活一鮮 (已結業)

有罷市 有派水既小黃店💛呢間我哋之前已經喺西環嗰間分店食過一次㗎啦 覺得佢好好食 同埋性價比超高 今次我哋就去左北角分店度食 因為我地實在太耐冇食過壽司啦😭真係好掛住🤤🤤不過我哋去到先發現佢同個佛堂有啲近🙊不過佢有比消毒搓手液比你亦都有幫你量體溫先入去食 我諗應該ok既🙊🙊😎·珍寶帆立貝$30呢一個真係超正 睇相都見到佢有幾大粒😍😍係好新鮮同埋好好食 而且食落去 超滿足 推介大家一定要食呢一個🤤·牡丹蝦$38呢一個我男朋友又係話超正 佢係好新鮮 同埋真係好大隻 而且個蝦頭入邊有超多蝦膏我男朋友超滿意🦐雖然係真係貴少少 但係品質真係唔錯😋😋·鮮壽司（12貫）$155我哋嗌左一個12件壽司拼盤既lunch set 佢大致上黎講個質素都唔錯 不過我覺得普通壽司黎講我自己會鍾意壽司郎多少少 好似好食啲keke🤤但係佢有好幾件壽司都做得好唔錯 尤其係佢個黑松露油甘魚真係超出色 佢個油脂比例好好 而且好夾個黑松露😍😍另外佢個海膽壽司同埋蟹膏壽司都出乎意料地幾好食 完全唔會腥 好新鮮·牛油果軟殼蟹卷$65呢一個都係做得好好食 佢個軟殼蟹係真係即炸 而且好大嚿🤤🤤佢上面嗰醬係一個Wasabi醬嚟嘅 幾

同朋友經過見到環境唔錯好有日本嘅味道🇯🇵我地就入咗去嗌咗幾樣嘢食，有北海道岩蠔 厚切牛舌 海膽 特級刺身拼盤。個北海道岩蠔真係好正好大塊，有3分之2塊面同埋真係好肥美。想好爽咁一啖食曬一定食唔曬，要分兩啖食先得😂哄近啲落去個蠔度🦪嗰浸海鮮味同蠔味即刻出曬黎，加埋少少嘅檸檬汁仲鮮仲正。仲唔會話好腥。之後就到厚切牛舌啦，首先個賣相都已經好吸引😋唔止厚，仲好大舊好抵食添，仲會見到有好多汁係個牛舌上面唔會話好乾同韌。食落去都keep到好多肉汁，真係好正。如果驚太油膩嘅話隔離仲有埋沙律菜同蕃茄仔🥗加埋檸檬汁食又係另一個層次😁😆然後到海膽啦。海膽有海膽嘅鬆軟同埋入口即溶，食過海膽嘅人一定知道，尼間海膽份量都算多同新鮮，同頭先嘅蠔一樣，好鮮甜，隔離仲有啲紫菜一齊食，真係好好味😋到最後個特級刺身海鮮拼盤啦，話明係海鮮拼盤，當然包羅萬有啦。有帶子、北寄貝、牡丹蝦同三文魚🍣等等，全部都好新鮮，啲嘢食完全冇嗰種係雪櫃雪咗好耐嘅味，同埋都真係好鮮甜好味。總括黎講尼間嘢值得一試，好多都大件夾抵食👍🏻

#hoijun日本菜Hohoho🎅🏼🎄🔔🔔Belated merry Christmas 🎄🎁 真係步入2019年既尾聲啦但願2020年香港人繼續加油💪🏼平平安安♥️願望成真🌟-#hoijun黃店推薦今次繼續#和你eat 去北角活一鮮食日本菜😋🌟特盛饅魚飯 $168🌟厚燒玉子 $48🌟泡菜豚肉鍋 $128🌟火灸三文魚腩牛油果卷 $68🌟鮮壽司 $148🌟上級刺身拼盤 $178🌟法式焦糖布丁 $32🌟柚子雪芭 $38-整體黎講，我會推薦熟食多過魚生類別，特別係特盛饅魚飯😋😋饅魚份量比預期中多好多👍🏻👍🏻而甜品亦都好出色，仲有大量酒款選擇，非常適合朋友聚會。❤️❤️～～～～～～～～～～～～～～～～～～～～～～～～📍活一鮮 (北角)🕴🏻北角錦屏街21號東發大廈A座地下

