浩記甜品館 (已結業)

每天在外吃早餐的選擇大多不是港式的ABC便是粥品油器，不過很多時滬式的鹹漿粢飯亦是小弟的心頭好。自己一向的心水落腳之地除了有土記的"美華"以及"豆漿王阿媽"之外，旺角的"浩記"亦是不可不提的....晨咁早這店已有滬式早點賣。記得上次來食的鹹漿及坊間較少見的鴛鴦粢飯，今次重臨叫的，仍是這個組合....鹹漿的豆味及焦香沒有"美華"做的重；不過較優勝一點便是用匙羹仍是可掏到半固體，質地軟軟的豆腐渣。吃起來比起土記雙雄的水汪汪稀稀的是更能攫取小弟的歡心；但話說回頭，蝦皮的份量較小又卻令豆漿少了一份鮮；此外榨菜粒又卻是太多了，喝起來是真的有些偏鹹了....粢飯的size是像一個拳頭那樣大，吃一個是絕對能頂半邊胃。糯米略覺不夠軟熟，這一點與"美華"的就遠不能相比了；另外油條不脆偏淰亦是不好吃的致命傷；最大的賣點看來仍是那入口又鹹又甜的複雜味蕾感覺....總括而言，與小弟心目中完美的滬式早餐，水準好像還差一點點....

最近拿了相機去旺角修理，既然一場來到旺角，當然要找些吃的。旺角畢竟是美食天堂，晨早流流要找合意的早餐也不是太難的事。人在花園街在去熟食中心吃粥，和來浩記甜品館吃栥飯之間 選了後者。好像是因為以前在雜誌裏看到關於這家店的故事，所以忽然很想來支持一下。店子的門面看來有點殘舊，管不得那麼多了，進店就佔據了人們的桌子坐下。但見當時全店皆為操普通話之人士，算我孤陋寡聞吧，事實上這種情況在遊客區的食肆早已見怪不怪。其實我是想來吃桑寄生蛋茶的，但店裏的阿姐說糖水在下午才開始供應。於是改為點了鹹豆漿　($11)，還有一個齋栥飯 ($13) 來吃。阿姐見我點齋栥飯，便問我是否吃素，鹹豆漿要不要省去蝦米和蔥；反正我那天不是吃素，也就無所謂照下好了，不過阿姐又真是很細心的呢。可能我太久沒有吃過栥飯，見到阿姐包栥飯的神乎其技，不禁從心裏佩服起來。她快手而細心地包好栥飯，拿上手還是熱辣辣的。這裡的栥飯跟我在其他地方吃的有點不同，就是裏面的油炸鬼（油條）是呈「孖條」狀的，即是將一截油炸鬼分成兩截再用糯米飯包著成為了栥飯。平常其他店的栥飯裏面就只有一根油條。雖然沒有肉鬆，但還有榨菜，下得重手了些所以比較鹹，糯米飯也

oct 01, 12.............睇完煙花,大家都覺得口渴...........於是我又有私心咁叫友人們去到旺角食中式糖水..............hehe...........叫咗 :1) 桑寄生蓮子蛋茶 x 2 (@hk$18)-之前食飯...........友人曾話過呢間嘅桑寄生茶得..............所以為佢而嚟.............我當然要同西營盤嘅源x比較吓啦-桑寄生味香濃,又無"劫"味,甜度不高,勝過源x-蓮子都鬆化,只喺份量無源x咁多..............不過呢度嘅價$$$$又比源x平好多...........所以少d蓮子都合理-不過1咬開隻蛋,咁好明顯唔夠入味............呢點就源x高幾班-所以如果只想飲茶,呢間好d..........如果鍾意隻蛋............就要去番源x了2) 桑寄生蓮子茶 x 2 (@hk$15)-呢個只喺無隻蛋-意見如上3) 芒果涼粉 (hk$19)-之後我哋再+碼-好滿吓,友人話芒果好甜,而涼粉相信喺罐頭貨因無涼粉草味4) 桑寄生茶 (hk$15)-咁知點解好口渴...........所以叫

同內人行經呢一間甜品舖, 我同佢講我以前細個成日係花園街自修室都會黎食野,於是就兩個人入左黎啦以前成日溫書溫到攰又冇胃口就會黎食甜野燉奶同豆漿都係必叫既今次就同內人叫左 燉奶 同 內人中意既 馬蹄露燉奶一如以往奶味好重 非常之中意而且唔會好似出面既燉奶咁"林", 硬身D, 非常好馬蹄露都好好食, 好足料而且好清新唔會好滯其實黎返, 見到呢家舖仲係度真係好好價錢公道, 味道又好, 又傳統因為呢一D咁有歷史既中式甜品真係唔多嫁啦下次一定再黎! 一定要經常黎!

