泰辣廚泰國粉麵燒烤屋 (已結業)

平日也有去開泰辣廚開飯，上星期老闆話有冬蔭功海鮮火鍋🦐🦀🦞不過需要預早book，因為海鮮需要預訂。昨晚一行10人2個鍋，因同行中有人不吃辣，所以一個鍋是辣另一個不辣，冬蔭功湯底香辣野味，再加埋海鮮真係不得了😍大蝦🦐花蟹🦀龍蝦🦞象牙蚌、貴妃蚌、帶子、大尾魷、懵仔魚、牛頸脊、靚菜、魚皮、檬粉。仲有墨魚春卷配埋泰國啤酒🍻個個飽到捧住個肚走😋海鮮新鮮鮮味，落鍋時生猛到跳返出黎吾係講笑，配埋冬蔭功湯底超級讚讚讚😋😋😋😋😋👍🏻✨

朋友飯聚都選擇在這裡，因為老闆好有人情味和熱情，食物質素好，價格實惠，誠意推介冬陰功海鮮火煱和燒烤，如原隻大美鱿魚和烤魚，非一般 食肆的味道。火煱配料最好預先訂，老闆當天會去街巿選擇最新鮮的食材

尋日食左一餐泰式火鍋真系無得彈！功蔭功湯底足料好味，各樣海鮮絕對新鮮同冬蔭功湯配合得天衣無逢，牛頸脊牛味濃。價錢都系$4XX一位，去西貢同一價錢食，肯定食唔到甘好既野！老闆因為要控制材料新鮮，要食就要早一日訂先有！絕對系真心推介～😋😋😋

今午要去工聯會上課,就近搵地方醫肚。撞啱有依間未食過,即管試試午飯時段坐滿學生,睇見好似可以平$2。Order兩個set lunch(A餐 + C餐)嚟到見到湯底非常清,味道偏淡。餸料質量一般般喇唔多講。個飯賣相都OK,可以揀(配黃咖喱/青咖喱/沙嗲/茄汁)。。。選擇咗黃咖喱汁但係一啲都唔辣。香腸嚴重偏咸雞件乾身唔入味。比較可取係魚角,有魚味同時食到有一粒粒彈口嘅墨魚粒至於餐茶係用膠杯上,都費是影相囉倘若佢唔改變吓應該唔可能有下次幫襯。

今日同埋幾個朋友。一行6人加2個bb 食泰國菜。平時好小去土瓜灣的。。今日就選擇左去土瓜灣之後就選中去食呢間泰國菜了打左2次電話落order 老闆已經好細心記得我們姓氏。。因為我地帶住小朋友。。去到老闆都好親民幫我們安排所有。。d食物都好新鮮。。我地食左生蝦。蟹。羊架。生菜包。牛仔骨。冬陰公湯。菠蘿炒飯。炒河。明爐烏頭。魷魚。豬頸肉。。。。仲有個榴連布甸真係好好食。啖啖榴連肉我仲外賣左反屋企食老闆超親民有禮。。我見佢好多熟客幫親。。大家都有講有笑咁。。好開心既一餐泰國菜

小弟同友人突然想食泰國野，又咁岩行過土瓜灣呢間餐廳充滿異國風情的裝潢，寧靜舒適就諗住試下呢間。暗暗的燈光，十分有情調。 由於見到餐牌好多小食都好想食既緣故，就點左一份青咖哩, 青咖哩雞配白飯，雞肉尚算嫩滑，青咖哩汁濃香不辣，配白飯吃一流，極具泰式風味! 友人就叫左份咖哩炒青, 青口有好多而且好大隻 都新鮮 而主角咖哩水準仍舊, 唔會好辣但椰奶 咖哩成份好平均, 小弟以為要去到九龍城先食到禁有質素既泰野國,真係估唔到土瓜灣呢度都食到。

