泰苑魚翅海鮮酒家

營業中

休息中

結婚一週年同老公來南丫島吃海鮮，朋友介紹泰苑免服務費兼好吃就來咗！老闆幾熱情！芝士龍蝦好好味，啖啖肉！粉絲蒸扇貝，好鮮甜！胡椒蟹好惹味！！！椒鹽瀨尿蝦味道可以，不過肉少做啲！一共埋單720蚊！算抵！下次再來！

5月5日同朋友入左南丫島行下, 順便同朋友慶祝生日, 我地七個人一路由榕樹灣慢慢行過去索罟灣, 行去大約六點跟住就食晚飯,初初諗住食天虹的,因有免費船,但係都睇下其它的地方有咩選擇先,其實主要都係食海鮮,跟住行行下見到呢間,我記得係openrice睇過食評都好似ok,跟住見有套餐好抵,我地七個人,有一個十人餐,仕應話如果我地啱可以問下幾錢做七人份量俾我地,跟住全包係1300(包晒加一及海鮮套餐加有汽水或啤酒)都好抵食,跟住就決定係呢度食啦.都未算多人,先每人一罐汽水先,跟住就上菜.椒鹽鮮魷,好香口,同埋都好疏化,唔會好硬好乾好咸,呢個好味!蒜蓉粉絲蒸扁貝,我地周圍搵豉油,但仕應話唔使配豉油食的,因有蒜蓉食已好夠味,扁貝唔算好大隻,不過蒸到啱啱熟加埋d粉絲蒜蓉一齊食好正,蒜蓉唔會好咸,但好香口.豉油煎大蝦,份量都好多,有些大隻,有些較細隻,煎得好金黃色,好香口呀,成隻都可以連殼食埋,蝦肉都算爽口的.生炒排骨,我覺得ok,唔會好甜,唔會好肥,都有好多青椒及菠蘿配菜,排骨size適中清蒸魚(唔知咩魚),朋友話麻麻地,不過我覺得都ok,可能我唔識食魚啦,不過係唔夠滑.芝士蠬蝦伊麵,嘩,呢個好吸

今晚係南丫島既最後一站二人餐198的確抵食此餐有鼓油蝦或白灼蝦，咩係鼓油蝦? 就係古法煎蝦，蝦殼其實係好大蝦味，將蝦煎香，蝦油就會流出，加上鼓油，可以連殼食。魷魚比較小, 新鮮, 不過唔係最新鮮的味度炒蟶子有大有小鮑魚仔兩隻再炒一碟時菜(40), 可惜漏了單, 不過我要加飯, 改左楊州炒飯(40)以呢個價錢計，唔可以挑剔太多你想要同區, 好食, 去天虹, 二人餐458包免費私船來回. 要抵就話要去西貢我對海鮮無大要求, 呢個係我係南丫度兩天遊最貴最豐富既一餐我係特登用廣東話, 因為香港越黎越多中共語言文化

第1次去南丫島, 一落船就食海鮮~~~行到埋呢間酒家個度個阿姐勁好咁狂叫我地食, 仲話唔坐一陣無位嫁啦..眼見真係FULL BOOKING~ 而且價錢都算平, 就算唔好食都無咁肉痛食物:叫左個4人餐 ($368, 免茶芥加一) + 2個小「食送」食物都等左好耐先黎到..呢樣真係有D唔開心/口\1) 白灼蝦(SET) - 蝦都算大隻, 而且幾好味2) 豉椒炒聖子(SET) - 呢碟只係得唔夠10隻既聖子食....而且汁同聖子係完全無溝通, 明顯係白灼完聖子再淋汁 (所以呢碟係暖唔係熱上既)3) 蒜蓉蒸元貝(SET) - 差唔多食哂個陣先發現仲未黎, 一追先知原來MISS ORDER 等多左差唔多2X分鐘先有得食..." 不過味道OK, 係元貝有少少蒸過龍~4) 椒盬魷魚(SET) - 炸粉唔厚而且好脆, 好好味, 不過就...一D椒盬味都無5) 炒飯(SET) - 個餐有得揀白飯/炒飯, 一開始以為炒飯只係普通蛋炒飯, 點知黎到發現係揚州炒飯~ 正~好味道, 飯粒分明而且仲好足料!6) 白菜仔(SET) - 用蒜蓉炒, 雖然唔係好入味, 但無咩油好OK~!7) 豉椒炒蜆($48) - 個

