津一 (已結業)

突然落大雨走左入商場避雨，路經津一咁就外賣番屋企慢慢嘆✅雞絲粉皮 $32份量十足，樣樣足料，雞絲好多，配上嫩滑粉皮同爽脆青瓜絲，加上醬汁夠哂開胃醒神✅滷水牛𦟌拼金錢肚 $46滷水好香，味道適中，牛𦟌同金錢肚好入味，牛𦟌好軟好腍，金錢肚煙韌✅麻辣口水雞 $34手撕雞肉啖啖肉好嫩滑，加上麻辣香辣刺激，衝擊味蕾底下有青瓜絲為麻辣添上一份清爽感，清新味蕾✅炸雲吞 $32炸雲吞炸到脆卜卜， 一啖咬落好JUICY，餡料好足✅葱油排骨拌麵 $46排骨酥脆，葱油拌麵好香清蒽味，一齊食好夾✅椰青水$10

津一 (荃灣)荃灣西樓角路136-138號荃豐中心地下GA35-37號舖疫情下，很久沒有出荃灣了，今次同個女去愉景新城參加活動，順便來荃豐中心。現在出街最頭痛的也是搵地方食嘢，盡量都想去一啲少人嘅地方食嘢，原來荃豐中心開了一間上海菜外賣店，這裏好處是既可以買外賣走，而且餐廳前面也有一個空間可以讓人們坐下來食，大部份人也是買外賣走，這裏的座位沒有什麼人用，相對地少人。滷水牛肚牛展面$46牛展牛肚份量都幾多，而且滷得入味，牛肚鬆軟入口容易咬，牛𦟌送鬆化，配上上海麵，都只係40幾蚊。雲吞擔擔麵$58擔擔面最緊要是麻香味濃，這個雲吞擔擔麵麻香味十足，而且雲吞大大粒。快點說配上雲吞，上海麵煮得啱啱好。炸雞翼三隻雞翼大大隻，炸得非常香脆可口，雞肉鮮嫩。每個餐可以配嘢飲，自己拎，+6至$10不等。

今晚同同事去荃灣荃豐中心揾食，揾到呢間食京川滬嘅小店叫「津一」！😊☺️兩個人點咗三個主食同兩支椰青水$20，合共$276。。。。。。❤️雲吞擔擔麵🍜$58大大粒雲吞，皮薄餡靚，麵質彈牙，加入炒香嘅花生碎，再用香濃嘅麻醬撈勻，好正😋💚蔥油排骨飯🐷🍚$48排骨炸到好酥脆，米飯口感軟綿，再淋上即炒香蔥油，好好味👍🏻🧡北京香酥鴨（半隻）🐤$150香酥鴨鹹香十足，份量多，好似北京填鴨咁，用餅皮包住京蔥絲、青瓜絲，再沾啲甜麵醬，包嚟食，Yummy🤤希望下次可以叫佢自家製嘅香滑奶茶、酸梅湯、陳皮羅漢果水、炸醬麵、滷水牛𦟌！😊❤️

今日放工過了荃豐中心買外賣返去同屋企人分享，本來想買香酥鴨，可惜已吊沽清，唯有下次早點再去。麻辣口水雞飯口水雞已手撕成雞肉，方便食用，以青瓜墊底，帶麻辣香之餘，又增加點清爽感。炸醬排骨拌麵排骨炸至金黃香脆，而且厚度適中，入口外脆內嫩，保留肉汁，不會炸得太乾，炸醬帶點微辣，拌入麵內一齊食又香又好味。滷水牛展麵牛展炆至入口嫩腍，而且滷得入味又不會太咸，麵質爽口不會太腍。雲吞擔擔麵自家製雲吞皮薄餡多，擔擔麵充滿花生香味，跟麵混合一起，非常惹味。

今日出開嚟荃灣做嘢，有啲趕時間你附近搵到呢間外賣店方便快捷 👍🏻 為我匆忙嘅一天慳返唔少時間而且價錢極度親民，好抵食炸醬飯📍$40豬肉碎滷得好入味 👍🏻 份量岩岩好，唔會太多醬，又唔會乾身，同啲青瓜撈埋一齊就更有口感，更清新奶茶 📍(唔記得咗價錢）去之前係ig 睇過佢地啲嘢食，見到呢支新推出嘅絲襪奶茶，一早已經想試！用樽裝真係方便好多 👍🏻 無冰之餘又可以keep 起，飲唔哂放雪櫃都得，我就特登留返一半俾奶茶專家，佢都話好飲喎 😋 呢隻奶味比較重，飲落好香好滑

