泰道 (已結業)

食第二次喇，海邊餐廳，食物超多選擇，椰青好好味，雖然少少貴，但好惹味，有各種串燒咖喱烤魚。好 chill好似去左度假咁👍🏻👍🏻👍🏻👍🏻😋😋😋

餐廳位置近海邊風景一流。所有食物價錢比普通泰國餐廳貴大約4至5成，如果食物質素真係好食呢個價錢絕對冇問題。但係佢個食物質素未到呢個價錢。講返食物，泰式炒河，咖喱牛腩，小食拼盤，兩杯嘢飲，埋單要$700。味道方面同普通泰國餐廳一樣，唯獨價錢唔同。我覺得西貢小巴站附近泰國餐廳仲好食，冇必要行咁遠入去食泰國嘢。除非你真係想食風景！總括而言，呢間餐廳唔係食味道，純粹食風景，同埋隔離枱啲二手煙。我覺得要劃分吸煙區同非吸煙區。

喺西貢玩完kayak🛶，又成身濕住又肚餓，唔想返市區食，就搵咗間附近嘅餐廳食。呢間餐廳位置上離西貢市中心比較遠，而餐廳亦都安排咗好多停車位，比揸車人士可以去泊🅿️。所以對於我哋揸車嘅人來講🚙，都算係非常之方便。雖然離市中心比較遠，但係唔代表餐廳冇乜人，我哋五點幾去到，都已經冇晒望海景嘅和室外位，只有入少少嘅一張室外位。雖然係室外，但係由於餐廳提供好多風扇💨，所以一啲都唔覺得熱。🥵餐廳對住嘅海景係其中一個賣點，日落時分去，景色十分怡人🌅。嘢食方面，我哋叫咗三味餸。首先，泰式炒雜菜普普通通🥬，唔係唔好食，只係冇乜特別。之後我哋再叫咗椰子雞湯同埋青咖喱雞，兩樣嘢都非常之好味😋。椰子雞湯充滿咗椰子嘅香味🥥，而中間亦都加咗少少嘅辣味，令到咁重椰子味嘅湯都唔會太濟。另外，青咖喱雞就一啲都唔辣🌶，加埋個薄餅去點，香口嘅咖喱味襯托住鬆軟嘅薄餅，令人一試難忘。🤤雖然價錢真係偏貴💰💰，但係咁嘅環境，咁嘅食物質素，都算係值回票價，值得一試。⭐️⭐️題外話，呢間野服務就差咗少少，我哋其實仲叫咗個明爐魚，等咗半個鐘，我哋問過女侍應，佢話會跟跟，點知過多左15分鐘，我哋再問個高級啲嘅侍應，佢再幫我地睇，原來根本都冇落單

我身為一個西貢街坊，凡有朋友問我有咩好食，我一定會答泰道，因為價錢唔係比食街貴好多，但就坐得舒服啲，環境有裝修，不過如果無揸車，要係碼頭行去就有啲距離，可以當散下步，欣賞下海景。重點係好彩我有book位枱，當日係普通一個星期四竟然都full house，因為我地早入坐，食6:30，就一直都見啲客走就有另一批人入坐，我同朋友都好驚訝點解平日都咁多人😨😨如果天氣涼，大家都可以揀坐户外，貪有海景睇，不過我地睇得多，天氣又熱，就一定要揀室內嘆冷氣🤣🤣因為太肚餓，其他野食都影唔切，淨係影到兩道菜 😂朋友食完都覺得我無介紹錯，味道很好👍🏻👍🏻👍🏻

