浩記甜品館 (已結業)

呢個年頭仲有幾多間糖水鋪可淨係靠賣中式糖水可以維生??其他我唔知，但浩記一定係其中一間!合桃糊，杏仁糊，芝麻糊，腐竹雞蛋糖水，桑寄生蛋菜，佢賣既全部都係傳統野，好有懷舊味道。出邊既糖水鋪都係好似溝左水咁得個樣，但呢度不論杏仁糊，芝麻糊定係合桃糊都比出面既香，濃，滑，甜度適中。然佢都唔係磨出黎，係用粉(間中會食到粉粒)，但佢起碼用心整，盡量做返傳統味道!!至於買少見少既桑寄生蛋茶我唔夠膽試，但我朋友話唔錯，有興趣可以試下本人當主推合桃糊，杏仁糊，芝麻糊

其實想食薯條想左好多日，就係覺得一個人食好似會好肥咁，所以等埋男友收工就話買個薯條番屋企食，點知，條友仔話想食糖水，我話我陪你食你就要陪我食薯條架咁成交就去食糖水冇影佢嗰個我就食我好小食嘅冰糖木瓜雪耳，第一啖覺得淡，咁食埋個木瓜就覺得剛剛好，唔知係咪木瓜甜呢，反而覺得好balance，木瓜夠熟又夠淋，而且甜甜的，十分清新男友話食糯米卷，但我見到菜肉包又好似幾好咁，咁就叫左菜肉包同糯米卷原來糯米卷好食過菜肉包，菜肉包包好淋，冇乜肉感，而糯米卷就好煙un，只係包略淋左小小

中國飲食文化博大精深，炆燉煮炸烤焗調味樣樣講究，說到甜品，AW還是喜歡中式老店的糖水系列。寒冷的冬天晚上，看到fusion 甜品店大排長龍，反觀中式甜品店人流穿梭快捷，很易找到位子，非常符合香港人樣樣講求「快」的要求。中式甜品沒有賣相上的花巧，卻有口感上的層次。桂花薑汁芝麻湯圓，桂花清甜，薑汁暖胃驅寒，配上足料煙韌芝麻湯圓，甜而不膩，超讚! 至於紫米糖水，不是「結撻撻」的紫米露，加入粒粒西米，水份和用料的比例恰好，令口感更加幼滑，無得彈!紫米糖水，加入西米和椰汁，更加香滑紫米「鯰」身軟滑，跟水份配合恰到好處桂花味香濃的薑汁糖水，感受暖笠笠的冬天湯圓咬口一流，自家搓制，更覺窩心

很多人都愛即興，不用計算什麼，愛怎樣便怎樣。我自己就不是這樣的人，從沒試過走在街上，突然而來想食甜品，也是因為這麼即興，又會那麼巧合，路過甜品館便入坐，甜品都是一般，價錢也合照。******************路過甜品店，便想入去食甜品。看看價目表，有很多不同的中式糖水選擇的，價錢都在HKD17-20之間，都不算很貴。最後要了腐竹糖水，HKD17。因為從小便愛吃這糖水，對腐竹味道情有獨鍾，每次喝中式糖水，都要試腐竹糖水，因為做得好吃的腐竹糖水必須要香腐竹味。這間腐竹糖水，看上很多腐竹，只可惜入口不太香濃的腐竹，甜度適中，我沒有要加蛋，所以感覺一般。

好耐冇去過浩記食桑寄生蓮子蛋茶，桑寄生對孕婦非常好呢，有安胎效果。桑寄生本身有補肝腎，強筋骨，去風濕，養血安胎，降血壓，補關節無力腰酸骨痛，手腳冰冷。而今次去大約10點，一半坐左人，今次我地叫左桑寄生蓮子蛋茶，味道吾甜而且蓮子叫淋而有種清香甜味，桑寄生吾會太甜而吾苦，蛋都入左味好味道。蓮子份量不少，食完飽肚感都有。而佢腐竹糖水都煮得好棉好香腐竹味，怪不知咁多人都黎食這間懷舊小店。

