洲際茶餐廳

營業中

休息中

是日難得一天假期，入長洲影著名的關公忠義亭櫻花，閒日遊長洲，遊客人數不多，很享受寧靜及淳樸。在櫻花樹花影影影了兩小時，影完已到下午茶時間，漫無目的行著，入到一間茶餐廳。到了下午茶時間，點了一客吉列豬扒包，手拎起個包已經有驚喜，包面脆，包身很軟，豬扒炸得熱辣辣，亦夠juicy，實在美味！唯一美中不足就是醬汁少左DD，如多點會更美味，配上一杯茶奶茶，實在是美好一天！

昨日同朋友兩人遊長洲, 晚上隨意地進到洲際式茶餐廳食晚飯, 老闆娘俾個餐牌我地, 其中有A-D餐, 送湯及飲品, 但A-D餐餐牌.......係無價錢!? 細問原來$40一set , 我同個朋友諗住share, 所以從另一個普通餐牌中搵食.........發覺價錢的確相宜, 普通炒飯 $29-35 (當然沒有飲品, 但埋位坐已有清水), 一些特色的飯或意粉都很便宜(大約$34-40), 我地叫了匈牙利牛尾意粉($34), 套餐就要了煎橫澤魚, 兩個都好好味, 特別係牛尾, 份量足, 而且都屬於用心之作, 但叫菜時有一個小插曲, 我地叫煎橫澤魚時, 老闆娘提左我地好多次呢種魚好多骨......, 愛食魚嘅我地當然照叫啦, 好在都幾好味, 而且有三條魚. 整體而言, 我地覺得食物真係有質素, 依家以呢個價錢真係好難得

去到長洲睇到 openrice 食評, 就去試試看......可能尋日星期日好多人, 我同少爺仔入到同個疑似老闆娘講:唔該兩位.........佢望一望走了,我o地都呆一呆,她是聾啞人士嗎?我o地 企左門口其中一位員工見到講暫時未有位........ok,我o地等. 兼我o地自己搵位. 終於坐低1:40pm. 等人落 order 等一段時間, 其間隔離兩枱係咁追留單及餐湯(最後追極都冇餐湯佢o地放棄左). 終於到我o地(都唔知叫左幾多次) 佢一o黎就講冇晒lunch set要散叫. 咁我o地 order左一份泰式蝦醬炒飯同菜遠牛肉河+2杯凍飲(奶茶及檸樂).....飲品一陣就到(好大杯冰), 我o地就影下相等....2:10pm搵左好耐先搵到個員工追單, 佢答ok 等等因為廚房好忙. ok 我o地等.......等....追....等......追......等到2:30pm少爺仔忍無可忍入左佢搵疑似老闆娘講, 估都估唔到佢咁講: 駛唔駛取消單.............哈哈哈~呢句真係.我係到等左成個鐘你叫我cancel,你有冇病呀. 最後2:40pm 呢兩碟野終於係枱面出現. 唔知佢

今天天氣放晴，小弟突然心血來潮想到離島郊遊，於是便乘船來到長洲感受一下大自然。來到長洲決定先到張保仔洞，然後吃午餐，跟着去北眺亭環島一周。由於出發前已在openrice做定功課，選定這間來吃午餐休息一下。點了個簡單的set lunch粟米龍脷柳飯跟餐還有一個羅宋湯。羅宋湯很足料呢！好味！個飯亦很有水準，我喜歡龍脷柳是上脆槳炸的，炸得外脆內軟，而不是像坊間的隨便上些少蛋槳沾上面包糠便炸，令到內裏沒有肉汁。想不到這裏會有這般質素的茶餐廳，而且價錢便宜(相比外面)，還可以一路欣賞海景一路品賞美食，實在是人生一大樂事！

