泰道 (已結業)

趁着入西貢玩，就搵左這間附海邊既餐廳食個午餐。由西貢碼頭行入去都要小小時間，但沿途風景優美，散散步都開心。餐廳都滿座，好在一早book 定枱。我地坐左係室外，個日既天氣天陰陰，不太熱。我叫左杯泰式奶茶，男朋友叫左杯紅豆椰汁冰，兩杯都正常發揮。小食拼盆值得一讚，個蝦餅最好味金邊粉普普通通，蝦都彈牙咖喱牛坑腩超濃，個薄餅點咖喱汁好好味，牛都好淋，但薄餅數量比較少，成碗汁浪費曬🙈總括來說環境一流，食物唔錯，但美中不足是價錢有點貴😝

餐廳環境好似身處泰國咁😳望住一片海灘chill住食泰國菜 呢間餐廳位於西貢 假日人龍不斷 建議想食先Book左位先 ✨細冬蔭功湯 ($168)用砂煲上 仲有個火可以一路食一路滾 吾洗驚個湯會凍 呢個煲大約可以飲5碗左右 味道幾地道 料都好足 有2隻大蝦 惟芫荽太多 吾鍾意芫荽既人有排挑🥹✨黃咖哩牛腩 ($148), 薄餅 ($38)牛腩分量足 肉質都嫩 而咖哩就吾算好香濃 味道不過不失 另外點左份薄餅點咖哩食 薄餅幾酥脆🤤✨泰式蝦肉炒金邊粉 ($138)呢個相對無咩特別 普通炒粉麵咁 建議可以試下其他～✨串燒沙嗲雞 ($48) ✨串燒沙嗲牛 ($48) 各有2串 肉質嫩而不鞋 沙嗲醬幾岀色 味道幾濃郁 帶有少少花生香 ✨芒果沙冰 ($68)賣相💯 吾會太甜 份量亦好足✨椰青 ($58)椰青吾夠甜 而且有點生 好難刮啲椰青肉出嚟食🥹🥹

泰道 Thai Dao西貢靚景泰國菜慶祝生日黎左西貢staycation,預先已經plan好試下呢間朋友口中性價比高，又有無敵海景既餐廳🇹🇭泰道 Thai Dao星期日中午黎食，餐廳寬趟所以無book位都唔洗等，本身揀左戶外但因為一坐低就落雨天氣又勁焗，就轉左入室內。第一道菜《泰式生蝦*7-8隻$128》好新鮮，生蝦大大隻，蒜味好重，醬汁算偏辣🌶️如果唔食得辣既人就唔好連蒜食同唔好點太多醬，但整體黎講係新鮮好食🦐第二道菜《蒜香軟殼蟹$138》足料大大碟，軟殼蟹係厚肉大隻🤤，絕對對得起價錢。略有不足就係蒜香味唔夠香同味道偏淡少少，食到軟殼蟹既香脆同蟹味，好好味😋，但可能我本身中意重口味，覺得可以再咸多少少，如偏淡口既朋友可能覺得岩岩好。第三道菜《泰式蝦醬炒飯$128》配料有蝦米、臘腸、肉鬆、炒蛋（甜），同大大隻蝦仁，配料好足但完全食唔到蝦醬味，只係好普通既足料炒飯。不過餐牌仲有好多炒飯既選擇，有興趣黎呢度，不妨試下其他款式。叫左檸樂同珍多冰，埋單$525，係西貢食靚景食好西，呢個價錢都算性價比高，覺得下次有機會黎西貢都可以再食打卡位推介：當然戶外對住海景食一定chill,近海一排係大枱，而

上網睇食評留言好壞參半，但呢間都係我收藏左好耐嘅餐廳，多謝有朋友揸車加上佢生日我終於有機會可以去下😆一黎到個景真係好靚😍好開心可以坐係海邊位，望著呢個景食飯已經有加乘效果😂可能加上有聖誕佈置🎄特別有氣氛✨通常食環境嘅餐廳都係好睇唔好食，貴夾唔飽；所以我都抱住呢個信念😂但結果出乎意料，食物比我想像中好食！豬頸肉個燶邊烤得岩岩好，串燒牛舌係第二好食😋軟殼蟹都唔錯冬陰功湯都係值得讚，好足料，我飲左兩碗😂因為唔係食評，唔逐樣打😂下次有機會入西貢嘅話，我都想晏就去試下佢個泰式三層架😍日頭嘅view 應該會睇得清楚啲～