消耗左全日體力既獨木舟活動，難得係附近見到間幾正既海景view泰國風味餐廳，梗係要入去試試佢🥳👉🏻燒豬頸肉沙律$148少少辣，作為開胃菜確實係唔錯👍份量偏細，如果再多啲菜、瓜類會更加分🌝👉🏻炒金邊粉$148食完感覺好似身處泰國布吉咁，炒到好有鑊氣🤩jeng👉🏻小食拼盤（大）$198魚餅、蝦餅、泰式雞球、春卷必試❗️勁好食，炸到好香口🥳👉🏻串燒沙嗲牛、豬、雞（各2串）$38 x 3款推推推❗️10分，好好食🤤👉🏻椰香黃咖喱（豬、牛、雞、羊）$148我地另加烤薄餅$38，濃香咖喱味，甜甜地加埋薄餅一齊食，絕配🤓👉🏻芒果糯米飯$68千層糕$48椰汁糕$48呢幾款入面，我會再encore椰汁糕🤩其他兩款就可以不用👉🏻薄荷沙冰$68奇異果沙冰$68椰汁冰$38試幾款野飲，最好飲都係啲沙冰：奇異果就飲得出係粒粒果粒，另一款勁重薄荷味，涼浸浸（夏日必試）自私評分：🟡🟡🟡🟡🟡自私評論：玩到出哂水，唯有乖乖坐左係室內嘆下😂但其實間野有幾張對海view既枱，勁chill✨濃濃泰國風情，下次會再試🥳🥳

🍽 餐廳：泰道 (西貢)😋味道：5/5💰CP值：4/5🕴🏻服務：5/5🪴餐廳環境：4/5👀回頭率：4/5📍 地址：西貢大網仔路沙下村9號地舖景色靚，野食正，但高消費，記得預約，免費泊車🚗 餐牌唔記得影，所以每碟價錢我都唔知道。13道菜總數為$3500，8人食（7大1小）。中秋節飯做節，提早兩星期book左位，大門閃令令，打卡一流！request左VIP房，有電視睇，仲係上面一層可以嘆住冷氣望海景，如果早d到可以睇埋日落🌄，隔離仲有直立板同獨木舟租黎玩～💁🏻‍♂️老闆同經理親自招呼，我哋叫左13道菜，大部分都好味😋其中有啲偏鹹，主力推薦以下菜式：📍柚子沙律🥗👍🏼👍🏼👍🏼柚子香甜多汁，配上特制泰國醬料，味精很夾！📍小食拼盤👍🏼👍🏼👍🏼有多款選擇，而且份量好多！蝦球好有蝦味！必點！📍爆炸大頭蝦🍤👍🏼👍🏼👍🏼牛油配上炸蒜蓉，香氣撲鼻！忍唔住流曬口水～～大頭蝦質地新鮮爽口，唔會淋到一pat野。📍生菜包🥬👍🏼👍🏼👍🏼酸酸甜甜好開胃呀！生菜好爽脆！📍咖喱南瓜盅🎃👍🏼👍🏼👍🏼配上三隻大青口，咖喱上面淋上少許椰汁增加香味口感也更滑溜，南瓜和蔬菜在盅入面🎃南瓜好甜，送飯一流，唯獨鹹左少少🤏。📍🥥椰子汁大大杯

今weekend 來左西貢渡假兼同男神慶生日🎂， 酒店附近海邊有間泰國餐廳， 環境就好似係巴堤亞既海邊餐廳一樣💆🏼‍♀️💆🏼「泰式蝦肉炒金邊粉」大蝦炒上，味道尚可👍🏻「炸軟殼蟹柚子沙律」軟殼蟹大隻，粉有點厚，柚子夠大而且大粒😋😋「泰式炒雜菜」有西蘭花，椰菜花，菜心，芽菜，秀珍菇😊「串燒沙爹串-雞」好味！ 雞肉滑「芒果沙冰」咁熱既天氣，絕對不可少🥰😋備註：🔺預訂位最好，有優惠👍🏻🔺坐戶外仲有feel🔺每碟份量都唔少架

