洪記潮州滷味

營業中

休息中

土瓜灣北帝街不嬲多嘢食，但唔係間間都好食，今次講嘅依間洪記潮州滷味絕對係抵食夾大件。同一般滷水舖一樣，洪記比咗好多選擇食客去揀選自己想要食嘅滷水食物，其中包括滷水鵝（有骨）、滷水鵝片、豬大腸、腩肉同豬耳。我今次就揀咗自己最愛嘅滷水鵝片、腩肉同豬耳。佢嘅滷水味唔係話好味濃五香味好香嘅嗰種，但亦到食出淡淡嘅滷水香料味，滷水鵝並冇被滷水料頭掩蓋佢嘅鵝香味。有一點不得不讚，就係洪記嘅滷味飯配菜頭腐，索唒啲滷水汁好食到傻😂。

唔知大家中唔中意食滷味🙈 本人非常喜歡😂 特別係滷水內臟、豆腐之類。今日黎到呢間土瓜灣既潮州滷味，問完店員之後，我決定要叫滷水鴨！要左半隻，先$78，有勁多又好香！果然冇介紹錯，半隻係超級大份，食落都好好味唔會鞋。我仲加左豬耳同鵝腎，3樣野都好大份，一家人一齊食都夠哂🤣🤣 豬耳好好食，軟骨脆卜卜，鵝腎好爽口，唔會過鹹。我見到佢仲有自家制辣油同菜脯，又有魚同蟹😍 等緊外賣時，都有唔少人入內堂食架！店員之後仲介紹南薑雞，的確出面好少有，仲要係佢地自家醃製，下次要試下先！

喺何文田放工，心情大靚，一於加餸😎😎買完麵包經過依間舖頭，被香味吸引！喺門口已經聞到勁香嘅滷水味！店面乾淨整潔，食物種類同埋配搭選擇都幾多👍🏼👍🏼左揀右揀之後，我決定揀「鵝拼才會贏」😆😆C. 鵝肉拼墨魚紅腸除咗係因為個名夠勁，主要係因為實在太多選擇，而我又貪心，咁樣拼法，起碼可以試到三樣嘢😁😁呢個拼盤，賣相夠晒靚仔😎仲有返咁上下重量👍🏼墨魚份量比想像中多，食極都仲有😋😋口感爽，點醋都幾過癮至於鵝肉，個滷水味又真係幾正，唔會太鹹，鵝肉係嫩既！冇乜肥膏，啖啖肉👍🏼我仲加咗豆腐墊底，絕對係正確嘅選擇！因為豆腐外面好香滷水味，入面好嫩滑，好好食！值得推薦！

洪記潮州滷味 (土瓜灣)土瓜灣北帝街33號地舖去開土瓜灣，有一滷水店是老豆大人必點的，如事者，我受命山長水遠由土瓜灣外帶滷味到新界西。這是位於北帝街的滷水店，店面五臟俱全，外面貼滿了彩色的價錢牌，琳琅滿目。幫屋企加送，所以什麼材料也點了一些，價錢合宜，點了滷水鴨、鵝腎等……滷水做得非常入味，材料吸收了滷水的精華，一間店的滷水是鎮店之寶，，基本上也能想像所有菜式也有超水準。鴨肉鬆化、鵝腎有咬口，豬肚入味、滷蛋香口！叫了一堆滷水料也只是$150，夠一家四口吃之餘還可飯後送酒，非常抵食。

今天加餸滷水鵝，就去洪記買咗¼上庄，切鵝片，師傅即開隻滷水鵝稱重$160。滷水不是間間做得好味，但洪記鵝片半肥瘦適中，口感軟滑，滷水好入味，連滷水蛋都好好味。伴隨有兩個醬汁， 白醋和秘製滷水汁，令味道更加豐富。外觀而言，師傅擺放在外賣盒的心思亦不馬虎， 色香味俱全， 十分滿意。洪記本身都有好多其他潮州菜的選擇，例如魚飯，蠔仔粥，蠔餅、鮑魚等，海蜇、鵝肝，內有堂食。明檔入展示很多其他食材，款款新鮮，下次試下堂食。