今日同藍友行土瓜灣，然後晚餐諗唔到食乜。所以周圍行，行行下見到有我既至愛泰國🇹🇭菜，當然唔會錯過啦❤️性價比幾好，晚餐幾多人的😋😋😋如果行過，都值得一試的。仲有不同的煲，感覺幾好😝🤩

串燒同燒雞真系十粒星推介😙燒雞雞超嫩 醃得好好味😍冬陰公湯酸酸辣辣十分開胃香葉碎肉炒飯吾知系咪因爲食到辣椒 所以辣到漂汗 但整體所有食物質素不錯🤤老闆服務態度又超好 好有禮貌會再光顧😋

身為地膽的舅仔好幾次推介這間新店出品的泰菜。一向挑食奄尖的他也推薦，這兒的東西想必也不會太差....這舖位近幾年已轉了數趟手，每間也好像生意做不長似的。就算今天是假期，但店內光顧的人都只是寥寥數位而已....難道這位置的生意真的那般難做?一碟飯加埋飲品，平均索價四五十；若您是叫湯河的話價位就更便宜....如此抵食價但光顧的人又不多，真令人費解....更出奇的是，食物的質素又真的不賴 ---- 小友的豬頸肉湯河，肉燒得香口肉質爽彈；河粉的份量又多；湯少不免下了師傅但卻又未至於太過份令人邊吃邊喝水....我的鹵水豬脾撈就更不錯 ---- 初時以為上的是撈細麵條，怎知上桌時卻是更合吾意的撈米，令小弟吃得大樂；豬脾本身鹵得入味，肉質軟熟得就連冇牙婆都能輕易嚙掉；皮膠質重而口感軟綿，入口並不覺非常油膩；再加上鹵水本身帶甜不過鹹，用來撈什麼都很合道....正所謂"隔籬飯香"，當太太的蝦醬炒飯上桌時，其飄來之香氣頓然就令我忘卻了豬脾之美味，馬上跑過來分一杯羹了....飯一睇其呈微紫的色水就知對勁。一放飯入口，醬鮮，飯香。口濕潤但沒呈爛爛的感覺，每一口都是蝦醬的甜，非常美味；而且最重要的是夠鑊氣香噴噴

上星期6 游完水本身打算去九龍城食泰菜但咁熱去九龍城食都好甘下諗起近期番屋企時, 夜晚都見泰辣廚幾旺場, 就不如近近地食佢。3pm, 2個人, 叫左生蝦, 燒鰂魚, 牛丸扎肉金邊粉, 仲有個豬手飯。 我諗老闆都o左咀, 邊有人食tea叫條燒魚 😂生蝦 , 老闆話我地太早, 即開蝦整。 新鮮i like!! 肉質夠厚, 又爽! 最怕d泰式生蝦好瘦冇呢肉地。 金邊粉, 正常野, 冇comment。 反而個豬手飯有驚喜, 話哂只係lunch set, 冇咩期貨, 點知唔油膩, 仲好香同夠哂淋。 燒魚要即叫即燒,都成30min先食到。 開魚見佢肉身仲好juicy, 係燒得啱啱好。 同阿媽講之後泰菜之後唔洗去九龍城食。搞到阿媽又心思思。 第2晚即刻話去試晚飯!! encore左生蝦同燒鰂魚, 加埋燒大尤魚, 豬頸肉個尤魚掂呀, 見到肉身厚, 彈牙, 我諗都叫抵食個豬頸肉, 細佬like爆, 因為燒到夠脆身連埋飯 麵 菜 椰青, 600幾蚊 4個人, 我覺得性價比好高呀!

