洋紫荊維港遊

營業中

休息中

30/12那天下午 突然收到社交平台訊息 介紹大除夕晚維港遊連自助餐買一送一 連加一兩位都只是630 反正這晚沒有安排 立即網上購買 晚上6點在北角碼頭登船 安排了6人一桌 因疫情 加了隔板 行人通道不算擠迫 自助晚餐款式雖不算多 基本的沙律 凍海鮮 熱食 即切燒烤 甜品 雪糕 生果全都有 味道ok 補充很快 較差是甜品 做形是漂亮和不太甜 可是入口感覺不夠軟滑 另服務員有禮貌和熱誠 清理餐枱很快 可以隨意登上上層甲板看維港兩岸燈飾和幻彩詠香江 總括來説 以這個收費在大除夕晚吃自助餐還包海上遊 性價比超高呢

經常經過北角東碼頭，洋紫荊最近推出海上蛇宴，訂了19號晚剛到和家人提早食冬至飯。七點左右上船，六人一枱不會太逼，一邊品嘗蛇宴一邊欣賞維港景色，但食物質素一般，而且份量比較少一點，尤其是豉汁蒸白鱔，剛好每人兩片超薄的白鱔，最驚喜是生果盆，好像是十二人份量的那些多！

貓船長海上餐室疫情下有午餐套餐食，為咗可以參觀下汽車渡輪嘅樣子，所以就入咗去食啦。入到去發現。。。靜英英。。。原來我包左場😂😂叫咗個lunch set要牛扒，包麗湯同埋小食。小食梗係要襯返渡輪，所以叫個餐蛋麵😋😋😋老實講食物質素就正正常常，唔算難食，亦唔可以話好好食。不過樣樣都大大份㗎啦，靜靜地，都好抵食呀！最後梗係落去汽車渡輪嗰層參觀一下啦。

油麻地小輪貓船長海上餐室（用船民樂）overall ok GA!!! ［Muse by the Cruise Restaurant 🚢 ]經開北角碼頭，不妨一探「貓船長海上餐室」，享受一份實惠午餐。限聚令下除了讓你有包場的感覺，可以自選餐湯或沙律，一個主菜及一個小食或甜品，包一杯飲品，當中渡輪餐蛋麵一定必食嘅，食完之後呢上觀景台影相及睇風景！選擇左頭盤雜菜湯跟餐包主菜揀咗黑椒雙蛋雞扒小食揀咗渡輪餐蛋麵飲品可樂❤️❤️

總結: 食物一般,風景優美 終於有機會上船體驗出海+食自助餐老實講,作為香港人都應該坐一次,自助餐的美食就很一般了,款式也不多但飲品任飲,算不錯,食品有八款主食,大約八至十種甜品前菜沙律都是一般基本貨色,來貨加工,火腿黑椒肉也是直接上菜沒特別即煎櫃檯既雞翼,肉腸也不算特別,調味好一般,但是風景就好美值得一看,夏天遲日落,可以先看日景,看著天氣慢慢變黑超級美 如果用餐先登記 入場位置 一直走就會見到登船位 北角碼頭 洋紫荊號會預先分配位置,根據編號入座 準時開船,記得提早到場 自助餐 任飲可樂,橙汁等飲品 橙汁,果粒橙 沙律吧,七款加一款冷麵 新鮮水果切片甜品吧大約有八至十款,多以蛋糕為主 青瓜中間釀沙律蝦肉 七款沙律鮮度ok,合格水準  冷盤肉有黑椒火腿肉 青瓜中空,釀入沙律醬蝦肉 綠茶冷麵 火腿配水果片 燒汁雞扒,汁太多,久了煮得好柴皮肉夠厚,味一般肉腸,牛舌,非常入味.....好咸 辣醬煮肉,有少許蔬菜粒,少少辣,配飯食 有炒飯,少許蟹籽粒,炒得乾身 一款蔬菜,一款意大利粉 香米飯,咖哩羊肉,脆片咖哩羊肉有少少辣,肉味無乜,香料重配飯食唔錯 炸脆卷,白汁煮薯仔夠脆口,餡料食唔出係什

我地跟學校來食野。book都要攪到要1:45pm至有枱。而家仲話船有事，攪到要2:30pm都唔知有無得食，離曬普！如果唔係比面學校，真係唔想去，安排到咁混亂。退錢就差唔多！咩心情都無，食物幾好都無意思啦，以後咪旨意有幫襯！又唔係退返錢，送個海上遊好巴閉咩，我地帶住班幼童，本身都要好晏至有得食啦，仲要一再delay，想點先。其實你地食唔哂咁多客就唔好免強去做，正所謂無咁大個頭唔好戴咁大頂帽，做生意口啤好重要，希望你地能改善吧！😌😌

