泰闊and一燒 (已結業)

某香港著名既KOL曾經介紹過的隱世小店，即刻啓動了美食雷達去一試係咪傳聞中咁好食！呢間小店位於油麻地站B出口隔離，地理位置十分好，之前都聽聞係呢間係即叫即燒既外賣店，果然如預期般是沒有坐位的！但香味已十分吸引我去點餸。望到餐牌即刻有選擇困難症，樣樣都好似好吸引，種類又豐富，基本上食開叫都會有，一時間拿不住主意，唯有叫幾個最吸引既！呢個燒雞腎一定是必叫之選！燒出黎香噴噴不在講，最主要是店主有心機去餣食物，食落去個雞腎會有酒香味，而且更是juicy爆，一d都唔乾身，完全食完一舊就停唔到口，而且雞腎size算好大，不似其他細細粒！另外亦叫了燒牛舌，一間燒烤店好唔好食。除了雞腎之外，燒得一手好牛舌都好重要！呢個牛舌又係燒得好好，咬落去好鬆軟，最好食依然係佢個調味，食完又唔會覺得肥膩，滿足晒口感！燒菠蘿就不過不失，本身以為是用新鮮菠蘿，睇形狀又可能不是，味道又沒有想像中既甜和多汁。燒雞翼也是必叫之選，一來唔會燒到過火，二來個醬汁好配合，是香口好食的！另外佢有一個燒豬脾仔也是出名的，可惜我一個小女子食唔到咁多，唯有下次再去食！這小店不錯哦

呢間小店嘅食飯地方應該係搭建出嚟嘅，坐就唔會太舒服㗎啦，不過勝在價錢實在，嘢食好味。叫咗個菠蘿炒飯同埋幾串串燒，個菠蘿炒飯真係冇得頂，和氣夠，調味足，分量正正常常，同埋師傅唔知係咪有秘方，食落同出面食開嘅菠蘿炒飯有啲唔一樣，不過係堅好食的。串燒都好好味，雞肉串燒超大，魷魚同墨魚丸都燒得好好食，唯一覺得可以改善嘅係個燒豆腐，燒得好脆，食落去Kaka聲，不過就完全冇味，建議大家可以唔使試了，不過叫多幾串雞肉同墨魚丸。

朋友介紹去食一下個平價泰國小食一去到就見到旁邊有坐位可以坐。我們就進去我們叫了咖哩牛腩飯雞串燒燒豬仔骨炒金邊粉價錢～低食環境～一般服務～一般味道～不錯咖哩牛腩飯好好食！

向來喜歡吃泰國菜，見到身邊朋友都讚就試下，呢間真係開心大發現，又平又好食。首先位置便利，油麻地A出口一出就見到，而且價錢超大眾化，好有泰國街頭風味。海南雞飯($55)分量多，雞肉超滑溜，雞飯充滿油香及香茅味。金邊粉酸酸甜甜鑊氣夠，蝦肉多，十分足料，味道亦好正宗，令我有少少身處泰國的感覺。因為當天剛吃完下午茶不久，試不了太多款，所以會搵日再黎encore!臨走比錢忍唔住讚他們食物好食，他們聽到都好開心講多謝，我覺得真係好食就要讚下，比鼓勵更多人提供美食

油麻地好多串燒店又encore食呢間 個水準keep到啊絕對有驚喜 份量多 價錢平.泰式炒蜆🌶必食！除左口腔內的微辣 還有炒洋蔥的香和甜蜆肉多又大隻 唔會得一堆空殻 仲貼心起了肉就算不吃辣的 都會喜歡🙈上癮.炒金邊粉🍤足料好多海鮮啊 份量/味道都適中 飽肚之選呢度氣氛好輕鬆 容許帶隔離店小食/飲品

