洪記麵家 (SAVANNAH Place) (已結業)

食咗個雙拼粉加凍飲，總計$54，好彩有留意張單，因為第一次食，亦冇特別睇餐牌價錢。埋單時發現店舖暫時只收現金，俾咗張一百蚊紙。個阿姐嘟完張單就講咗句‘五十四六十四’，我都冇特別理會，心裏面記得係$54，等個阿姐找返$46俾我。點知一睇，見到得$36，就問佢‘乜唔係五十四？’個阿姐先係我面前再望一望張單，冇出聲，俾多張十蚊紙我，我就走咗。唔知個餐廳收款系統係咪有運作，但個收款螢幕乜都冇得睇，個阿姐都有‘嘟’一聲咁將張單過機，收幾多錢佢應該會知，冇理由講完句五十四六十四就想收多我十蚊，餐廳收款個度有啲問題，希望東主留意下。