三點零去到索罟灣條海鮮街, 諗住hea住等搭16:05班船走, 路過呢間酒樓, 阿姐很好笑容地sell我地一行3人, 其實我仲未餓, 不過見平平地可以攝下時間好過喺碼頭吽啦, 於是黎個seafood tea.3人餐$238, 冇加一茶芥, 好抵!- 蒸鮑魚或扇貝 - 因為非繁忙時間, 所以可以配搭2隻鮑魚1隻扇貝咁蒸, 唔洗獨沽選蒸一款, 我食既係鮑魚, 好好味啊, 平時喺酒樓食果d蒸鮑魚都係硬身冇鮮味, 佢呢度係有鮮味又爽脆, 扇貝亦好新鮮, 讚!- 白灼蝦(10兩) - 有蝦味既蝦, 好多時都只食到食之無味既白灼蝦, 有驚喜- 蒸魚(盲槽) - 好多時養魚食落都冇味, 呢條魚有魚味, 但就蒸過左少少火, "鞋"左d d, 但係可接受既- 腐醬通菜 - 一般- 米粉 - 本來係白飯三碗, 但因為未餓, 阿姐主動建議我地轉做一碗大米粉, 湯底都幾好味啊- 餐仲包3罐汽水是日因為本來預測有狂風驟雨最後天朗氣清, 所以南丫島相對平時既假期少人, 加上又係tea time, 我地坐到張海邊位, 超嘆, 望住海食seafood tea, 人生一樂也! 酒樓姐姐sell我地時知我地趕船, 亦承諾

完成一日嘅旅程逛下格下價最後覺得呢間似係最抵食又多海鮮嘅5個人揀左一個價錢嘅4人餐再加餸白灼蝦一碟裡面嘅蝦有大有細啦尚算新鮮又爽口豉椒蟶子好耐冇食蟶子喇真係好好味過d茨汁杰左d蒜蓉元貝4人餐於是加錢要多一隻每隻元貝都好多蒜蓉交足課好鮮甜不過粉絲少左d囉椒鹽鮮魷呢個熱騰騰到入唔到口炸粉唔算厚而裡面嘅魷魚鬚好大條夠晒熱氣GOOD炒飯炒得好好味味道濃但油太多喇 揀左腐乳炒通菜惹味爽口好有避風塘風味每家海鮮檔都話送呢樣送嗰樣呢度送左花枝丸啱啱炸起又彈牙又大粒醮埋個甜酸汁啱啱好另外再追加豉椒炒蜆好多地方食嘅炒蜆都係殼多過肉呢個就好多炒到d殼沉晒底要好物尋歸底幸好都有好多蜆食讚！咕嚕肉炸粉唔算厚亦都冇乜係炸粉包住肥膏交足功課係菠蘿少d環境唔錯套餐仲包左汽水/啤酒抵食啦望出去睇到日落好滿足埋單每人百幾蚊又有海鮮又有靚景唔錯啦

今日專程搭船入去索罟灣探三叔, 順便去南丫島食晚飯!心知今日是佛誕假期, 晚飯時間一定好多人, 所以未到七時, 巳到達此酒家, 聽三叔講呢度的海鮮不錯,所以也來試試~我們七時正便叫了幾味小菜, 有:炒蟶子,椒鹽鮮魷, 椒鹽豆腐,咕嚕肉,炒生菜,炒飯和干燒伊麵~炒聖子的味道也不錯, 椒鹽鮮魷, 椒鹽豆腐也算不俗~而且上菜好快! 反而等了大半小時後, 干燒伊麵才到! 可能因為此酒家主力係做海鮮, 反而基本的干燒伊麵水準很差,話明係干燒伊麵, 為何會有汁,而且味道好咸! 可是楊州炒飯,炒生菜和咕嚕肉遲遲未到! 我們看見酒家開始多人, 而且全部客人也叫了很多海鮮! 可能因為咁, 所以我們一早落單的小菜也忘記了!大約等了一小時後, 炒飯終於來了! 水準真係好差, 價值$65的楊州炒飯, 竟然只有幾粒叉燒, 那些飯還是"一夠夠",根本還未炒開! 但當時都好無奈, 惟有想住食得飽便算了!!可是, 眼見從廚房出來的餸菜, 包括我們等了一小時多的咕嚕肉都只係送給其他客人的桌上, 反而我們等了很久的咕嚕肉就未有! 我們再向侍應查問, 他們說可能漏了單!!! 唔係呱???!!!!於是我和老公都好激動 (真係

老實講, 菜式選擇唔多, 不過如果唔係多人既, 亦都唔好要求咁多, 兩人餐, 四碟送加飯, 又包啤酒汽水同生果, 200 有找仲想點..?補充: 圖入面除左碟蝦唔知係煮法問題定唔夠新鮮有部份霉霉地之外, 其他都幾有水準

昨天跟由美國遠道而來的表妹、表妹夫和他們的女兒，一起由榕樹灣行山來到索罟灣。太太就在放工之後由香港仔坐街渡來索罟灣會合，我們一行四大一小一起來這裡吃晚飯。我們叫了四人套餐加兩隻燒乳鴒。套餐包括白灼蝦、蒜蓉粉絲蒸扇貝、豆鼓炒蟶子、蒸紅友一條、炒飯一碟、一碟菜、四杯飲料，另外送了一個炸墨魚丸。四杯飲料我們要了三罐青島和一杯熱飲。菜色全部都不錯，而且份量充足，上菜又快。我們6時35分左右埋位落單，都可以坐7時35分的船回中環。埋單$494，真的抵食。表妹和表妹夫都很滿意，小朋友也吃得很開心。