同男友今日好晏先食lunch 所以到夜晚唔算太肚餓但又好想食刺身既關係黎左呢間活一鮮雖然佢位置比較入少少 但佢有好多Fans架 walkin等左大半個鐘入面既員工都好好人好好禮貌 叫你留低電話有檯就打俾你 食左其他野都唔緊要咁話北角無乜野做唯有係門口等啦入面去舖頭唔大 所以坐得幾迫但有少少日本居酒屋既感覺當日唔算太肚餓 所以淨係叫左4樣野 已經好飽首先講左帶子群邊 呢個係我男友至愛 少少辣送酒一流而帶子海膽卷 個帶子膽海膽都好鮮甜配搭好fresh 好食係個飯略嫌lim左少少 如果無咁濕會更加好食呢度既刺身無得輸 呢個價錢食都呢個質素簡直係爆分！個油甘魚腩厚切到呢 解凍既時間岩岩好 唔好凍到好實肉 亦唔會暖到唔新鮮個油香勁到 舉腳大讚吞拿魚都好好食 當然啦 佢有toro 既話就更好啦我地下次會留定肚再黎 試多d野食同飲下佢D sake先

經朋友介紹就黎左北角潮聖一下活一鮮，佢極力推薦呢間餐廳，表示好欣賞佢地既刺身同小菜，所以見有時間一定要慕名而來！餐廳既座位唔算好多，但都有吧枱坐，不過就得幾個位，如果想同朋友坐得close啲傾下密計，吧枱係一個好選擇！見到餐牌上面既野食都有好多，今次就揀左佢地既芒果三文魚天婦羅卷，厚燒玉子，苦瓜炒雞肉同特上活一鮮丼。第一樣上既菜係特上活一鮮丼，賣相相當唔錯！刺身鋪滿成個面，可見真係好料，份量好多，平時食開嘅刺身呢個丼都有，每樣都有小小，岩我呢啲乜都想食既人😂而且佢地啲刺身都好肥美，仲要係厚切，連海膽都有，無得輸，食完一啲都唔會覺得洩底，回哂本！另外叫左個芒果三文魚天婦羅卷，呢個卷好特別，食到一種外脆內軟既感覺，脆卜卜既外皮再既配裡面既芒果同三文魚，成個口感都好fresh！芒果唔會好酸，配埋啲醬同三文魚原來可以好夾，食完一舊想食多舊！再黎既係厚燒玉子，果然真係好厚身，而且係金黃色嘅外表，同平時食過既玉子燒有些小唔一樣，除左面頭刻住餐廳個名之外，裡面仲落左啲蔥調，好香！最後係苦瓜炒雞肉，本身鍾意食苦瓜嘅緣故，覺得呢個菜好出色，炒到啲瓜同雞肉都好入味！食左咁多濟胃既野，再食下苦瓜都係一個唔錯

今日接bb 收工去左依間活一鮮食上openrice 睇佢d 相好似好正gum 價錢都幾合理 又唔算太貴 不錯我地叫左幾樣野食一齊share1. 牛柳粒蕃茄湯烏冬 我最鍾意食蕃茄湯烏冬haha, 咁岩佢又有, 所以就叫左, 佢個蕃茄湯好入味, d牛柳粒又唔硬, 超好食!!!2. 北海道岩蠔之後叫左一人一隻蠔 食日本野點可以唔食蠔, 佢D 蠔係超鮮甜 唔會好腥3. 厚燒玉子整得好靚~ 佢有埋佢自己活一鮮既燒物, 不錯, 又有蔥花❤4.冬菇同青椒佢係熱辣辣新整的, 唔係反熱比我, 又唔會太乾, 咬落去係有汁

