洪記潮州滷味

營業中

休息中

第五波疫情來勢洶洶，為了安全起見，放工去就近的土瓜灣體育館做核酸檢測後順道行去之前同事介紹過的北帝街，一間洪記滷味的滷鴨味道唔錯，斤兩十足和街坊價錢。櫥窗掛滿令人垂涎欲滴的各式各樣潮州滷味,有超值的滷水鴨、滷水鵝、墨魚、紅腸、鵝肝、鵝腸、鴨腎、豬手、頂級元蹄、烏頭魚、馬友魚、南薑雞和矜貴的南非吉品鮑等等；今次外買買了一隻斤兩十足價錢$118元的滷水鴨，入口肉質肥美鮮嫩，果然超值😋👍，下次有機會一定要試吓其他滷味！

疫情嚴重，停晚市無得出街食蔬菜肉類運輸又出現問題，又貴又少買外賣仲抵作為食肉獸嘅我，經過滷水店第一時間梗係睇滷水鵝啦雖然見到好多其他滷味都好正元蹄、海蜇、涼拌蜆、花生炆豬手，南薑雞等最後我都係叫返滷水鵝試一試佢先因為鍾意啖啖肉我叫咗上莊師傅幫我片起左鵝肉，滿滿嘅一盒分量足夠，又抵食仲送咗隻滷水蛋添鵝片嫩滑，唔會好咸，食物新鮮呢幾日咁熱，好多時買潮州滷味都會有變壞嘅情況，今日既鵝肉好香好新鮮呀下次要買埋鹹酸菜返去餸粥

受屋企人影響，由細到大都鍾意食潮州滷味每次去打冷都一定要叫碟滷水鵝片或者潮州拼盤經過土瓜灣見到滷味店，即刻買返去加餸氹媽媽開心，透過門口玻璃已經見到好多嘢想食滷水鵝、鵝掌、鴨舌、豬手、紅腸、墨魚、鵝腸通通都係我至愛，真係唔知點揀好最終叫左滷水蛋、紅腸、鵝腸、豬腸，豆腐食物包裝得好好，醬汁分開包，滷水唔會太咸鵝腸，豬腸都處理得好乾淨，分量十足好鐘意鵝腸，非常爽脆，唔會過老一件豆腐已經好大件$10好抵買媽媽話下次要再試吓其他

朋友推薦北帝街附近有好多好食餐廳，洪記潮州滷味就係其中一間。餐廳位於北帝街，主打傳統滷味。有墨魚外，更有豬手豬耳豬肚，就連鴨舌都有，鵝肉鵝片鵝掌鵝翼鵝紅選擇應有盡有。滷水什飯腩肉超嫩，肉厚軟綿，不油不膩，豬耳又韌又脆，味道鮮香，鵝腎口感香脆，配上脆脆甜甜酸菜。滷水元蹄飯滷水味濃，元蹄不會過於肥，也不會過於瘦皮爽滑，肉嫩鬆化，味道甜香，香溢滿口，齒頰留香，配上大大件滷水豆腐。例湯附送的例湯，非常滋潤。

好耐冇食潮州野，今晚決定外賣加餸😆😆呢間位於土瓜灣嘅洪記潮州滷味，地點非常便利，土瓜灣站一出行幾分鐘就到啦👍🏻點好野食，師傅展現刀工，排得靚靚，再淋上滷水汁，哇果一下好正呀（請睇片😍😍）亮晶晶既感覺😚😚🔸滷水鴨半隻 $70▪️面頭既鴨片啖啖肉，滷得好入味，滷水味鹹甜適中👍🏻 鴨件肉嫩，肥瘦適中👍🏻 我地一件又一件食唔停口😂😂😋 🔸鵝肝 $30▪️$30 咁多件😍😍鵝肝唔係周圍都買到㗎😀😀今次見到有，所以即刻叫咗黎試吓😚鵝肝有口感，肥美厚實👍🏻 🔸健康豆腐 $10 ▪️好味😋豆腐嫩滑，加埋滷水汁食好正🤤🤤🔸滷水蛋 $5▪️滷得好入味👍🏻👍🏻買完成盒又大又重，攞到我都攰攰地😂😂何等既性價比👍🏻👍🏻哥哥包裝得好好，細心提我返到屋企要打開蓋透透氣，如果唔係個豆腐就會唔好食😁非常推介大家去試下💕💕

