鋪內，環境非常好，舒服幹淨空間大。點左好多人贊的食物，頭盤選左酸辣鳳爪，可惜味道淡D，叫左菠蘿炒飯，飯唔夠幹身，叫左脆豬肉炒介蘭，唔錯，味道鹹淡適中，小食叫左燒豬頸肉，個醬汁0K，但肉質地淋左D，甜品選左馬來脆雪山，好食！

一行十幾人黎到泰紅，由於一早book左位所以就唔洗等啦。生蝦刺身有6大隻，冰鎮著的蝦肉彈牙爽甜，夾著生蒜片一起吃有點辣口但夠刺激!酸辣鳳爪我覺得也頗辣的，幸好鳳爪無骨感覺易食很多。菠蘿海鮮炒飯的出場方法有點怪，直立式的菠蘿...一畢飯上面的海鮮便周圍跌，浪費食物之餘亦有點麻煩，而且這個飯的調味有點甜，有別於平日吃到的海鮮炒飯。芒果糯米飯有齊糯米及黑糯米，上檯時椰漿仍然是熱到冒煙的。芒果呈深黃色，味道超甜。泰紅的菜式小小一碟，但價格親民，多選幾款都不覺貴，又可以試到不同種類的菜式。

今日約左朋友去行街加食飯聚餐梗係要搵間坐得舒服又有得book架喇Book左七點半一去到唔洗等就即刻可以入坐啲枱唔會好迫坐得唔舒服門口仲有幾張半圓既梳化位岩晒三五知己圍埋傾計因為我對蝦敏感所以冇食，但朋友話👍🏼有辣味但唔會太過份，酸酸甜甜好開胃不嬲都好鐘意食羊同巴東咖哩，巴東咖哩羊都係第一次食，個汁甜甜地，點埋個烤薄餅真係一流  （因為太肚餓唔記得影個薄餅，食左兩round都冇影，因為真係太好味🙈）食泰國野點可以唔叫個飛天通菜呢個其實係其中一個揀呢間餐廳既重點，係一個甜既薄脆，入面有椰絲，煉奶，砂糖，食落甜甜地加上個薄脆既烤香，食落有啲似龍鬚糖，男女都岩食員工態度有善幫我地影相都好有心機咁幫我地睇位真係拎個心出黎架人地如果下次黎開呢頭都會再黎食

開心嚐到一頓美味午餐，叫左海南雞飯個雞幾大份，雞肉香滑，肉質鮮嫩，味精不多，天然味濃油飯油份剛好，粒粒分明，有點味比白飯更配合雞吃三色醬料一流，自己喜歡辣汁多d，點左雞或撈飯更美味個湯一般，沒什麼特式

依餐係婆婆既生日飯，因為佢鍾意食炒河粉，所以特登黎呢度食。只因依度真係有得炒河粉。先喊個飛天通菜先，再喊個香辣肉碎炒河粉 (本來想喊炒金邊粉，但婆婆堅持要食河粉) ，已經喊左少辣。最後加多個燒魷魚筒。飛天通菜，炒得都幾有鑊氣，上黎個陣熱辣辣甘，通菜好爽，好脆，食落有少少辣就更惹味。但稍嫌有點過油，同埋味道唔夠，有少少淡，食到碟底多啲汁，就真係好好味。炒河粉真係幾好食，好食位係佢都幾辣，雖然喊左少辣，但辣味仍然係幾勁，但岩岩好係我接受範圍以內，覺得爽既辣度，所以就覺得好正。炒河粉用生菜墊住黎上，肉碎其實真係唔多，反而青紅椒就唔少。河粉本身都有味道，份量都算大，夠我地飽。魷魚筒反而係今晚比較冇特別既一味。本身條魷魚就唔係好大條，亦都唔係新鮮貨色，亦都唔係熱辣辣上碟，唯一既亮點係酸辣汁，但又唔係好辣，所以索價八十幾蚊真係有d唔抵。樓下間定食8廿蚊有一碟魷魚，更大條熱辣好味，相較之下就麻麻地了。