和男友剪髮後經過，心想附近少有泰國餐廳，就一於試試。因為只有兩人，只叫了2個主菜和1個小菜。上菜速度算快，碎豬肉炒河粉(忘記正式名)先到，吃了一口，好吃得不得了!!! 未試過在香港吃到味道層次如此豐富的泰國菜 <3 <3 後到的馬拉盞通菜和炒金邊粉同樣出色!!通菜吃到泰式調味料和椰子味(因為椰糖)。金邊粉茄味夠又不太甜，加上羅望子酸味令整道菜加分。老闆十分健談。剛才提到的調味食材都是老闆告訴我們的。除此之外，老闆每日都會親自出馬去街市選購靚海鮮。仲可以幫你留起佢。很幸運品嘗到小店的用心，有機會會去多多支持。

我哋今次第四次去啦！食物水準相當不錯，除了有正宗泰國食物，原來還可以同老闆預訂燒鱔，味道相當之好味。除了燒鱚老闆仲話可以預訂好多唔同海鮮，例如：燒元貝、燒大蝦、燒魷魚......上次食過燒大蝦老闆話有一隻手板咁長，但係嚟到仲長過一隻手板，好大驚喜呀！佢哋啲咖喱蟹都好好味，用啲汁來點蒜蓉包真係唔錯。同老闆言談間，他的大廚係泰國人，有多年在泰國餐廳工作經驗，味道相當有水準，能媲美九龍城嗰間泰國菜。雖然座位唔夠多不過都算坐得舒服唔係好差。老闆佢雖然多嘢做，不過都冇忘記招呼客人，態度好好，我哋問佢食乜嘢好，佢都會推啲好嘢比我哋食。我覺得最好味嘅係老闆親手整嘅榴槤布甸，雖然唔係好平，但係每一杯都有好多肉，同出面食到嘅布甸唔一樣。

今日行過土瓜灣，見肚有啲餓，入左一間冇人既泰國野。座位黎講尚算舒服，Ok土瓜灣午餐黎講，其實有啲貴。$45-55不等唔知食乜就叫個推介的招牌滷水豬脾飯吧，午餐仲有青檸冰送，都幾好個餐好快黎到個飯都幾抵，好多豬脾肉，唔會太un/鞋，但略嫌個味似中式豬脾如果你中意中式味既話，應該岩你食青檸冰冇青檸，但都夠味，係甜啲～總括，冇泰國人的話，泰菜好難正宗😂（我見唔到有泰國人） 但午餐來說都不錯，只是土瓜灣區會算是貴啲啲，有興趣可挑戰

今次係食得最多野既~經過上次食得太飽之後, 今次依然係食得太飽黃咖哩軟殼蟹~平時食慣肉蟹, 成日整到成手係, 終於有個方法又有蟹食又唔駛成日洗手, 重點係個黃咖哩真係好味道~醉貓肉碎濕炒河~上次驚太辣無人陪我食, 今次終於試到喇~佢加左酒既, 聽老闆講泰國廚好鍾意飲住酒黎煮, 之後隨手又加D酒落去炒, 呢個炒河夠鑊氣之餘仲真係有D啤酒味架~串燒唔記得影相, 因為0係記得影相之前已經食得一乾二淨喇, 佢地既燒烤三個字, 快靚正, 平時去泰國鋪食串燒試過食哂主菜都未燒到, 呢間真係快手, 同埋係好香好惹味, 燒魷魚一樣咁出色, 所以未齊人之前大家真係可以叫個串燒拼盤飲住啤酒食住先, 一定唔會失望~坐得唔算好舒服, 不過成班FD食野都OK既, 伙記個個都NICE, 有興趣問老闆D野食點黎佢都會好細心話你知, 因為真係有D沙律唔係度度有, 不過注意, 真係幾辣, 無錯, 沙律都係相當辣~

早兩晚去食，2位，原本諗唔到食乜，是但去附近食碗車仔麵，路過此店，未食過，就入去試試。冬陰公湯，不太酸，辣度剛好，蝦夠彈牙泰式炒菜，清淡咗少少，不合我口味串燒揀咗雞同豬，燒得好香，皮脆卜卜，個沙爹醬好好味海南雞飯，雞肉算是嫩滑，個油飯都ok，跟飯有個湯，不過太甜，味道不自然老闆好好人，招呼幾好，份量算十足，我兩不大食，食到好飽，會再幫襯，不過可惜無影到相，下次補翻。呢個舖d食店成日換，真心希望佢做得住啦。