農曆舊曆年至今的第五波疫情緊張，所以提早放暑假，在家抗疫巳一段時間，趁開始有跡象緩和，搭交通放便的屯馬綫去土瓜灣探望獨居的姨婆，途中經過附近食肆林立的土瓜灣北帝街，見到搶眼金黃色的招牌洪記潮州滷味店，㕑窗內掛了多隻肥美滷鴨、鵝和其他滷味，賣相吸引，還記得她喜歡吃家鄉潮州滷味鵝肉，于是外買了兩盒滷鵝飯還有例湯和兩盒醬料贈送。這盒份量十足的潮州滷鵝飯，除了主角滷鵝肉片鮮嫩，至令我們驚喜的是墊底的配角嫩滑滷水豆腐和襯托一小撮惹味的爽脆潮州菜脯。

依家疫情仲嚴重左，搞到我出街食飯的好心情冇哂。仲要得個兩人一枱，都係買外賣反屋企食算，係屋企附近的小店，見到大家都斬料，我又斬埋一份啦，佢主打有鵝肉，不過我第一次試佢就唔想叫咁貴，睇下佢其他野食質素係點先，叫左半隻南薑雞，價值70蚊，仲有唔係好多店鋪有得食的滷水鵝肝，價值30蚊 LOL 炒碟菜，煮埋飯，夠哂三個人食，岩哂我依D唔中意諗煮咩既人。首先講下南薑雞，賣相就麻麻，不過好在佢整得好食，我中意食佢既薑味，配飯就岩哂，至於佢既雞質地都滑，大大舊咁，唔錯滷水鵝肝依個真係不得了，因為我平時都中意食但又真係冇乜得邊到賣，而且好邪惡，所以我都係間唔中食下，鵝肝睇落好鞋口，但食落滑口而且回甘，雖然我本身以為叫咗$30嘅鵝肝應該到3 4舊 ，但係點知佢都比幾多我，所以我都覺得幾抵食嘅。途中見到有其他人都叫鵝肉打包走，所以下次唔知食乜好嘅時候我都會嚟依間小店買下嘢食！

呢排疫情嚴重，真係好少出街食，外賣居多，大家齊心留家抗疫，支持下小店。途經土瓜灣鹵水專門店， 之前都試過唔錯，鹵水鴨鵝滿滿掛喺玻璃窗內， 新鮮而且價錢合理， 今次再幫襯。叫咗隻鹵水鴨，一嚿鹵水豆腐同半條紅腸，今晚加餸送潮州粥一流。店員打包得企企理理，主動把醬汁分開， 服務好。外賣返到屋企仲有微熱 ，分量十足冇呃秤， 賣相不錯。 師父把鴨片鋪在上層，啖啖肉， 鴨質嫩滑新鮮，鹵水入味。好耐冇食過紅腸了， 間唔中食下都唔錯， 鹵水豆腐好入味，入味之餘又唔會太老， 好嫩滑。店內仲有其他鹵水款式和餸菜可選擇， 值得推介

自從禁晚市堂食後, 唔係係屋企煮就買外賣返去食, 今晚丫媽買咗粉麵, 叫我返屋企途經呢間洪記斬料返去做餸。門外廚窗展示多個價錢, 款式都幾多, 而且掛起嘅鹵味都非常吸晴, 每隻都大大隻, 幾有份量。最後揀咗兩款, 夾埋都係一百蚊鬆d, 抵食!【鹵水鴨(半隻)】HK$70半隻鴨份量冇偷功減料, 鴨胸片佈上面, 雖然係鴨胸部位, 但肉質軟糯唔鞋, 充滿肉汁, 鹵水鹵得入味而不會過鹹; 最緊要係隻鴨唔肥, 冇多餘嘅油層相連。【豬耳】HK$17/隻豬耳同樣鹵得剛剛好, 切成一條條, keep到每條入口都食到脆軟骨, 點白醋食, 開胃啊!

連續兩日嚟土瓜灣做嘢，琴日收工去咗馬頭角道斬料返屋做餸，今日就決定嚟呢間「洪記潮州滷味」買外賣。其實之前已經聽朋友推介過呢間滷味店，不過每次路過，都總係見到舖頭人流不絕，十分旺場，好彩今日嚟到已過了午市繁忙時間，毋須排隊輪候。櫥窗放滿各式滷味，滷水鵝大大隻，極其肥美，另外仲有鵝肝、掌翼、鴨舌、豬腩肉等，林林總總，十分誘人。外賣咗兩個飯盒：滷水鵝肉飯 ($50) 同 滷水元蹄飯 ($50)，乾手淨腳，連飯都唔使煮。原來堂食及外賣均會附送例湯，湯內有紅蘿蔔、菜乾、南北杏等，潤燥滋陰。鵝肉用多種香料及調味浸製而成，滷得好入味，肉質很嫩滑，一點也不粗嚡，肥瘦度亦啱啱好，入口帶陣陣滷水香，配埋墊底滑嫩嘅滷水豆腐一齊食，啖啖滋味。伴吃嘅潮州菜甫同豆干，味道亦唔錯，菜脯鹹香脆囗，非常惹味；豆干軟嫩入味，大人細路都會鍾意！另外盒滷水元蹄飯，賣相亦相當靚仔！元蹄皮很爽滑，極富彈性，滿滿嘅骨膠原，入口肉嫩鬆化，味道甜香，一點也不黐牙，用嚟送飯真係一流！

