泰閣 (已結業)

呢間既午市都算抵食,叫左個泰式海南雞飯,有青瓜做底,D雞都幾嫩滑,飯係黃飯來的,我最中意黃飯。碟野仲有紫色既飯做點綴添呀,洗唔洗咁靚先? 個飯量都好夠,食完飯飲完湯已經好飽,我仲叫左杯奶茶。仲跟左個湯添。果陣係午市,唔算好多人,都幾好。唔知點解油麻地D茶餐廳仲貴過其他區,黎呢間既價錢都唔會貴過茶餐廳好多,即時覺得抵左。不過食物就真係要等一陣。呢度環境都算優美,服務係SERVE完食物比你就唔多理你。

行經油麻地，今次同屋企人試左呢間位於Casa Hotel 2/F既泰閣，其實一直都好想試，今次終於試到呢間冬蔭功海鮮金邊粉絕對係我食過既最正宗！湯底比外面其他泰國餐廳辣，對於嗜辣但又唔食得太辣既我，辣度岩岩好，食得好過癮而配料方面，以$6x既價錢黎講，好抵食，因為真係好多唔同種類既海鮮，例如大蝦、青口、炸魚同魷魚，所有食材都好新鮮好爽口超級推介！至於青咖喱泰式扎肉配飯，我都試左少少，個賣相好吸引，而且個汁好濃稠好香，辣度適中，泰咖喱汁撈埋飯一齊食真係一流餐飲方面，我地都揀左「泰式紅花茶」，追問之下原來係「洛神花茶」，跟餐或轉凍都唔洗加錢，用黎解辣一流

生日飯最後一擊，食泰國菜。泰閣已光顧過多次，對上一次都已經是兩年前了。首先想起她是因為即使星期五，這裡都不需要分時段，跟好友可以慢慢食，慢慢傾。食泰菜必點我至愛的酸辣無骨鳳爪，這裡的味道比較淡，酸辣味都唔夠，惹味程度不夠，但食完唔會口渴。柚子沙律同樣味道比較淡，但柚子新鮮清香，不帶苦味。大蝦粉絲煲的粉絲入晒味，但大蝦竟然是霉的，我們跟經理投訴，她立刻將蝦收起話要比師傅睇，之後換了另一鍋蝦給我們，服務態度良好。炸蝦餅熱辣辣，炸得好香脆，蝦肉亦新鮮爽口。冬陰公湯酸味重過辣味，香茅味亦淡，稍嫌遜色。咖哩炒蟹好好味，咖哩味不會被椰汁蓋過，蟹亦新鮮，肉質鮮嫩。配上印度燒餅一流，唔駛浪費了好味的咖哩汁。蝦醬炒通菜都好惹味，不過蝦醬味不太濃。芒果糯米飯簡直一流，糯米跟紫米飯是熱的，好新鮮，芒果清甜，超好味。這泰國菜館跟其他的比較，口味是淡一些，但食完喉嚨唔會乾又唔口渴，反而大家都好受落，今餐食得好幸福了🤗

今晚同朋友外出， 行到身水身汗，好想搵個舒服啲嘅地方坐低食晚餐。記得呢頭附近有間泰國嘢喺酒店樓下 ，坐得都幾舒服所以就揀咗呢一間泰國餐廳食。朋友叫咗海南雞飯，配冬瓜湯。賣相唔錯，味道方面朋友話唔係好好食，但可以接受。而我自己就叫咗泰式蝦球炒金邊粉。 我本來以為係辣，原來係係酸酸甜甜。 其實都好開胃嘅都啱夏天食，但係份量有啲大碟，食得多對隻味道有啲厭。我覺得一般般， 淺嚐即可。提外話，餐廳感覺都乾淨，但係食食下，有隻細曱甴係碟下面走左出黎........好核突。我用金邊粉碟上面塊葉ko左佢見到都唔開胃我地加左錢叫左特飲。。總括而言，呢間泰式嘢其實唔係太好食 ，價錢都唔平，只係環境真係唔錯，服務都唔錯，坐得都好舒服。注重食到好味泰式味道ge朋友可以試下其他餐廳。

琴晚傾盆大雨下衝左入呢間餐廳到食，上菜算快，我食左冬蔭公湯粉。雖然56蚊，但係蝦都有3-4隻，都算係禁。不過湯底無乜香茅味而且份量較少，隔左4個鐘就餓了。總括而言，56蚊不要期望太多，呢個質素都算係禁。

