津津好好味

營業中

休息中

呢間嘢食好耐之前已經收藏左，係一個朋友嘅IG嗰度見到話好好食，仲話係耐唔耐就要食一次嘅鋪頭，於是即刻mark低咗。之前晚飯時間去嘅時候，明明專登check咗關門時間，點知去到都係話賣晒啲嘢食所以準備關舖。今次七點幾就去食，諗住博一舖，最後就俾我哋博到呢個雲吞麵，其他嘢食就已經賣晒啦雲吞麵數左都已經有十一粒雲吞，所以感覺上食呢個抵過食淨雲吞。啲雲呑細細粒，層皮都好薄，感覺上食好多粒都唔會飽。但個饀既豬肉真係剁得好碎，而家仲有肥肉撈埋係入邊，所以咬落真係會有口感啲同有豬油香個湯入面有芫荽同埋蔥，唔鍾意嘅朋友記得一開始就要走啦。同埋如果本身都食得辣嘅話，就唔好見佢個湯好紅而驚左，因為小辣對我嚟講完全冇feel，應該嗌中辣先啱臨走問咗老闆，幾點嚟先至唔會賣晒啲嘢食，佢就話平日就唔會咁快嘅，但係六日呢就可能五六點就賣晒啦，所以想食其他好嘢嘅朋友要早啲嚟！

“津津好好味” 係太子非常出名🎖經常都賣曬啲麵 今日我夜晚7點就諗去試下肥腸麵但係賣曬 冇得食建議大家想食就要早小小去一入到去就要係cashier賣飛先然後先可以入去坐環境都幾乾淨今次試左20隻雲吞都係30蚊炸🤑好扺雲吞入面既肉好嫩口食得出係肥豬肉粒粒都啖啖肉😋配菜有芫荽同埋蔥湯底可以選擇小，中，大辣本人覺得食開三哥三小辣既都可以叫中辣小辣唔係太辣20隻雲吞真係好多絕對夠一個普通女仔食🤩呢碗係雲吞麵入面既雲吞都有11隻麵可以轉米粉又想食雲吞又想食麵既朋友可以叫呢個麵試下呢間絕對係又平又正既餐廳今次好遺憾試唔到涼麵同肥腸麵☹️下次再試🤓

今日去深水埗鴨寮街帶小狗剪毛， 又未算十分肚餓，所以周圍睇下附近有乜嘢小食，經過呢間小店，見佢門口好多人排隊，剛好裏面有空置座位，我們便入來試試，我哋坐低之後，見到收銀員都係一直忙於處理外賣，睇嚟都幾好生意！附近的食客、個個都食得 好滿意，每碗都係紅紅的應該都是辣椒吧 ！我們點了一個小辣酸辣粉加肥腸，另外就係一個小辣雲吞……估唔到呢個酸辣粉真係有水準配菜多，包括有炸菜、蔥花、芫茜、炸黃豆…… 豬腸肥美酸辣粉咬落很有咀勁！小 雲吞名副其實細細隻，數量亦都有十粒以上！ 兩碗湯上面都有芝麻粒，食落好惹味！

好鐘意食辣野 見到呢間小店好款式雖然唔多 但陣陣辣味飄出黎已經好吸引我啦 店面唔算大 下午茶時間唔洗等位 我就叫左一個大既涼麵 $20 走青 一個細既雲吞 $20 兩個都係中辣 涼麵一叫就有 因為預先整好放雪櫃 一上枱已經好香辣味 流晒口水 因為係凍既一開始食其實唔係好辣 反而係椒味好香 食到中間就開始覺得辣辣地 仲有少少麻 好正 雲吞黎到 見到啲紅色既油厚厚一層 視覺上好似比都係中辣既涼麵辣咁 佢既雲吞係一啖一粒既 皮好薄好滑 但啲餡都比較少 好似有六七粒咁上下 見佢有肥腸麵 如果可以叫涼麵加肥腸好嚕 下次問下先