叫左排骨炸醬面，同香酥鴨半隻外賣。等左廿分鐘就有外賣，攞到返屋企仲熱辣辣。講下香酥鴨先，鴨肉比較碎同乾，分量足夠，有足夠分量的蔥同青瓜，春餅有八件，。鴨肉，要加大量青瓜卷埋，如果唔係會好乾，海鮮醬反而比得唔多。。。食到後尾有d唔夠，至於個炸醬排骨面就麻麻，排骨好味嘅，夠大件同香，肉質嫩，但個炸醬偏咸，面就太乾，無法拌起，所以個面同個炸醬好唔夾，可能係外賣，個賣變左面餅咁。。。賣相麻麻仲會再試下佢嘅雲吞同酸辣湯

尋日同細佬出咗去買母親節禮物俾媽咪，行到攰攰地！見到呢間喺荃豐中心既小店，就望下有咩小食可以坐低食下野hea下！因為對比呢個場給其他小店，見到佢地舖頭對出有好多張枱可以坐低，而且好似冇咁多壓迫感！！埋到Counter見到有個北京香酥鴨,於是就叫黎試吓。本身諗住再叫酸辣湯雲吞，提議我試吓食炸雲吞！行開呢頭既可以黎試吓，除咗一般嘅汽水嘢飲，佢地仲有啤酒提供…真係可以閒時黎chill下😆😆佢哋人客都幾多😊北京香酥鴨（8塊）$150/半隻片皮鴨就食得多，呢個香酥鴨就真係第一次食，見佢寫精選！我諗都實冇死☺️果然佢地整到好香好酥脆，包埋塊皮、青瓜、蔥及沾上醬汁簡直一流，而且半隻分量超多，我同細佬食到超飽😋😋佢哋仲有$280/全隻（18塊皮）我諗6-8個人食都冇問題，好抵食👍👍自家製炸雲吞呢個係老闆推介，本身唔係太期待！但我又諗唔到食乜，所以就試吓…🫣點知咬落第一啖……..我就停唔到口🤩🤩佢個雲吞係超多餡料😝😝唔似出邊皮大到乜，但個餡料勁少，而且咬落好Juice，直頭爆汁，仲有佢個餡料味道好好食😍😍個皮又炸到好香脆，同埋配上佢哋特調嘅醬汁，真係唔可以唔試…..係一定一定要叫黎試食，超推介👍👍

今日去荃灣做完嘢，臨回家既時候見到有間應該開咗冇耐既舖頭，價錢十分親民，忍唔住買2個外賣返去試吓: 麻辣口水雞&滷水牛展金錢肚😁順便可以偷懶唔煮飯😳🙈。好欣賞舖頭既外賣包裝。紙袋好靚，好實淨，完全可以再用👍🏻講返食物，呢間舖既口水雞和一般既唔同，係用手撕雞炮製，啱晒喜歡食肉唔𦧲骨既朋友仔。而且雞肉一啲都唔嚡，幾嫩滑。口水雞既麻辣醬好香，麻度和辣度剛剛好，個醬用嚟撈飯食都幾好食😳牛展和金錢肚都滷得軟腍又入味，而且份量唔少，性價比甚高。👍👍👍

好多年前喺北京食過炸醬面 ，自此一直都無食，喺香港亦好難搵到正宗嘅北京炸醬面。難得搵到間小店拎呢樣嘢嚟做賣點，價錢又相宜，而一食亦覺得似足8成，係爭咁啲芽菜，有埋就好喇。至於豬扒無話太過特別，不過佢嘅自家製辣椒醬有啲驚喜。

最近愛上上海菜，係荃豐中心見到呢間專做上海菜既小店，一於買返屋企做晚餐！🥰🌟雞絲粉皮 $32呢款涼菜小食係我既至愛❤️，夏天食好透心涼，大量雞肉絲、青瓜絲、粉皮拌上麻醬口感超正🤩粉皮煙韌彈牙☺️紅油抄手 $32同平時食既紅油抄手唔同，呢到既抄手好大粒，唔會太油，食落都唔錯🤤炸醬麵配酸辣湯 $60炸醬粉份量大份，仲有青瓜絲同炸醬拌麵食，炸醬咸味適中，酸辣湯足料，有木耳、豆乾、蛋花、荀，口感豐富🥰炸醬排骨拌麵 $52排骨炸到脆卜卜，炸到算乾身，唔會食落太油膩👍🏻拌麵size都幾多，口感煙韌彈牙☺️📍津一 (荃灣)荃灣西樓角路136-138號荃豐中心地下GA35-37號舖

