活

營業中

休息中

個日去 北角做完野，同同事講我好想食意大利粉，就搵到呢間「活」。打開餐牌深被兩款意粉吸引著，大家都一致同意吃這家了。🎈韓式泡菜大蝦意粉，味道則帶點微辣，非常入味和香濃泡菜味，很有新意。👍🎈蒜蓉忌廉雞胸意粉，意粉不是一味忌廉creamy的那種，而是滿滿的炒香蒜蓉味😋👍🎈蜆肉白酒蒜片橄欖油炒意粉，蜆的質素好重要! 蜆肉大大隻，又厚肉，完全唔腥，仲有蒜香味，正呀！食埋意粉都好香蒜味！👍PS.店員專登攞多張凳黎問我需唔需要擺個袋，好細心☺️下次會再嚟幫襯❤️

今日同老公慶祝生日🎂好耐之前同啲同學仔嚟食過，因為價錢唔貴所以再返過嚟食~覺得個環境OK，好適合攞嚟慶祝打卡!今日我哋嗌咗蜂巢牛奶咖啡 ☕️ 精緻， 有杯shot! 可以有止一止咖啡癮，扮下文青👸🏻食物方面，上菜速度算快，溫度夠熱，無論賣相定味道，幾乎無得挑剔。西班牙黑毛豬配黑醋互相襯托之下，有豐富嘅層次感、肉質肥瘦，勻稱咬落啖啖肉，百吃不厭。意粉賣相非常吸引，好似呢碟蜆肉白酒蒜片橄欖油炒意粉，可說是西餐廳的長青菜式，充滿白酒🥂的香氣。餐體驗非常良好，感覺係物有所值。侍應們上菜迅速，可以配合我哋嘅用餐節奏。枱與枱之間的空間感都好足夠，唔會輕易聽得到其他食客嘅傾計內容，亦都唔使擔心被人聽到我哋傾乜💏

食物:❤️❤️❤️❤️❤️環境:❤️❤️❤️❤️❤️回頭率:❤️❤️❤️❤️性格比:❤️❤️❤️❤️🖤蜆肉白酒蒜片橄欖油炒意粉蜆肉白酒蒜片橄欖油炒意粉好好味，橄欖油同白酒香味好濃郁，蒜片為整個意粉增加不少風味，蜆的數量好多，🥰每隻都脹卜卜大大隻，擺碟整齊。🖤蒜蓉忌廉雞胸意粉意粉醬汁好creamy而且意粉相當掛汁，🤤每一啖都可以品嚐到蒜蓉忌廉煮出來的味道，雞胸拌上醬汁滋味無比。😎🖤法國無激素烤雞烤的時間啱啱好烤雞外層金黃焦脆，🤤🤤見到都已經流哂口水，雞髀好易拆肉，雞肉汁相當豐富，連配菜薯蓉都做到好幼滑，好似到連痴係碟的都要食埋，簡直係清碟行動。😂

睇完網上推介特登過黎試，今日係星期五，所以夜晚7點半黎到都有點full。韓式泡菜大蝦意粉，泡菜味道同大蝦🍤非常配合🙂十分開胃惹味，又唔會太重口味！果種鮮甜香辣的滋味，實實在在地安撫了自己那莫名的心癮❤️‍🔥蜆肉白酒蒜片橄欖油炒意粉風味比較正宗，橄欖油🫒健康且不易致胖。香蒜味非常濃郁，如果係蒜頭控就非常岩。另外蜆肉份量適中，好鮮甜脹卜卜，配料多些會更好!魷魚天婦羅係冇得輸！香香脆脆，味誘人，一口咬落去外脆內軟，而且呢個size 啱啱好同女仔share!呢間「活」絕對有八十分水準加滿分💯嘅服務！下次再接再厲😍

餐廳位於香港北角匯。附近有北角地鐵站、同埋巴士仲有電車，交通十分方便。呢一間餐廳嘅選擇都算係相當之多同埋經常推出新嘅菜式。店內取用電話落單網頁，或者可以叫店員過嚟親自落單。係睇完一輪之後，我哋就叫咗兩個主菜同一個小食：所有主菜都跟一個沙律。軟殼蟹、龍蝦汁意大利飯 $148軟殼蟹炸到啱啱好，鬆脆又有海鮮味，個飯有少少生生地。混入咗海鮮嘅味道又濃稠又有少少奶香。蜆肉、白酒、蒜片、橄欖油炒意粉$128中間係意粉周邊都係蜆肉，蒜片擺意粉上面。愈食越覺得辣，香蒜好好咁令辣度有所增加。食完之後成個口都有箇中香蒜味。呢個意粉算係值回票價。黑松露芝士薯條 $68黑松露芝士灑上少少蔥，少少芝士碎。黑松露醬自己點上。喺面頭食到更加多嘅係芝士嘅味道。松露味反而有少少失色。之後我再叫咗杯鹿兒島紫薯鮮奶$45就咁睇呢一杯紫薯鮮奶，紫色好淡咁浮喺面要將佢輕輕攪勻左再飲落去就會飲到紫薯味嘅鮮奶。呢杯鮮奶既冰量同甜度都係固定。成餐飯都好chill，坐嘅係卡座，座位係梳化。算係一間相當文青嘅餐廳。

