浜滝 (已結業)

天后區好多串燒店，呢間唔算特別平，但勝在環境同食物水準都唔錯！店鋪裝修精緻，充滿日本feel!串燒燒得香口，十分惹味！是晚因為宵夜，只叫了大䓤鷄肉串，鷄肶菇，豚肉卷加生啤，大滿足！下次試埋拉麵先

行過呢條街，見裝修幾日式，店員又喺門口介紹有日本生蠔優惠，見咁抵就入左去。店員好friendly, 傾談之間知道原來係日本人開的，全部空運食材。首先，既然嚟到居酒屋，當然要啤一啤佢啦! suntory 既premium malts 麥味幾濃。燒元貝，真係好大隻，燒到剛剛熟，有少少sauce 同蔥花，比較鐘意呢個煮法。生蠔，都係日本做法，有少少sauce 同蔥花但唔咸，見到相都知生蠔整新鮮，有光澤，滑溜溜的情景湧出嚟! 真係好鮮味，而且好大隻，比一般法國澳洲蠔更大，所以食落去肥美juicy感十足! 決定再encore! 嚟來一round !龍蝦海膽，原隻龍蝦上，加特大海膽，賣相一流。海膽微微火炙，更加香味。龍蝦肉燒得剛好，晶瑩剔透，爽口尾聲，當然要食返d飽肚野。店員介紹蝦拉麵特別，果然無介紹錯，平時食拉麵只是豬骨湯，而家加埋濃蝦既豬骨湯，真係好鮮，提升左個湯既鮮味，而且無平時豬骨濃湯咁重口味，有蝦反而覺得light左!加熱石，令湯能保持溫度，上檯繼續滾緊，真係好細心。和牛泡菜湯飯，店員雖然溫馨提示會幾辣，因為日本廚師堅持原有味道，唔會做少辣，果然真係幾辣，但熱石鍋內的泡菜牛肉窩蛋泡飯，真

天后都係好多好有特色餐廳，今日黎左係天后日本居酒屋餐廳，近維多利亞公園同港鐵站，交通都好方便。餐廳內位置唔多，有一半都係高椅，但入面裝飾都幾特別，係用扇黎做裝飾。盛刺身冷麵有冷鮑魚，鮮蝦，帶子，三文魚。鮮味十足。夏天食係一個幾好選擇。燒日本海魷魚，併豆腐，魷魚都幾大隻下，燒出黎口感又係爽口哈哈，我覺得最好食都係呢隻日本廣島生蠔，隻生蠔有一隻手板咁大，鮮味十足。仲有叫左個燒牛柳粒，肉味濃郁，好好食。

既然是happy friday，定要吃得好好的，我們吃了這家日本餐*前菜沙律，新鮮的蔬菜，少量粟米加上沙律醬，十分開胃。不過小妹是"不吃紅羅白"的!!所以從中挑出紅羅白絲有一定難度第一次食”白子”完全沒有腥味，好像整個嘴巴聰滿著厚厚的脂肪,而且入口即溶,真的值得一試但特製醬油沾麵對於我來說味道就淡了一點半熟吞拿魚 $68好想一啖食左中間粉嫩的吞拿魚 外層輕輕燒熟, 內裡鮮嫩滑溜 外層燒得香口油香, 加上芝麻粒和醬油調味 香口甜嫩三文魚丼飯很吸引,三文魚好新鮮,飯份量頗多,值得一試

之前同朋友食過一之浜滝， 一試難忘個生蠔，所以帶家人黎食多次！鋪店好有人情味，每一把扇都係有客人的自由發揮。兵庫縣直送生蠔 - $48一隻，我個人覺得有好高的鮮甜肥美度，再帶點兒海水味、淡淡的醬油味，幸福感即時上升！比美國的生蠔更抵食！濃厚醬油拉麵$88 - 豬骨醬油湯底好香濃，我鐘意片叉燒夠晒瘦嫩滑， 拉麵有彈性。最窩心點係加了燒紅保溫的岩石塊在拉麵中，將溫度保持。日本直送近江牛串 - 本身想試下串燒得唔得，點知好有驚喜！近江牛肉粒的肉質幼嫩，沒有筋位，做到入口即溶的口感！大分直送火灸平目魚邊 $108 - 份量都算多，平目魚邊出名肥美，油脂滿溢，呢一份的確做到，入口溶化，再帶點兒魚肉本身的彈性，推薦！