因搞了一個大型聚會，幫公司出席，想算是都很怕會暈船浪，已經決定咗唔太食多嘢，亦都對食物冇什麼期望😫😫😫😫😫😫😫😫啲嘢食又唔太差喎，不過選擇很少，沒有什麼名貴菜式及食品，餐廳職員收的速度快過打風，我未食完佢已經收晒啲刀刀叉叉走😤😤😤啱啱打完風維港兩邊景色幾靚嘅，抵like👍🏻👍🏻👍🏻

因要帶美國來港的表弟去食特別的美食。所以選取北角洋紫荊渡輪食自助餐。晚間自助餐有分兩段時間。一個是5:45開始。另一段是7:30開始。價錢如下：5:45 pm 成人價330元另加一服務費7:30 pm 成人價440元另加一服務費 ( 可觀看幻彩詠香江 )因幻彩詠香江表演表弟已在別的地方欣賞過。所以我們選取5:45 pm時段。隻渡輪可以容納350人達27圍。渡輪有三層，中間的一層是供食客饍食。有菲籍歌手駐場獻唱。自助餐有分中東、日本及中國菜。中國菜有北京填鴨，日本菜有日本麵及車仔麵。湯有分南瓜湯及海鮮湯。甜品有蛋糕、西瓜及雪糕。我個人對南瓜湯及海鮮湯有好評。因可以達大酒店水準。兩個湯都用上足料。不是別的自助餐會在湯的用料用到足。另外在個自助餐有北京填鴨，水準同樣達大酒店級數。肉汁同個餅比例恰到好處。唯一不滿係個日本冷麵同個雪糕。個冷麵無新鮮鵪春蛋提供。個雪糕係用牛X牌。唉！牛X牌雪糕7仔都有。食自助餐唔用大牌子雪糕會好失色。表弟則對可以邊食邊看窗外維港景色最感興趣。因在美國只有上大型遊輪才可以享用自助餐觀看海上風光。所以佢認為是次自助餐好經濟。

經常看到洋紫荊號在維港中航行, 但從來也未上過, 今次藉住有團購優惠, 就膽粗粗去試下啦我係七點幾上船的那一批人, 一上船發覺環境尚算唔錯, 坐得幾舒服, 有大玻璃窗可以看到夜景拿食物的地方也頗大, 即使同時好多人一去拿食物也不覺得迫最好食的有青口和煙三文魚, 其次係烚牛脷和香腸, 另外燒牛肉, 煎石班也不錯熟食都有幾多選擇, 甜品方面也不遑多讓, 最好食的是芒果慕斯蛋糕和即整PANCAKE野食算係合格有餘啦, 不過加埋有個頂層可以睇下夜景, 影下相, 吹下海風, 都值個好評啦

七年前曾吃過，為了重溫當日的感覺，大家再次齊聚在北角碼頭等上船。根據指示，5:15pm應該開始登船，可惜我們在那只有風扇、甚為炎熱的碼頭等至五時半才可以上船，熱得汗流浹背呢！先說說環境方面，我們坐在舞池旁，現場有兩位女士獻唱，感覺不錯。大約5:45pm，船開始駛離碼頭，一直向着筲箕灣前進。船駛得很穩定，不會令人暈船浪。到達鯉魚門便U-turn，向金鐘進發。近7:00pm駛至灣仔金紫荊廣場，開始日落，天空一片醉人的夕陽餘暉，大部分食客都在樓上的露天甲板拍照留念，沿途看着維多利亞港兩旁的建築物，的確令人心情愉快。參加海上遊，環境是首要條件，至於食物方面，實在不值一談。其中我吃了～紐西蘭青口：不太新鮮。風味芋絲扎：所謂「風味」其實只是辣醬，所有芋絲都被醃成紅色，非常辣，連我這個芋絲愛好者都只吃了兩扎。凱撒沙律：蔬菜尚可，但那些麵包粒好像放了很久，完全不脆了。煙三文魚朝鮮薊沙律：之前看餐牌，見到有煙三文魚，以為起碼有一款食物可以吃回本。豈料我們參加的是「黃昏維港遊」，食物款式較「幻彩詠香江自助晚餐」少，要吃煙三文魚只能在沙律中找到，無法啖啖肉喇！其他沙律：沙律有八款，但大部分都差不多，味道近似

有幾個親戚係美國返尼探親，當然要帶佢哋去D有特色ge食肆啦. 所以揀左洋紫荊，貪佢有海景睇。食物種類都算適量BBQ果D牛仔骨，串燒，豬抓全部都吾錯，推介但係無生蠔，只有龍蝦仔，青口、海蝦。對於我尼個生蠔皇實在無癮D熱盤真係幾好味，特別係紅酒牛膝 EXCELLENT!仲有火鍋Counter,不過都係烚下D丸同餃子,味道無乜特別。日式壽司款式吾夠多，得6-7款!甜品全部都吾錯喎! 雪糕好以係牛奶公司最正都係有無敵聖誕維港夜景同欣賞「幻彩詠香江」激光表演。我係hk住，都吾知香港原來係咁靚ge 單係睇維港景色已經值回票價啦