今次同男朋友陪佢媽媽食生日飯，終於book到喇！🥰期待而久，終於可以比驚喜一齊試到！檸檬忌廉煙三文魚意粉🍝真係念念不忘，好大舊煙三文魚，色澤又靚，幾creamy，攪拌了幾下意粉和檸檬忌廉汁，讓每條意粉都掛上清新的汁，每一口都非常滿足！🥰🥰男朋友最鍾意食西班牙黑毛豬配黑醋，黑毛豬熟度剛剛好，輕輕燒過帶點燶邊更香口，肉汁亦相當澎湃，不點任何醬汁也可以。😋韓式泡菜大蝦意粉🍝色香味俱全，看著就很有食慾！辣嘅程度都係可接受🌶成餐飯都氹得佢媽媽好開心❣️奶奶政策成功✅

今日帶埋狗仔🐶嚟北角嗰邊staycation，然後煩惱緊食咩好之際，酒店職員推介北角匯一期有間幾好食嘅餐廳🍴叫「活」，咁我哋放低狗仔之後就去食飯😏一款是西班牙黑毛豬配黑醋，肉質香軟鬆綿，帶有少量油脂，但就無膩滯感。先生食到停唔到口，真係一試難忘。另一款是蜆肉白酒蒜片橄欖油炒意粉味道比較豐富之餘，又不會遮蓋蜆的鮮味。啲蜆肉勁多，食極都仲有。  個意粉比我想像中好食😙食落有好香既蒜味，而且食落唔會感覺好油，啖啖都可以食到蜆肉，超正，唔怪之得咁多人推薦呢碟意粉。值得一提的是，我食意粉的時候彈到衣服了，店員居然留意到還為我遞上濕紙巾，非常貼心！即使是比較繁忙的晚市時段，仍然可以察覺到客人的需要，服務態度值得稱讚！

今日同朋友黎呢間出名大份意粉既餐廳，聽講食物水準穩定，氣氛也不錯，是和朋友閒聊吃飯的首選。同朋友點了2款我最最最鍾意嘅款式❤️，意粉吸收蜆汁超好吃，搞拌後更增加了意粉的質感。❤️［蒜蓉忌廉雞胸意粉］，我最鍾意就係呢碟意粉，因為有我最鍾意嘅雞胸😍雞肉都有好多，每塊都幾大塊。 啲嘢飲全部都好靚，［蜂巢牛奶咖啡］，蜂巢配上下面濃度剛剛好嘅滑香咖啡☕️，真係幾有水準。影黎呃like一流，已經覺得好吸引。總括嚟講餐廳嘅嘢平靚正！每樣嘢嘅賣相都非常之好同吸引💖

「活」呢間餐廳我食過已經有幾次， 記得第一次食既時候，老闆好有禮貌甘招呼我地。今次都唔例外，仲可以慢慢品嚐。 每次同呢個朋友食飯都必定有炸野! 特別叫咗呢份魷魚天婦羅炸得超香脆，夠乾身，係我必揀嘅菜式之一😜主菜留今次試蒜蓉忌廉雞胸意粉，蒜蓉味非常濃郁 ，我好欣賞😎👏🏼👏🏼雞胸切開時煙熱騰騰冒出，嫩滑有肉汁不會煮得太乾，不錯！友人選韓式泡菜大蝦意粉， 味道很不錯 、調味充足、醬汁亦好多，分佈成份意粉~ 好正! 仲有啲辣香味，食完😋😋😋爽YY希望之後再嚟過嘅時候會有更多新菜推出😘再食多啲唔同新款嘢

今晚我地五位姊妹去食FAREWELL飯，慶祝其中一位甩離成功辭職。每人都叫左自己既Main Dish，等我地每樣介紹一下。蜆肉白酒蒜片橄欖油炒意粉，橄欖油同蒜末炒香，意粉唔會太硬或者太糊，而且 配料亦唔少。我哋兩個都係最想嗌呢樣😆韓式泡菜大蝦意粉~雖然越食越辣🌶但係個泡菜真係好入味蒜蓉忌廉雞胸意粉，看似簡單但要好吃並不是一件容易的事，食得出件件雞肉都精心策劃用鹽及蒜蓉醃過再煎香，好高技巧!法國無激素烤雞，雞肉望落去都處理得很好的，肉質嫩滑充滿肉汁🤤，好好食!整個賣相都很好呢！檸檬忌廉煙三文魚意粉的確唔簡單🙊意粉擺盤好有心思，絕對唔係得個樣架，味道一流😋總結上，北角匯呢間餐廳意粉選擇多， 價錢合理環境也算乾淨。職員好留意每位客人嘅需要，唔單止主動斟水、換碟、包裝食剩嘅野，連食物上枱都有介紹、詢問對食物質素意見，過程超有禮貎，估唔到一間咁細嘅酒店餐廳，居然有咁嘅服務質素!!😯

