泰道 (已結業)

秋涼又晴朗， 約埋我最敬愛的爸媽家姐去試一下呢間有戶外的泰菜， 結論係， 食泰菜經驗豐富的父母都贊好不絕， 味道夠，酸辣度全合格，雖然略貴但份量都算合理。 最賺到的係 戶外涼風陣陣， 望住沙灘， 風帆， 小狗， 好享受治愈的午餐， 戶外好處 唔太嘈傾計都可以斯文細聲d, 對兩老雖然行得稍遠先到餐廳， 但佢地都好開心同喜歡食！ 推介木瓜沙律，配上脆香魚仔同腰果， 未食過咁好味的木瓜沙律， 酸辣鳳爪， 濕炒河粉全部老少咸宜， 仲有好多未試下次再黎！ 推介再去，

呢間泰菜由別於一般泰菜進住咁靚既海景食泰菜真係一流🤩🤩同行4人嗌左以下：炸蝦餅冬蔭公泰式炒金邊粉椰青椰汁冰炸蝦餅：炸得唔油，蝦好鮮味，而且夠彈牙，好食！冬蔭公：夠酸亦夠辣，材料足，好飲！泰式炒金邊粉：炒得夠乾身，都多配菜，唔錯！最緊要係坐得好舒服🥰🥰咁既天氣吹住海風望住個海食lunch真係好chill好正呀！！！

西貢"泰道" 泰國菜，見以往的口碑唔錯， 所以就去試一試。揸車的朋友可以泊海灣顧客停車場，消費有免費泊車的。夜晚的環境的確唔錯，餐廳本身並不算太大，露天的座位就比較多，發覺大部分顧客都喜歡坐露天，當天的天氣可能比較清涼乾爽。餐牌好大本，全部都有彩圖，非常好十分清楚😏。珍多冰好飲，不會太甜，亦不會太重椰子味。有幾片大樹菠蘿好香👍椰青很大個，亦很清甜，而且啲椰肉都可以用匙羹刮出嚟食，很嫩。柚子沙律， 啲柚子肉一嚿一嚿，沒有整碎的，似食生果多過食沙律😬。味道還ok。有些少醬汁在底部，要撈一撈才食會比較好，否則食到底部的時候會好重醬汁味。這款雞中翼完全零分，垃圾級別👎👎。 炸到好乾，完全沒有香茅味，全靠碟泰式醬料，否則可以掉咗佢，快餐店的炸雞比佢還好食。沒有鹹魚味的鹹魚炒芥蘭😑😑， 芥蘭還好，比較嫩。酸辣青檸明爐魚一般一般，烏頭魚好大條，酸辣味ok，魚面好多粉絲。基本上見到枱枱都有人食這款明爐魚。價錢是偏貴的，而品質方面又麻麻地，有時貴少少都唔係問題，最緊要啲嘢好食。 所以都係試一次咁多，沒有下次。

第二次來呢間泰國餐廳，第一次是大約3年前，兩個家庭來食晚餐，坐於室內，食啲乜嘢，己無印象了。與太太放假帶埋狗仔，出走西貢。遊完獅子會諗下食咩嘢，今日陽光普照又清爽，「泰道」有戶外座位pet friendly, 又有免費泊車，於是不作他想。泰式風情當日係weekday, 中午1點左右到，但無需等位，選擇坐於室外，與海灘零距離。加點幻想身處泰國華欣。軟殼蟹柚子沙律咖喱海鮮，蒜蓉多士，泰式海鮮炒河大大杯的龍眼冰芒果沙冰食物份量好足，味道亦不錯。價錢合理，環境舒適，一定會再來。

同男朋友行完山就去左西貢搵野食我吩咐佢唔要食行貨，要有特色d因為我地係情侶😂男朋友就話想食泰國菜但呢間好似遠遠地咁我就開地圖睇下啦原來都係沿西貢碼頭沿海就行到過去，好快黎到就好似去左泰國芭堤亞咁😍咁岩係星期一無乜客，位就任揀咁我地就揀左對住沙灘食其實野食就有少少貴，但對住個海景就抵返曬啦我地叫左三樣野食同泰式奶茶最抵食就係串燒，$38有兩串，我地就叫左雞同牛，牛食落有少少豬頸肉風味，雞食落就滑身既不過海邊大風，d野食好快就凍左🥶泰式奶茶都有水準，會飲到茶味，唔會死甜係到慢慢睇住個海食野，真係好有渡假feel可惜我地趕時間，唔係就會再坐多陣先走😍