收工後很想食日本菜，隨便在男朋友公司附近找了找openrice，發現這家挺有特色的日本菜～行過去都係10分鐘，就在地鐵站附近，很方便。小店門口很有特色，而且很搶眼～就在大街上很容易找到～很多日本特色的字畫和小手作在店裡～感覺好像日本的居酒屋。沖繩海葡萄-這是朋友說在沖繩吃過的海葡萄～很特別哦！因為我沒有去過，這次竟然在香港也能吃到～咬上去很有質感，葡萄裡面有水分～雞胸軟骨串燒-菠蘿串燒-八爪魚串燒-全部都熱辣辣的非常入味。三色刺身-凡立貝刺身非常珍寶size，而且入口超級超級超級甜啊！三文魚刺身也是高質素之選。近江牛刺身-應該是餐廳的特色之選，燒到剛剛好緊緊熟的感覺，入口幾溶，味道真的很難忘啊最後叫了一個鐵板雞肉粟米飯，撈一撈又係熱辣辣的，味道也很不錯飲番杯啤酒就非常滿足了

由銅鑼灣一路行行行，見到個門面好cute，本身又想食日本野，就入左黎。揀左張高枱坐，好有feel，都坐得幾舒服。首先試左牛粒串燒，有少少鹽吊味，好正，作為前菜每人一粒。然後有蟹拉麵，湯底好濃海鮮味，蟹肉都甜，仲有一隻溏心蛋，唔係半隻，店家真係好慷慨，一路食，突然夾到舊黑色硬物，嚇死，原來係熱石黎，不過碗麵都唔熱，舊石可以不要。大家都鍾意食燒餅，呢度嘅燒餅好得，餡料足，好香木魚味，但有少少濃味。到半熟呑拿魚，我已經係唔怕魚腥味嘅人，但呢碟野真係好腥，同行友人覺得可以接受，但我食一舊已經想lur，食落感覺唔凍又唔暖，好似食緊舊有血水嘅生肉咁，幾經辛苦終於呑哂，但個口陣腥味久久不散，好似流緊牙血咁，總之係成口血嘅味，我諗我這輩子都唔會再試。

いざかや即居酒屋的意思。居酒屋有別於酒館和菜館, 除提供酒精飲品外, 還供應日本特色菜色。居酒屋起源於五十年代的日本, 據記載, 早期為男士下班後飲酒聚腳之地。後期, 經過時代變遷, 這些提供酒菜的居酒屋亦開始受女士們菁睞, 開始慢慢成為我們常見的－居酒屋。現時, 大大小小的居酒屋不但遍佈全日本, 甚至遍佈全世界。香港作為亞洲美食之都, 當然不乏水準的居酒屋。今日為大家介紹其中的－浜滝。食肆選址港島區的天后, 由天后地鐵站步行大約三分鐘時間, 交通便利。作為一間居酒屋, 酒精飲品當然不能劃缺。大量罕見的日本酒悉心陳列於店內。裝修主要以日系為主, 感覺清閒舒適, 貫徹著居酒屋的風格。大熱人氣食品, 必屬即點即燒串燒以及啤酒為主。款式選擇繁多, 以迎合一眾食客不同口味。厚切豚肉 $28打頭陣先來的厚切豚肉。外皮、脂肪、豚肉分佈清晰, 油而不膩。入口鬆軟, 啖啖豚肉鮮味一湧而至。八爪魚骨串 $28 / 雞軟骨串 $16原隻八爪魚燒制, 塗上秘製醬汁, 惹味且有口感。雞軟骨連著點點雞肉一同燒制, 具咬口的同時亦充滿鮮味。自家制黑蒜豚骨拉麵 $88自家制黑蒜油, 香味不斷由散發出來。日式叉燒滲

