泰聚 (已結業)

放工時突然心血來潮想食泰菜，上來openrice揾野食啦！見到天水圍站附近有呢間泰菜，就同bf揸車出發啦！有免費泊車位，很好👍🏻佢環境都唔錯，坐得好舒服，雖然坐室外，不過好彩天氣都幾涼快，所以坐室外都舒服！因為2個人食晚餐，所以叫既款唔係好多，加上同bf又唔多中意食飯面既主食，再加上侍應姐姐既介紹，所以叫左3款食物，再加一個椰青有串燒，豬雞牛各2串，有生菜包，蝦餅！其實仲有好多都想食，奈何個胃細😂🤣我最愛蝦餅，因為真係好好食，而且分量多，有8件甘多！一人4件，當然，我食3件啦，其他有bf包低🤣🤣椰青都好好飲👍🏻總結返，2個人食左$370，坐得都舒服既，而且侍應姐姐服務態度非常好，食物都唔差。值得再食！

今天放假天氣不錯，帶媽媽到附近的泰國餐廳Chill一Chill✨這家餐廳可選擇室內或室外進食。眼看今天天氣不錯又很涼爽，於是選擇了在室外坐下。今天雖然是假日，但人數不多，尚算舒服！因為是假日的關係，所以沒有下午餐套餐。但午市套餐一樣很划算，我和媽媽叫了兩個套餐都吃不完，但肚子已經脹卜卜了。泰式炒金邊粉味道很不錯，份量很多，而且炒得很乾身喔！把旁邊的花生碎拌在一起吃很香口不過蝦球只得兩個，個人覺得有點少(哈哈泰式撈檬他們的泰式撈檬有很多配料可選，有雞肉、豬頸肉、豬扒等等。而我今次選了最喜愛的豬頸肉。豬頸肉切得比較厚身，且有很多塊，檬粉的份量也很多，而且也有很多配料，例如蔥、生菜絲、芫茜、酸甜蘿蔔和炸蒜。但撈檬的精粹是在於他的醬汁啊！醬汁是一碗碗的給我們倒進檬粉裡，個人覺得味道和份量都不太足夠，不是每條檬粉都沾有醬汁，所以吃落有點淡淡的。因為是套餐，所以附有飲料。我和媽媽都分別點了凍檸茶和凍咖啡。最後，他們的份量真的太多了，下次還是叫一個套餐再叫點小食比較好

今日早放工，專登揸車去泰聚食晚飯。先點飲品 - 西瓜沙冰、鹹檸七，唔知西瓜係咪唔靚，味道怪怪地⋯⋯揀左黃咖哩雞 + 油酥餅，好味 （黃咖哩雞係唔辣）一定要叫佢嘅沙嗲串燒，雞肉最嫩滑 之前食過炒貴叼和菠蘿炒飯，今次試下個濕炒海鮮河粉，呢種大片嘅河粉幾好食，好滑，個汁又好味😋，原本想叫泰式雞絲湯河，晚市唔做湯粉的。原本叫左炸蝦餅，應該漏單，我地見咁飽無追了，下次再嚟食過！ 下次嚟食埋個冬陰公。食物水準ok 既，但外面環境多草，會有蚊之，即使坐入面都要噴定蚊怕水先嚟食。

每年中秋都會同阿媽食飯做節，今年唔想煮飯，老公提議出去食飯，住天水圍咁耐，都未去過泰聚，老公就提議去呢度食飯做節😋食店地方都幾大，大多數係戶外位，不過有些大型風扇，尚算可以降溫😅至於食物方面，我地點了幾道想食的泰式菜，味道不錯，很有泰國風味，而且侍應姐姐們也很有禮，令我們整餐飯都好滿意👍🏻

今日有個朋叫我入去天水圍食泰國菜，但係對於我來講真係嚇一條，因為我心諗要食泰國菜我都出九龍城啦，山長水遠走入天水圍，但係當我入到去嘅時候真係嚇一跳，原來呢間泰國菜係村屋改建而成，環境清靜仲有一個小朋友玩嘅遊樂場，真係啱晒一家大細佢嘅家庭，食物普普通通都係一般嘅泰國菜，但係當晚小朋友就玩得好開心可以一試

如果唔係朋友簡嚟呢度食，真係唔知有間泰國餐廳喺度。其實地點唔算偏僻，天水圍站落到地面；一出遠望就見到餐廳唔怕行錯。餐廳有2層再加露天位，如果天氣涼/無落雨嘅話；其實坐露天位都幾好feel。今晚我預訂咗室內位置，餐廳安排咗我地坐1樓。不過叫親啤酒，唔知點解都要等好耐...原個菠蘿鮮蝦雞肉炒飯，酸酸甜甜；小朋友都食咗一大碗。醃肉碎生菜包，呢度仲可以簡牛肉/豬肉/雞肉，幾貼心。我地簡咗豬肉，辣味適中；肉碎唔會炒到乾柴仲有肉汁。鹽燒原條烏頭，條魚燒得好好；個辣汁調得仲好。怕腥味嘅朋友，點汁後完全無問題。泰式小食拼盤（小），份量都好大。春卷炸得香脆，蝦餅好味。見到隔離檯order咗個大（超大盤），好彩落單時侍應建議細都夠食。沙爹串燒，燒得過咗龍；所以肉質偏韌。但沙爹醬調得好味。鮮蝦刺身夠大隻，食落肉質好彈牙。甜品點咗香芒椰汁糯米飯＋泰式甜品拼盤。估唔到呢度嘅芒果糯米飯，係o家。泰式甜品一向都偏甜，小朋友鍾意。

