洲際茶餐廳

營業中

休息中

好耐好耐無入長洲朋友們比左一個生日驚喜我玩完一輪終於到晚餐時間，無事先做功課，我地決定沿住海邊睇下邊間餐廳比較好。行過洲際既時候聞到陣陣香味😂大家都一致讚成食佢！！未到6點，所以都唔洗等位，要求坐室外。我地嗌左個3餸套餐，另外加多幾個送。-涼瓜炒牛肉，一啲都唔苦唔食苦瓜既我都願意食！-上湯娃娃菜，無乜特別-豉椒炒蜆，好香口！不過出街食既炒蜆都係預左殼多過肉🙈🙈-薑蔥炒蟹，啖啖肉好正-鐵板蠔，每隻蠔都肥嘟嘟既，好入味😂好想encore!-生炒排骨，正正常常-椒鹽鮮魷，炸野麻麻地，但呢個魷魚好香口總結：味道幾好，食材新鮮，唔會好咸

叫了三個菜，海膽炒蛋，海鮮時蔬同椒鹽鮮魷。魷魚好新鮮，外面裹有炸蒜和麵包糠，外脆裡嫩，配上汁更加好味。^_^海膽炒蛋鮮美，見得到海膽粒，同蛋一起好夾。海鮮時蔬嘅湯都非常鮮美，有粉絲、娃娃菜、白菜、蝦米、魷魚、蛤蜊等，份量好大。兩個人食三個菜，非常飽。如果再去長洲還會揀這間

今次已經係第二次嚟呢度海鮮加工😃味道超好👍🏻😋比起長洲任何一度食海鮮我覺得更加好味,同埋呢度啲海鮮加工費好公道！今日飲咗三杯凍檸茶、加兩支可樂、一杯凍奶茶連埋加工費都係814 抵👍🏻👍🏻👍🏻👍🏻👍🏻

又來洲際, 來長洲就好像正餐就一定要來洲際! 已book定晚餐和第二天嘅午餐. 晏晝一來到就去洲際預訂大賴尿蝦先, 因上兩次一早就賣晒。這裏的小菜美味, 海鮮冇得頂!我試過一次去其他嘅海鮮館, 簡直是團餐的味道, 無下次。故每次來長洲，我只會來洲際海鮮館。未夠七點已每張枱已經坐滿客, 好彩book定先。每次點嘅餸菜，都是差不多，但每次都是那麼美味和冇令我失望。椒鹽賴尿蝦椒鹽鮮油蒜蓉炒菜心粟米斑塊蒜蓉粉絲蒸蟶子蒜蓉粉絲蒸象拔蚌海膽炒飯

平時入長洲食海鮮，通常都係叫餐， 好抵食但唔大件，淨係覺得平，啲蝦通常好細， 好似手指尾咁細， 唔好幻想餐可以食到蟶子王，仲有鮑魚可能都係大過5蚊銀少少。今日我地特登自己去街市買海鮮再拎去餐廳煮。豉椒炒蟶子，唔會炒得好老， 啲蟶子好彈牙。墨魚，白焯再點wasabi 豉油。 好鮮， 烚得岩岩好， 唔會太老。蒜蓉蒸開邊蝦，我地買左啲紅蝦， 唔係基圍蝦， 超香， 好甜，好掛住碟蝦。花螺， 我地用辣酒煮， 唔會太辣， 都幾香。鮑魚超大隻。 用果皮蒸，好正。煮5個餸 再加一個菜同飲品， 唔計海鮮， 600幾。

入去離島就梗係唔少得食海鮮，你唔好睇呢間餐廳好似好唔起眼其實佢啲煮功真係好好。大前提係我哋識人可以喺長洲街市買海鮮去呢間餐廳加工，買海鮮再加加工費平均都唔使$250，仲要有幾款菜式係用餐廳料。食海鮮來講真係算好抵。唔好忘記仲要免開瓶費呢個價錢仲計埋飲啤酒汽水。值得一提嘅係佢哋有室內同街位，如果想有風味啲就可以坐出邊不過就會有小昆蟲。本人覺得好食嘅係煎蠔餅同埋煎墨魚餅，椒鹽賴尿蝦真係好出色！清蒸鮑魚亦都唔會過火唔錯唔錯！我覺得幫襯下啲小店比起幫襯外邊做遊客生意嘅餐廳好過。

見佢有位就入叫菜等左大半個鐘先黎，期間追過幾次都冇用，不斷話跟緊D菜好咸，之後不斷飲水D菜有D老，出面一般茶記都好過佢，重可能平一半服務好一般，後生果D會好少少唔會再黎，不建議試

