洪記海鮮酒樓

營業中

休息中

落單落左一個鐘乜都冇上。d人好冇禮貌，叫極唔應，叫左好多次先上一碟已經凍左嘅菜。跟住又係叫10次先話我地知落左單，但係到而家已經超過一個鐘，都未有其他嘢上，後面遲過我地黎嘅枱都已經有碟蝦到。。。已幫襯幾次，但係今次之後唔會再幫襯。

今日下晝兩口子到西貢午饍,今次選擇洪記酒家,星期一至五,有特價炒粉麵,都係四十零蚊,非常抵食,今次叫了豉椒鮮魷炒麵,咖哩魷魚,灌湯餃同蒸粉卷,炒麵味道稍鹹,如果廚師輕手啲就好,不過可能今日天氣翳焗,露天位置無乜人座,我地安排坐二樓,望住海景食飯,一流。

嚟到西貢一定會經歷嘅就係嗰兩間大酒樓嘅員工係咁問你食咗飯未😂不過今次小編就專登入西貢食的，事前都有比較過呢兩間，其實價錢同菜式都大同小異，小編都係睇人地影嘅相睇下邊間吸引啲😋.🍚二人套餐 $488可以揀四款餸而菜式選擇都幾多，有海鮮有一般小炒😎咁難得黎到西貢就梗係叫曬海鮮啦，最吸引嘅就係芝士波士頓龍蝦伊麵，味道比想像中有驚喜😚另外三道菜分別叫咗蒜蓉粉絲蒸扇貝、加$100轉咗清蒸沙巴大龍躉同埋椒鹽焗鮮魷🥳三個清清地加一個炸物都真係一個幾好嘅組合，味道就正正常常唔會話太出眾，不過就幾豐富食落幾滿足🤪最後仲有飯後果，以為係西瓜哈密瓜嗰啲，點知係橙，都好過冇嘅😂.💰人均消費～$350.🍽味道：3/5🏙環境：2.5/5👨🏼‍🍳服務：3/5💧衛生：2.5/5💰價錢：3/5

洪記負責人冇禮貌，職員亦然，上行下效。不知所謂。疫情時，經常光顧，支持，現在社會剛輕微回春，立刻趕客。其實周邊選擇多，請各消費者多比較。如果唔想聽你同我等一陣，和自己serve 自己，請多比較。

西貢全記和洪記兩大海鮮酒楼，都有早茶供應，雖然兩者都有海傍海景位給顧客選擇，但全記海景位地段海上船隻的柴油味很重，反之洪記海景位地段却没有這個問題，所以每次揾食肥華和靚媽想嘆番過，海景早茶就必定選擇洪記，8月13日肥華又撩起靚媽條根到洪記望住個海飲早茶，嘆番優閒嘅早上，呢餐早茶擺明係重景不重食物質素，所以肥華和靚媽每次到此店飲海景早茶，對此店食物要求亦不會太高，總知係正正常常，比上不足比下有餘就OK，正如今餐一樣肥華和靚媽對住個海景嘆茶食點心，HeA足兩個幾鍾咁嘅消費感覺超值💯👍👍👍

去完西貢玩落船梗係要食個海鮮醫肚啦.一落船就見到兩間酒家喺度爭生意.最後我哋揀咗呢間洪記試下先.下次先再試吓其他🤟🏻我哋叫咗個二人套餐(自選4個餸再另外送一個菜)-豉椒炒蟶子-菠蘿咕嚕肉-蒜蓉粉絲蒸帶子-芝士龍蝦伊麵-清炒時菜另外我再加多左一個前菜一個餸同埋一支啤酒-醉鴨舌-粟米魚肚羹海鮮方面都新鮮味道都可以😌係個咕嚕肉比較多粉漿但係都幾大碟既.龍蝦肉質爽口彈牙配芝士伊麵ok既.不過好明顯係預先恰啲伊麵先.龍蝦走完油就放上去最後林啲汁.啲汁都比較少撈唔哂成個面.反而個鴨舌好食個魚肚羹都唔差👌🏻總結：喺西貢梗係要食下海鮮啦.坐喺呢度睇住過海食得別有風味.而且呢個價錢又有龍蝦伊麵又有海鮮都冇咩要求啦.性價比幾高嘅.但因為太多人食佢哋明顯人手唔夠.叫嘢食加單或者攞啲嘢都要等好耐先有人應.如果唔加其他嘢食兩個人平均先係$300好抵食！