元朗d 泰國餐廳總係開係d 隱世地方依間係天水圍西鐵站聚星樓隔離既村屋，樓高三層，連埋外面室外座位座位算多，平日夜晚我地六點幾到，客人都會安排係樓上冷氣位坐我地只有兩個人，叫左一碟鹽燒烏頭，柚子沙律，同埋一碟馬拉盞通菜柚子沙律份量幾多，夠4-5 人食唔辣，個汁甜酸甘好開胃，柚子一d 都唔苦，夾埋d 汁好好味！！馬拉盞通菜， 唔會好鹹，味道夠濃，菜唔會好老身好硬，有驚喜鹽燒烏頭，d 魚肉整係少少鹹，一定要配埋個汁點黎食，個汁又係好味，係條魚既肉唔夠滑嫩，依方面差少少服務環境都唔錯，好適合成班fd 黎食，份量比其他泰國餐廳仲多d~~一定會黎encore

• 味道貼近地道泰國菜；• 菜式豐富、選擇多；• 非常開胃嘅餐前小食。辣位喺啲汁度🌶，怕辣嘅話最好食上面果浸先，好辣嘅我就撈勻食。• 香茅味較重、浸透喺啲肉醉度，無乜辣。生菜爽口，包住肉醉就啱啱好中和香料味道。• 本人最中意哩道菜✨椰菜苗口感非常爽口，配合蒜蓉去炒好惹味。• 飯粒乾身分明，有淡淡蛋香。蟹肉味道唔夠突出、份量亦唔算多，建議可嗌第二啲主食。• 蒜香味非常到位、滲透晒喺啲肉入面，炸到連啲骨都好香口，送飯一流。• 魚肉緊緻有咬口，香料份量恰到好處，唔會搶走烏頭原有鮮味。魚皮烤得鬆脆可口，雖然略為偏咸，建議連埋魚肉一齊食。📍餐廳埋位置方便，西鐵天水圍站D出口。🌴環境優雅有露天座位，晚餐幾有氣氛。👨‍👩‍👧‍👦比較適合朋友、一家大細聚餐。

其實新界都有好多好野食嫁,有一間泰國野我覺得幾值得推介俾大家,係正西鐵站對面,夠曬方便👍🏿而且場地夠大,坐得又舒服,啱曬一大班人黎食🥳金柚子蝦球沙律🦐🥗($98)份量十足,而且真材實料👍🏿大蝦食落啖啖肉而且夠鮮味,再加埋大大舊既柚子肉同埋個辣辣地醬,成個沙律感覺好清新😌甜甜辣辣,好滋味泰式炒金邊炒🔥🍜(~$50)金邊炒粉我相信每一個人都食過,而呢間就炒得比較濕身,啱曬我既口味😌而且材料都好豐富絕對唔會失場醃酸辣去骨鳳爪🐔🥗($68）食泰國菜又點少得呢個沙律呀🤩本身都已經好鐘意食鳳爪同雞腳呢兩樣食物,仲要係去埋骨既就更加喜愛😍軟軟既皮再加脆脆地既腳筋,好正,而且個沙律汁夠辣,好惹味,必點泰式炒貴刁🔥🍜(～$50)呢個貴刁好似唔係四圍都食到,麵身好闊,食落好有口感,再加埋蛋同少量配菜一齊炒好夠鑊氣🔥而且食落唔油膩炭燒豬頸肉🔥🐷($88)豬頸肉相信唔少人都鐘意食,餐廳將豬頸肉切片上碟,雖然切左片但係都食到豬頸肉既皮燒到有少少脆脆地😏再加埋個醬汁,好惹味,絕對會一舊接一舊🤩菠蘿雞肉炒飯🍍🍚(~$50)菠蘿炒飯不嬲都冇得輸,不過個人覺得飯濕左炒炒,唔夠乾身,除此之外味道剛剛好,菠蘿同雞肉既份量都

細佬番左嚟香港，一行8人走嚟試新野木瓜沙律個味調得啱啱好，我地前後叫左2個無咩特別~屋企人話不錯，因為我唔食羊的蝦春卷不錯冬蔭公湯好正，不過都幾辣，料都好足牛扒油脂分佈不錯，幾有牛味，唔點都好食點少得串燒~正常味道咖哩魷魚daddy至愛呢個海鮮南瓜飯幾好味，份量好大，唔好去到尾先叫會食唔晒油酥餅好似都叫左兩碟，太好味啦食泰國野點少得芒果糯米飯，好味好味，甜度適中椰汁西米糕都係必點，好鍾意陣味，甜度適中8個人都唔平，會再嚟