好耐無去天后覓食喇朋友今次帶我去天后食日本野 《Hamataki》入面裝修好有日本居酒居既感覺好舒服😌 侍應都好熱情，店內音樂又唔會好大聲令人可以好放鬆禁係到食下野，傾下計佐酒炸長手蝦$48炸到脆卜卜，份量又多係等食物上既時候，最岩一路傾計一路飲下酒Orio生啤$50大板燒餅$88好多櫻花蝦既燒餅整得好好食，燒餅粉漿調教得好好，唔會太稀，配料充足，醬汁又唔會過多搶晒燒餅既味道花魚燒一夜干$88店長重特別介紹點解叫一夜干！一夜干意思係漁夫釣左條魚上黎，會吊起曬乾一日，之後就會入箱送比買家！燒得好香，而且魚肉好新魚！日本鰻魚串$38燒鰻魚真係好好食！好肥美，燒既時候加埋鰻魚醬 東菇串$18燒到乾晒水！勁香東菇味鰻魚石鍋飯$98衣個飯係因為食左個鰻魚串燒覺得好好味所以叫衣個鰻魚石鍋飯，真係好滿足鰻魚份量都有4-5舊飯粒係珍珠米，撈埋鰻魚醬用石鍋上又夠熱。真係好滿足

今日晏就去完銅鑼灣打波之後，有啲肚餓，就行過去天后食街搵食！行過見裝修幾靚幾舒服，今次試呢間日式餐廳啦！左面有一幅日本畫featured wall，啲燈都好有日本特色！Santory draft生啤冷豆腐有啲櫻花蝦鋪面，賣相靚之餘又增加口感。北海道半熟帆立貝，size方面夠大粒又juicy，肉質鮮美！日本芝士年糕，暖暖的，好香軟，又煙un煙un，好正！❤️江戶牛串，香！肉質吃得出是靚野！必叫！粟米燒得好香口！豚肉串夠肥美juicy!仲有拉麵，飯等，價錢相宜，下次可以又黎試過！

同friend去完銅鑼灣行街，我哋決定近近地去天后食好野，呢間日本嘢門面已經好搶眼，十足十日本設計，坐得夠闊落，都幾舒服。食咗近江牛串燒，肉味好濃，不過一串share真係唔夠喉。另外蟹腳拉麵湯底夠鮮味，賣相好得，有成隻溏心蛋，但唔算話一試難忘，不過原來個底有幾熱石一直保溫，咁細心值得一讚。再黎就係半熟吞拿魚，本身期望好高，點知出哂血水，感覺唔新鮮，反而無咩期望嘅大板燒都唔錯，柴魚片鋪滿哂個煎餅，每啖都食到材料係入面。雖然唔係樣樣都好好食，但作為同朋友黎傾下計食下嘢嘅地方，都算係唔錯。

喺銅鑼灣行街，夜晚黎天后搵食。俾個門面閃到，見到係食日本野，二話不說即入。入面裝修都好靚，以為自己去左日本。好多日本酒，又播埋日本電視節目，滿滿東瀛味。由於唔算好餓，三個人只係叫左四樣野。見到menu啲串燒幾吸引，就叫左串近江牛柳試下。雖然唔算好平，不過見係recommend，即管試下。真係唔錯，夾埋啲蔥食係幾香，牛味都好濃，幾啱我口味。Menu話北海道蟹場拉麵係推介，就叫一個黎試下。碗底加左舊熱石，令碗拉麵唔會咁快凍，第一次見。不過唔算好有用，因為碗麵都唔係好熱。飲左啖湯，好濃嘅蟹味，係幾鮮甜。最鍾意食溏芯蛋，次次食拉麵最鍾意見到佢。而蟹肉係鮮甜，都幾好食。大阪燒餅 - 唔係好知入面有咩食材，但咬一啖就feel到好足料同埋啲醬好夠味。食完都幾飽肚。半熟吞拿魚 - 壓軸登場，亦都係我最期待嘅美食。好香嘅黑椒味，配埋蔥，幾鮮味。口感唔同刺身，冇刺身咬落去一pat pat嘅感覺，反而有啲煙韌，幾獨特嘅味道。