About 10 people went to have a dinner, the foods were just okay but not wonderful, the staff's attitude were quite good.The environment and ventilation of this restaurant is also not too good. I felt so hot when having the fish hotpot! It is quite uncomfortable. We have ordered a set of dinner:1. Fish was steamed a bit too old2. Soup was tasteless3. Lobster noodle was hard to eat4. Oysters were fresh and it was the best partOverall, it is affordable and seafood is just okay. However, the bill wi

我嚟呢度就最鍾意食魚生, 深水油甘, 章紅, 赤立, 懵仔...超正.不過食魚生要早一日預訂, 如果無訂咪食蒸魚囉, 呢度啲蒸魚亦係一流, 火侯剛剛好, 超好味.除咗食海鮮, 記得一定要叫隻雞食呀, 如果唔試吓就走寶喇!呢度啲雞係用三黃雞嚟浸, 嫩滑有雞味, 個人認為仲好食過湛江雞, 一定要試呀!!!

琴日去左南丫島 經朋友介紹去左泰苑海鮮酒家真係抵食又好味我地坐在靠海 因此可以邊食邊欣賞風景我地5個人叫左豉椒炒蜆-d汁好掂 食蟹個陣都加佢d汁一齊食 而且個個蜆都有肉薑蔥炒蟹-好有薑蔥味 而且d蟹都幾多膏 海鮮烏冬-d汁又食好好味 又多海鮮 有蝦.帶子,魷魚蒜蓉蒸元貝-------------都幾大隻，而且夠新鮮最後重送左碟佢自家手打墨魚丸 好彈牙服務好,會定時幫你換碟,提你幾點有船,,重唔駛加一,但有時如果唔係叫套餐就可能要等耐d

澳門親戚到訪, 特地邀請他們到南Y島吃海鮮。看天虹包船兼星期一至六匯豐卡七五折都有得賺, 就知食水深, 加上以前食過麻麻地, 所以另覓他所。泰苑在此已久, 不過以前覺得他太平宜, 不敢試, 但現在見他雖在天虹強勢之下仍屹立不倒, 應該有真材實料, 可以一試, 果然不負所望!叫了一個6-8人餐 $668, 有8個餸, 重有炒飯, 生果, 酒水8罐, 無加一, 勁抵食。椒鹽魷鮮脆漿跟一般的不同, 較硬較脆並含黑椒, 鮮魷新鮮肉厚嫩滑, 有點像墨魚, 總之好吃就是!豉椒炒蟶子蟶子新鮮肥美，但豉味略嫌不足。個別蟶子有點沙, 我們告訴店員, 她的態度很好, 還問我們要不要更換，抵讚。白灼蝦(可選豉油皇蝦)很簡單的一道菜，普普通通。蒜茸粉絲蒸扇貝(可選鮑魚)蒜茸很好味，扇貝肉厚鮮嫩，正!椒絲腐乳生菜(可選其他菜)普通的菜式但好吃，不油膩，稍清淡。清蒸紅立魚很大條, 蒸的時間剛剛好, 嫩滑!炒飯也不錯。總括來說, 酒家用料新鮮, 份量足, 味道清淡, 少油, 食後不口渴, 很健康。店員服務態度亦好, 加上海景, 令人吃得很舒服。

今次叫了二人餐，198/兩位，抵食有蝦，包魚，聖子，魷魚鬚，包兩杯飲品，飯，同生果，除聖子不太入味外，其餘食物都很好吃，此外，還叫了龍蝦，90元，抵食，也另外叫了炒蜆，48元，好吃換碟次數都ok密

這天天氣不太好，有點翳焗，從榕樹灣走到索罟已經很累，見店員熱情招待，就試試這間吧！老闆熱烈推介三人餐，份量剛剛好不多不少，食得很愜意。三人餐有: 豉椒炒蟶子蟶子新鮮肥美，味道略淡，蟶子有海水味，卻不夠鮮甜，風味不足。 豉油皇蝦很簡單的一道菜，意外地好吃，很入味，香口，鹹度適中。芝士龍蝦伊麵今天的主角就是芝士龍蝦伊麵，龍蝦肉質鮮甜多汁，沒被芝士蓋過，濃郁的芝士加上滑口的伊麵也是絕配，每條伊麵都香滑。 白灼生菜普通的菜式但好吃，爽口不油膩，卻不至於太清淡。 蒜茸粉絲蒸扇貝蒜茸很香味，但扇貝肉質不夠鮮嫩，勉勉強強。 不知名丸老闆送的不知名丸，有墨魚丸的口感加魚蛋的味道，老闆說是廚房自己打出來的，很特別。服務態度很好，但卻不加一，價格相宜，吃得開開心心的，也是個不錯的選擇！