每次同屋企人要出街食飯，首選洲際，煮海鮮寧舍出色！先推介每次必食既墨魚餅，睇下真係煎到外面脆卜卜金黃色嫁！比張近照大家睇下，真係成塊都係墨魚滑同墨魚粒做嫁，每咬一啖都超有咬口。搭配埋啲汁真係食幾多塊都唔夠呀！豉油皇大蝦，一邊啜佢啲味一邊用口剝殼，真係勁惹味！最緊要蝦肉結實，仲好有蝦味添。豉椒炒勝子，炒得剛剛好，完全唔韌，勝子大大隻好有豉椒味，最後我地梗係食到配菜都無剩呀。炒斑球亦係必備菜式，事關家中有長者，清清地啱晒佢地。魚好新鮮，魚皮又厚又滑，肉質結實，最好係無骨，可以盡情享用。除左煮海鮮了得，煮其他小菜都難唔到洲際，炸豆腐係表弟表妹最愛，香口之餘入口即溶，外層香脆表面好薄好薄，食唔到有任何炸漿，諗左好耐都諗唔明點炸得禁好食。粉絲雜菜煲清新有菇味，菜軟硬適中，最怕食到煮到軟霖霖既菜。蝦醬通菜煲濃郁蝦醬味好吸引，特別係通菜芯入面都有汁好好味。咕嚕肉酸酸甜甜醒胃，用黎送飯一流。

昨晚食完, 今天想出返市區前再來encore先，昨天我忘了說, 我喜歡在洲際吃海鮮慢上, 吃完一碟才即炒一碟, 新鮮熱辣, 正！今午叫了：椒鹽細賴尿蝦$120/一份(大若10零只) - 雖細只但蝦都多肉，過足口隱，同樣椒鹽整法，但相比昨晚叫的大賴尿蝦，昨晚的我會較為喜歡些，我猜主要原因是因細賴尿蝦有多只，故吃時需時, 其他的會較易攤涷，肉身就會變硬身乾些，沒吃大賴尿蝦時那種軟身厚肉鮮汁。故多人吃時椒鹽細賴尿蝦是可以，若少人吃時我較提議椒鹽大賴尿蝦。蒜蓉粉絲蒸聖子 $180/5只 - 厚肉鮮甜好味，如昨晚說我不太喜歡豉椒炒聖子, 故今午再來時叫了蒜蓉粉絲蒸，好好好味，正！蒜蓉粉絲蒸扇貝$118/10小只 - 鮮甜好味埋單$440老闆有介紹椒鹽鮮尤話好好味, 唯有下次來時再叫。

是茶餐廳阿姐介紹來的, 她推介我們食海鮮可到近碼頭的新金湖、康記和這處 洲際茶餐廳 Continental Restaurant。我們第一次來，我倆叫了：椒鹽賴尿蝦 $60只 - 鮮甜香口，超好味薑蔥炒花蟹 $180份 - 鮮甜味道一流，超好味蒜蓉炒聖子 $160/5只 - 蒸應會好些但都不錯蒜蓉粉絲蒸扇貝$180/10小只 - 又係十分鮮甜, 超好味全哥招呯週到，同街坊十分熟絡，依到十分熱鬧大多是街坊，若再來長洲一定會再來食海鮮。

見到幾多人光顧，應該唔差得去邊，於是試一試。入得長洲點都要點海鮮食下。2人食，一落單就叫個2人套餐再加芝士龍蝦。可惜又無龍蝦又無大蝦，蝦毛點食芝士焗呢? 既然已經煮緊個2人餐，算數，轉頭去第二間再食過。食物一般，上湯魚肚浸時菜，味道淡過比病人食既，粟米班片既魚又散又厚粉。2人餐清楚註明有例湯，唔問唔講無，最好笑係同我講我地今日唔做餐，見你落左單先做比你!真係多謝晒!! 比唔到基本commitment 仲好似係我錯咁。叫咩無咩既餐廳，早講我就唔使等，又唔使走兩間食，仲要好似我錯咁食到一肚氣離開。

