津津好好味

營業中

休息中

從佢哋冇堂食開始食到佢哋有堂食咁多年來真係咩都一啲都冇變過自從搬咗屋之後好耐都冇食啦因為真係好掛住佢哋嘅味道 今日終於再過嚟食！真係一如既往咁好食！最後食完都要買返個外賣走！

好耐之前朋友之前已經提過呢間餐廳嘅雲吞超級超級好味，但因為地點唔太就腳，所以一直都未有機會去試下。嗰日終於去開附近，就決定一定要一試！試完之後果然名不虛傳，雲吞個皮好薄，細細粒粒但係好好味，酸辣粉都好大碗，煙韌度非常適中，我揀咗中辣湯底，自己唔算好辣，但係好夠味道！食緊嘅中途都見到好多人買外賣，我仲買咗50粒生雲吞打包番屋企！多謝老闆同老闆娘嘅用心，在四川嘅風味帶嚟香港，希望繼續多生意，等我哋繼續可以有得食咁好味嘅四川菜！

位於長沙灣道，深水埗同太子中間有一間小店，專食重慶小食，每次經過都聞到陣香味，前兩日終於試咗了🤩#大碗涼麵（$20）7.5/10————————————涼麵有芫荽、蔥同花生碎調味，可惜唔夠香😟麵質爽口，不過叫咗小辣都完全唔辣，但勝在份量夠多👍🏻#雜醬麵（$26）7/10————————————叫咗中辣，雖然碗麵紅卜卜但係竟然都係無辣味！（仲要本身我已經唔食得辣😦）雜醬麵個麵餅同涼麵一樣，都係爽口彈牙，面頭有肉碎，增添口感😋整體嚟講都算係唔錯嘅。#大碗雲吞（$30）9/10————————————食麵之外，都不忘叫一份大雲吞（本身以為係雲吞Size分大細，後來發現係指大細碗）🤣雲吞得一個Size，偏細，但係皮薄餡靚，口感豐富有咬口😍食到係豬肉餡料🐖成碗有20隻雲吞～唔好比佢紅卜卜同滿佈辣椒銀嘅外表嚇親，因為又係唔辣嘅😗所以食唔到辣嘅人都可以一試！

太子呢邊其實有好多🥟餃子/雲吞鋪頭，就好似呢間津津咁，佢以前係喺砵蘭街嗰邊(以前叫做 津津好金の味)，我印象中果陣時係無坐位嘅，只做外賣，而家搬咗去長沙灣道，仲有得坐住食啊！！👍🏻但搬左舖之後都無黎食過啦，而最近喺附近返工所以特登過黎回味下～👇🏻門面已經貼哂餐牌係度，有雲吞、涼麵、酸辣粉等等，全部都係重慶風味🌶🌶除咗熟食，仲可以買生雲吞返屋企煮添👍🏻😆今次叫咗細碗餛飩(小辣)，有十二粒🥣呢個份量女仔應該差唔多，男仔既話最好加多碗涼麵/酸辣粉，又或者食大碗雲吞/雲吞麵😹雲吞湯底可以揀辣度，唔係好食得辣又想惹味啲，可以揀小辣😆佢辣得黎有啲麻，每次都有想飲晒碗湯底嘅衝動😹而啲雲吞細細粒，可以一啖一粒🥣雲吞皮唔厚而且都算滑，好似金魚尾嘅包法，餡料(豬肉、黑木耳)份量都算多，唔會好似有啲鋪頭食落大部分都係皮～所以可以話係皮薄餡靚👍🏻

呢間津津我食過好多次，之前係太子返工，所以經常去幫襯，諗住今日又再經開太子就順便去食，點知就出晒事😪入到去叫咗碗大雲吞堂食，坐低咗無幾耐，突然就聽到有個女人大叫話有老鼠，我望住佢指住個方向果然見到有隻老鼠，我嚇到即刻跑出去門口外面，我本人係勁驚老鼠，我見到有個阿叔係度同隻老鼠搏鬥緊，我驚隻老鼠會週圍走，我唔敢行返入去之後就有個姐姐就話我碗野已經煮好，佢仲話你驚嘅不如將碗野攞走，我問返佢我攞走去邊度食？佢竟然叫我坐係公園食😳，結果最後我都係被迫攞走

