洪記麵家 (SAVANNAH Place) (已結業)

比起嗰間天后清湯腩真係好食好多又抵食，又大件個面成日都食唔晒加埋腩汁就Perfect 所以特登要入嚟俾個好評佢崩沙腩真係每次都會嗌墨丸同埋雲吞都好好食好難得搵到好食，又CP值高嘅小店喺將軍澳真係好難得加碟菜都一啲都唔貴全家大細一個星期都會幫襯一兩次服務態度都好好，啲阿姐都好好人所以真係會keep住幫襯希望佢哋生意興隆，唔好執嚟呢度附近一定要試吓佢啲牛腩我覺得比起出面嘅真係好好多同埋佢真係好多件完全係超抵食

啲菜又苦，煮到腍晒，完全都冇心機煮又要攞嚟買俾個客，完全冇誠意，都唔知點解可以賣俾人？舖頭成浸漂白水味，雖然有提顧客要小心，但係人哋食落聞到浸味又點會食得開心。汽水有雪到結晒冰，搞到有顧客投訴佢。

點了一碗牛筋河，只有3條牛筋，每條都連著肥肉，其中一條仲連著一大舊肥脂肪，向職員反影了一下，但她一副睬你都傻的態度，本來想影給大家看，但實在太嘔心了！河粉份量又小，既然如此，以後不再去就是了。

食咗個雙拼粉加凍飲，總計$54，好彩有留意張單，因為第一次食，亦冇特別睇餐牌價錢。埋單時發現店舖暫時只收現金，俾咗張一百蚊紙。個阿姐嘟完張單就講咗句‘五十四六十四’，我都冇特別理會，心裏面記得係$54，等個阿姐找返$46俾我。點知一睇，見到得$36，就問佢‘乜唔係五十四？’個阿姐先係我面前再望一望張單，冇出聲，俾多張十蚊紙我，我就走咗。唔知個餐廳收款系統係咪有運作，但個收款螢幕乜都冇得睇，個阿姐都有‘嘟’一聲咁將張單過機，收幾多錢佢應該會知，冇理由講完句五十四六十四就想收多我十蚊，餐廳收款個度有啲問題，希望東主留意下。

洪 記 麵 家 //最近成日喺將軍澳出沒，今晚想簡簡單單食餐飯，但將南附近大多數都係啲比較高級嘅餐廳，於是喺savannah附近就見到呢間食雲吞麵牛雜粉麵嘅舖頭仔，見到幾多人食就入左去叫咗一碗牛雜麵($38)一碗牛雜米($38)，一碗淨水餃($36)，同一碟油菜($16)牛雜份量都幾足，有五六舊牛肚，其他雜都每樣有兩舊，牛膀就得一舊，總共都有十幾舊。湯底夠味，唔會太鹹，食唔太掛汁嘅幼麵岩岩好。友人話佢叫嘅米粉都係偏滑身嘅米粉，合佢口味。牛雜全部都好夠味，牛腸好粉，牛膀亦都冇腥臭味，好食！淨水餃有五粒水餃同幾條生菜，五粒都大大粒，餃子皮薄薄地，好滑，餡有木耳蝦同埋豬肉好足料，調味清清地，都幾好食。有菜有1)芥蘭，2)菜心同3)生菜揀。我哋揀咗芥蘭，就係正正常常嘅烚芥蘭味，份量都唔會太吝嗇。加$6加左杯熱奶茶，入口都順滑，茶味同奶味都夠，不過不失～

📍 洪記麵家🇭🇰 將軍澳至善街3號地下2A號舖我之前好鍾意食將軍澳foodcourt嘅牛腩麵自從執咗之後 我一直都想揾將軍澳邊度有平靚正嘅牛腩麵！比我有日經過呢間就決定去試下😋 牛腩麵 $38牛腩份量好多 好似有六、七舊都幾好食 但係就有啲參差佢有啲好淋好好食 有啲就好韌好難咬😋 牛三寶飯餐 $60 飲品熱菜蜜牛三寶係牛肚、牛腩、牛筋相比牛腩麵肉嘅份量就唔算好多牛肚同牛腩得幾舊 牛筋最多飯嘅份量都好多總結 $38 抵食！！會再去