洪記麵家 (MOSTown新港城中心(5期))

營業中

休息中

今日叫咗碗牛腩河, 4舊肥膏3舊腩, 盛惠$38… 應該唔會再幫襯…河粉份量都好少, 食完仲係肚空空嘅感覺……由開張一直幫襯, 但質素份量越來越差, 馬鞍山區又少了一間好味嘅牛腩麵…

呢間麵家喺馬鞍山開咗都差唔多有一兩年都會過嚟食下粉麵呢一日就嗌咗一個豬手麵，雲吞河，同埋墨丸河🐷豬手麵豬手都ok淋，鹼水麵嘅鹼水亦都唔會話非常乸喉🦐雲吞河正常發揮👍雲吞都大粒，啲蝦都係爽口嘅食得出佢豬肉都有調味🦑墨丸河墨丸都係正常水準嘅爽口彈牙不過要注意返呢一間個湯底係相當淡啲嘅，但係加返辣椒油就啱啱好，mix and match👍

嚴重離譜， 香港呢d 小店， 無咩值得同情或支持， 結業都好合理！服務食佢果10 分鐘， 2個女侍應， 不停係耳邊話要2個人坐埋一邊， 又講d 說話你聽，食到好難堪，第一， 等位時已經表明唔想夾台， 因為卡位好迫好細張台仔， 又好近對面位，佢地話可以等， 服務態度好惡劣！ 如果一早表明， 我會走！等左一陣，安排左個位後又態度串串甘， 完全無尊重客人！食物雲吞個心係唔熱，肉亦都唔新鮮河粉又硬又乾， 唔滑， 香港來講算食過最難食湯， 竟然似滾水， 完全離譜， 甘水準開粉麵鋪，都幾過份奶茶， 本身味道正常， 算有茶味， 點知成杯茶渣， 仲有未溶糖粒， 糖粉， 一杯奶茶就甘飲到變負評

開咗一段時間 終於有機會試下心大心細嘅話 可以叫返個牛三寶麵 💰$50有齊曬牛腩、牛肚、牛筋我就叫咗幼麵 瘦腩 走腩汁估唔到落單又真係有曬呢幾個選擇喎~做完尖去食就啱啱好食得出走腩汁個湯係清啲配埋少少蔥芹 香到不得了不過第一啖食牛腩嘅時候覺得佢有少少怪味 唔知係咪無清乾淨但食到第二舊又無咗了牛筋就有一半好淋 一半偏爽唔知係咪兩轉嘅牛筋黎而牛肚反而最出色 夠爽口但估都估唔到 個麵先係最好食就算浸咗係湯一陣但依然都係好爽口平日中意食偏淋嘅麵嘅人都覺得意外好食應該因為個都再encore多次有機會試埋雲吞😋見到好多食評都話員工態度差 但我食個陣又好似無呢個問題🙈懶人包：推薦幼麵、牛肚！想試牛腩就睇路

都有好耐都冇食牛腩了，有d好掛住呢種味道餐牌見有牛三寶飯，選擇一款就食到有牛筋、牛腩同牛肚$60唔使等好耐就有得食份量同賣相都唔錯！牛筋都十分冧，牛腩同牛肚唔係算太肥味道就較為較淡d似乎冇咁鹹，滿足我3個願望。CP值同都OK嘅環境同衛生都算整潔👍

洪記麵家本來無諗住食，因為行過戴住口罩麵聞到香味就感到好奇，個牛腩河係咪都會咁好味呢加上佢有個透明廚房俾人睇住佢整牛腩牛雜等就吸引左我去試下😋💛 牛腩河 $36圖1-3都睇到牛腩都幾大件有少少脂肪食落啱啱好，夠牛味夠淋😋河粉有啲粗，未夠吸味，不過整體都唔差！💛凍檸茶+$8凍檸茶，茶味濃，檸檬有4片，唔錯！價錢：$44⭐️⭐️⭐️評分：8.5/10⭐️⭐️⭐️📍洪記麵家 (馬鞍山)馬鞍山鞍祿街18號MOSTown新港城中心(5期)地下G06-07號舖

經常路過，聞到牛腩有潮汕地區那種獨特的牛腩味道，不是其他牛腩麵店的臭酸味，經常見要等位，上個禮拜見到有位，咁啱又餓，入去試下 ，叫個最基本的牛腩河，湯渾，聞落無味，開始知道瀨嘢，飲啖，真係無味，牛腩望落應該原材料幾好，但都完全唔入味，個河粉反而質地幾好，不會太軟和太爛，成碗嘢就是，對牛腩河的侮辱、對人類耐性的挑戰。不是難食，而是這碗牛腩河 完全不可以叫做食物。可惡！永遠不會再入去，感覺就是被騙錢，看著入面的食客只感到可憐。