Taking a break after work among every bit of life!-同朋友即興收工去左佐敦呢間小店食泰國小炒同串燒,So far我好都支持d小店,佢地比大鋪有一定既特色,加上價錢一定比較親民,好吸引我去試一試佢咩料! 👇-📌泰式蝦醬炒飯 - $55👉始終係小店經營,細細地但坐得幾舒服,網上見好多人都推介佢D小炒,賣相睇落就唔錯,色水做得幾好,面頭仲有加左d蛋塊同蠟腸,炒飯底有好多蝦米,豆角粒蔥粒伴碟,飯算幾軟熟,蝦醬味都幾濃,合格!📌鮮蝦炒金邊粉 - $55👉櫻花蝦色澤同大細係呢個價錢黎講算係咁,咬落又爽口,幾新鮮,料頭都幾足,將芽菜,豆卜,蔥花同辣椒加埋蛋塊同D金邊粉一齊炒,相當香!金邊粉算幾幼身有痴埋既感覺,口感唔錯,帶少少酸酸甜甜,幾開胃!📌燒花鵰醉雞翼 (2件) - $20👉黎得串燒店點可能唔嗌返1,2串,不過由於食得太飽驚食唔哂,最後都係就咁嗌1串,2個分,食到花鵰既酒香,Grill得岩岩好,抵食!

🍴鮮蝦炒金邊粉 55 蚊🦐🔥椰汁冰 15 蚊🥥呢間喺油麻地地鐵站側邊泰闊 and一燒 成日經過都冇機會食 原來好夠鑊氣好好味 🔥 一眼望落以為佢係外賣店 原來側邊個鋪位都有得坐 😂menu主要係泰國飯麵 或者係燒烤 自己一個人食就點左佢既金邊粉 首先大大碟 , 有3 隻大蝦🦐好爽口彈牙 材料豐富 芽菜 軟熟豆卜 葱花辣椒🌿🌶 金邊粉係比較幼身痴埋一齊 好有口感 盡吸酸汁 好開胃 最正係 佢有好多細既櫻花蝦一齊炒 好香🦐 連埋粉一齊食好有層次感 椰汁冰🥥雖然唔係沙冰 係用冰當凍飲甘 ❄ 但佢既椰汁好新鮮香甜 抵讚 !#泰國菜 #鮮蝦 #金邊粉 Score 平均分 <7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~泰闊and一燒油麻地碧街38 號 協群商業大廈地下 h鋪~~~~~~~~~~~~

小店得兩個人所以等得都幾耐👫買完之後隔離有個鋪位可以坐低食🍽不過得3張4人枱堂食嘅話食完再去鋪頭俾錢💰🍛泰式蝦醬炒飯 $50面頭有一大片炒蛋🍳同幾粒臘腸 炒飯有好多蝦米豆角同蔥花 🦐蝦醬味好濃郁 🍚飯粒軟熟🐷泰式豬頸肉 $14🐥沙嗲雞肉 $14🍄蒜蓉牛油金菇 $28豬頸肉🐽唔會太肥 有少少燶味幾香口😋雞肉🐤燒到個皮少少脆 雞肉幾嫩 略嫌沙嗲味唔夠入味金菇食唔到牛油味❌ 有淡淡嘅蒜蓉味

呢間位於油麻地唔係好起眼嘅泰式串燒店 ，門口望落去好細，其實唔算好吸引但係見到佢好似啲食物全部即刻整，價錢又唔貴，咁就入去試下舖頭細細，主打串燒同埋泰式料理。右邊有個舖位有座位俾食客食嘢 餐廳座位非常簡陋，坐得唔係幾舒服，地道feel為主。而且餐單好簡單，唔算好多選擇，主力都係攻打串燒，仲有一啲泰式料理我哋叫咗一個泰式蝦膏炒飯$50。呢個真係出奇地好味夠鑊氣，好香好有蝦膏味，可以話好過好多泰國舖炒嘅飯 而且食材一啲都唔hea，有蛋有臘腸，而且蝦膏味重，係有驚喜嘅!我哋仲嗌咗啲串燒串燒🍢一般都係十零蚊一串左右。唔算好貴正常價錢。味道都ok，但係唔算好出色，呢個價錢嚟講我覺得算係可以接受不過要改善嘅就係舖頭唔提供水，買一支水都要五蚊，所以你會寧願嗌其他嘢飲