晚餐食左呢間位於北角站附近既一間日本餐廳，去到門口已經見到日本風格既設計😍睇到menu覺得價錢好平民，而且圖片都好吸引我既眼球，種類都好多🤤諗都唔洗諗就揀左佢！佢地提供既魚生飯都有好多組合，唔洗驚唔岩食😂今次就揀左個豪華小小特上活一鮮丼，個人比較中意唔同既刺身，呢個丼非常岩我胃口😳全部刺身都好新鮮好甜，切片既厚薄岩岩好，食落係有種入口即融既感覺！另外叫左個燒松葉蟹羔，呢個燒既蟹膏好惹味，味道好濃好香，啖啖濃郁蟹膏味，鹹鹹地食落口好正😳因為叫左一枝清酒，所以就點左個燒鱈魚干用黎送酒，燒到脆脆地，仲可以點沙律醬一齊食，同酒係一個完美既配搭😋而且叫酒既話，店員仲會比你簡酒杯，可以自己揀岩心水，飲都飲得開心啲🤤

咁岩今日嚟到北角，又想食下日本野，不過又唔想食啲連鎖餐廳。睇完OpenRice就揀咗依間啦。牛柳粒蕃茄湯烏冬依個湯底唔錯，夠哂足料，有好多蕃茄，最緊要牛柳粒幾好食。特級刺身拼盤咩都可以試啲，幾個人食岩岩好，刺身切得幾厚身，亦都夠晒新鮮，啲蝦亦都夠晒鮮甜。紫心香竽丸如果你鍾意食香口野，依個一定啱你。香竽丸唔單止香口，仲有好多料係入面。松葉蟹肉沙律 每餐都需要蔬菜嘅我，叫咗個沙律。啲菜都幾新鮮，蟹肉亦都足料。整體嚟講質素比連鎖日本餐廳高，亦都啱晒啲鍾意厚身刺身嘅人。

本來今日約左個朋友兩點鐘，可惜我打比佢嘅時候...佢仲係張床到🤬🤬，之後就改左四點鐘先見啦。由於仲有大把時間，所以搵呢間餐廳坐下、食下嘢等佢算啦！食日本野最好不過啦，又可以唔食得太飽。叫左個芒果三文魚天婦羅卷、松葉蟹肉沙律、紫心香竽丸加埋燒青芥末生蠔。燒青芥末生蠔有兩隻，用左芥末去燒..本身食開芥末都係用黎沾係壽司到，估唔到仲可以燒左佢。放係生蠔上面，冇搶左本身生蠔嘅鮮味😧，仲令到生蠔本身有啲海水味帶走，唔錯！松葉蟹肉沙律無咩特別😂😂，沙律入面加左蟹肉增加口感，沙律醬都好香。紫心香竽丸炸成金黃色波波，一咬落去就食到香竽，不過食個時要小心，因為係即刻炸嘅關係，裡面會好熱辣親個嘴架🙏🏻🙏🏻。最後就係芒果三文魚天婦羅卷，相信係必食嘅嘢黎，因為經過左幾枱客嘅時候，佢地都有叫呢款天婦羅，所以好奇就叫左黎試啦🤣🤣。估唔到嘅係芒果可以拎去炸成天婦羅之餘，加埋三文魚係咁夾，本身三文魚🐟已經好鮮甜架啦，加埋芒果🥭又係另一種甜，但又甜而不膩，相信能夠成為大熱食品。機緣巧合之下，黎到左呢間日本菜餐廳，我諗都係一個緣份，令到我可以食到品質唔錯嘅食物，價錢又親民👍🏻👍🏻