起程到長洲，是在一念之間。烈日當空，步出碼頭， 看到熱閙繁華的長洲大街。然而我沒有打算在這萬人空巷的地方停留，便擠過人群，往旁邊兒的巷子口踱去。星期六的長洲，令我想起七八十年代的街市，昏暗簡陋 的設計， 檔主總愛於午後和貓兒繾綣在椅上打瞌睡。明媚陽光下，長洲魚蛋和紅豆糕， 已成為指定小吃， 每個遊客手中的標誌。 由始至終，我喜歡的都是長洲的民風， 漫無目的又百無聊賴，走走吃吃就是認識這裡的方 法。黄昏 一過， 熱鬧並沒有隨着夕陽餘暉溜走，我也不停步，路經此別緻的餐廳，看到室外座位的兩個外國遊客前 ，擱着 一 碟豉椒牛肉炒米粉，又心思思入內試食。第一次吃濕炒米粉， 味道很家常，沒有什麼可以挑剔， 配上不造作的 賣相，成功地把我送回家中的飯桌前， 吃着祖母弄的味道。很穩陣和紮實的烹調方法，但始終欠缺驚喜， 亦即是也沒有失望。只怪我吃得太慢，錯過了渡輪班次。入閘後等船到來時，坐在殘舊的座椅上，忽然感觸起來， 有 點想家，又有點慶幸自己身處此地。終日營役的香港人，只 能在假日的離島船上找尋旅遊心情。我沒有用大量相片去証明曾到此一遊， 因我覺得眼睛已是部隨身照相機， 任何時候都可以在記憶深處取出

見依間d評語吾錯於是去試下d小菜芝士班塊 :好特別好味(我好中意食芝士)雖然芝士味吾濃.但好juicy!班塊都幾好味醬爆雞 :都吾錯不過我太飽所以冇乜點食食物系幾好味..不過舖頭入面好多飛既昆蟲(有蚊有烏蠅有其他)男朋友食緊個芝士班塊突然有隻昆蟲飛左入碟野到都吾知點食好望住碟野食咩都冇味啦放d軀蚊器都好阿..

行到攰攰地搵間近海邊既餐廳食午餐，無頭緒之下我要左其中一個SET LUNCH "炸帶子併雞扒飯"，而老公就叫左 "肉絲炒麵"，先一人一碗例湯，再嚟主食，炸帶子是軟軟的，我還以為是脆身! 雞扒淋滑，一般茶餐廳水準吧! 輪到肉絲炒麵，跟我們在"美都" 吃的一樣，麵是炸到脆身的! 九王比肉絲還要多，但這不是什麼問題，可是吃是尾段....發覺碟底既油.....大家都馬上停手.... (沒有隔好油份便上棹吧!)

17-1-2010去長州行吓, 行到攰朋友又嗌肚餓, 嚟到「洲際」"high tea", 真「富貴」. 大家都叫了「包」類的「下午茶餐」, 跟飲品一杯:我飲熱奶茶, 賣相「奶」到唔「奶」, 飲落就只有奶味, 完全無茶味, 真「奶」嘢 朋友飲凍檸蜜, 好大杯 , 唔怪得要加 $6 咁多... 賣相色水有點「幻彩」(上「水」下「蜜」), 唔知又如何?「主食」係咖喱牛肉牛角包: 初時以為「咖喱牛肉」係港式「咖喱角」的一味辣咖喱免治牛, 呢度的原來係疑似「白咖喱汁」+ 一塊塊的滑牛... 咖喱汁帶淡淡椰味, 咖喱味就較弱, 唔辣, 不過整體有點水汪汪的感覺;「牛肉」就似(豬)肉片多 d, 可幸無梳打粉的味道; 牛角包就勝在熱辣辣, 帶淡淡牛油香, 又唔會濕溼溼, 茶記嚟講算係咁了.試了少少朋友的「英式芝士腸熱狗」, 包身外夠鬆脆, 內亦軟熟, 又有夠溶夠香的芝士, 熱狗腸亦夠脆皮, 不過醬汁 (ketchup, 沙律醬及酸瓜茸 sauce) 太多, 酸嗆到阿媽都唔認得 環境及招呼都十分「街坊」, 衛生叫 ok, 加上星期日下午係勁好生意, 食完快閃好了.每人放低 20 幾蚊, 一試無妨.

先來 羅宋湯是我喝過最好味的羅宋湯,大大碗的,因為好味所以一滴也不留然後來個 白汁海鮮通粉,味道也不錯白汁好味再來個 XXXX扒飯(名字不記得了),一粒飯也沒吃剩接著是 凍檸多,益力多味濃,不錯

我地諗住食d野,先去張保仔...見到呢間,ok woo~就入左去食...咖哩豬扒餃子飯 - 好攪笑,得1隻餃子,仲要係個飯上面~突顯左呢1隻餃子~蒜茸牛柳飯 - d牛柳好lum~正!!星洲炒米 - 好香,好好味...唔太干,岩岩好~可能我鍾意食濕濕地~所以我好鍾意食呢隻菜遠牛肉炒河 - 冇咩特別....飲品,又有新野~凍碧多~就係雪碧+益力多~真係幾好飲,好味過凍檸多~個老闆娘個樣好惡,對d侍應好惡....但對客就好nice~下次一定會再黎食~~