我幫襯時已一年多前了， 但今天才醒起要寫這食評， 好的食店一定要介紹大家， 這家是長洲中其中一食店， 有正常茶餐廳的食品也有新鮮海鮮的餸菜， 晚餐時間， 本人同女友本只是隨便選一間食店， 門口已聞到香味所以決定一試， 我叫咗咖哩豬扒飯我女友叫葡國雞飯， 食店那不知是老闆娘定伙記， 黑著面跟我們說， 叫呢啲要等耐架喎， 咁我問什麼會快？ 她說海鮮嗰啲， 我心諗， 妳餐牌有我就叫得架啦， 又唔係夾硬叫午餐款式， 問佢幾耐， 佢話要一個鐘， 我有少少鬥氣， 話照落單， 咁同女友一路傾計一路等， 好了， 四十五分鐘後， 見那女人望住我地諗嘢跟住寫單， 真的一個鐘後食物上枱了， 好明顯佢就係等四十五分鐘先落單， 整呢啲飯駛乜咁耐！！！！ 實在太過份的服務， 好了， 到評食物， 老實， 真的是不錯， 咖嘢好香， 拍得住印度餐廳嘅咖哩， 豬扒好“淋”好入味， 女友的那份葡汁好香， 椰味很濃， 飯都軟熟香口，本應會再幫襯的， 但這樣不知所謂的服務， 怎能留客， 廚房有大師傅也浪費， 我明白， 其他客人叫海鮮幾百蚊一千蚊先係客， 我兩人一百蚊埋單就要這樣對待， 幾好食都冇用， 想受氣， 就幫襯吧！

難得中秋節在星期日，便相約了親愛的相聚。今天選址不在市區，選了在長洲渡過一個下午。當肚餓的時候，就走進了這間洲際式茶餐廳，取名洲際式，也許是因為長洲有個洲字吧，還有掛漢了相片。從餐牌中，開始揀食物，有必食的，有豆腐蔬菜，也有海鮮湯羮等選擇，亦有午餐，可謂多樣化。中湯為青紅蘿蔔湯，當中的青紅蘿蔔份量不算太多，喝起起味道不算濃郁，但好過沒有湯喝吧。照燒雞扒帶子飯是在下的午餐，雞扒淋上了燒汁，味道較濃郁，雞扒尚有肉汁在內，不算很滑。熱奶茶在沒有糖的情況下，茶味濃郁，亦夠茶香，不錯吧。親愛的鮮牛肉烏冬，是她的最愛食物。吃過幾下，牛肉軟腍夠味，但烏冬卻未見彈牙煙靭，有點腍了一點，不太好。吃過午餐，繼續餘下的行程，在長洲逛逛吧。

同fd去長州camp搵午餐見呢間幾好入去食服務員好好人服務態度超級 nice最衰我地要坐係廁所隔離不過又真係幾隱蔽食到一半先發現食港式豬排包洋蔥同醬剛剛好麵包有小小濃叫了一杯凍奶茶有d淡不過整體還算可以

復活節留港消费, 同屋企人入長洲食海鮮,假期人山人海, 好彩老公BB一早喺洲際訂好位, 如果唔係實無位。老公同個朋友訂咗啲蟹, 係即日喺海度撈架,好新鮮, 乜嘢蟹都有, 有部份清蒸, 有部份做咗個大大煲既蒸蟹飯, 個飯吸收晒啲蟹既鮮味, 好好味呀找哋喺勝記買咗其他海鮮拎黎加工, 啲海鮮新鮮就唔使講, 洲際既大廚亦整得好好味。  個清蒸龍躉蒸得啱啱好, 好嫩滑椒鹽龍躉球個表面炸得好鬆脆,入面啲肉仲係好嫩滑, 唔會炸到乾晒椒鹽龍躉肝亦炸到啱啱好, 又係外脆內軟,個個都搶住食, 眨吓眼就食晒清蒸鮑魚火喉啱啱好, 果皮味唔會太搶老公推介話呢度整既油鹽水瀨尿蝦好味過椒鹽, 我哋又試吓, 果然啲瀨尿蝦無椒鹽炸到咁乾,咁樣整又幾好味喎唯一失望既係我特登買咗啲好大隻既蝦用黎做豉油皇蝦碌,出到黎啲蝦斬開咗, 我姐夫話啲蝦太大隻要斬開整先至入味, 如果唔想斬開應該用蒜蓉開邊蒸會好啲,我呢個無飯主婦又學到嘢除咗自來海鮮加工之外, 我哋都叫咗幾個清菜, 仲有呢度既招牌菜墨魚餅, 我哋黎親都一定食, 好彈牙。 服務員介紹我哋食個話梅豬手,整得好淋,不過我覺得甜得滯我哋11個人買咗二千幾蚊海鮮, 加工费連酒水同小