夜晚約個👯‍♀️朋友聚下，佢收工就喺北角附近，所以帶我嚟呢一間餐廳食嘢，佢之前食過都讚不絕口喺佢介紹吓我哋揀咗：🍝蜆肉白酒蒜片橄欖油炒意粉：蜆肉份量非常多而且鮮味十足，意粉食落好香蒜味，重點係個汁好出色味道豐富亦不會太濃味🐔法國無激素烤雞：雞肉幼嫩多汁，雞皮微脆香有適量油脂，食落都很香口🍊香橙朱古力：帶少少甜得來又充滿橙香味朱古力，令味蕾品嚐到幸福味道☕️薑鮮奶咖啡:一上枱已經聞到濃濃薑味，加上順滑的鮮奶咖啡，口感多層次呢度食物出色感覺到👨🏻‍🍳廚師的用心製作，一啲都唔馬虎，而且招呼一流不時同客人交流吸取意見，難怪呢度嘅食物做得咁有質素

身邊好多朋友試過活Cafe都讚得絕口，今日難得同細妹👧🏻一齊放假，佢陪我到港島區血拼🛍順便嚟試吓我哋都叫咗幾款嘢食一齊share‼️法國無激素烤雞，整到皮脆肉夠嫰，烤完之後依然肉汁飽滿唔會嚡，吃得很滋味🐔‼️西班牙黑毛豬配黑醋，黑毛豬肉質好鮮嫩，一點筋都冇，呈少許粉紅色油脂比例適中非常香口，配黑醋肉味更出🐖‼️檸檬忌廉煙三文魚意粉，煙三文魚大大片，都有很多塊，意粉醬汁好香牛油味食落好滑口🍝餐廳位置位於鬧市中方便就腳，價錢合理而且食物出色有水準，性價比高，難怪成個嘅人都讚不絕口💋

之前已經聽朋友介紹喺北角有間唔錯嘅西餐廳。但一直未有機會去食，難得今日同同事過開北角做嘢。就嚟呢度食lunch！<<西班牙黑毛豬配黑醋🐷>>呢度嘅黑毛豬非常出名。廚師掌握個火候好到位。豬扒煎得好平均，唔會過熟而令到豬扒太乾。味道好香濃嘅豬肉味。再配埋特製嘅黑醋汁一齊食。味道配搭得非常好。🥔薯蓉有好香濃嘅牛油味🧈。口感好滑。同豬扒好夾！呢個真係會一試難忘😍😍<<檸檬忌廉煙三文魚意粉🍋>>檸檬同忌廉呢個配搭都係第一次試。非常有驚喜。意粉醬非常creamy，醬汁同意粉嘅比例啱啱好。唔會太多太漏。成個味道好夾，感覺好清新。<<法國無激素烤雞🐓>>法國嘅無激素雞唔係好大隻。肉質比較鮮嫩，而且有好香嘅雞味！焗嘅時間掌握得好好。非常好食👍🏻。😍😍

早前，我租住北角凱悅尚粹酒店，而得知北角匯正是酒店相連，十分方便！ 有次發現北角匯一期地下有間新餐廳 <活>，所以找朋友一起去！那天週末，我約了一位住在北角而多年無見，上年才撞見的朋友一起去！這是一間寵物友善餐廳，這裡分兩邊，一邊只有食客的用餐區，另一邊除了有食客的用餐區，亦可以帶埋寵物共享，還有寵物打卡地方！絕對方便狗主！Menu白色的餐桌上放上金色餐具雪山森林 (抹茶梳打) $55我見 Drinks Menu 上的特飲幾吸引於是，就點了這款！自行倒入抹茶，可以看到其變化， 好可能我論盡的關係，倒潟到墊盤！梳打本身淡味如水，甘味的抹茶混合其中，口味溫和帶甘；拌勻甜美的雲呢拿雪糕，容易入口！整體感覺清爽！美式咖啡 凍 (Nutty Blend) $42 杯咖啡都幾香，入口涼浸浸，味道甘而不苦澀！活 全日早餐 窩夫 $128她點的全日早餐食材相當豐富！炸雞窩夫 $88我為了窩夫而點！即叫即炸，外層金黃色，熱辣辣！十分香口惹味！ 炸雞被炸漿鎖住水份，食起來尚算 Juicy！

我既好識搵好嘢食嘅👭朋友，又帶我去食好嘢，佢話去邊食就去邊食㗎啦，佢話喺北角食西餐，當然我完全信佢啦😚😚🐔法國無激素烤雞-雞肉脂肪很少而肉質超Juicy，醃得夠入味，食落口雞皮又脆又香口🍝檸檬忌廉煙三文魚意粉-煙三文魚的鹹香加上檸檬清新配搭得很夾，意粉質感啱啱好，口感豐富好滿足🍝蜆肉白酒蒜片橄欖油炒意粉-大大粒蜆肉非常鮮甜，陣陣蒜香惹味且酒香撲鼻，滋味十足😋😋呢度食物做得很出色很吸引，😎而且氣氛佈置都令人置身於外國感覺很relax，朋友果然又一次冇介紹錯🤝🤝