諗住隨便食一餐, 是但搵左呢一間餐廳坐低, 一行9人有2 個叫左鰻魚百吉列豬扒飯, 有2 個叫左鰻魚吉列雞扒飯, 有1 個叫咖哩鰻魚飯, 而我就叫左印尼炒飯, 仲有1 個叫左鮮茄鴛鴦扒焗飯, 2個叫左套餐, ....印尼炒飯....麻麻地..鮮茄鴛鴦扒焗飯......好好好好好味...鰻魚百吉列豬扒飯,鰻魚吉列雞扒飯..........估唔到的超級好食......鰻魚有日式餐廳的水準, 吉列豬同吉列雞係炸得啱啱好, 唔太熱氣, 勁好食!!!

今日跟油 x x 旅行社去長洲睇飄式, 去到長洲就自行活動, 睇完飄式先至集合去坪洲晚膳.一點左右落船, 警方巳經呼籲一點半封路, 成街都係人, 好彩突然見到呢間餐廳有位, 仲係玻璃間隔, 可以睇飄式.叫咗一個焗鮑魚龍脷飯, 一個白汁海鮮意, 一個燒鰻魚豬扒飯.真係好正, 味道一流. 仲好平添, 加三杯 soft drink, 一人唔使50.p.s. 焗鮑魚龍脷飯 & 白汁海鮮意 係食咗幾啖先記得影相

春天來了！今天去了關公忠義亭賞櫻。朋友介紹了我去Continental嘆下午茶，極力推荐了咖哩牛肉牛角包和西式煙肉牛角包。我點了咖哩牛肉牛角包和凍咖啡 ，想不到一份下午茶餐竟然有兩個牛角包！牛角包既熱且軟，夾著惹味的咖哩牛肉，真是美味得令人感動。更不得了的是在夕陽下的海邊聽著海浪拍打碼頭的水聲，感覺悠閒，幸福得無法言語。短短的一個下午茶小休，讓整天充滿著窩心的感覺。

这里的扒是非常好吃的，外面煮的脆，里面的肉嫩，多汁，配饭一流，而且分量足够，我男朋友都吃不完里面的饭，加上有水煮的蔬菜萝卜，送汤，味道够浓。28元有猪扒、两个蟹饼，大碟饭，加上6元有很大一杯柠乐，一个柠檬全放进去，够味啊！肉酱意粉，就好看，味道差一点点，不够酸，感觉像是台湾卤肉饭的肉碎配意大利面，还没有蔬菜，萝卜少。晚餐有33元的猪扒加鸡扒，同样是味道超正。不过例汤就普通啦，忌廉汤味道太淡，只有蘑菇几个。中汤的话，中午的给的渣多d，有排骨和葛，但到了晚上仍然是那煲汤，感觉是原来那个加了水和盐，渣也没什么，但是味道还好啦。这里的柑橘水，我要了加冰的，但是本来冲的时候是用热水，加冰后，很长时间才变冷，咸咸的和西餐不是很配。环境：卡座，干净，厕所很小。服务：服务周到，但是点晚餐的时候问某个啊姐套餐鸳鸯扒有什么，居然答不出来。不过早上的那个啊姐就很醒目啦。靠着海边，坐大排档也不错。

尋日同男友o係長洲出發去行山之前, 經過呢間舖頭, 男友見到人地食d野好似幾好, 所以行完山之後就黎左呢間試食lunch喇!!!男友叫左個 "日式燒牛肉帶子飯" + "例湯: 蓮藕蘿蔔湯" + "紅豆冰"我就叫左個 "黑椒雞扒拼炸蝦飯" + "羅宋湯" + "凍檸賓"日式燒牛肉帶子飯好大碗架, 一黎到個樣已經覺得好正 ~個羅宋湯好好味, 我都好少飲晒個餐湯架, 今次我飲晒 XDDDD另外見到隔離枱叫左個 "咖哩牛肉牛角包" 好正咁啊, 可惜我地叫左飯, 食唔落啦, 下次一定會返黎再試呢個!!PS 間餐廳既服務都唔錯丫, 佢地都好nice r ~ 特別係Boss全哥好funny ^0^