最愛嘅雲吞，味道唔同咗，無以前咁好味，可能轉左雲吞皮好似怪怪的以前個雲吞皮會好味啲，不過好容易爛！但個味道係好味好多，依家個味道一般！期待下次再試，可以食返以前個味

最近越來越鍾意食辣，今日lunch就行遠少少，沿着長沙灣道一直向太子方向行，就嚟到呢一間津津好好味。好簡單嘅一間四川風味麵店，選擇不太多，因為都係用心做最招牌拿手的幾款食品。阿姐級店員用佢一雙摩打手不斷喺度包雲吞，所以貨源源源不絕。揀咗兩款招牌菜試吓，其中一個係涼麵。所謂涼麵，其實就係拉麵凍食，灑上辣油、花生碎、芝麻、芫荽等，然後就撈勻食。雲吞細細隻，大碗$32有20隻雲吞，同樣地雲吞湯底都會加入辣油、芝麻同芫荽，呢個雲吞我就覺得好正，其實我有信心自己可以一口氣食晒20隻雲吞，哈哈！為咗解辣，所以叫咗凍豆漿，一黑一白，各有風味。

話說學生年代(十年前...)第一次食重慶涼麵就係幫襯「津津好好味」(舊舖：津津-好金の味)，從此我就愛上咗。不過當時佢仲係喺砵蘭街舊舖，佢好犀利地由專做外賣，變到近年搬咗去長沙灣道有得堂食嘅舖位👍。搞笑嘅係每次經過舖頭，佢出面都係放滿咗啲裝住發泡膠餐盒嘅紙箱😅，絕無例外。我間唔使都會自己去幫襯，買外賣番Office食。但呢日就決定帶埋個鍾意食辣嘅同事去試下😝。無論新舖定舊舖都好，佢永遠都係有咁多人幫襯，堂食同外賣訂單均源源不絕🥡。小店賣嘅食物款式好少😳，基本上就係雲呑仔、涼麵同酸辣粉。不過咁都好，集中賣幾樣招牌菜好過樣樣都賣，但又無樣精！大涼麵($20)，我大大話話應該食過起碼廿次，我敢講佢多年嚟仍然能保持一貫高水準🍜。首先，份量真係多，因為係拌麵、無湯，所以成大碗裝住滿滿嘅麵。今次嘅麵條好爽身、彈牙，可能因為係新鮮整起，放得唔耐，好食！重慶涼麵有得揀辣度，我哋要咗小辣🌶，所以食起上嚟隻辣的確係相當皮毛。反而食到尾覺得酸味更出，但唔係鹹酸菜嗰種。啲汁同芽菜集中喺底，所以建議要撈匀先食。喺夏天食佢，真係有消暑嘅作用☀️。大雲呑($32)，小店有得揀大雲呑或者小雲呑，但唔好誤會佢係講雲吞Si

呢間店已經吃過很多次，從舊店吃到依家耐唔耐都要黎食，太回味呢間店最愛當然係佢地嘅雲吞分大、中、小辣 ~而且有超多芫茜大碗雲吞 $30 有20 粒而且仲係大大粒1 個人絕對夠食唔好以為咁平，雲吞就冇乜料入面嘅料都好足，雲吞皮夠薄不知不覺就會食曬成碗！大腸酸辣粉 呢個都係我係呢間店常叫，大腸都有幾多，薯粉煙煙靭靭，而且好夠酸味同朋友多數叫呢2 樣再share 😆