蛋白燉鮮奶 $247/10浩記的蛋白燉鮮奶嫩滑無比, 與澳牛的不一樣, 內裏是糊狀質感, 甜度亦低很多, 特別在帶少許薑味, 只是奶味不夠香濃出眾, 是鮮奶選擇的問題, 可以做得更好。😔蛋白燉鮮奶, 暫時最推介的是九龍城地茂館甜品。😙此類街坊老店已愈來愈少, 值得支持。

本人為左呢間糖水鋪寫了人生第一個食評，唔係因為佢有幾好食而係因為間野既態度有幾咁差劣，本人order左一個燉蛋，食左2啖有酸味而同店員(應該係老闆)講，佢回應你呢碗係最後一碗(當時晚上9點半，真係咁好賣??)，咁即係點?冇得換點解唔可以選擇第2樣或退返佢先?我問過佢換其他，但呀叔扮晒聾咁繼續我行我素，$23我豪得起，亦為左要令廣大食客不要再浪費不必要既金錢我決定寫下呢個食評，連食品變壞都唔承擔，仲點做食肆呀？

第一次食，本身對呢種舊式糖水舖有信心，而且旺角大部分都係得d西式既甜品，如果食中式既糖水當然要黎呢種舊式糖水舖價錢適中食第一啖覺得好食，到第二啖一呑就覺得有d苦味，以為食錯，試多幾啖越食越苦，唔知係壞左定點，最後食淨半碗好飲，唔會淡茂茂，蓮子亦都好多好入味👍雖然杏仁糊個到唔知發生咩事，但仍然對佢其他糖水有興趣，可以再試多一次

4人行晚飯後，睇完5個小孩的校長去食個糖水先!上open rice睇下有咩推介啦!搵到間老字號糖水舖'浩記'!!!行到門口仲以為係買藥材的小舖(外圍睇以為鐵打舖過D門口比較舊)!環境比較細只得6，7張圓枱!入到去只得一枱客~死啦我心諗無咩人食0既，座低左無理由走嫁!睇下餐牌有咩甜品先!仲後我地叫左馬來喳咋，蓮子桑寄生蛋茶，生磨合桃糊 同 芒果西米露!個個食完都話正，我地又多個食糖水地方;樣樣都係傳統0既糖水~好有懷舊0既感覺!不過只有個芒果西米露中💀~西米一舊舊，事實証明傳統野緊係食熱野啦😂😂😂餐牌原來有餈飯叫，吹吹下水口痕諗住叫個黎試啦;點知話買曬……下次真係要試下個餈飯先得走時張張枱都座爆……仲有人係外面等位tin，事實証明我地帶旺左個場😂😂😂

當晚同朋友食完晚飯後就諗住食個糖水啦，諗起附近呢間中式糖水店就黎左幫襯喇我地一行六人，黎過呢到嘅朋友都知道呢間店空間唔多，當晚都係滿座嘅我地等左最埋面個張枱，但由於我地有六個人張枱太細唔夠坐，咁我地就移左張枱少少位，等個朋友可以涉入去啦點知個阿叔就話我地阻住個洗手間出入口，咁好啦我地轉去樓梯底個位啦其後我地叫左四碗糖水馬蹄砂，清甜，馬蹄爽口，再加上少許蛋花，食完飯飽飽滯滯食呢款糖水真係唔錯友人食燉蛋白，好香滑，不過內裡有啲散唔夠實，但味道係幾好嘅但一拎起匙羹個下有啲黏手，不過去得呢啲舊式店都冇乜所謂嘅食食下嘅時候阿叔又話我地阻住佢條路，之後佢就開始講XYZ我地啦，話我地叫得個幾個糖水。我地六個人叫四個都唔係少啦下嗎，食完飯食糖水邊食到咁多呀？食個糖水都要俾人&$*%&#…………  我地入席到食都唔夠十五分鐘，點叫阻住你做生意如果呢到有滿漢全席食我個刻就算飽都要叫呀，邊有人咁做生意㗎，唔想做嘅就唔好開門啦嗎之前我黎都係得兩位姨姨，佢地都好好禮貌俾呢個阿叔一次過破壞哂之前我對呢間店嘅好印象呀