天氣開始愈來愈凍啦 但又好想食日本野 最多唔食shusi之後我地就叫左熱食 都唔錯的 等我介紹一下先小食就有依個既厚燒玉子佢個賣相仲有活一鮮既字 都整得幾靚 熱騰騰的 蛋又唔會整得太老最鍾意就係食玉子 佢仲要夠厚身 好有口感我地2個人share溫泉蛋汁燒黑豚丼 個溫泉蛋整得唔錯的 係流心 豚肉又唔會太濃 中間就有蔥花 蟹SO 紫菜苦瓜炒雞肉依家咁凍既天氣食 就最好不過啦雖然係同苦瓜炒 但苦瓜都唔算太苦 仲幾好味最後叫多左個燒青芥末生蠔依家真係唔敢食生野住, 所以就叫左個卓燒既

練完波永遠係攰又肚餓🤦🏻‍♂🤦🏻‍♂，但係又食唔多嘢，求其經過間日本嘢就入左去食，大多數都係揀左啲唔會好快飽嘅食物。第一樣「厚燒玉子 」，相比起其他店整嘅王子，呢間較厚身，同埋應該係即刻整，所以食落暖暖地，睇下出用心製造。味道方面好似食緊平時炒蛋嘅味一樣🤣🤣，蛋味好重。第二樣「海膽」，由於唔係人手整嘅關係，所以都評論唔到好唔好食。但係味道新鮮，有海洋嘅味道，同埋分量都多架😌。第三樣「特級刺身拼盤」，有林林總總嘅刺身，好多都好厚同多肉，賣相都好靚，有冰控制住溫度，不過希望可以有多少少份量🙈🙈 第四樣「燒物」，同串燒類似，有牛有雞有豬，燒到啱啱好，有炭燒嘅味道，同埋醬汁都唔錯，應該係自己調較。賣單價錢都唔會太貴，係普通人都接受到👍🏻👍🏻

住離島嗰邊嘅我真係好少出港島區，如果唔係做嘢嘅話我諗我都唔會同老婆食到尼間活一鮮。😂入到去地方都企企理理，環境都唔錯👍🏻我都差啲以為自己同老婆去咗日本🇯🇵😂坐低之後就嗌咗幾樣嘢食，包括北海道岩蠔，海膽燒帶子，帶子海膽蟹棒卷同蒲燒鰻魚。個北海道岩蠔真係不得了，成隻手掌咁大✋🏻真係好肥美。講真一啖放落個口度係真係放唔曬😂作為一個男人都要分兩啖食先得。一咬落去個蠔度🦪嗰浸海鮮味同蠔味即刻出曬黎，仲出曬汁啊～加埋少少嘅檸檬汁仲鮮仲正。好彩老婆唔食蠔，我自己一個可以食曬兩隻😋之後就到海膽燒帶子啦，首先個賣相都已經好吸引😋個帶子燒得好靚，靚之餘仲會見到有汁圍住，唔會話燒到乾曬。食落去都keep到好多肉汁，真係好正，加埋啲海膽食仲一流。因為個海膽好鮮好甜，配搭起帶子Q彈嘅肉汁，可以話係絕配😁😆然後到帶子海膽蟹棒卷，首先尼碟嘢係十分之豐富😧🤤有帶子有海膽又有蟹棒，個帶子仲大嚿過個卷飯，都幾抵食。我一啖已經可以食到一個卷，但特別嘅係，我可以食得出佢哋嘅層次😧👍🏻唔會話放咗入口咬完就一pat嘢唔知食緊乜。帶子有帶子嘅鮮甜多汁，而且好有彈性。海膽都有海膽嘅鬆軟同入口即溶，而蟹棒就同平時一樣都係爽口鮮甜。到最