週三去西貢Staycation，晚上散步正好先看到洪記酒家，店員說2人套餐中的波士頓龍蝦可以免費升級到澳洲龍蝦，覺得不錯就嘗試了一下。488圓4個自選海鮮+一個蔬菜，我們多加了100圓升級了一條魚。海鮮的味道做得還不錯，以之前吃的海鮮差不多。食材還算OK，感覺比較新鮮。服務員態度也OK。上菜速度正常，並沒有等太久。本來看到open rice對這家差評很多，並沒有太大抱期望，但吃完覺得還挺不錯的。對於價格和食物都滿意。

趁假期去西貢遊船河，熱辣辣太多人去同陽光玩遊戲，所以一早就揸車入去搵位拍車！時間充足充足，所以就係碼頭「洪記海鮮酒樓」飲個中茶等上船🚢🚢🥵🥵尼到飲茶，幾特別坐底比點心紙你order,有專人送來，之後想加點心就要自己出去點心車羅（如果趕時間其實自己出去羅會快好多唔使等）梅菜叉燒腸粉：梅菜唔太鹹，加上甜蜜蜜嘅叉燒，好有驚喜！原來梅菜同叉燒係可以甘夾銀蘿千絲酥：口感鬆脆，蘿蔔絲一咬就斷唔會有咬唔斷的情形，蘿蔔絲嘅清甜配上酥餅皮，真係超好食雪山叉燒包：外酥裡嫩，表皮鬆脆香甜，叉燒餡夠曬足料釀辣椒：中規中矩，沒有太多驚喜翡翠筍蝦餃皇：蝦餃皮又薄又軟，蝦肉爽口彈牙，真係正吖歎完茶食飽飽，夠鐘行去碼頭又夠近，開心滿足

今晚一行七個人 入到西貢洪記食海鮮叫咗5個海鮮 有龍蝦🦞 聖子 扁貝 鮑魚 瀨尿蝦另外叫咗一隻雞🐓 清炒蒜蓉菜心❤️真心真係好好食 又扺食 海鮮超新鮮😊椒鹽鮑魚真心必食 仲有隻雞超好味食雞嘅時候 記得叫侍應比多碟沙薑呀🤭佢哋嘅秘製沙薑超好味 出面食唔到㗎😅上湯龍蝦🦞伊麵 整得超入味😘食咗咁多嘢 每人都係平均$600下次如果再食海鮮 一定會第一時間諗起😋😋😋西貢洪記海鮮酒家😋😋😋

2022復活節 long weekend的前１天我姊建議去郊區逛逛，我舉雙手贊成！自駕到西貢碼頭，遊人挺多的，氣氛熱鬧。逛了逛就覺餓，找地方吃午餐，全記大排長龍，洪記還未客滿，就吃洪記。我們點了以下的：#普洱茶：茶位8元/位，好喝，比市區收25元/位的更好喝！#蝦餃：蝦肉新鮮爽脆，可惜不夠熱，蝦餃皮有點韌。#沙律明蝦角：蝦角皮炸得酥脆，加wasabi，好味！#鮮蝦翡翠腸：蝦肉新鮮，好味！#乾蒸燒賣：夠熱，比蝦餃好吃！#叉燒包：這個一般。#豉椒炒蟶子皇：個大，肉厚，大愛！#豉椒炒蜆：份量比預期多，但吃着有沙。#豉汁蒸䱽魚：挺大１條，火候控制得宜，剛剛熟，魚肉很嫩。#椒鹽鮮魷：脆漿太厚，失望。#腐乳炒通菜：好吃！