原本去心想的樓上cafe ，但冇位，轉試這間。但十分非常不爽，唔知有冇其他食客同樣有這經歷😡⋯⋯在openrice 見到二人餐，都不錯，一於試試。一坐低才知二人餐因新春（已15/2 農曆十一）而加到五百幾，既然坐下，環境都舒適，就不轉場了。但惡夢就開始了。先來生菜包，很有份量啊！肉碎酸辣度令人開胃，但稍為鹹。後來送來蝦餅，第一件幾好食，但再食就發覺很實，味道一般😑。店員提我們叫餐飲，話除了椰青外都行。點了三色冰及泰國啤酒。就在這時，另一位較高級的店員話只得木瓜蜜或薑蜜可選。這兩杯都不好飲，完全唔明白點解要突然限制？餐牌又冇講😡⋯⋯重頭戲來了，咖哩蟹。的確是有膏，但欠咖哩香味，稀稠度算稀了。最😡😡時，食到七成時，店員走來，話這套餐用了膏蟹要加$30。嘩，落單上菜後，才限制飲品，又話蟹要加錢。真過分⋯⋯但落單的店員話自己唔知要加錢的，又話佢自己賠😑⋯⋯邊忍心要她自己哽😔⋯⋯埋單$614🙄算吧！不會再來。

吃午餐，牛腩飯，牛肋上長毛，結果換了喇沙，配菜上的扎肉也長毛，味道不好，吃了倒胃，太離譜！！有什么毛會這樣掉到食物裡，這世界有沒有付錢的食物上掉了毛髮！這是奇怪定奇蹟！在發生事情時，侍應沒有任何應對，結果換了的也是同樣有毛在食物裡，這是什麼情況，這是什么的食物，到底他們都有什麼狀況，會做這樣不能理解的行為，食物到底重不重要，客人不重要，食物上的毛髮也想知道為什麼會在客人的食物上，如果這些毛髮也希望掉在食物這個真的無言了！！

泰國菜係食極都唔厭，今次就係依間係旺角既樓上泰菜😌一黎就緊係飲返碗熱湯暖暖胃先，冬蔭功材料都幾足，有2隻大頭蝦，肉質鮮甜，辣度適中，記得襯熱飲，凍左味道差一大截！小食就嗌左雞豬串燒，蒜蓉包，小食併盤，生蝦刺身同大蝦柚子沙律。生蝦刺身係最推薦👍🏻👍🏻👍🏻，蝦肉彈牙，新鮮，連埋酸酸辣辣既sauce一齊食，簡直係刺激味蕾！😋不過小食併盤同串燒就麻麻喇，蝦餅食落似番炸，偏油膩，感覺係擺左全日再叮番熱佢👎🏻蒜蓉包同沙律🥗就正正常常，不過柚子肉有d係苦苦地，澀澀地，但係都接受到既。主食就嗌左個明爐魚同椰汁海鮮焗飯🥥，明爐魚面頭舖滿左好多香料，不過又唔會搶左魚既鮮味，幾滑嫩，魚肉都幾多。相反個飯就唔多掂，飯冇事先炒過，焗完出黎一patpat，食到一半就得返d濕泣泣既飯，成個飯得少少椰汁味，下次都係食返菠蘿🍍炒飯穩陣d😂

今晚食泰菜講番句 ：沙挖地卡， 昨晚朋友突然約食飯，咁突然就緊係上 OpenRice 找地方喇！朋友愛去泰國旅行我就鎖定食泰菜，搵左一輪見到油麻地呢間係酒店樓上的 「泰閣」環境不錯喎！大家都未食過就呢間喇！泰式燒肉炒椰菜苗泰式燒肉比港式咸香乾身，燒肉皮都算脆口，與椰菜苗同炒帶有魚露味算不錯。👍酸辣肉碎生菜包七成瘦肉三成肥肉比例剛好的肉碎配以泰國調味料酸辣程度對我來說剛剛好，真係越食越惹味！泰式夏日拼盤 $118有我喜愛的高纖木瓜沙律、比較乾身烤雞、惹味豬頸肉、爽口扎肉同攝位用的雞蛋同米線。烤魷魚好好好有咬口裝修骨子充滿泰國有品味風格二人餐抵食，坐下傾下無時間限制都值喇！

是晚一行5人去到比左張大圓枱有轉盤😍😍😍環境比到人爽同清新感👍🏻👍🏻👍🏻服務合格以上.服務員都叫做肯做同快應人.唯獨少了點笑容👉🏻👈🏻食物質素就.一般好食（冇驚喜果隻）絕對合格既😉😉😉值得再去既🎉🎊

