洪記桂林米粉 (已結業)

執左太可惜.....其實佢d野食好食過好多桂林米粉店,可能做得太濫,mug鬼都賣....

前兩日突登去食, 點知... 執左笠呀! >_< 呢間舖頭其實都幾污糟架, 幾殘舊, 而且所有野都痴立立的, 好多油積咁. 但係d 湯米線好好味! 過橋米線(湯同米粉分開果d) 個人怕肥所以覺得好油, 其實都幾好食的. d 小食好正, 最鐘意食豬利同炸大腸.... 但可惜執左了....

好多食評推介. 可以一試. 桂林米粉幾出色. 小食亦好. 但飯類差D. 建議大家穩陣些, 吃桂林米粉, 不要吃飯類.環境有些特色. 但經常有小昆蟲出沒... 小心.價錢合理.

今晚我提議到這裡吃, 一直都想來試; 因好多時經過這兒, 見到報章的介紹都幾有特色, 兼且看到食評亦唔錯, 於是終於今晚到來一試!老公叫了冬菇三絲桂林米粉(走牛)，而我則叫了鹵菜桂林米粉+ 大腸(走牛), 另加一支啤酒。基本上食物的質素係唔錯, 點知食到最後竟然發現我的米粉有隻小小強出現, 叫個侍應埋睇, 佢居然粒聲唔出就ling 走咗 碗走到不遠處同另兩個伙計埋頭商量, 過了好一陣子才施施然走番埋話唔好意思, 跟住於單上劃了一劃, 當時在想既然佢都已道歉及扣除了該米粉的數項, 都唸住算數ka la, 點知後來發覺佢劃的竟然係啤酒而唔係米粉, 咁又再叫佢過啦, 你估佢幾搞笑呀, 話: 係呀, 啤酒錢唔洗比, 算law wor. 我話而家係米粉有事而唔係啤酒有事呀, 佢停左一陣之後就好唔情願咁改番張單, 仲好似覺得我佔平宜咁, 實在太太太太太令人反感>.< 係E 樣至令人氣憤; 待客心態實在極有問題!

今晚和辣椒女來這裡食!我們叫了冬菇三絲桂林米粉(走牛)，鹵菜大腸桂林米粉(走牛)和啤酒。冬菇三絲桂林米粉- 三絲有雞絲、豬肉絲、牛肉絲(但因走牛，所以沒有了)，雞絲雖然唔係好新鮮，但唔韌都幾好、豬肉絲也唔韌，味道也很好，實在不錯；米粉係分開上，因沒有浸泡，所以好有咬口，味道也很好。鹵菜大腸桂林米粉- 本來味道也很好，可惜食到一半，竟然看到一隻<小強>在碗裏浮浮，認真惡心。而最可惡的係，d伙記竟然認為我們想白食，求期想減少收啤酒錢就算數，還要態度很差。我話係:係鹵菜大腸桂林米粉有問題，點可以減少收啤酒錢就算數。她們才改回不收鹵菜大腸桂林米粉，這樣的服務態度，認真難以接受，實在不吐不快。我已打算去投訴它們，在此先告訴各位食家，最好不要去這裡食。

20041208 9pm都係夜媽媽收工, 都係返o黎呢到買外賣.今日老版唔係度, 得返一堆鄉音阿姐, 食品質素即時下跌. 薯仔排骨飯($25+$1.5外賣), 只係一般水準. 例湯係菜乾豬骨, 酸梅湯好過份, 凍到變飛雪冰!!!都係食返米粉安全o的.

20041206 9.30pm夜媽媽先收工, 極度肚餓亦無心機煮, 返到屋企附近買o的o野食.好想食飯, 但係附近諗唔到有咩好食.入o黎洪記買o左個蘿蔔筋腩飯($18+$1.5外賣)拎走返屋企.筋腩我之前都講過係正o架啦, 我勁肚餓但係太大碗最後都係食唔晒, $18蚊仲送酸梅湯一杯同例湯一碗. 呢兩樣水準都唔係差o架. 例湯係紅蘿蔔雪耳眉豆豬骨, 都幾好飲, 無乜味精.又平又好食.

星期日2:00同mommy 食lunch!我食墨丸桂林米粉!睇落D米粉好似太淋會唔好味,點知原來唔係! 好滑又有有趙頭~D湯個樣好似老火湯咁, 不過有味精>.<D墨丸o既味精係前所未有咁鹹!不過$10真係唔錯!算好坐, 不過唔知點解好似有異味...而係全舖特2個客都要等成10分鐘有D過份......