到西貢新酒店WM Hotel staycation，間酒店晚上沒有餐廳提供，要出去覓食，知道酒店附近有間食泰國嘢幾出名又可對住沙灘，就book定呢間的outdoor坐位。餐廳好多人一定要book定位。去到覺得真係好有泰國feel，我哋踢住拖鞋行過去真係好似去咗泰國旅行😂。在泰國好多餐廳都係望住海灘食嘢，我相信香港都好少呢類型嘅餐廳。我哋來遲咗，如果早少少可以睇到黃昏美景就更加靚🥰。Outdoor 一啲都唔熱，有海風仲有海浪聲真係好chill😊。叫咗泰式素春卷、冬陰功湯、椰香黃咖喱+烤薄餅、泰式炒河、芒果沙冰等芒果沙冰超推介，大大杯，好香好濃芒果味，好creamy，不是好冰嗰種。食物方面真係唔太出色，冇乜驚喜，要求唔太高是ok的，真係只是食環境😅，而且價錢都偏貴，埋單大約$800😏

星期日去到西貢 人頭湧湧旺過旺角 沿着海濱向沙灘方向行 見到一間沙灘燒烤場旁邊嘅泰國餐廳 面向無敵海景 吹住海風 涼着風扇 🍺入正題先來兩個椰青 爽到爆炸🥂前菜 炸蝦餅 串燒沙嗲 蝦餅夠咬口🥰椰汁炒飯 夠晒椰汁 喜歡濃厚的人一定要嗌咖喱 蒜蓉包 咖喱夠濃 連個蒜蓉包都係用心製作🇹🇭🇹🇭大路普通嘅泰國菜🇹🇭🇹🇭🥰喺香港出現就絕對唔會普通 吹住海風 chill番個幾兩個鐘 你都咪話唔爽☺️同場加演 臨走嘅時候點解聽到一把咁熟悉既沙啞又雄厚嘅聲音 原來係東昇駱駝😱😱 陳惠敏先生😌😌😌😊 聽人講原來佢喺附近嘅街坊💪🏻💪🏻

海邊食泰菜，以為去咗芭堤雅🤣位於西貢的泰菜餐廳，室外空間是沿著海邊的🌊🌅即時覺得自己去了泰國一樣。雖然是夏天，但坐室外又不怕熱，因為有很多風扇。所以也不會感到熱。如果夜晚來的話，環境應該會更優美！更浪漫！餸菜大致都好好味！蝦餅、串燒、椰汁炒飯、黃咖喱，全部都好吃！🥰只是價錢實在太貴啦！以上餸菜加飲品，埋單要$900！🥶🥶如果想坐室外，記得要訂位！如果大家想扮去泰國，這裡一定滿足到你！😂😂

初嘗駕駛樂趣，與家人和毛仔一同前往西貢。早幾天就已經 book 了泰道的戶外位置。可以一邊進餐，一邊欣賞海邊景色。由於海灣會前的沙灘不是政府轄下的，所以都吸引了不少主人帶同狗狗前往。我亦打算飯後可以帶毛仔去游水。由於平日的關係，只要光顧海灣會或旁的獨木舟設施就可以免費泊車，十分欣賞這個配套設施，泊車位置不是爛地，明顯有花心思修飾過！對於駕車人士，不坊可以一至五平日前來，絕對值得。不過要留意車位有限，大約十多個位置，車主如前來吃午餐可以早一點前來。當天天氣十分好，烈日當空，雖然坐在戶外位置，但都不會太熱和侷促，有海風，侍應姐姐很好還給我們放置風機。食物方面，種類繁多，大至海鮮，魚也有很多款，有盲曹，烏頭，鰂魚，少至一些比較少見的泰國菜式也有，例如蠔仔蛋。午餐時段都沒有set lunch ，只能散叫。價錢略貴，屬中高價位。不過若然有免費泊車，加上這個海灘靚景，又可以一邊吃飯，一邊在沙灘玩，這些因素底下，我覺得十分相宜，應該會吸引到一些駕車又帶同寵物的市民前來一嚐。泰式金邊粉 份量ok，不過味道稍為淡了一點，可以用串燒的沙嗲醬撈金邊粉，亦可！小食拼盤 $158 (小）泰式雞卷，魚餅，蝦餅，素