食得多燒味, 今日屋企無煮咩, 就去附近一間新開既滷水睇下有咩加料🤤🤤🤤平時行過都覺得宜間野好多野食, 行近望下先知真係有唔少既野買, 仲要唔止滷水咁簡單！喺芸芸當中嘅嘢食叫咗最出名嘅鵝肉片，不過因為食唔倒太多, 淨係叫左鵝肉返去食就算，下次試埋其他野一打開原來¼隻鵝都幾大隻，兩個人食其實都幾多估唔到鵝肉都幾足料！❤️鵝皮脂肪比例剛好，食落厚實得黎唔會太硬, 鵝肉幾香口，而且鵝皮滑得黎又唔會太肥, 點埋醋個味道酸酸地好開胃, 係幾唔錯！下次一定要試埋其他野！🥳🥳🥳

朋友介紹，所以專程嚟試吓。佢嘅潮州食品好多元化，除咗有滷味之外，仲有凍蟹、烏頭、蠔餅同潮州粥等等其他食品；連海味同其他醬料配菜都有得賣，所以選擇真係好多，而且價錢唔算特別貴。今次買少少試吓，鵝掌、鵝翼係我永遠嘅最愛，配茶或者配酒一流。掌翼滷得好香，我買嘅呢隻翼係中size，但都已經勁多肉；掌嘅根就好爽口。佢嘅味道唔會話太重口味，所以配飯或者就咁食都完全冇問題。隻蛋係買嘢送嘅，唔好睇佢淺色，都好入味。以後買滷味都會再返嚟，下次可以堂食肆埋其他嘢！

有一日等屋企人買嘢，行吓行吓俾呢間舖頭嘅門面吸引咗。見到佢嘅潮州食品比起一般嘅滷味鋪多，所以望多兩眼。價錢中規中矩，老公好鍾意食鵝頭，所以即管買啲俾佢送酒。呢一盒鵝頭加少少鵝腸，大概$100左右（因為鵝腸斷秤），欣賞佢唔會太鹹，滷得幾香，食完唔會話好口渴！隻蛋係送嘅。通常啲滷味鋪都係用發泡膠盒裝住，佢用膠盒，一來方便拎，啲汁唔會到倒瀉晒，二來外觀都吸引啲。見到佢有堂食嘅位置，環境都叫做幾舒適，下次都嚟叫個鵝肉飯試吓先！值得encore。

諗住斬料番屋企加餸行過見間野都有人排隊買掛係度啲滷水鵝滷水鴨又靚靚仔仔價錢清晰又唔貴 就諗住揀幾樣執啲番去食買完店員就提番番到屋企未食就打開蓋 唔好焗住一拎上手盒野都幾重手好足秤番到屋企打開都聞到好香滷水味啲滷水料排到整整齊齊靚靚仔仔咁——————————————————-滷水鴨 半隻（$70）大大隻好足秤 性價比甚高面頭係鴨胸片 啖啖肉 肉質綿密緊實下面就係鴨件 肥瘦適中豬大腸 一條（$20）豬腸處理得好乾淨 無任何臭味有咬口得黎軟而不韌豆腐 一件（$10）豆腐擺左係底 大大舊切左六七片 影唔到 但食落有豆香 口感綿韌—————————————————————最欣賞哩間既滷水係入味得黎唔會過鹹下次經過試埋滷水鵝都得

都幾多街坊幫襯呢間買滷水外賣餐牌都有好多唔同嘅滷水項目選擇好多潮州嘢食都有正宗潮州滷味舖門口掛滿曬各式各樣嘅潮州滷味食品， 任君選擇，好吸引，我就揀咗上庄嘅滷水鵝，滿滿嘅一盒，份量十足，擺盤亦擺得好靚仔，賣相很好，會跟埋兩兜汁醬，$158個份量其實都好多，為咗方便屋企人夾餸， 所以我夾起咗一堆分開擺，一打開個盒就好香滷水鵝味，而且啲滷水鵝啖啖肉， 冇乜骨頭，食落口，肉質滑嫩，彈牙多汁，滷水味亦好濃郁，滷得好入味，就算唔點任何汁醬，都好夠味$158有呢個份量同埋呢個質素，唔怪之吸引到咁多街坊幫襯