西貢一日遊去到最尾既一餐😁😁去之前，講真係因為佢嗰境，outdoor對住個海食泰國菜，真係好有旅行既感覺😎😎不過啲野食絕對係正，份量又多，仲要唔貴，“真心推介”👍🏻👍🏻先黎個軟殼蟹柚子沙律，軟殼蟹正常，柚子沙律調味好好，酸甜辣balance得好，好開胃~~之後黎個細既小食拼盤(蝦餅/魚餅/素春卷/雞卷)，應該全部都係自家既。蝦餅蝦味夠重，爽口彈牙！魚餅好鬆軟，香料mix得好惹味，一啲都唔腥～雞卷幾特別，之前未食過，似扎肉卷，但係肉質軟滑多汁啲，唔錯！春卷就正常發揮啦～每樣有4件，其實4個人都夠食🤭再黎今晚最愛，“鹽燒牛舌心”~~勁厚身，超爽口，沒筋，牛味濃，沒得挑剔，好過唔少日本鋪囉！就咁食都夠晒味，配沙嗲醬就添番啲泰式風味，下次一定encore😍跟住就係汁燒魷魚筒，燒得幾好，唔會乾，仲好軟滑，配左個辣汁，我就辣得好過癮，不過唔食得辣就唔好點😅本來諗住留肚試甜品，但係佢啲份量太大，最終聽老闆話飲個椰青，佢話係全年之中最甜～係幾清甜多水既，清番啲油膩感同消下滯😌P.S 平日都最好訂位，可以request戶外近海位置，感覺正好多~~

黎左呢間餐廳好多次，好鐘意佢環境，望住個沙灘，沙灘仲有獨木舟可以玩豬頸肉木瓜沙律（每次必點）木瓜沙律好清新，辣辣地，好惹味冬陰公明爐魚湯底好飲，但魚唔入味，有啲淡奇異果沙冰好濃奇異果味，好解辣，好飲

泰道位於西貢大網仔路沙下村9號地舖，需要由西貢碼頭大概行15分鐘先到達。環境優美，座位寬鬆。食物選擇多，上菜速度快，服務員也很多，有咩需要都好快幫到手。係一個好好嘅約會地方

真係唔知點講好😂，本來抱住高興嘅心情去食，卻敗興而回，只能說無奈🙄坐喺室外，當天天氣舒適，不曬有少許涼風，坐在戶外用餐🍽可以話係enjoy食物叫咗串燒、拼盤和柚子沙律，串燒和拼盤都好快上菜，加上味道不錯，當然仍懷著開心嘅心情但等左好耐不見柚子沙律踪影，於是向侍應查詢，而侍應也即刻處理話漏落單而柚子賣哂，所以要另點，於是我哋就點咗炒金邊粉結果：等、等、等，金邊粉亦都係踪影渺望追咗2位侍應，都係得個… 等… 字，而這位2位侍應並沒有回覆我們發生咩事，究竟要我哋等到幾時最後唯有自己埋單走人⋯⋯😮‍💨😭😭

今日同友人到海邊走走❤️去海邊Lunch，食下風🤭西貢「泰道」環境一流員工「態度」都一流👍🏻 熱情有禮，真係令食客滿滿歡喜💕⭐️泰式生蝦 $128新鮮生蝦刺身，爽口鮮甜⭐️小食拼盤（細） $168有蝦餅、魚餅、春卷、雞卷各4件，蝦餅外脆內爽口彈牙😚食味香脆惹味⭐️泰道黃金菜（細）$118好特別嘅黃金菜，菜係菠菜，好似食緊菠菜天婦羅咁👍🏻呢個真係要試😋⭐️椰香黃咖哩（雞） $148可自由選擇要雞、牛或豬肉，椰香味好夠，啱唔食得辣嘅人💕想辣啲可以試青咖哩🌶🌶🌶⭐️烤薄餅 $38配上面嘅咖哩一齊食，吸晒啲咖哩汁好滋味⭐️芒果糯米飯 $68一般，我覺得唔夠軟糯，椰汁唔夠香，真心有啲失望，因為我真係好鍾意好鍾意……食芒果糯米飯🤭⭐️芒果沙冰 $68一般，夠大杯，芒果味唔夠整體不錯，望海食嘢真係好chill🤭吹下海風真係好有旅行感覺👍🏻

餐廳座落於西貢環境當中，設有室外及室內雅座，室外眺望遠處還可欣賞西貢海景海灘玩沙、獨木舟等等，仲可以帶鸚鵡、寵物進入室外。泰式餐廳由泰籍廚師主理，主打泰北風味泰國菜。泰國菜每一道平均$100，我們點菜6個餸、1個冬蔭冬湯和2個炒飯+金邊粉，賣相十分好，味道水準好正，遇有7杯飲汁，仿佛身處於泰國享受地道美食的感覺，享受生日聚餐。6個餸：招牌菜泰式燒雞（皮脆肉嫩）泰式炒時菜鐵板蠔仔蛋小食拼盤炸軟殼蟹柚子沙律馬莎文咖喱牛坑腩配薄餅 （牛坑腩肉汁肉味）1個湯：原煲大頭蝦冬蔭功湯（有酸有輕辣）2個飯麵：菠蘿海鮮炒飯泰式蝦肉金邊粉

