活水亭

營業中

休息中

這間活水亭只會做早市午市下午茶，餐牌選擇不多，勝在夠快做街坊生意！對於要快靚正既人黎講，15分鐘食完一個午餐當然你無問題。所以如果你西灣河需要快食午餐，這一間係你既必然之選！😂價錢便宜，最適合慳錢既打工仔一族

第一次食，位於內街，門面一般，唔系狐狸仔帶路都唔識去，但小店坐無虛席。。話說，d櫈系木板鐵櫈，本人著短褲好鬼凍😂。似舊式少少既茶餐廳。之後叫左個雞扒公仔麵同雞扒湯意粉，凍熱奶茶。雞扒煎得非常香脆！！意料不到，肉質非常香嫩，公仔麵彈牙曲曲的，湯濃味，唔系求其溝水，仲比埋包麻油，雖然出前一丁系有麻油。至於湯意粉就一般，湯淡無味，雞扒一樣香脆內軟。奶茶奶同茶味都一般，稀水奶茶，不過易入口，好快飲完。下次可以再返黎試其他，應該煎脆食物略勝！！！

呢間野我以前都有食過，係好普通，普通到我原本過嚟食，都冇諗過影相。唔係講笑好耐以前覺得佢難食添，對上一次嚟食就係好普通水準。今日兩點嚟到，本來想叫蒜蓉金沙骨，點知阿姐串串地做啊兩點啦冇呀，剩係得炒飯，咁我話唔食飯，要食豬扒包，講真嘅佢嗰件豬扒冇咩味，但佢都極力補救，炸到好趣口，真係要讚我成日食豬扒包，個包係一個豬扒包嘅靈魂，有啲壓兩下，變咗張紙，有啲人會塑左汁，好似一舊糕咁，異常難食，但我咬一啖嗰個包係有包味有咬口唔識講總之好適中，唔似一般交返嚟嗰啲。返我真係唔推介，但豬扒包經過可以試吓。$32有驚喜，同埋呢啲係房間小店，大家都好真，真得來又友善，果下好野！做廚房都好客氣，唔知點解，認真難得！

每次去完教會週日崇拜,總會在西灣河找早餐吃。今天去了活水亭。這是我第二次光顧這家食店。店面不大, 佈置簡單, 自然光充足, 環境還算可以。上次試過魚柳加炒蛋, 炸魚柳香脆, 回味無窮;這次點了大火腿奄列. 落單五分鐘就上菜, 快到呢~用叉拮開支奄列, 蛋汁同好多火腿絲溢出, 完全正宗港式火腿奄列, 正!奶茶唔算最滑, 但味道不錯, o岩我口味。下次再試下其他野先!

12月9日，15:00到筲箕灣買醋前，先到這處身後街的餐廳，來客下午茶。並不旺場，祇有兩客。要了沙律拼魚柳和咖啡。沙律：鮮果拼鑵頭雜果，戒吃水果的我，感覺食味清新。魚柳：份量不多，但勝在即炸，夠香脆，鮮美。店應不算老，地方寬敞，但天花上的冷氣機，佈滿灰塵，令我吃得不自然。店名幾有宗教FEEL，但店內找不到對應的事物。

好大碟！對我及場內眾多猛男來說是相當滿足。此店位處比較冷清的內街，隔鄰有車房，對面是露天停車場，有不少職業司機聚腳，所以周日中午店內大多是單拖的中年男士。午餐4揀2(@$25)：美式牛脷飯的燒汁頗濃，牛脷亦不過分淋軟，保持其獨特味道口感，可惜白飯只是微暖；忌廉雞皇意粉則嫌味道太淡，與牛脷飯成強烈對比，更可惜的是意粉中有隻長眠的小小強！可幸跟餐的中湯(翠玉瓜煲豬骨)和西湯(火腿忌廉湯)，以及咖啡、奶茶都算不俗，就讓它的食評由ok開始。