泰闊and一燒 (已結業)

四串分別蒜芯、雞、牛舌同脆豆卜。蒜芯同雞大路味道，格硬要形容就係平凡/無過失。牛舌燒到外乾內軟，軟淋得黎都係好dry, 乾海綿咁。牛味無乜，唔怪得要大兜既芥末醬。脆豆卜係最好食亦都係最唔抵！豆卜呢d下欄野12蚊原以為有四五六舊啦，點知好大驚喜！一開二有四舊！即係六蚊舊豆卜！仲要係細舊果款豆卜仔，佢就好似牛某種器官咁一燒完就縮！有種食梳乎厘班戟既空氣感。四串野66蚊，其實係廟街牛雜冇開先轉呢間，其實有更好選擇。