由舊店幫襯到新店，每嗰月總要幫襯您幾次，我諗無咩賣涼麵既舖頭可以食到您既味道。每次嚟到都只係會嗌兩樣野。一樣就係細既涼麵，中辣。第二樣就係雲吞唔辣既。食咗咁耐都有少少心得，因為凉麵既辣同雲吞既辣係唔同架，我就鐘意食涼麵既辣🤪通常食完晒碗涼麵，就會將涼麵嘅辣汁夾埋雲吞食🤤🤤🤤😭講返嗰涼麵先啦，麵質軟硬適中，我曾經問過老闆啲麵係邊度買，佢話原來係自家手作喎，咁啲辣汁究竟可唔可以買返去屋企食呢？又唔得喎🤦🏻‍♀️🤦🏻‍♀️🤦🏻‍♀️

作為一個雲吞控的我心血來潮想食滑嘟嘟嘅雲吞皮突登行左黎呢到食雲吞皮係會影響成隻雲吞嘅味道津津嘅雲吞完全合格價錢適中 份量都好夠 味道都唔錯值得一試我今次叫左個雲吞麵小辣加酸湯底味道香同夠味得黎又唔會只係咸同辣粒粒雲吞都好juice 同雲吞皮好滑個麵軟硬度剛剛好都係$28蚊就食飽 個人覺得讚入面員工態度都唔差 做野手腳都好快我叫左野食 大概5分鐘左右就有得食地方清潔都還可以接受 不過舖頭有啲細 要有啲心理準備總括黎講 係一間可以再去嘅食店😎😎

日日放工都經過依間麵店,成日都好似好多人甘，所以上星期收工終於忍吾住叫左碗大辣肥腸麵同涼麵同個朋友一齊黎試下.原來堂食都用晒即棄膠碗,太吾環保,對我黎講已經扣左分...D野食黎齊,個肥腸麵份量都Ok，聞落好似幾香甘，但係揾晒成碗麵先得幾片簿薄既肥腸...試下D湯既味道,什麼是重慶味道...😑😑次次食湯麵都叫大辣,但係依個大辣拫本就吾辣,成碗麵係活埋在一大堆既辣椒籽裏同一大層油,再試埋個涼麵,我只係食兩種完全地分鬧既味道，DD辣+醋,吾好食,非常失望!

之前已經見過好多foodie食左佢，終於可以潮聖啦我🤣估佢唔到既係竟然由外賣店做到有位坐，西利西利👍🏿👉🏿✨細雲吞 Hkd 20 💸📌細碗黎講，份量都幾足下喎！有成12粒咁多，佢啲辣油唔會話好辣頂唔順，但就好夠味好頂癮！12粒絕對輕鬆無難度😂同埋真係皮薄餡令喎，入面雖然冇蝦仁，但豬肉餡就咁都好食👍🏿👉🏿✨涼麵 Hkd 12 💸📌勁平囉真係😂糧尾個時既恩物呀，撈勻左食落酸酸辣辣，係幾有四川風味既～

今日夜晚要番學，得好少時間食飯，所以就好快決定黎到津津好好味黎個"快餐"。我由佢未搬店就幫襯佢，由以前冇得坐只有外賣，到而加有得坐，我都好感恩呢啲賣好野食嘅小店仲留得住。今日未夠6點就黎到，仲有好多吉位，好快就有得坐低。呢度嘅餐牌好簡單。而呢度嘅招牌菜就係雲吞！如果有選擇困難症嘅人，叫雲吞麵($28)就實冇死啦。豬腸麵 ($30)而加已經唔係有太多地方肯整豬腸黎賣，因為處理功夫比較繁複，黎到呢度我都會間中叫黎食。佢地嘅豬腸已經煮得好林好易咬，而且仲唔會太肥，好夠味。 細雲吞 ($20)呢個雲吞就抵食啦！由於已經嗌左個麵，我同朋友都好想食呢度嘅雲吞，就叫個細嘅，20蚊都有12粒架！如果大份就係30蚊20粒，所以真係好抵食。呢度嘅雲吞永遠都係咁皮薄餡靚，塊皮唔知點解食親都係咁滑！一個字講晒：正！