經過油麻地，聞到啲串燒香香地，肚仔又餓餓地，所以就入去試下。全雞翼灑上芝麻，燒到好香，皮脆肉汁多。$18一隻，即叫即燒，唔貴。燒雞翼是必備吧？花雕醉雞翼，一串有2隻。牛舌真心好食，厚身的。佢地是用煙燻的做法，肉鬆鬆地易咬，而且唔熱氣。啲串燒都是$10-$20 元一串，但足料又即叫即燒，抵食的！叫到有人食海南雞飯，望落唔錯，所以叫咗半隻雞（$75）。啲雞好滑好有肉味，正！環境有食串燒的感覺。下次經過油麻地會再去食，反正好近A1出口方便的。

晚上路經油麻地，剛好有點餓了，朋友看了遠遠有一家小小的串燒店，名字很特別，於是膽粗粗一試。泰式海南雞飯他們家的海南雞飯，雞也不少，而且還有湯送，可以一解雞醬的辣。椰青清甜的椰青又點可以不點呢。日式烤茄子以日式方法烹調的烤茄子，連皮也可以食用。意大利香草醬大啡菇十分好吃，大啡菇烤過仍十分juicy!自家煙薰牛舌牛舌有咬口但不會太硬，是必點的。燒花雕醉雞亦第一次聽到的花雕雞亦，有淡淡酒香，不錯。泰式豬頸肉吃燒烤豬頸肉是必點的，把脂肪烤走而留下香脆口。沙爹牛肉加入了秘製的沙爹醬，十分惹味。法式香草羊架烤得十分香，加上了香草香氣撲鼻。豬仔脾肉質彈牙而又夠入味

四串分別蒜芯、雞、牛舌同脆豆卜。蒜芯同雞大路味道，格硬要形容就係平凡/無過失。牛舌燒到外乾內軟，軟淋得黎都係好dry, 乾海綿咁。牛味無乜，唔怪得要大兜既芥末醬。脆豆卜係最好食亦都係最唔抵！豆卜呢d下欄野12蚊原以為有四五六舊啦，點知好大驚喜！一開二有四舊！即係六蚊舊豆卜！仲要係細舊果款豆卜仔，佢就好似牛某種器官咁一燒完就縮！有種食梳乎厘班戟既空氣感。四串野66蚊，其實係廟街牛雜冇開先轉呢間，其實有更好選擇。

最喜愛食花雕醉雞翼，泰國菜餐廳是很便宜，牛仔骨好味，最欣賞的是燒黃立倉，很鮮味，多汁，吃了多次，每次都有驚喜，木瓜沙律，蝦醬炒飯野味串燒豬頸肉同燒牛舌都是特別正。

有日撞撞下竟然撞到一間隱世美食，佢既地點唔算好就腳，所以人流唔多，入到去店面唔大，但好cozy，個日點左牛舌，令人一試難忘，入口即溶，個醬調得好好，好清新，其他仲有，雞翼，豬頸肉，都好好味，佢地既味道都好特別好似加左一d特別既香料。素既野食方面我最鍾意大蘑菇，佢上面個醬係pesto，老闆仲話係佢自己特製，而主食方面，都中規中矩，以一間小店黎講有泰國黎既主廚，都真係算係唔錯，我下次都會再同三五知己黎呢間鋪！

第一次黎 叫左一堆野 有蝦醬炒飯 雞腎雞肉 花枝 花雕雞翼 大菇 牛舌 魷魚 菠蘿全部都唔錯 不過有啲特別值得大家一試😍👉🏻沙嗲系列沙嗲汁好好食 又香又濃 夾肉超好味😽👉🏻花雕雞翼呢個又係勁好食 醃到入哂味 啖啖都有酒味雞肉又嫩 必食👍🏻👉🏻牛舌睇到眼都突 勁厚身😳咬落唔係脆口個啲 反而係勁勁勁淋 啖啖肉食得好過癮🤤--呢到附近有好多岀名既食店如果黎開不妨都試下呢間 幾特別架😏