今日因為要去西環上堂專登走黎呢度食飯入去前真係要諗一諗因為間舖好似好舊又無人幫襯咁我六點去到都可以一個人都冇但原來好野係唔可以計較呢d野既我叫左一碗冬菇酸辣香酥肉桂林米線點知叫完之後發覺有魚腐叫即刻叫佢改為魚腐唔要香酥肉啦點知佢好好人話香酥肉會好食d但見我想試下魚腐就另外俾兩件我，無加到我錢黎到之後發覺都幾大碗酸辣湯底好香味道又好正至好係食完之後都唔覺口乾證明冇乜落味精啦ｄ香酥肉果然好味道雖然係豬頸肉但一ｄ都唔肥膩仲好香口又入味而ｄ冬菇仲會連埋ｄ雲耳又係好好食ｄ米線吸左ｄ酸辣湯辣辣地又酸酸地好正呀諗番起又想再食過呀下個星期上堂前要黎encoure 不過下次可以試下其他因為見到佢相簿仲有好多個樣好靚既野食油菜都只係五蚊碟咋,扺食

今日下晝同個同事來吃午飯，人客也不算太多。我們亦叫了以前吃過有水準的鹵菜乾撈同酸辣雲吞桂林米線，味道不錯，米線仍舊彈牙。食下食下，同事心血來潮，見佢有炸豬扒及釀青椒等炸物，就問個阿姐有無炸大腸，點知阿姐又話有，仲問我地要幾多錢，是即叫即炸的。就叫15蚊來試試，都等了接近十分鐘，炸大腸上檯了。顏色較深色，是原條大腸去炸，不是街邊的橙色層層炸大腸，亦不是客家菜般薄到飛起的。大腸用鹵水醃過，略為蓋了大腸獨有的味道，炸得不太脆，以味道計不算很出色，但勝在即叫即炸，熱辣辣。今日仲有酸梅湯送，可見周圍炒麵舖頭競爭之激烈。

13 July 2004, 8:30pm開OT, 食自己, 買外賣返公司食.呢個係鹵菜炒桂林米粉, 鹵菜者, 即是鹵水o野, 有眼見啦, 鹵水豬雜啦有, 鹵水牛啦, 炒埋一大堆即成. 雖然下晝食o左金鳳雞批, 但是還是忍唔到口成個隊晒重要推介的是果個湯, 用鯊魚骨+ 豬骨+ 雞+ 紅棗同埋o的藥材煲成, 正到爆, 我有時都會淨返唔飲留o黎淥菜或者煮麵, 嘩哈哈哈p.s. 另推, 根腩撈米, 地上最淋牛根, 無得頂! ($19)

Good Sour and Spicy fried noodles!!!And it is cheap.But i have never tried the Sour and Spicy SOUP noodles. Will try next time.

始終念念不忘這裡的酸辣桂林米線，所以星期六特地一人來吃了。叫了冬菇酸辣香酥肉桂林米粉，要了大辣。原來呢度的辣料除了乾椒之外，亦有少少濕的辣椒粒，只是上次吃見不到而已。與乾椒一樣都係幾辣的，另外還有普通的辣椒油，以一間普通粉麵舖，辣料都有三款，都可以說是多。米粉上檯份量依舊大埋頭，配料亦不少，看樣子是看不出有何酸辣之處。吃落是辣多過酸，仲要係越食越辣，結果食到一頭汗，在這寒冷的日子吃剛好。香酥肉幾酥化，似炸過的豬頸肉再切片，味道幾好。埋單20蚊，在這裡已經是食得幾豪的了。都值得一試。

係個朋友帶路來到這裡的，佢話呢度的桂林米粉幾好，款式多而價錢平，味道又唔差，見未試過就來試下。<br />地方不算新淨，但座位都不算少。人客亦多，除了桂林米粉外，其實小菜及各式碟頭飯都有得供應，晚市仲有火鍋添，都幾多元化。<br />叫了鹵菜撈桂林米粉，上檯時發覺幾大碗。鹵菜即各樣鹵水食物，今日是金錢肚、豬肚、腎及豬?等，也有幾粒炸花生，桂林米粉幾煙韌，鹵菜味道都唔錯。隨撈米粉附送湯一碗，難得的是味道不錯而味精亦不多，之後也不覺得特別口渴。朋友叫了十蚊碗的雪菜肉絲桂林米粉，以為份量應不多原來亦不是，亦有番咁大碗的，絕不比其他十蚊粉麵舖遜色。見隔離檯兩個靚女在吃酸辣撈桂林米粉，吃得津津有味，一定要再來試試。<br />這裡提供的辣料非如一般的潮式辣椒油或豆板醬，而是一粒粒的乾辣椒，幾哨的，食得辣至好落。<br />埋單25蚊，已經是兩個人的價錢，好平，可以一試。<br />