活

營業中

休息中

男朋友帶咗我嚟呢間我好鍾意嘅餐廳，因為係一間寵物友善餐廳，見到有好多狗仔🐶好可愛🥰慢煮法國無激素烤雞（半隻），黑松露忌廉，配薯蓉慢煮烤雞雞肉特別嫩滑，半隻份量已經好多，一個女仔食夠晒飽，好鍾意佢哋嘅黑松露醬味道好濃郁配雞肉都幾唔錯。壽喜燒牛肉溫泉蛋意大利飯男朋友呢個壽喜燒牛肉溫泉蛋意大利飯係一款將日本同意大利美食完美融合嘅創新菜色。每一啖都教人驚喜，猶如味蕾嘅節日慶典🎉。首先，意大利飯質感非常軟滑，米粒吸滿咗濃郁嘅壽喜燒汁，每粒米嘅口感彈牙得嚟唔會太硬，同口口牛肉嘅鮮嫩完美配合。牛肉片經過精心烹調，肉質鬆軟，入口即溶，配上自家特制嘅壽喜燒汁，帶出深深嘅鮮香滋味。呢種融合咗肉汁同調味嘅意大利飯，點樣岩到你滿意？再嚟講下個溫泉蛋。個蛋黃儂樣咁討好，輕輕一刻就流晒出嚟，同壽喜燒牛肉及意大利飯絲絲入扣咁結合埋一齊。金黃色嘅蛋黃汁現出咗個蛋嘅香滑，正正夠夠咁提升咗成菜嘅滋味，令人食指大動😋。最後，呢道菜同埋嗰啲充滿創意嘅做法一樣，展現咗廚師對於材料嘅細心挑選同埋料理功夫嘅尊重。不論係視覺上嘅吸引力，定係味道上嘅多層次感，壽喜燒牛肉溫泉蛋意大利飯都到達咗一個令人讚賞嘅水平。無論係想揾一個舒適嘅午餐

北角cafe LITM活 一直都係我最鐘意嘅cafe，每星期總會搵一日嚟食午餐，可想而知佢哋啲出品係幾好❤️👉🏻炸軟殼蟹龍蝦汁意大利飯佢哋嘅意大利飯係no.1，每粒米都吸盡醬汁嘅精華，口感軟糯🫶🏻 軟殼蟹卜卜脆，混埋意大利飯食very nice❤️👉🏻慢煮法國無激素烤雞（半隻）黑松露忌廉配薯蓉烤雞肉多，好易就可以將骨同肉分開，沾上黑松露忌廉香氣更強烈👏🏻熱桂花蜜係跟餐送，啱哂依個天時飲，so sweet❤️海鹽蝶豆花咖啡賣相精美，綿花糖慢慢融化落咖啡，甜度剛剛好🫰🏻

朋友帶咗我嚟北角呢一間餐廳食飯，第一眼已經比佢哋嘅環境吸引住，因為鄰近北角碼頭附近，地理位置好方便，而且都俾人一種好文青感覺😳我最近想健康啲就揀咗呢個SuperBowl，非常之豐富嘅一個SuperBowl，慢煮雞胸煮到好嫩唔乾柴，車厘茄、牛油果醬、雜菜沙律，柚子整體配搭好fresh😍朋友叫厚切慢煮西班牙黑毛豬都好吸引，一試難忘嘅美饌啊！先講吓佢個外觀，豬肉厚切得啱啱好，金黃色嘅表皮烤得微微脆，再望落去就好似邀請緊你食一啖咁😍。肉質軟嫩多汁，完全冇豬騷味，咬落去肉汁四溢，個人感受到西班牙黑毛豬嘅肉質同普通豬肉真係大相徑庭。慢慢煮嘅方式令到肉質入味又唔會過於乾身，保留咗原汁原味，每一啖都能品嚐到豬肉嘅天然美妙滋味。配上細心調制嘅醬汁，係口感上加咗分，令呢道佳餚更加完美👌。食嘅時候，你會感覺到肉質透出嘅微微油脂，而且驚艷於慢慢嘅烹調技巧點樣將豬肉嘅風味提升到另一個層次。一試真係令人讚不絕口，餐廳嘅廚師確實掌握到烹調西班牙黑毛豬嘅秘訣。無論係大人細路，定係食肉愛好者，都絕對會愛上呢個美味佳餚😋。總之，厚切慢煮西班牙黑毛豬絕對係一個出色嘅選擇，下次食飯搵嘢新鮮刺激嘅話，記得一定要試吓！小食叫咗兩