兩年幾無得去旅行，難得揾到一間係西貢海邊勁CHILL泰菜，HAPPY HOUR坐係海邊創杯野，偽旅行一下。先講餐廳環境，室內坐位舒適，但想感受一下海邊用膳，記得訂枱時講明坐室外，不過要有心理準備好多人訂室外的，要預早訂位。泰式香燒雞 (半隻) 製作需時35-40分鐘 （$168）皮脆肉嫩，調味不合搶走雞肉的味道，值得等待。泰式炒雜菜 （$108）石鍋上桌，香味四溢，好夠鑊氣，夠哂野味。Cocktail 選擇多，可選泰式特飲或是特色Cocktail，適合三五知己共聚。

同朋友喺西貢玩完一日水上活動趁天氣涼涼地再嚟食泰國菜我哋一行三人叫咗個泰式冬陰功、菠蘿炒飯、泰式生菜包😚冬陰功嘅湯料好豐富🥘食落去酸度同埋辣度都好足夠，仲有勁重嘅香茅味同海鮮嘅鮮味菠蘿炒飯嘅份量亦都十分足夠，三個人分都夠飽，而且好味😍而生菜包嘅調味幾好，個人覺得可以辣少少🥬價錢雖然唔算平，但係可以對住海景chill住食，幾唔錯😛

呢間泰道係位於西貢的泰國餐廳，風景十分美。用餐時可以看到一個無敵大海景，尤如置身於泰國一樣。在疫情其間不能出國，可以到此一遊。泰式豬頸肉 ✔️✔️✔️✔️✔️這個豬頸肉燒得十分之香，口感入口即化。配合埋味道清新的酸甜醬，豬頸肉的味道簡直昇華了去另一層次。雞肉及牛肉串燒✔️✔️✔️這個雞肉十分彈牙可口，配合淡淡的沙嗲醬，風味十足。牛肉質地鬆弛，味道偏咸。燒春雞✔️✔️✔️✔️燒春雞味道香口，雞肉嫰滑，配合埋泰式辣醬十分好食。蠔餅✔️✔️✔️上菜時滋滋作響，新鮮製作，蛋香濃厚，芽菜爽口。蝦醬通菜✔️✔️✔️蝦醬味道濃郁，通菜爽口，適合重口味人士。Masala 咖哩牛肉✔️咖哩偏甜，但牛肉鬆弛無味，薄餅堅韌偏油，整體一般。海鮮冬蔭宮湯✔️✔️✔️✔️湯低味道酸辣清新，十分開胃。內有足料海鮮蔬菜，但蝦肉有點鬆散。金邊粉✔️這碟的蝦肉及金邊粉彈牙，可是，味道略淡，帶乾，可加落冬蔭宮湯中品嘗提鮮。整體來講，這間餐廳富有渡假風情，值得一試。如果家中有養小動物，可帶同前往，一定別有一番趣味的。

去完鹽田梓玩了一天，就喺西貢搵一間泰國嘢食。呢間餐廳其實好大，有室內室外，環境亦都唔錯，喺沙灘🏖️旁邊，如果坐室外嘅話係可以望住大海食飯㗎🤤鹽焗盲曹🐟，魚未夠入味，肉質尚算鮮甜，鹽只係停留咗係魚皮面。咖喱🐂牛坑腩配薄餅，平時最怕牛腩好硬好乾。但係呢個一啲都唔會，牛腩好林，不過薄餅就非常之少同埋好薄，咖喱汁唔算辣🌶。生蝦刺身🦐⋯比較細碟。泰式拼盤裏面有🦐蝦餅，🐠魚餅，🥬素春卷.泰式🐓雞卷，味道不錯👌🏻泰式炒🥬通菜，夠野味鐵板蠔🦪仔蛋🥚覺得呢個比較淡味。汁燒魷魚筒，不過魷魚🦑比較細隻。泰式蝦醬炒飯，不過不失😺芒果🥭沙冰.又大杯又好凍🍹整餐晚飯🍽大家都係滿意嘅，上菜其實係好快嘅。佢嘅餐牌仲有好多款嘢食嘅下次都要再試吓先