輕輕鬆鬆食日本野~今日應該係我要番工嘅日子。點解我仲有時間去食嘢？因為我辭左職，但係開心嘅....我可以離開一間冇良知嘅公司。食日本菜，北角呢間小店絕對係首選。呢到嘅北海道岩蠔，隻隻都非常肥美🙈🙈我專登叫咗老細揀兩隻超級肥美嘅蠔俾我，果然冇令我失望👍🏻👍🏻加埋陣陣既海水味，真係食得出新鮮。吉列黑豚豬扒黎到嘅時候，仲可以聽到「咋咋聲」嘅聲音，一睇就知係啱啱炸好啦，識落外脆內軟，啲皮唔會揸到好硬同好多粉。 個人本身好中食苦瓜，所以叫左個苦瓜炒雞肉 ，苦瓜食落爽口，醬汁亦溶入到雞肉到，一小碟可以加個飯一齊食👍🏻👍🏻最後仲叫左個黑松露帶子沙律同威士忌梳打，估唔到較西方嘅嘢，可以喺日本嘅餐廳出現。可見呢間餐廳，已經融入左其他國家嘅元素係菜式裏面😯😯。沙律加上黑松露，令普通嘅沙律不再單一，帶子亦能增加豐富程度。梳打方面，可以一試😈餐廳裏面亦有其他唔同嘅飲品架！希望有更多好似呢間有質素餐廳係香港經營啦😢😢🙇🏻‍♂

今日陪女友去北角整頭髮,作為男人嘅我,梗係接受唔到坐定定咁等一個人啦😂😂所以我就決定係呢段時間去搵嘢食🤓咁啱經過見到呢一間食日本嘢嘅餐廳,考慮左一陣就入去試一試啦！入到去見到呢間餐廳,唔稱得上係好大同好高級嘅裝修,但係就俾到一種好親切嘅感覺我可能係因為細細地嘅關係,拉近左距離!!睇完餐牌之後我決定叫特上活一鮮丼,帶子海膽蟹棒卷,燒松葉蟹羔😋😋特上活一鮮丼上面..放滿左好多唔同種類嘅刺身,其中較為高級嘅係海膽,食落都係新鮮同埋肉質比較肥美,都可以話係一個人嘅分量👍🏻帶子海膽蟹棒卷可以算係壽司,飯裏面包住左蟹棒,至於海膽帶子就放左係上面,可能係個口大嘅關係啦😂😂我可以一啖就食哂,上面嘅刺身都評論唔到啲乜🤔,可以評論嘅係佢包着蟹棒嘅飯,出面壽司嘅都較酸,而呢到嘅飯就啱啱好👍🏻燒松葉蟹羔方面呢...蟹羔分量非常多,能夠帶出到松葉嘅香味,配搭埋我叫嘅「雪影」酒,簡直係送酒嘅最佳食品🤣🤣如果下次再經過呢頭嘅話,我會選擇食多一次架!!!

琴日屋企人話夜晚冇煮飯，要自己食嘅關係。所以係北角放學之後...就諗住方便食埋嘢先番屋企啦。由於係屋企人比錢嘅關係🤣🤣緊係食啲特別嘢啦，我就揀左呢間日本嘢😋😋望到個餐牌...叫左個吉列黑豚豬扒、特上活一鮮丼 、紫心香竽丸同燒鱈魚干。🐟燒鱈魚干基本上可以當零食咁樣食，因為好似啲蝦片咁，只係佢即刻整，黎到嘅時候仲好熱同超級脆，同埋好有鱈魚嘅味散發出黎。至於夜晚無飯不歡嘅我，當然要叫碗飯黎食啦😂😂。所以就叫左個特上活一鮮丼 ，裡面有唔同種類嘅魚生，樣樣睇落都好有光澤，食落好肥美，呢個價錢黎講算係唔錯。我叫吉列黑豚豬扒嘅原因係...想食啲熟嘅嘢🤣🤣所以食住個飯，再食埋豬扒，增加飽肚感。評一評個豬扒先，大致上肥瘦分明，炸到啱啱好，唔會炸定放到凍哂👍🏻👍🏻10分裡面有8分。紫心香竽丸方面...又係屬於炸物黎嘅，炸到一個波波咁，而香芋蓉好似流心咁流出黎，仲有好多一舊舊香芋係入面，增加咬口感。呢間日本餐廳帶比我親切感，因為可能係小店關係，食得舒服，嘢食質素又唔錯，正評啊！