Lunch hour 嚟到北角玩呢一間餐廳食飯，佢哋嘅lunch set都幾抵食，仲會送好鍾意飲嘅南瓜忌廉湯！南瓜湯好香甜又幼滑(oˆ罒ˆo)！☑️套餐:壽喜燒牛肉溫泉蛋意大利飯壽喜燒牛肉好入味，牛肉香味突出，溫泉蛋流出嘅蛋汁撈勻意大利飯食好美味。☑️飲品:朱古力士多啤梨奶昔非常邪惡嘅一杯飲品，上面有滿滿嘅忌廉，朱古力同埋士多啤梨嘅配搭酸甜味道，唔錯。 ☑️套餐:炸軟殼蟹龍蝦汁意大利飯大大隻炸軟殼蟹好香脆，意大利粉淡淡都食到龍蝦汁嘅香味，味道非常之濃郁。☑️飲品:富士山下賣相非常之靚嘅富士山下其實係海鹽蝶豆花咖啡，咖啡味濃郁，加上少少海鹽嘅味道，非常特別。

北角西式餐廳入面我最鍾意呢一間「活」，裝修風格簡約，以白色嘅色調俾人一種柔和嘅感覺。餐廳有多款西式輕食，同時亦係一間寵物友善餐廳。✨炸軟殼蟹龍蝦汁意大利飯✨軟殼蟹香脆而不油膩，意大利飯濕潤creamy。✨羅勒青醬慢煮雞胸意粉✨羅勒青醬味道清新，慢煮雞胸肉質嫩，連同軟硬度適中嘅意粉一齊食👍🏻✨香草蕃茄醬肉丸✨酸酸地嘅蕃茄肉丸都好好味，肉丸好多汁，越食越開胃。以上嘅食物質素都係好滿意，以呢個價錢嚟講都算性價比高，食完係會想再返嚟食嘅，同時都見到店員好有愛心，對住啲小狗都好有愛，下次會想帶埋小狗嚟🥰

想搵間環境清幽少少嘅cafe同朋友敘舊傾偈，上網搵咗一陣，見到呢度嘅氣氛同環境都幾舒服，就決定係你啦🍽午市set會送南瓜忌廉湯/ 飲品，我就揀咗，質地稠杰足料🥄［香草蕃茄醬肉丸］大大粒，肉丸非常多汁，仲有少少香草味帶起蕃茄醬嘅味道🍴［厚切慢煮西班牙黑毛豬，白菌忌廉汁，配薯蓉］肉量多，同朋友share就啱👯‍♀️黑毛豬豬味濃而不腥，慢煮後keep到肉汁👍🏻［羅勒青醬慢煮雞胸意粉］青醬帶有堅果香同香草味，入口順滑，意粉&雞胸肉份量多，食完好飽肚👏🏻

有日經過北角匯，發現Cafe門前有好多人等緊位，偷聽到啲街坊話呢度食物好掂呢😆既然係咁，我同朋友都排埋一份，試吓係咪掂先🌸靚靚嘅飲品🗻富士山下🗻其實係海鹽蝶豆花咖啡，好打卡able！味道甜甜鹹鹹，又幾好飲wor☺️Latte奶味重香滑，也是不錯喔💕🍅香草蕃茄醬肉丸醒神開胃，用新鮮蕃茄打成醬，配搭肉丸，成件事好啱feel！兩份主食都好食wor🥹炸軟殼蟹龍蝦汁意大利飯有原隻蟹，so crazy🤩粒粒米嘅軟硬度都適中，有咬口又唔會過硬💕🌿羅勒青醬慢煮雞胸意粉好多雞肉呢！簡單嘅調味食到雞嘅鮮味，like😘