難得同屋企人一齊休息！因為疫情在又不能去外地及旅行！西貢係個放松的好地方！到咗西貢當然食海鮮喇！抵食又靚的海鮮酒家洪記是首要選擇！我哋四人行叫一個四人套餐！食到好飽好開心！豉椒大聖子炒得啱啱好！爽脆不柴！西澳龍蝦伊面！味道正！回頭想到都仲想食！鼓油皇蝦好鮮味！師傅真係好功夫！做到咸香脆！仲有薑蔥炒蟹！隻蟹真心唔錯！我平時鐘意食蟹不要太多生粉！這個是我的口味！仲有粉C蒸.！我如果下次休息都想再去食！四個人都淨係買單仟來蚊！

今日下午去食二人餐，488元，一路食覺得質素一般啦，但食到蒜蓉粉絲蒸帶子時，食曬啲粉絲後，發現在底嘅帶子好細粒，睇真啲，原來得半粒，問個男待應點解得半粒，佢堅持話果粒已是一粒，我都費事同佢多講，大家自己睇下，係一粒家半粒啦，咁唔老實，無下次

我哋總共八個人一個人食素一個人唔食海鮮我朋友落單無問幾錢一斤之後埋單佢就咁打海鮮5040廚部730再detail問條2斤半老虎斑收$1000 姐係400蚊一斤三隻短過手臂嘅賴尿蝦又收$1000其他就唔詳細講啦 反正係一間x店重要條魚蒸到老晒 啲嘢係完全唔好食 搶得就搶 真係唔建議大家食我哋都仲要冇嗌幾多樣海鮮 完全唔知道個$5000喺邊度收返黎 買單時候先呆一呆全部都唔清唔楚 成個Menu都係時價 佢自已打單都唔好意思逐樣打落去 酒水又冇飲幾多

3/6/2022 當日下午 4點半入去洪記食，頭20分鐘一切正常，之後就😡四個🔥🔥🔥🔥第1🔥 叫一罐可樂，要叫幾個伙記至肯攞黎第2🔥 食緊野時，有伙記突然收左我隻骨碟，但無比返隻新碟我，無問過我就收碟，想點呀！第3🔥 我用雙手食緊蟹時，有女伙記用力推我張櫈兩次，叫我唔好阻住條路，想點呀，我食緊野想我點，你唔"能"識行第二條路架！第4🔥 埋單時，收銀條友(染綠色頭髮嘅老女人) 2 位收 5 位茶錢，扮出錯單，食💩喇！服務差，騙食客！！！要受氣，來 "洪記"！！！ 🔥🔥🔥🔥

同朋友行完山都黃昏了，係碼頭搵左一間酒家食返一餐海鮮餐。呢頭主要二大酒家，二間都食過，比較喜歡這間份量足料嘅洪記。二人餐$488最抵食當然係龍蝦伊麵，而且唔使加錢把波士頓龍蝦轉做澳洲龍蝦🦞。伊麵底分量十足，夠晒兩個人食又多。豉椒炒蟶子。味道香濃，而且放左好多青椒紅椒洋蔥做配菜，惹味，味濃。椒鹽鮮魷。指定餸菜😂，因為喺屋企好難自己煮，所以出街必定會食。蒜蓉蒸元貝。我記得對上一次食，元貝大隻啲，今次就偏細。不過味道依然吸引，最愛是係蒜蓉粉絲加得好多，所以食完一隻，好似仍未夠喉😋。揀咗四樣之外，仲免費送炒菜同埋生果，食完真係好飽好滿足。之前食過另一間，其實菜式差不多，但份量就少好多。所以兩間比較之下，我就會覺得這間性價比較高。😋😋😋