早前去過同幢酒店的西餐，感覺不俗，發現原來樓下仲有泰菜，今天又約人試食。Openrice 訂台有 85 折，沒有不訂的理由。環境是無得彈的，尤其是臨窗卡位，望住車水馬龍，九龍區的命脈- 彌敦道。加上餐廳人不多，份外好坐。至於食物又如何呢，等我逐一介紹吓：泰式酸辣鳳爪 $78唔太酸，下層有汁就辣，上層冇汁唔辣，大家可以自由控制。夠多香味配菜如芹菜及蔥等等，鐘意食的人會好高興。整體來說份量算多，作為 share 來食的頭盤真心不錯。👍原隻燒墨魚 $68堅係墨魚，即係打冷橙色果種。燒起上來冇魷魚咁好味，唔夠香唔夠Q ，口感差一截。雖然平，但冇下次。泰式明爐魚$208係烏頭魚，雖然落左無數咁多香菜，但仍然好腥。食到有泥味、有腥味，同埋魚腮未清，相當難頂👎原個菠蘿炒飯 $118有兩隻無味急凍蝦加無味急凍雞肉粒，菠蘿同炒飯底都 ok , 但整體偏甜，而且D料唔掂 👎。黃咖哩雞$102大煲熱辣辣，超大件冇乜味的急凍雞，同埋好多好多薯仔。咖哩唔太辣，唔香，偏甜 👎牛油酥餅 $38呢味正！有三件，熱辣辣外酥內軟，點咖哩一流。唔夠分，encore 了。👍芥蘭炒牛肉 $88大碟，火候控制不錯，唔知點解，又係

今晚又去食泰國嘢，呢次揀咗油麻地CASA酒店一樓嘅泰閣。裝修别具泰國特色，寬敞雅致，又有街景，坐得舒適。打開menu，選擇多多，天口咁熱，就嚟個金柚子蝦球沙律醒醒胃先。好足料，蝦球爽口彈牙，柚子酸酸甜甜，好味。跟住上嘅係冬蔭公海鮮籠尖粉，所謂籠尖粉同米線差唔多樣，酸酸辣辣，非常惹味，配料有青口、蝦、魷魚同魚塊，份量足，水準之作。再上個青咖喱鴨胸，食咖喱梗係要配個飯喇。青咖喱椰漿較多，味道偏甜，但都算可口滋味。两條友叫咗三款食物，埋單約300蚊，唔講得話抵食，不過以食物水準同環境嚟講，可以接受。

今日難得親戚來港，帶左佢地去油麻地一間樓上泰國餐廳吃晚餐，品嚐異國風情。 由於在油麻地的關係，所以地方不難找（在酒店上一層）。在餐廳門外，可看到2個雕像佇立在門外招呼客人。入到去，也可見不同的泰國裝飾，佈置華麗。我們被安排坐在圓桌（因為人數眾多），座位舒適。基於人數較多，所以我們亦叫了個8人套餐，不用煩惱。個8人餐的份量十分足夠，整體來說都不錯，但價錢略為貴。如價錢調低一點，相信可以吸引更多人光顧！

7月之星生日，壽星女揀咗油麻地（泰閣）食泰國嘢。一行十人安排坐一張大圓枱，座位舒適，職員見我地人多，推介8人套餐。套餐的份量都好大碟，足夠我們十個人食。有金柚子鮮蝦沙律，大大隻蝦，酸酸甜甜，夠曬開胃。泰式小食拼盤 有春卷、魚餅、蕉葉雞、蝦餅，都好好味泰式炸蝦餅 蝦肉彈牙沙爹一打 有豬、牛、雞 各幾串，燒得幾香泰式炒金邊粉 金邊粉味道酸酸甜甜，有蝦、豆干、雞蛋，不太油膩海南雞一隻 雞肉好滑泰式炒通菜 翠綠色的通菜，味道咸淡適中招牌咖喱炒蟹 蟹好大隻，蟹殻好硬 ，少d牙力都食唔倒，但個咖喱汁好好味，點油酥餅和蒜蓉包無得頂菠蘿炒飯 份量十足 明爐烏頭魚 魚肉不太新鮮還有泰式翅同泰式甜品，整體嚟講都算抵食

四個人來到呢度食咗一餐泰國菜，因為每次食親泰國嘢必食生蝦，但點知呢一度嘅生蝦令到我非常失望😞超級難食！其次嘅炒野同全部都係普普通通，食完之後，唔會再有想再返嚟encore嘅感覺！至於座位係舒適嘅又夠冷氣，但可惜食物嘅質素卻是偏差太多！二洗手間方面男女次覺得一間並不足夠！