親冬天未到，勁好天氣，晏晝一家人同小朋友玩完沙灘去左泰道食晚飯，店員好nice，坐外面望住個海食飯真係好好feel，好有去左泰國ge感覺，野食都好食價錢又唔貴，下次會再去💕💕

無意中發現了西貢這間在海邊的小屋餐廳有點到了外國的休閒感 非常寫意也許是到西貢本身已經像是一個小旅行般？一邊享受泰菜 一邊看海上、沙灘上的人走動傍晚要走的時候開始亮燈 晚上來氣氛一定更好呢食物一般 是吃環境的地方🙆🏻‍♀️𓇠泰式生蝦 $128 ⠉̮⃝︎︎☻ ☻ ☻口感爽脆 鮮味足 甜度也Ok 就是偏貴😂𓇠泰式蝦肉炒金邊粉 $128 ☻ ☻ ☻ ☻不過不失🤔 炒得算香 𓇠 海南雞(半隻) $178 ☻ ☻ ☻在這餐廳算CP值高的品項 但雞肉不滑 和西貢名物金雞的出品相差有點遠大家同在西貢 有對比有傷害😂𓇠菠蘿沙冰 $68 ☻ ☻ ☻ ☻𓇠泰國奶茶 $38 ⠉̮⃝︎︎☻ ☻ ☻兩者都不濃 沙冰是鮮菠蘿味 比較推薦

放大假同主子一齊去海邊走走🌊上網見到有post講e間餐廳pet friendly所以特登黎試下揸車入黎泊左附近露天停車場後黎先知原來餐廳消費滿二百定三百 可以免費泊隔離停車場 蝕左😂餐廳對正個海 我地有寵物要坐露天位 （黎睇海景緊係坐出面啦）不過有簷蓬遮住唔曬而且海風好涼爽 晚飯前食少少野坐下抖下所以只係叫左兩樣野+野飲甜品brownie +雲呢拿雪糕Brownie入面有nuts 同軟心朱古力🍫好食 但男朋友嫌太甜太漏😂芒果沙冰正正常常另外仲叫左龍眼冰同小食拼盤點知唔記得影———————————————————————整體來講 環境100分員工友善個個都黎同主子打招呼😂摸摸佢而且香港可以同寵物一齊食野既地方唔多有靚景的地方更加少挨係度望海飲野好chill食物質素正正常常 但價錢偏貴如果係諗住黎食飽 可以要預計埋單唔平

當日叫咗個柚子沙律，小食拼盤，金邊粉柚子沙律完全又貴又唔好食 啲柚子硬到咩咁 但收成百幾蚊 🤬😡小食拼盤 金邊粉普通正常食緊嘅途中啲烏蠅蚊係咁飛來飛去 仲比啲蚊咬咗幾啖紅腫咗幾日 總括來講呢間嘢完全唔值咁嘅價錢 無下次

I came here for dinner with a few friends, we were quickly seated when we arrived. We ordered Pad Thai, Pineapple Fried Rice, Roasted Squid, Tom Yum, Roasted Chicken, Pork Green Curry, Mixed Kebab Platter, and Appetizer Platter.Our seat was outside beside the sea, it was breezy and comfortable. The table was clean and set up already, and the chair was made out of rattan with a backrest and was comfortable.The first dish that came was the Appetizer Platter. It consisted of fried shrimp cakes,

泰道地址：西貢大網仔路沙下村9號地舖暑假成日去西貢玩水，所以食左好多間西貢野😂今次介紹下泰國菜，泰道生蝦刺身⭐️⭐️⭐️⭐️大隻，鮮甜，佢d醬都唔錯泰式炒金邊粉⭐️⭐️⭐️d色好靚，只係食落有d普通唔知係師傅失手定點，比較濕身，差d小食拼盤⭐️⭐️⭐️⭐️✨份量多既，最岀色係春卷，其他正常表現咖哩青口⭐️⭐️⭐️⭐️青口就正常啦，d星係俾咖哩😂咖哩點薄餅食係無死既！呢間餐廳真係食個景！價錢上反央左岀黎，呢個價錢返九龍城食，會再好食左！不過，帶住女女，又要泰國嘢，又要浪漫下既話，呢度係一個選擇😂我最不滿既係食泰國野無泰啤飲！我要飲返asahi lo翻食指數：⭐️⭐️✨（個人睇法）