九龍城最出名係食泰國菜原因係因為嗰度泰國人聚居比較多所以嗰度嘅泰國菜比較正宗今日咁啱經開新蒲崗所以就去左食 叫咗我最鍾意嘅泰式豬手飯 豬手肉質嫩滑豬皮骨膠原好重 最啱女士食用 因為可以補充膠原蛋白 咁當然亦有弊處豬手好容易熱量過高所以我都係間唔中先去食講返個豬手飯豬手飯今次 豬皮膠質超級高 醬汁好黏稠 但一啲都唔肥膩味道剛剛好唔會太鹹送飯一流肉質好嫩滑 彈牙 齒頰留香 送白飯剛剛好 冇得彈

食左個生菜包碎豬肉，泰國人好興咁食生菜都好新鮮翠綠，有水份juicy豬肉碎不太碎，有囗感，煮完都仲好滑身，調味也不錯，少少濃味加了在生菜上，包住d豬肉碎，爽口生菜，入口美味

因為Mikki同屋企近，有時都會黎呢度食飯，呢度既主食不過不失，但甜點馬來花生脆雪山，本身冇諗住試，見隔離枱叫左好高好吸引就試下！即叫即做都等左一陣，黎到嘩真係好高！！！入面有花生，椰絲同煉奶，個皮係好薄身既脆脆，不知不覺就食完！下次一定為呢個甜點，再來幫襯

朋友生日推薦呢間泰國菜，諗住試下啦，泰國菜都系個d味道...今次叫左生蝦、馬來咖喱牛腩、蒜蓉薄餅、馬拉𥵃通菜、串燒、蝦醬炒飯！3個人吃左520蚊左右⋯價錢尚算可以！

每日最期待嘅lunch又黎喇，整番個redthai thai一thai先，叫左個set肉碎煎蛋飯，肉碎多，混合左小小肥肉，味濃，但豆角就小左d，同埋可能辣d，當然我有自己加辣啦，我食曬個飯都仲有好多肉，煎蛋冇勁多油，又冇濃，可能煎左放左陣，d油滴走左，冇咁油但都唔相熱

上個月某個晚上經過此店, 取籌後發現要排很多張枱才到, 最後決定擇日再試。 結果個多月後的今晚, 再次經過, 不用輪籌, 立即有位。我們一行四人, 共點了4道菜2杯飲品1個甜品, 如下:馬來拉奶茶: 精選飲品$38有2杯, 都有好多飲品選擇, 我們其中2人各選了1杯馬來拉奶茶, 因為拉過, 所以奶茶面有很多泡, 亦好似特別滑, 還帶有少少玉桂味, 不會太甜, 不錯。題外話: 座位靠窗, 有街景睇, 相中為窗外境。馬拉盞炒通菜$65: 馬拉盞炒得很惹味, 味道是很好, 但通菜莖部口感很硬很老,  可能現在不是通菜季節吧!?酸辣燒豬頸肉沙律$66: 燒豬頸肉沾有酸辣的味道, 酸辣中和了豬頸肉的肥膩味道, 放於生菜面, 雖叫沙律, 但只有碟底有一塊生菜及少少芫茜, 此生菜沾了太多酸辣汁, 太辣咬了一口就吃不到了。菠蘿海鮮炒飯$95: 是用菠蘿做容器上碟,旁邊伴著1小碟的肉鬆及腰果。此菠蘿容器的形狀是高而窄的開口, 有別於一搬菜館矮而濶的開口, 菠蘿容器內有炒好的菠蘿海鮮炒飯, 好香菠蘿味, 其中有甜甜的菠蘿粒, 都有少少的海鮮炒於飯中, 面頭有用獻汁炒過的海鮮舖面, 有蝦肉, 蟹柳, 魷魚,