西貢碼頭既海旁一路行入去就係泰道,餐廳都幾大不過outdoor seat都係座無虛席.因為戶外真係有少少去左芭提亞既感覺~吹住海風,望住月亮升起個景都真係幾唔錯!不過食物質素真係十分一般,係below average既泰國菜.加上over priced.♦ 泰式生蝦 ⋆ $118生蝦唔太新鮮,無蝦味~為免影響我之後staycation既行程,食左兩隻果段放棄左.♦ 清邁香酥酸辣魚 ⋆ $188同expect有少少唔同,唔算酸又唔算辣,就好似炸魚柳咁.好乾身,不過好處係無骨♦ 冬陰功湯 ⋆ $158冬陰功湯算係救返呢一餐,好夠熱辣辣,香味十足.入面有兩隻大蝦,質素都唔錯既~

嚟得泰道食野嘅一般都系去咗或者將會去沙灘，因為坐在泰道望出去就系熱辣辣嘅西貢沙下灘，景觀開陽，一眼望去心曠神怡。野食方面超滿意，可能係因為玩完水太肚餓，食咩落肚都覺得係人間美味😂。其中強烈推薦嘅係脆爆香茅三文魚鮫，生菜包同泰式香燒雞，超級惹味，現在回味仲覺得想食多舊😂。至於甜品真系好出色，芒果糯米飯101分，千層糕同椰汁西米糕唔會死甜，我嘅第二個胃消化得好好👍👍👍。總體而言，雖然價格偏貴，但系食物質素不錯，係在沙灘玩完之後嘅最佳選擇。晚間都幾多人，各位記得提前book位❤。

呢間餐廳係同朋友紀念既地方而家人流比較多，所以最好要事前訂位。環境上，坐室內外都無問題，都係咁靚，外面有海景同燈飾內面都有靚裝修😉😉😉😉😉黃金菜係我地每次泥都會叫既👍🏻今次份量上比以往小，佢係炸既菜，所以香口既👍🏻生蝦夠大隻，都可以一試不過串燒豬牛雞就麻麻哋唔夠入味同唔香可以食其他，唔使叫豬牛雞冬陰公都好飲既但食好重味既就可能差小小青瓜特飲就可以唔使飲了🤫🤫但芒果糯米飯就一定要食😋

2021年8月8日 晴去西貢玩完水又係時候揾好野食。去開沙下玩水ge 朋友都會經過呢間, 係一間海邊ge 泰國餐廳, 夜晚時間都好full。餐廳有分室外同室內, 室內冷氣好足, 但如果想坐室外圓枱記得book 枱個陣講, 如果唔係要兩張二人枱拍埋, 但中間又隔住把太陽傘, 變左好大條la係中間...呢到覺得餐廳可以改善一下, 訂左枱都要咁迫住坐有點兒唔太好呢柚子沙律 $138, 柚子味唔夠香, 整體唔太特別蒜香軟殼蟹 $138, 食落幾香口, 但略嫌有d 乾, 點埋佢個泰式辣醬會好d泰道(黃金菜)-細 $108, 唔知點解個名同餐廳名一樣, 但呢個菜幾好食 食落有d 香口, 又唔好好膩, 唔錯脆爆香芧三文魚鮫 $168, 呢碟我認為係全晚最好食ge 一碟送 食落好香, 調味調得arm arm 好, 魚鮫又好滑, 好正 香葉蝦酥魚 $198, 呢碟食落口都唔知食緊咩咁, 係一d 炸到好脆ge 蝦定魚, 個底有d 汁, 但我應為唔撈佢d 汁好食d, 不過就會偏乾身椰汁雞湯-大 $168, 雞湯好香滑, 材料都好足, 好飲泰北椰汁蟹肉伴青瓜 $168, 比較特別, 以往都未食過, 蟹肉十分多