點是自助形式排隊點餐後自己找座位店員會送上是日點餐:  肥腸米線- 鹹度適中, 果然係"好好味"- 肥腸肥而不膩, 讚- 份量十足下次要試試小雲吞番食指數: ✽✽✽✽

因為老公唔食得辣所以今日佢收晏，所以我自己去食呢間啲雲吞😍好抵食20幾蚊一碗吃到飽，有中小辣揀🧐仲有冷麵10幾蚊一碗都有大中小揀，雖然好簡單🤭而且雲吞仲冇蝦因為我本來對有些蝦敏感啱晒我👍🏼

津津好好味係已前舊店岩岩開鋪已開始幫襯，而家已經轉左大鋪。呢到主打係重慶小雲呑同涼麵。已往到經常食，舊店時因為小店，只可以企向街邊食，但味道真係一試難忘。雲呑即叫即煮，無論係調味、雲呑肉，到係好正，雲呑細細粒好有芝麻香，加上自家調配辣湯，真係無得頂！涼麵到係到獨特味道，好惹味！經常食完到要再打包返屋企，屋企人經我介紹後，到係無法自拔！媽媽經常要嗌食現時已經轉左去大鋪，多左好多位置坐。但卻令我失望係，食物水準差了，調味到淡左。真係令我幾傷心另外，食物到吾止雲呑同涼麵。多左到酸辣粉、肥腸麵等等，下次試試先。下次黎幫襯時，好希望味道會變返已前咁啦！

津津未搬舖之前，都好鍾意食佢哋嘅雲吞，細細粒，大有麻辣，非常惹味，老闆每一次都好親切，服務態度一流，見佢每一日都親力親為，真係非常佩服。啲雲吞又好味重點又唔貴，所以成日都想再食。餐牌上面有雲吞麵、雜醬麵、肥腸面、酸辣粉、同涼麵。最貴都係＄30 ,絕對係良心小店，值得支持。自從佢搬咗鋪頭之後，今日終於可以嚟到喇，但係有好多次都係夜晚七點幾來，老闆話所有野都買晒啦，真係好失望。。今晚八點前嚟到，你入到鋪頭，店員話只淨涼麵（$12小）無論如何都好想食呀，個面嘅份量大佢係一個手掌大少少，一打開，好吸引呀。聞落去好香，食第一啖覺得啲芝麻非常芬香撲鼻，江面煮得剛剛好，唔會太稔，剛猛啦雖然係小辣但係食嘅時候都覺得好辣，食完口腔感到一陣麻痹，但係個真係好出色，好香好鍾意，好好味！

今日下午4時到我走入去想叫個肥腸面外賣，我同個收銀講左3次要肥腸面攞走，佢都仲要問我係咪雲吞面，都算，之後我畀40蚊佢，佢找10蚊，佢竟然擺係收銀枱，跟住好唔友善咁同我打曬眼話擺左係度，你自己攞，就算你食物再好食都無用，服務態度真係超垃圾，我唔係乞丐啊！

呢間雲吞係之前未搬既時候已經成日食....係我公司搬左冇耐之後... 已經冇乜機會食....因為以前連位都冇嘅....無耐之後...佢地都搬咗....今日睇返以前D相.... 有啲掛住.... 諗起就想再食.... 於是今日就專登行過去食返碗...細雲吞中麻辣今日再食返..發覺同之前都已經有啲唔同..... 中麻辣於我來講都覺得唔係好辣....可以再辣d...而且佢嘅香味亦都冇以前咁香.....唔知係咪因為材料唔同咗呢.....總括來講...好似冇以前咁好食啦.....