以前都食過津津，味道幾好，而且價格都好優惠，以前喺當仔嗰度，基本上每一日都係帶着一條好長嘅人龍，有重慶涼麵/肥腸麵/酸辣粉/小雲吞等等，因為生意好咗而家入咗鋪位，有座位可以坐喺度食，今日就試吓味道同水準有冇唔同到。鋪頭雖然唔係好大，但係都坐到大約20個人，地方各樣嘅衛生都算係幾乾淨幾整潔，有三位工作人員喺鋪度做嘢，態度同手腳都算好同快肥腸麵/肥腸酸辣粉我點左肥腸面同肥腸酸辣粉，都係點左小辣，首先麵質同酸辣粉都係好彈牙份量好多，湯頭唔會好似外邊啲酸辣粉咁樣得死辣，湯頭好惹味好順口，而肥腸方面，都係好多份量，而且佢地洗得好乾淨嘅，十分有咬口，食得好過癮，正小雲吞小雲吞都係好多粒份量好多，自家製金魚尾小雲吞，細細粒食落好過癮，食到停唔到口。

#津津好好味 由街鋪變小店既舖頭，味道依然好味！——————————————————————大雲吞$32可選擇唔辣或者有幾辣，大雲吞指入面有20粒雲吞，全人手去包，用豬肉同木耳所整成，雲吞皮軟滑，肉質好淋，令人停唔到口🤤好味指數：9.2/10-肥腸麵$32麵底多，腸食落乾淨，份量好足，食到辣既朋友仔可以試中辣，味道會比較濃🌶🌶好味指數：6/10好味指數：8.9/10抵食程度：8.4/10回頭度： 8.8/10——————————————————————📍地點：太子長沙灣道51號地下📞電話：69069933⏰營業時間：星期一至星期六 10:30-21:30 星期日 全日休息

讀緊書就已經食緊，由以前買外賣係出面花槽食，食到依家轉咗大鋪有位坐🤪主打係麻辣雲呑同麻辣冷麵，雲呑同涼麵都有分大同細碗，分別都有得揀辣度。因為一個人食，所以我多數都叫一碗細雲呑加一碗細涼麵。中碼辣雲吞細碗雖然雲吞就唔係好大粒，但係細碗都有成12粒，一個人食都夠哂。雲呑得一款，係用豬肉做餡。中辣辣度就唔係好夠，下次應該要試大辣。中麻辣涼麵細碗涼麵入面係無餸嘅，不過就有少少配料，有啲芫荽係面，芽菜係底，再有啲香料，食之前撈一撈，正！👍🏻叫咗兩樣野加罐汽水都唔洗四十蚊！🤣🤣🤣抵食

一問到深水埗有咩好食，好多朋友都會異口同聲講:津津餃子🥟！原先我以爲間店係叫津津餃子，點知search 緊都search 唔到先發現原來叫津津好好味終於有時間一嘗佢嘅魔力啦，我今日剩係嗌左個四川冷麵同小雲吞，坦白講，四川冷麵就冇咩特別，同平時川菜都差無幾。或者係因為我嗌左小小小辣，所以唔會話辣到入唔到口，都仲有少少莣味ge至於個小雲吞鮮味好夠，有一種食完想再食ge感覺。而且因為細細粒ge關係，可以一啖就食晒粒雲吞，感覺好滿足!10隻小雲吞黎講，其實做tea 都夠飽!不過我同朋友就因為未食lunch，所以叫埋個冷麵，兩個人share就岩岩好啦!整體黎講，我覺得無想像中咁好食 (可能係因為食過更好食ge深水埗餃子，所以覺得呢個一般般)都幾好食ge，但未至於身邊d朋友講到咁神化。

呢間麻辣雲吞…我由佢係太子附近無位坐每次經過企係馬路食開始幫襯..之前以為佢執左..原來搬左入鋪好厲害d雲吞細細粒一啖一粒可以連埋麻辣湯一齊食岩岩好個麻辣可以揀唔同level辣得黎幾香

搬左般終於俾我搵到佢搬左去原本的前一條街，而家有得堂食外，仲開夜左雲吞無咁快買哂，仲記得以前傍晚6點幾去到都已經買哂！今日終於忍唔住走去買左個外賣，打開睇得出同以前有點分別，我食開大辣但現今不太辣，味道已經唔係以前既味道，以前獨特既四川辣味，現今普普通通邊到都食到既味道，真係有點失望！好想要返以前既辣味雲吞餡肉算是多汁但淡了點，雲吞皮薄滑口！辣味普通不夠惹味！