在旺角中心看醫生前，想在附近找些輕食看到這家店，不只有糖水還有豆槳粢飯和我喜愛的粉果，我就是叫了這三樣東西，這兒的比渣甸坊好吃多了，油條是雙份的呢，米飯也很軟黏的，而豆漿很清甜，粉果的皮夠un度也有很多料有花生沙角和香蔥，下回還想一試他的桑寄生蛋茶^_^

同女仔朋友行街永遠都會因為無數種理由而錯過咗食正餐嘅時間, 食返個甜品醫下肚先, 講到健康緊係食中式糖水, 各種芝麻糊補眼睛頭髮 杏仁糊醫喉嚨, 桑寄生蓮子蛋茶補血女仔更加要食多啲, 由細到大婆婆媽咪都叫我多啲食  黎幫襯嘅客人源源不絕, 無機會影到一張全景haha裝修簡單, 都有啲七八十年代嘅感覺, 少少懷舊, 都係快啲開餐先 蓮子紅豆糖水$19紅豆同蓮子煲到啱啱化開, 好軟綿綿, 兩樣一齊食個口感同味道都特別啲, 唔會好甜, 始終中式甜品唔會落好多糖 杏仁芝麻糊$22好香好滑, 好细腻, 好似摸BB幼嫩嘅肌膚咁(參考某廣告, 哈哈)芝麻糊完全無渣粒係入面, 亦都唔會好"杰撻撻"咁, 又補又好食

專門走去旺角找尋地道的老香港美食，看到推薦這家的桑寄生蓮子蛋茶便來一試。果然味道很贊，且用料十足，一碗裏面除了一個蛋還有很多蓮子。湯水是紅糖薑湯味道，驅寒又補氣，雞蛋有點像滷蛋，味道入到蛋白裏面也是很不錯，蓮子夠軟吃起來比較容易。

貓爪子美食1) 桑寄生蓮子蛋茶2) 杏仁糊價錢HK$20/人貓爪子希望記下喜歡的香港食物晚飯食唔飽, 緊係要整返碗糖水! 而天氣開始漸涼, 乜乜冰乜乜雪糕已經開始吸引唔到我了! 反而今晚好好彩, 竟然係無search 過的情況下, 誤打誤撞搵到呢間隱世好味糖水店杏仁糊唔係人人鐘意, 而我自己就十分十分之喜歡! 但香濃杏仁糊絕對市面難求了, 呢碗杏仁糊一上台輕聞已經感覺到很濃郁, 入口糊狀厚身, 杏仁味很出非一般粉沖劑可比, 食落覺得有很足料很滋潤, 好像有美顏的效果哈哈桑寄生蓮子蛋茶 媽咪教落桑寄生蓮子蛋茶對女人好好, 有補身的效果. 呢D 女人野男朋友係第一次嚟試, 以男孩子的口味, 佢都覺得好易入口, 茶質濃, 蓮子鬆化, 而且去芯冇苦味, 咬開雞蛋, 蛋黃浮於蛋茶上, 味道更香更好味.夜一點回來買外賣的時候, 我發現甜品館更坐無虛席, 下次經過會再嚟試粢飯, 希望唔會失望

浩記甜品,主要係食舊式糖水既甜品鋪,入面非常細間,我一個人搭枱坐低點左個桑寄生蓮子蛋茶桑寄生係寄生植物有佢獨特既味,好難形容,我只能話煮到有陣十分輕微既藥材味,配合甜又新鮮既蓮子同一隻煲左好耐既蛋,感覺好補,可以一試