最近我發現左間超讚的西餐廳-活，係北角匯個邊，等我同大家分享一下我食咗咩好嘢先🤭打頭陣係厚切慢煮西班牙黑毛豬🐽舊肉肥瘦適中，慢煮的過程可以令佢鎖住肉質的鮮嫩多汁。我仲記得那濃郁的白菌忌廉汁😍配上鬆軟的薯蓉，真是太好吃啦😋還有個香草蕃茄醬肉丸，簡直是夢幻的組合🥳肉丸又酥又脆，搭配上香氣四溢的香草蕃茄醬，令我一啖又一啖😋飲品方面都好岀色‼️我叫咗個富士山下🗻係一杯海鹽蝶豆花咖啡🤩聽起來有點特別對吧？咖啡的濃郁和蝶豆花的清香，再加上少少嘅海鹽風味，真是讓人回味無窮🥴哩間餐廳嘢食又好食，環境都好Chill~下次你一定要去試試，我保證你會愛上😍

北角碼頭附近有一間叫做活嘅西式Cafe，環境設計簡單俾人一種舒適嘅感覺係一個好好嘅喘息空間🤍今次就到約咗朋友一齊嚟到呢個咁舒服嘅地方傾吓偈休息吓。🤍SuperBowl非常健康嘅一個Bowl，顏色色彩繽紛，入面會有慢煮雞胸，溫泉蛋，車厘茄，藜麥，牛油果醬，雜菜沙律，柚子。慢煮雞肉好滑，溫泉蛋流心，加上超級營養嘅藜麥同埋牛油果醬，成個bowl都好健康！🤍香草蕃茄煙鴨胸意大利粉簡簡單單香草味十足嘅意大利粉，加上酸酸甜甜嘅蕃茄更開胃，煙鴨胸都好香。🤍昆布蘭豬肉腸配薯餅豬肉腸好Juicy，薯餅都好香脆。

我同男朋友行街嘅時候，發現咗一間特別嘅西餐廳，可以帶狗仔🐶一齊食飯。呢個細節真係令我好驚喜，所以我地決定喺度試下個Lunch點咗香草蕃茄煙鴨胸意大利粉🍝以香草蕃茄同煙鴨胸為食材，口感豐富而鮮美🫶🏻煙鴨胸嘅煙燻味同蕃茄嘅酸甜味又好夾🤭再加埋彈牙嘅意大利粉Yummy~yummy~再點咗壽喜燒牛肉溫泉蛋意大利飯🥣呢道菜嘅特色係牛肉嘅鮮嫩同溫泉蛋嘅濃郁。牛肉經過壽喜燒嘅烹調方式，口感醇香👅同意大利飯一齊食更加豐富。溫泉蛋嘅蛋黃流出嚟👀令飯更加濕潤，好食到不得了💯原來lunch 會送熱桂花蜜😳熱烘烘嘅桂花蜜散發出迷人嘅香氣，溫暖整個身心💓甜度適中，唔會太甜膩👍🏻總括而言，呢間西餐廳唔單止提供一流嘅食物，下次我都帶小白🐶一齊黎食！

🤫Happy Friday(即係尋日😊)約咗有一排冇見面嘅契大佬出北角食。今次帶佢去見識吓女士最愛嘅Restaurant😎等佢遲啲可以帶阿嫂嚟打卡撐枱腳。我就特別偏愛香草蕃茄煙鴨胸意大利粉🍝香草蕃茄好JENG，貪佢酸酸地好惹味。煙鴨胸烤到焦香，上枱時香氣撲鼻，肉嫩多汁唔鞋口。香草蕃茄醬肉丸🍡配沙律🥗菜幾個味道好清新呢鐘意嘅，因為會冇咁濟！果然配上用鮮茄及其他天然調味料來烹煮的醬汁，健康又美味。嘢飲方面..對咖啡好有要求我就點了Latte☕️，佢地既畫花真係好靚靚，心形拉花但係味道都非常OK喎..不禁令人心動飲晒成杯好開心😁昆布蘭豬肉腸肉質結實又薯餅夠香，勁好食😋正壽喜燒牛肉溫泉蛋意大利飯嘅份量就都足料啦，粒粒分明，又夠口感。壽喜燒牛肉入口即化，口感軟嫩多汁，帶豐富油脂，香而不膩～!!!除左牛肉，溫泉蛋汁令個飯超級好味， 下次會再試下其他。 十分滿意 且員工態度非常好 100分既用餐🍴