之前仲未有晚市嗰陣，晚餐都要諗下外賣。當日係土瓜灣放工，有d微雨，但見到有間燒味店都仲係零舍多人排隊，好奇心驅使我去望下。原來係專門食鵝嘅，門面幾新淨，好似都衛生，決定試下～職員係門口同街坊有講有笑，睇黎幾有人情味咁，比左張外賣紙我，都熱情地招呼我，我最後想乜都試下，就叫左套餐B然後佢比左個牌我等，估唔到燒味店都運用科技，令成件事秩序井然都要講下食物質素，先講鵝肉吧，唔肥膩之餘仲少骨，份量都多，點佢嘅特制醬好惹味～五花肉就層次分明，肥瘦均勻，咬落非常有口感😋最後鵝腎都好爽口，點酸汁都幾夾，仲有2隻蛋，戈晚嘅加餸家人都好滿意食得好開心

今天吃飽了，就買點外賣回家給家人吃，那就今天不用煮飯了！這次就選了家人愛吃的潮州滷水！滷水鵝肉飯（５０元）雖然只是５０元，但整體的份量還挺不錯的，不單止有鵝肉，還有滷豆腐和蔬菜，更配有例湯！鵝肉我拿到的部位是鵝背，吃起來肉質滑嫩多汁，鵝味很香，又有濃濃的滷水香味，不用沾調味料都好吃！而滷豆腐還想著會很老的，怎知道吃起來非常滑嫩，又有豆香和滷水香，吃完鵝肉可以用來解解膩！鵝頭頸（大）（６０元）看到這裡的鵝挺大隻的，而且有分大小，但只差了２０元，那肯定要大的啦！一打開就看到大大隻的鵝頭了，差不多一個盒那麼長，鵝頭吃起來肉質滑嫩，而且非常入味！鵝頸的肉也很多，而且吃起來挺方便的，肉質爽嫩緊緻！

我到「海心公園」觀賞魚尾石，可惜海心亭未開放，離開公園在土瓜灣閒遊經過「洪記潮州滷味」店鋪，順便買少許滷味為今天晚飯加餸。滷水墨魚是每次必購之選，滷水墨魚口感爽脆鮮嫩，啖啖肉也同時透出滷水幽香。還有豬肚、鴨掌、鴨翼和海蜇，三款滷水味道香郁甘濃，下飯送酒兩佳宜，半個滷水豬肚爽脆無油膩，滷水鴨掌、滷水鴨翼，慢慢細嚼齒頰留香。添加葱花的海蜇看來很吸引，添加了清香麻油，脆卜卜的咀嚼口感，是餐前的開胃小吃！

這天外帶了一些鹵水食品加餸。我們吃了滷水鴨、大腸及豆腐，大大一盒，份量十足，且價格商宜！我覺得這個鴨子的擺盤很精緻，家人驟眼看都以為是鵝片。鴨子沒有鵝的肥美，但整體肉質很相似。吃滷水的話，我覺得鴨子減了些肥膩，是一個不委屈味蕾，且對大肚腩及荷包都友善的選擇！味道方面，我覺得這裡的滷水汁是優秀的。醬汁不會味道太重，卻充滿肉香。吃鴨肉的時候這個優點並不明顯，但當我品嚐豆腐的時候，我便覺得滷水豆腐除了豆香，還洋溢著肉食的香氣，平凡的豆腐因此變得無比美味！

餐廳位於土瓜灣，現在已經有地鐵可以到達，十分方便快捷。這間餐廳主打的就是潮州鹵水，這天我點選的食物就是鹵水鴨和鹵水大腸。鹵水鴨，性價比十足，價錢合理，經過鹵水的慢慢烹調，十分入味，絕對是回家和家人分享的最佳選擇。鹵水大腸，大腸更值得表揚，清洗乾淨，完全沒有骯髒的地方，加上經過鹵水的烹調，味道更佳，入口內裏的脂肪不太多，經過細心處理的，就是這樣好。加上是以一條作為一個單位，無須擔心重量的問題，挑選自己喜愛的，這就是良心店的表現。