今日去完銅鑼灣搵個friend食tea,之後去銀行整啲野，行陣街，跟住見時間尚早，黎個一個人的early dinner。入去環境舒適，對住個用不同客人畫嘅扇嘅featured wall,好cozy 好sweet ah!☺️入去冇耐見到疑似熟客仔日本人同佢啲朋友去左vip房，連日本人都係熟客，質素應該有保證！👍🏼另一面嘅特大日本風featured wall.menu有刺身、壽司、拉麵、串燒、飯、鍋物等等應有盡有！叫左杯柚子蜜暖暖胃三文魚刺身，夠鮮夠肥美！🤗生蠔有不同產地不同size選擇,呢隻雖然較小但鮮味十足！😋串燒分別叫左鰻魚同柚子雞串，同是水準之作！👍🏼

在港島區經常會選擇在銅鑼灣吃飯，很少會留意到在附近的天后原來有很多間餐廳，在電氣道裡有大大小小及種類不同的餐廳，而這間餐廳就比較吸引我。時間尚早所以餐廳裡沒有什麼人，店裡環境很舒適，有居酒屋的感覺，而且還有一台電視一直播放著日本頻道，感覺就像是去了日本。看了一會餐牌，店員會主動走上前介紹，有一些更是餐牌裡沒有的，我們當然就是吃那些😂平貝從來沒吃過，店員介紹說像是帆立貝似的，果然真的是很像，但是平貝吃起來比較鮮甜，而且口感比較爽。半熟吞拿魚吃起來很特別，咬起來像是牛肉的，但是吃進去又是吞拿魚的味道。朋友因為不吃蠔就只有我獨享，蠔的鮮味再配上明太子的咸味，十分美味👍🏻這是北海道蟹味噌拉麵，店員說拉麵的湯是自己熬製，而且裡面會有熱石去保持拉麵的溫度。湯果真非常濃郁，卻又不會太咸，配上日本半熟蛋及新鮮的蟹腳，真是一碗好的拉麵。最後還不太滿足就各點一串鰻魚及雞肉，下次再來可以會這樣配著啤酒吃，一定會很爽快。

朋友係日本菜狂熱人士～經常係香港周圍覓食好地道正宗既日本菜～～～今次有幸跟佢去食日本野～正啊～～佢帶左我黎呢間叫「浜滝‧地酒」的居酒屋～～～雖然係天后比較遠～但為左試下地道日本菜～～唔緊要啦～就係天后地鐵站一出黎～超級方便～呢間特色日本菜主打拉麵外，仲有好多日本地道佐酒小食～好多我都未見過～未食過啊～呢個係沖繩海葡萄～第一次食口感好特別～好似海藻的味道～但有d爽口～～～半熟吞拿魚-全晚期待呢個好耐！皆因我係吞拿魚愛好者～今次呢個半熟既口感真係第一次食！好軟，入口即溶～而且配搭蔥花～好出味～大阪燒餅～平時去大阪都試過，呢個同大阪既味道一樣甘出色～以為自己係日本～近江牛沙律～第一次食近江牛～原來係甘滑！而且好有咬勁！沙律上有溫泉蛋～可以撈埋成個沙律菜食～非常開胃～～～食日本菜點小得刺身呢～我地叫了三色刺身～有甜蝦、凡立貝同三文魚腩，全部都好新鮮好甜～叫左3串串燒～有金菠蘿～呢個時候再叫番杯日本high ball飲下真係好嘆啊～～～突然好想去日本了～下次再黎呢個過下口福～