午餐要吃的飽飽的，是泰國菜最適合，這裏午餐價錢合宜而且份量挺多，這是豬脾飯，多得我吃不下。這是我這麼大吃的，也吃得夠。是泰國菜當然少不得無骨海南雞飯啦午餐大約是$50

真心推介超好食的泰國🇹🇭餐廳，平常回家坐車都看見店面就很有興趣的感覺，當第一次想去嘅時候打電話問有沒有位，點知滿位需要預約的。今次終於預約到了我們兩個人很多東西也很有興趣所以就點多了，餐牌上的小食拼盤叫了一份(小份)來到的時候我們傻眼了，因為少分也很大份所以奉勸大家不要好像我們看見這些東西很多都很想嘗試就不停點了，因為最後我們是吃不完，我們還打包了，哈哈。然後還點了冬陰功湯(冬陰功湯裏的食材很足料)味道微辣，烏頭魚也很大條的，串燒(雞肉，牛肉，豬肉)，螞蟻上樹很可愛的，外面是用蛋包，但裏面有很多吃也吃不完。真的所有食物的味道剛剛好，很有泰國本地的朋友風味，而環境也是十分漂亮，設有三層座位。大家記得去之前要預約喔

食野除咗味道，仲有服務質素同環境😎今次一大班人搵食，所以搵間環境清靜又可以泊車嘅餐廳聚一聚😊 於是朋友介紹一間响天水圍嘅泰聚， 佢一年前食過話ok，咁咪去試下囉🤓環境的確唔錯仲可以泊車，不過係代客泊車，幾錢？心意心意啦🤣由於朋友話好食，所以我哋就放心一試叫咗好多嘢食😋糯米釀雞翼肉碎生菜包沙嗲串燒 青咖哩雞 蒜蓉包馬拉盞炒芥蘭小食拼盤 菠蘿炒飯燒魷魚冬陰公木瓜沙律鳳爪沙律本身嘢食都已經唔係特別好食，點知餐廳對食物嘅質素都係咁差😞青咖哩無味，馬拉盞炒芥蘭啲芥蘭有渣好老，肉碎生菜包特別鹹🙈 呢啲我都算啦🙄最離譜係個糯米釀雞翼， 攞到嚟嘅時候朋友一咬開發現未煮熟嘅🤔 我哋總共叫咗八隻雞翼，其中有四隻係咬開咗，仲要係反開晒，叫咗服務員黎跟進，黎到話會幫我地再燒下。原本係無問題，但係咪應該換咗咬開咗個4隻，而唔係翻燒咬開個幾隻？呢個處理手法就對餐廳形象有好大損失，最起碼我地呢枱嘅人同我地嘅朋友都唔會再幫襯！！ 唯一可以講嘅係餐廳好環保唔浪費食材，翻燒😠😠😠 最後，埋單時我都有同服務員反應過今晚啲食物唔太好食，但換黎嘅係一聲「哦！」完全無諗過了解客人點解會咁講，無諗住問下邊樣有問題，我相信都一定唔會

《泰聚》今日肥肥入到天水圍，去聚星樓附近揾野食， 除咗附近有著名華嫂冰室，但今次 就被有異國風情🇨🇷🇨🇷嘅餐廳吸引咗，所以行咗入去食午飯。今日淨係食鹵水豬脾飯， 個鹵水汁呢就冇好特別的地方，就正常鹵水汁味道。 但呢個口感就有驚喜， 佢非常滑同爽口，但脂肪嘅比例就有d多。 整體加埋個係幾好食。😌😌環境方面呢非常有異國風情，有露天同埋室内， 但今日翳焗店員都安排入去冷氣房， 服務都非常之好， 會回購試其他野！😋😋==============================味道：(8/10)抵食：(8/10)環境：(8/10)服務：(8/10)==============================

要係天水圍區食到泰國菜唔難，但要食到間有景，食物質素高又唔貴既就難啦。位於天水圍西鐵站既間泰菜，相信有唔少人經過西鐵站都會發現到佢既存在，非常搶眼既三層，夜晚去特別有FEEL！個到其實位置好方便，西鐵站步行５分鐘就到，但就算揸車過去，門口都有一片空地可以免費泊車，唔洗怕無位！呢晚其實都食左唔少餸，等我重點推介三款先。1.小食拼盤魚餅蝦餅春卷樣樣都齊，熱辣辣岩岩炸好，好新鮮！每樣份量都唔少架，岩晒一大班朋友齊齊食。2.咖哩軟殼蟹軟殼蟹蟹都幾大隻，黃咖哩辣度岩岩好，幾惹味，但Ｄ少左略嫌少左Ｄ，唔夠點。（本身想問下可唔可以叫加多Ｄ汁，點知要加錢，唯有自己再叫過一兜咖哩啦）3.青檸爐魚呢條爐魚係我家人既最愛，條魚都幾大條下架，而且Ｄ汁好入味，酸酸地好開胃，可以送飯！唔記得影單，所以唔係好記得價錢，但我地7 個人食，每人食飽都只係大約$200，個人認為都算幾抵食呀！有呢個環境都算唔錯呀！