出開北角匯一期當然係食埋午餐先! 幾鍾意黎「活」飲下野食下野hea下…貪佢呢度野飲唔錯…有好多飲品選擇環境又幾舒適，加上食物又好吸引，所以二話不說就入去食啦！店員好好心地介紹是日精選~跟住要讚👍🏻盛載食物的器皿很保溫，就算我一邊同傾偈同事傾公事，一邊慢慢食，食物仍可保持到溫度😊⭐️羅勒青醬慢煮雞胸意粉個汁亦夠哂creamy，同埋仲有少少羅勒青醬香，剛好拌勻，味道好、口感十足，食落好滿足😆⭐️昆布蘭豬肉腸配薯餅上菜時帶有撲鼻的香草和黑椒味，細碎的絞肉令香腸口感也更好。嚟到呢到真係必點！🔥🧊富士山下海鹽蝶豆花咖啡既造型實在滿分💯（凍）打卡泡沫🫧果然係值得推薦嘅餐廳，整體而言個人係覺得幾高質，環境闊落，食物好味，服務又好👍🏻

今晚男友悉心安排左餐廳跟我慶祝一番🎁 嚟到北角匯一期地下的「活」，餐廳樓底高，夠寬敞開揚，空間感十足。我地叫左個Lunch set，餐湯係南瓜忌廉湯，好creamy幾易入口。有驚喜🥳雖然已知要等20 mins, 但絕對值得。慢煮法國無激素烤雞勁厚肉，軟嫩多汁，肉味濃郁鮮嫩，柔軟中帶有適度Q彈，旁邊仲有薯蓉配埋黑松露忌廉一齊食，好Match，提昇整個味道層次！然後我地還點了 SuperBowl，呢個SuperBowl真係不得了，勁豐富!除左慢煮雞胸之外，仲有溫泉蛋、車厘茄、大量藜麥，沙律同埋我最LIKE既牛油果醬。熱桂花蜜唔錯😍清涼止渴,桂花香味在齒間更是久久無法散去。食係因為真心好味, menu 種類選擇多. 而且呢度環境好靚好舒服，靚靚嘅月亮景，非常適合同男友來傾偈談談心和打卡。

難得今日放假，天氣又甘好，捉老公同我去試新餐廳👀呢間餐廳係北角匯一期，我鍾意佢位置夠嗮開揚光猛，採納商場本身既自然光，位置非常舒適✨✨香辣蒜片蜆肉橄欖油炒意粉✨最特別一定係呢個啦！上面既蜆肉整得好入味🤤橄欖油炒意粉好特別，橄欖油比較健康👍🏻而且好大兜，性價比好高啊！✨雙重朱古力雪糕✨✨估唔到✨可以咁整😂朱古力獨特既味同窩夫融合得啱啱好，出乎意料地好食👍🏻脆炸雞塊薯條✨雞肉彈牙，外脆內裡很嫩滑，成個配搭相當唔錯☺️環境同食物都相當唔錯☺️嘢食都上得好快🤣會推薦比其他人黎食✨

休休閒閒咁嘆返個lunch，下午先再返公司搏殺，呢度環境好舒服，好hea，好平靜心境。餐湯：濃蕃茄湯蕃茄味十足，有足料，有口感，很好。羅勒青醬慢煮雞胸意粉慢煮雞胸非常容好易入口，軟綿綿咁唔會有渣。意粉好香，每一條都沾有香草，但可惜稍為硬左少少同較乾，欠決咗點油份，如果多少少橄欖油多點油香會更好。厚切慢煮西班牙黑毛豬 白菌忌廉汁 改配沙律先讚一下個沙律，好新鮮，好甜，好清新，唔會有草青味。但係個黑毛豬就較為遜色，個面煎得有啲過左火，表面嘅油亦都較多，食落口比較韌同埋有啲刷，感覺浪費左本身慢煮過既食材。另外，呢間鋪都幾特別，出左啲比寵物食既《大閘蟹》🤣🤣