是日不想煮飯，加上疫情嚴峻又沒有堂食，唯有外賣回家。滷味餐廳確實挺多人選擇的，而我之前都食過，味道不錯的，所以又來買過。叫咗個鵝肉三寶飯送例湯，豬大腸一條，豬耳一隻。2人份量都食唔哂，因為份量挺多的，大腸+豬耳做餸，大腸夠肥，豬耳夠爽，味道剛剛好，又不會太咸太濃，但用來送飯或飲啤酒都是一流。三寶飯是鵝肉、鵝腸、墨魚飯，墨魚夠鮮，鵝肉夠香，鵝腸都好爽脆，送的例湯亦充滿人情味和家的感覺，料好多，飲完不會口渴。

近排無得堂食就買外賣反屋企食，今次揀左洪記潮州滷味試下味道如何先！半隻滷水鴨：滷水鴨吾會太肥，外皮絕對吾乾身，餐廳會提供醬汁比食客點用。味道方面，滷水味幾出，肉質幾juicy，口感吾鞋口！每件鴨刀啖啖肉，值得再次幫襯。半條紅腸：紅腸雖然半條，但份量亦幾多。紅腸同樣地吾會好乾好硬，而且仲大大片添，咸度岩岩好。四兩鵝腸：非常推介既鵝腸，口感真的很爽口。加上每條好長身，但會帶少少肥膏，可自行去掉就可以了。

土瓜灣滷味老字號土瓜灣老字號 滷味 呢度最出名就係 鹵水鵝 用上正宗廣州的 雄獅 鹵水鵝鹵水鵝肉紮實嫩滑 鵝味濃郁我就叫咗個鹵水鵝片飯外賣 配上兩 兩 墨魚 之後再加一隻鹵水蛋 非常之豐富首先講下個鹵水汁 秘製滷水汁 非常之 惹味 沾上 鹵水鵝肉 非常之 匹配 鹵水鵝肉 係好鮮嫩 鹵水鵝肉紮實 脂肪同肉的比例 分配不均勻。 鹵水鵝片絕對冇 畀其他鵝腸鵝肉 這些下欄嘢之後就到讚下佢個 墨魚 墨魚好爽口彈牙 即叫即切 非常之好咬口底層配上鹵水豆腐 豆腐把鹵水和我的鮮味 索 去 非常之野味

🌸唔係第一次嚟洪記買外賣，佢哋啲滷水質素真係唔錯，而且價錢亦都非常之合理！今次用咗$113買咗三款唔同嘅滷味😋分量真係比我想像中多，分別買咗滷水豬腩肉、滷水豬肚、健康豆腐🌷❤️豬腩肉同豬肚分別都係買咗半斤，但係都估唔到咁多份量，而且非常非常之入味，特別最鍾意食豬腩肉，肥瘦均勻，又唔會有豬蘇味🤭👩🏻‍🍳肉質有咬口😻豬肚都好好食，味道唔會過咸，恰到好處，而且滷水味好香💯健康豆腐每件都大大舊😃真係好飽肚度，其實呢一間店舖嘅滷水種類都好多選擇，大家都可以不妨試下，經濟實惠

以前去土瓜灣都覺得好遠咁，依家有左西鐵，去呢區就方便好多勒，近排經常去呢區遊食，比我搵到呢間洪記食潮州野，仲幾好味，反正呢排無晚市，咁就買外賣返屋企加餸見到d鹵水鵝，隻隻都肥嘟嘟，好吸引😍樣樣都想食，最後都係揀左滷水鴨半隻 & 鵝肝1隻，等左一陣，外賣攪掂，仲好重手💪🏻滷水鴨:拎到返屋企，仲係微暖，急不及待打開偷食幾舊唔駛點落醬汁都好好食😋而且每舊鴨肉都充滿滷水味鹹香，啖啖鴨肉都好嫩滑又唔肥鵝肝:感覺幾新鮮，無鵝騷味，同埋肉質超粉嫩，口感幾滑