聞說西貢有一間隱世靚景餐廳。座落於海灘旁邊。可以一面吹住海風，一路睇住其他人玩滑浪風帆同玩水，再享受住陽光食泰菜。佢嘅食物都好有質素㗎。椰青$58泰國生蝦$118，合共7隻蝦肉鮮甜肥大，配上泰式辣醬食過返尋味👍🏻泰式炒肉碎$118原本係想叫生菜包但係一問之下，原來泰式炒肉碎同生菜包的肉碎係有少少唔同所以今次想試吓泰式炒肉碎食落其實味道差唔多但齋食肉碎有啲dry所以下次會叫返生菜包辣椒膏炒青口$168青口有少少腥扣分泰式燒豬頸肉$128水準之作豬頸肉肥肥地，油脂感十足外圍烤好脆配埋醬汁一流👍🏻芒果糯米飯$68芒果夠甜糯米飯煙煙韌韌椰汁香滑夾埋一齊係享受👍🏻總結：- 特別推介泰國生蝦、泰式燒豬頸肉同芒果糯米飯。好啱一家大細喺嗰度享受一個充滿陽光同快樂嘅午飯👍🏻

另一半生日，朋友請食飯。車了我們去西貢食泰國菜。當日好爆，露天茶座已經坐滿了。雖然枱有些細，但免強都可以的。我是第一次來，但其他人已經來過，仲話今次食物好食過之前。我們叫了一個細嘅小食拼盤。每樣四件泰式雞卷、魚餅、蝦餅及素春卷。全部都脆卜卜，幾好食。串燒沙嗲牛心舌、牛、豬和雞各兩串。我唔食牛舌都覺得牛心舌夠冧，好好食👍🏻。其他串燒都好味的。菠蘿海鮮炒飯都炒得好香，我比較鍾意食菠蘿，如果可以再多啲就更加好。味道不太咸。泰式燒雞半隻，柴了些少，但皮都脆的。鹽燒馬友，肉質和味道啱啱好👍🏻朋友之後再去幫襯，但話冇今次咁好食喎，水準有些不穩🤔…

次次𠼝都試吾同菜式，唯一每次必點我最愛佢椰香菠蘿沙冰！一試便愛上❤️🥳🥳🥳男朋友係鷹神啤！重點我哋成餐飯無論係服務態度食物質素靚海景！85分以上！好嘅餐廳自然要book先有！蠔仔湯唔錯！點左幾疊辣，蠔仔湯清淡D，配下幾好唔洗疊疊刺激味蕾男朋友唔太食得辣，但佢竟然最高分係海鮮酸辣粉絲蠔仔湯溝中和翻個辣！吹住海風，望住海景，享受住地道泰國美食！我推薦大家去食！服務人員也好好85分！我哋食得舒服

復活節嗰幾日放假就諗住去西貢行吓，搵吓餐廳，見到呢間餐廳OpenRice咁多正評，就諗住索性入去試吓啦！一入到去已經覺得個環境好正！好彩咁啱有位坐餐廳出面，望正個沙灘，放假咁樣食飯確實係好chill 頭盤我哋叫咗牛肉串燒, 大大嚿都幾好食 之後叫咗個咖喱牛坑腩配薄餅, 薄餅脆脆地, 點個咖喱汁配住嚟食真係好好食 呢個斗可以食三碗白飯!我哋仲叫咗半隻燒雞，個雞好滑呀！媽呀！呢間餐廳真係要再食多次反而個芋頭雞粒肉鬆炒飯就比較淡味少少，不過整體嚟講都算幾好食嘅。 P.S. 個芒果冰沙呢，如果有敏感牙齒千祈唔好飲呀，因為佢勁凍 呢個晏晝飯我哋食咗三個鐘，因為呢個環境實在太舒服啦！哈哈！

疫情期間，同狗狗坐室外，已經好享受。今日去咗西貢呢間餐廳，可以同狗狗享受陽光，吹下海風。依間餐廳，坐戶外，帶狗狗先至係重點。天氣好好一啲都唔熱。🐶🐶好開心。已經好滿足。《扎肉沙律》《生蝦刺身》《咖喱牛腩配薄餅》《泰式濕炒河》《奇異果冰沙》環境：絕對係呢間餐廳嘅賣點，坐戶外地方乾淨。有海景，泊車容易。食物：每款食物大概130-200。 唔算太平，可接受範圍。我最鍾意食佢個生蝦刺身同埋扎肉沙律。值得一試。