平時食慣的聯興結業，只可以搵其他店舖。網上看到洪記試下。入到餐廳，我和朋友手上各有一大袋東西，我向職員表示想坐卡枱，職員表示卡枱是四人座位，但是我當時見其他卡枱的客人是兩個人。但是職員表示不批准情況下，我們只可以與其他客人搭枱。隨後1分鐘，後面兩位男客人入到餐廳後，隨即安排他們坐卡枱。當時我和朋友都好嬲😡😡😡😡，只會留給相熟的客人，服務態度勁惡劣。我和朋友點了牛肚河加腩汁，杯麵極度油，好似專登淋了一湯匙油。湯底味度很淡，就算加了牛腩汁都不夠味道，是一碗不好食的牛肚河粉。服務態度好差，食物質素惡劣！推介指數0%😤😤

餐廳外賣速好快，平均5-10分鐘內外賣便交到客人手上👍🏻👍🏻👍🏻已經食過洪記好多次🤭但多數都係選擇外賣🥡拎返屋企食，因為舖内地方有啲淺窄，舒適度無咁高。今次叫咗一碗兩餸 (牛腩、牛肚)河粉，牛腩肥瘦均衡，口感軟淋，唔會太靭搞到痴牙🤭🤭😝洪記嘅牛腩湯底係偏淡味，唔會俾人感覺係重味精同鹹。餐廳嘅河粉亦值得提一提，河粉下湯後，口感順滑，唔會迅速發脹，令人有滯肚感覺。另外，不得不說就係洪記自家辣椒油😍😍😍每次每食一口牛腩一口牛肚，都會將佢地點盡呢個辣椒油😍😍辣椒油香而不麻，就算加半茶匙都唔會太辣，但增加咗牛腩牛肚的味道層次😍

新開冇耐，今日得閒過嚟一試。味道非常一般，湯底係用麵水調，牛腩完全唔掂 煮等唔夠諗 冇乜味道 感覺唔似牛腩 唔知點解會有層薄皮？份量迷你🥺（叫咗牛腩粉同韮菜餃米。）唔會再嚟食。

喺馬鞍山等咗一間好食嘅麵舖, 等咗好耐...好耐😩😩😩, 而家終於有！🌝🌝🌝🌟麵身彈牙👍👍河粉嫩滑！ 魚皮餃非常好味（除了皮薄, 魚肉鮮味我唔識形容😂😂）！三寶牛筋腩及牛肚頂呱呱...食埋炸魚皮, 無憾了！！🥹🥹叫餐飲, 加八蚊/六蚊, 配凍檸茶/熱檸茶, 兩者都好夠茶同0味. 食物及飲品質素無話可說. Perfect for Hongkongees. 比我最近去九龍城老字號德x魚蛋更好！ 唯一美中不足, 是啲阿姐🧑‍🦱🧑‍🦱🧑‍🦱嘅服務態度.... 可改善lor..

平時去港式粉麵店都有食下牛筋麵，但第一次見到咁多毛🥶🥶揭極都有🥶兩條筋個表面都挑左十x條毛，真係唔敢食，最後食左個麵就算。咁我孤陋寡聞就問下google大神la, 原來未處理嘅牛筋真係好毛。咁姐係間食肆冇去盡力處理la...視覺影響食慾，咁多毛點食。。。👇🏻d毛真係卡係條筋度，挑極都有🤷🏻‍♀️🤷🏻‍♀️2條筋挑出黎既毛：環境，開櫃桶見到都唔係好乾淨，咁但又可能係上手污糟，店員冇睇到：總結：唔會再幫襯🤷🏻‍♀️

落order外賣叫3碗粉，岀單收左4碗錢，同侍應講，竟話我"麻鬼煩"！"麻鬼煩"講完一次又一次，又話岀左單無得退錢，落單又吾覆order，岀錯又吾認，態度極惡劣！

本身見過佢幾乾乾淨淨都想入去試吓，咁啱早幾日有機會咁就去試下⋯⋯不過食之前唔記得睇咁多位師兄/姐嘅食評⋯🤦🏻‍♂️坐低咗間鋪又唔係大，叫咗好耐先有一個阿叔走埋嚟落單，我叫左一個牛腩撈粗，例牌一杯凍齋啡走甜，個杯齋啡先到，飲落去～e~喂又係黑水🤦🏻‍♂️伏到呢，講返食物，牛腩都可以叫”正常”，係有部份鞋口，但係個粗麵呢⋯一揚開個鹼水味勁重，撈麵嗰個湯⋯⋯都係算啦唔好提，成個餐$51我就覺得唔係好值。戴返頭盔先，我覺得好唔好食≠你覺得好唔好食，好唔好食因人而異。

前幾日放假去食，兩個人坐低，職員唔係行過黎問你食咩，剩係識企喺電腦機隔離好大聲問你食咩，你要好似唱山歌咁同佢落order😂😂，叫左一碗崩沙腩河一碗牛腩河，唔夠5分鐘送到上枱，河粉湯是暖的，牛腩冇味，唔算難食，但係試問碗河粉湯唔熱點會好食？熄咗兩啖湯唔夠熱浸熟嗰啲蔥令到嗰啲蔥油臭青味，失敗😡，食咗半碗放低筷子，買單走人，以後都唔會再去👎👎👎👎