洪記麵家 (MOSTown新港城中心(5期))

營業中

休息中

之前買過外賣，味道尚可。假日經過想試食堂食。當時不少人在店內外等候，侍應派飛情況有D混亂，竟然可以在客人面前嘈。我們要牛腩河和牛筋河各1碗，跟凍檸茶同茶走。牛筋河尚可，但是碗牛腩河真是很恐怖，深啡色全瘦肉，仲要碎濕濕，好似買車仔面D柱侯牛腩賣剩。食落口咸到我以為食左更豉油落肚。食物質素差，服務態度更差，可能覺得唔憂做，侍應都聚埋傾計，舉手冇人應。更離譜的是同侍應反應食物問題，佢竟然話返我，堅稱牛腩都是咁。我同佢講我之前食外賣絕對不是，要佢換返碗俾我，唔得就轉牛雜 (我一口河都冇食過)。最令人生氣的事嚟! 佢不斷大聲話人，講嘢仲句句帶骨，講到我碗牛雜河到先勉強收聲。碗牛雜河都冇好幾多，牛肚勁咸，牛膀好腥...唉! 我之前外賣從未試過咁差。最後成餐飯居然得杯茶走OK。食物質素差，服務態度更差，可能覺得唔憂做，侍應都聚埋傾計，舉手冇人應。

每次經過附近都見得有幾多人係出面等位/等外賣，於是終於一試究竟。等位大嘅用左10分鐘（主要係因為間野好細）。入咗去要同其他人搭枱（無辦法間野太細）。張枱都算幾窄，兩個人坐一邊有啲逼，枱同位之間嘅距離可以寬少少。叫左碗牛雜河，3分鐘左右就送到。賣相尚可，不過啖湯飲落去真係冇咩味個人喜歡湯底多啲腩汁，不過呢碗野明顯落得太少汁啲辣椒油仲要都係冇咩味牛肚尚算冧，有啲咬口。35蚊一碗唔算貴，不過應該未必再食

啲崩沙腩，夠晒霖又入味，真係好得喎，個面底就一般啦，潮州式湯底。個淨雲吞都可以，雖然我鍾意廣東式，大地魚配韭菜花多啲。週日一點幾過嚟食，都要等下飛。兩點幾食完走嗰時仲多人，唔知係咪有下午茶優惠。

經過見佢門面幾光猛，所以入去試吓。入到去啲阿姐已經好似唔想做咁，不過冇所謂都係食碗面啫。叫咗一碗牛筋水餃米粉，味道一般。 最恐怖嘅係食食吓裏面有一塊膠片…差啲吞埋落肚。同啲阿姐講，佢哋完全冇反應，好似想叫我食埋佢咁…

.|牛三寶飯|.食過幾次洪記既雲吞水準不俗聽朋友講佢地既牛腩都做得唔錯今日一於黎試下👍🏻.由於自己貪心又想食牛筋又想食牛腩有呢款三拼牛三寶簡直係滿足左三個願望而每樣餸都係好食既所以係大滿足😁.牛腩真係要比大大個like👍🏻係咁多樣之中最正肥瘦均勻食同一啖入面有齊肉味同少少油脂既香味而且煮得非常之稔真係入口即刻散開果種☺️會一舊一舊想繼續食落去唔覺唔覺就食晒🙈.牛筋同牛肚都係水準之上煮得入味同埋處理得好好唔會有腥味吸收晒滷汁既味道送飯一流👍🏻👍🏻.睇黎馬鞍山真係慢慢退沙漠化希望多d好食既舖頭開幕之後會變成一個美食綠洲

叫了一碗瘦腩河，完全唔瘦，超多肥膏超多油，相裏面見到嘅油，都唔係辣椒油，我只係落咗少許辣椒，冇可能有咁多油🤯性價比不高。曲頭短頭髮女職員，可能佢係老闆啦，態度超惡，問佢一句俾佢罵返，只係問佢：點解張收據寫住凍飲加$8而唔係加兩蚊？餐牌明明寫住係加兩蚊？然後佢就勁惡咁樣話：乜嘢啊咪頭先話咗俾你聽加$8囉，餐牌印錯咗！我都唔知我係黎俾錢食野定黎乞食，所以俾佢咁罵，唔會再食🙄頌安街市果間好食好多只係位置就腳，無咩選擇，先人來人往，唔會有下一次嚟食！！

馬鞍山5期地下開左［洪記麵家］幾星期， 終於今天星期日去食午餐。初初開業唔多人， 現在多左人食， 午市要排隊。但沒有取飛， 單憑待應記得3個， 2個， 1個， 2個， 3個去記入座次序。雖然待應好記性， 但人多就怕爭吵次序問題。1點前2人排第4個， 15-20分鐘內有位。2人點了洪記出名之牛什， 牛腩。。。1）牛什粗麵 <7.5分>牛栢葉林少少會好d牛腸， 牛肺／牛膀 有咬口， 但入味程度唔太夠。粗麵夠韌度， 唔會林， 讚。2）牛三寶幼麵 <6分＞。牛腩， 韌左d, 唔夠入味， 牛腩做得唔夠好， 差d.。牛栢葉林少少會好d。牛筋又太林， 冇咬口. 3）淨雲吞 ＜6分＞普通偏好， 有質感但蝦唔香。總評。 7分麵質感唔差， 控制麵韌度好， 唔鍾意太林既麵。牛腩， 牛什。 唔夠入味， 炆牛什湯料底唔夠燶， 味道偏淡， 可以講唔夠香味。食完唔會好口乾。。服務。 人多入座最好最飛排， 以免爭議。員工都有禮貌， 客多時就覺唔夠員工。忙到只執枱沒有抹枱。

馬鞍山新開的港式麵店，新淨企理，位於馬鞍山市中心，新港城五期、海柏地下，地點十分方便。要讚的是員工服務態度很好，麵店來說真的算是服務一流。至於味道呢… 可以啦，正常，不過不失。沙漠中的食品，大家不要求太高啦。喜愛港式麵食，魚蛋粉、牛肚、牛雜麵的朋友可以一試。