這間是最近新開的外賣小店，有堂食位置提供.主打上海菜式，價錢非常抵食.💠雞絲粉皮$32 🐓粉皮淋上花生醬和灑上芝麻粒，雞絲新鮮，粉皮爽口彈牙.💠炸醬麵配酸辣湯 $60🥘🍝套餐可同時有兩款，炸醬麵豬肉碎味道香濃，配上青瓜絲撈麵食，不乾身又好香口.酸辣湯味道超香，落了超多胡椒粉，挺辣口，建議配搭麵一齊食.💠蔥油雞髀飯 $40🍗🍚超大隻雞髀，將雞髀切開三份,雞肉多又嫩滑，蔥是加油經煮後變成黃褐色，散發出彈彈蔥香，超惹味.💠上海雲吞麵 $36🥟🍜雲吞很大粒，入面包了韭菜，超爽口有汁.因為湯麵拿了回家後湯底已經乾了，所以將酸辣湯倒入麵一起食，味道超有驚喜🤩變成了酸辣湯麵👍🏻👍🏻🔹酸梅湯$16 🔹雪碧 $8🔹忌廉$8

今日同朋友喺荃灣行完山好肚餓經過荃豐中心見到間叫京、川、滬外賣店津一，見佢鋪頭裝修得好簡約，老闆同老闆娘都好好招呼，一行埋去就問我哋食咩，家庭式經營嘅親切令我同朋友於是決定去買外賣返屋企食啦！同朋友嗌咗四樣嘢食：1.排骨蔥油拌麵2.炸醬麵配雞翼 3.鹵水拼盤 4.即炸炸物拼盤。1.排骨蔥油拌麵，排骨炸得好鬆脆，仲有肉汁，蔥油拌麵主角梗係蔥油啦！好香嘅蔥油味,鹹淡得宜。加埋個面成個配搭滿口都係香蔥味。2.炸醬麵配雞翼，個炸醬炒得真係好好食，配埋啲面簡直就係天衣無縫。每啖面都沾滿肉醬。炸雞翼要炸得好食都唔簡單，佢就炸得非常之好，脆漿夠脆，雞翼又大隻，咬落去係有肉汁。3.鹵水拼盤，呢個拼盤有牛展、牛肚、豬肚同埋一隻鹵水蛋。四樣嘢都好香滷水嘅味道，又夠入味。4.即炸炸物拼盤。炸春捲同埋炸豬扒，啲炸物全部都係用新鮮油炸，因為一啲油益味都冇，炸得又好脆口，好香。配埋佢畀埋嘅芝麻醬，一流呀！佢仲有自家製嘅辣椒醬，大家可以試下夠曬辣。喜歡辣嘅朋友一定唔可以錯過。辣醬配埋炸豬扒、炸雞翼令到個層次又提升咗。值得一讚嘅係津一而家仲可以q r code落單，只要你掃一掃個q r code就可以落訂單。較啱時間

同先生喺荃豐買完嘢順便買外賣返屋企做晚餐，行過見到呢間新開張嘅外賣小店，店面乾淨企理，仲有我至愛嘅雞絲粉皮，當然唔能夠放過。食物方面選擇唔算多，但勝在抵食，仲有復活節推介，更加化算。滷水拼盤有滷水蛋、雞翼、豬耳、金錢肚同牛𦟌，非常豐富。雞翼大大隻，夠哂入味，滷水汁非常香，鹹淡適中，而且唔會有雪味。牛𦟌炆得軟腍， 但又唔會失去口感，滷水味香濃而且冇臊味，唔錯。雞絲粉皮份量多而且好足料，雞絲俾得夠大方，醬汁比例亦剛好唔會好膩，配上爽滑嘅粉皮同新鮮嘅青瓜絲，清新開胃。炸醬麵係店員推介，話係必食之一，味道果然唔錯，麵底清爽，配上香濃嘅自家製炸醬，非常惹味。飲品方面非常有驚喜，特別係果茶，加入洛神花，味道酸酸甜甜，清爽解湯，非常推薦！疫情之下市道唔好仍然敢於追夢已經係勇氣可嘉，更難得嘅係食物係食得出嘅用心，而且店員亦好友善，值得支持。

辣度同麻度都岩岩好，啲豆腐唔係淋豆腐，夠入味！ 飯底都香甜，略嫌偏硬，可以落多少少水，40蚊有咁既水準我覺得算係咁，如果有座位就好！ 希望試埋佢個炸醬，隔離鋪頭啲人都話好食