我又嚟，今次係講洋紫荊海上遊。我身為香港人都係第一次上船遊維港兼有得食同有歌聽，但係真係一次就夠。首先講講環境，完完全全係為咗遊客的需要，我哋香港的散客就座正在大堂正中偏後，遊客就座曬係前面同窗邊，大家都知上船主打係維港景，睇表現唔駛上船，咁就要扣分。入正題講食物，真係一配普通的食材，有冷盤、沙律、蛋糕、熱盤、BBQ、生果，種類是可以接受啲，但係質素真係好普通。如果將三百幾的價錢完全放在食物上，一定肥佬，但係加入座船、有景睇、有表現就當合格。但係在時間上真係需要調節，全程只有兩小時，但係在最後的四十五分鐘，工作人員經己開始慢慢將食物一份一份咁閃入工作間了。總之，各項因素加埋最多當合格，有餘錢真係不妨一試，真係一試就夠。

公司要招待什麼處長, 人家要遊船河, 食飯, 看幻彩詠香江.... 洋紫荊可滿足其三個願望, 老闆一叫我辦事, 二話不說, 便book了這兒的自助餐.不講被自己老闆激死既事, 預先俾哂錢佢安心, (其實用餐時付款已行). 7:30 上船, 所有餐飲已經準備好. 不用等開船, 已經可以大動干戈, 肚子餓的, 可以即到即食.如單以自助餐來評, 食物的選擇只是一般, 沒有魚生, 沒有生蠔. 但幸好有青口同龍蝦仔搭夠. 煙三文魚亦幫了小忙去挽回少少票價. 熱食方面, 發覺有兩味無人問津, 試了香橙龍脷, 完全唔得. 牛尾就可以, 日式燒雞都做得不算太差. 總括, 一盤盤的, 不受我歡迎. 那個燴牛尾, 算是值得一提的, 紅酒汁味道夠甜, 牛尾容易離骨, 又未至於易散似煲湯骨那樣. 是唯一值得Encourh的熱食.另外是燒同咖喱, 薄餅是即場製, 那個串燒同咖喱counter, 如不是我們被安排了最頭的一張檯, 一幫中外人士湧埋去, 仿如明星到訪.8點左右, 船上歌女用三種語言announce可上船訂甲板看幻彩詠香江, 之後侍應們亦每檯相告. 在岸邊看得多了, 第一次在海中心, 一眼望哂兩岸的夜

Openrice 果然神通廣大, 估唔到連呢度都有獨立專頁!農曆年初二夜晚, 阿媽工作0既地方book 了呢度搞function, 有得食又有得上top deck 睇煙花的關係, 原價每人要$500, 但阿媽唔使俾錢, 我0地3 個跟埋去亦只需每人俾$250, 加上食物同服務質素係比想像中好得多, 實在好抵:- 蟹腳: 鮮味一般, 近殼0個一端直程完全無味, 要唧檸檬汁食先好少少, 十分麻麻.- 龍蝦仔: 呢個唔錯, 肉質結實鮮甜, 仲意想不到地有甜甜0地的膏0係蝦頭內!- 青口: 無乜味又幾乾, 又係要唧檸檬汁食.- 凍蝦: 呢個幾鮮甜, 肉質亦爽口.- 意大利雜菜伴燒鮑片: 係凍食的, 只食了鮑片, 稍硬不過幾甜, 唔錯.- 煙三文魚伴生洋蔥: 煙三文魚無乜特別, 反而生洋蔥圈仲好食, 爽爽甜甜唔嗆鼻/喉的, 同煙三文魚係絕配! 但唔知點解d 生洋蔥圈一直無乜人問津, 唔知係唔係香港人0既特性呢@_@- 燒牛肉: 師傅切的薄片合我心意, 不過原來係柴皮牛肉, 又乾又0鞋又無味, 落了汁/mustard 都無補於事, 難食.- 唔知乜0野香草意粉: 好耐無試過0係buffet 食意

前幾年跟某非牟利機構去過, 盛惠優惠價$108(連加一)一位.但所吃到的貨色都係同百樂酒店那些差不多, 如果像我咁有優惠價就OK既, 正價連加一要$308喎, 俾我就去酒店食啦, 起碼質素好一點.當年我去食都仲有三層船坐(民輝輪), 但該隻三層船已經賣去印尼, 現在要再去要坐汽車船了, 故此更加不值.