晚上在紅館看完林宥嘉concert...完場時已經11:45pm了...既然沒有巴士回家,決定跟飯伴搭的士落旺角轉小巴回家.在的士途中心思思想食糖水...哈哈於是就黎左呢間食喇!蛋白燉鮮奶 - 夠香滑, 食到香濃的奶味想吃湯丸, 可惜可能太夜了, 老闆娘說只得3粒, 冇得叫一碗, 最多只可以"加湯丸"。所以叫了芝麻糊加湯丸...正常加湯丸有2粒, 老闆娘比埋剩餘果粒我地, 哈哈太好人了! 芝麻糊加湯丸 - 又係好滑好濃芝麻味, 同埋好"傑"身, 証明好足料!!

叫了一碗桑寄生蓮子蛋茶作午餐, 入口不太甜且散發出淡淡的桑寄生香味, 但個人覺得如果可以濃一些就更加好, 而蓮子入口鬆化不苦, 可惜份量不多至於雞蛋, 色澤深, 不會煲得過實, 吃罷真有點意猶未盡, 還是再點了一個鹹栥飯, 材料都是一般的肉鬆和炸菜, 由於栥飯巳一早弄起而且放涼了一段時間, 入口微暖, 飯身偏乾且有點硬, 油條食落有d 硬又不夠脆, 味道一般

睇雜誌介紹, 話個度D豆漿自家日日新鮮制造, 於是就捉老公陪我去試, 我要一個咸豆漿, 咸栥飯(佢有甜架...我從未食過, 感覺怪怪咁), 咸豆漿料我覺得少左D, 炸菜有渣, 又唔夠咸, 蝦仔無咩味, 所以令個咸豆漿好平凡, 栥飯反而OK, 肉鬆香口, 但有一兩粒好硬...牙都痛(可能係本人問題)老公要左個熱豆花, 本來店員話無, 跟住仲話咁熱邊有人食熱...真係無禮貌...咁佢話無, 就諗住叫個粉果食啦, 叫完佢又話有碗熱懶懶, 問都唔問就放低...喂!你話無我叫左粉果啦, 咁算點呀, 無啦啦又叫多樣...好在...豆花同粉果都好食, 豆花夠滑...凍既通常就差得遠了...所以...呀姐...點解大熱天時仲要食熱嗜...咁都唔明...粉果D葛好香好好味, 後來仲再來一客添

晚餐唔飽，最好食宵夜　身在旺角，無愁冇餐開。。。　「乜記」臨立，又有「五xxx」等等，旺角幾錢呎租？佢，還可以屹立不倒！無理由唔俾面！ 　鎮店之寶，係桑寄生蛋茶，一睇蛋色，就知佢煲足時間，好飲冇澀！蓮子焾又唔會溶哂，仲可以粒粒咬 牆上尚有解釋桑寄生蛋茶出處及功能［如：改善神經衰弱］　HK$18　蛋白燉鮮奶，食咗滑滑，而且甜味適中 HK$17　薑汁湯丸，好薑好香 HK$15　oh my god, 仲有埋桂花　多一蚊可以有木瓜，梗係要木瓜燉雪耳。燉雪耳時間控制得宜，所以雪耳挺身，好有咬口。多咗萬壽果，皮光又肉滑 HK$19舖面細細，但客似雲來；希望下次可以試埋佢ge粢飯小食，聞說好出名！　舖面細細，都係叔叔掌舵，雖然冇五星級恭維的服務，但平實有禮，聽得舒服！很愛佢「本地風味」，中式甜品，林林總總超愛佢「實而不華」，平民裝修，衛生乾淨

今日好早食完晚飯, 又唔係咁飽, 就去左食糖水諗返起間中式糖水都唔係咁差就去左食八點幾去到兩個人都有位, 叫左個凍喳咋同楊支甘露凍喳咋好味, 好足料, 加埋大量既椰汁好正楊支甘露就麻麻地, 無出面既咁好味, 個芒果味好淡可能始終都係一間中式既糖水鋪, 西式既糖水水準無出面咁好

一早已從雜誌中知道這間位於旺角花園街的「浩記甜品館」除了有經典的中式甜品賣外，早市時段還供應在香港愈來愈少供應的上海早餐，不過就一直未有來試。近日又有雜誌報導它，見老婆仔和自己一樣都對它的上海早餐有興趣，於是便找了一天早上前往試試。這間「浩記甜品館」是典型的舊式甜品舖格局，由於店子在旺角區內已經開業二十多年，所以陳設佈置都流露著八九十年代的風味，最特別的則要算是店子近門口處的位置，辛勤的老闆娘不斷地舀豆漿、包粢飯和把包好的粢飯送到堂食和外賣的顧客手上。從雜誌中得知上海老闆娘和她的香港人丈夫兩人，每天凌晨 4時，便要在2樓的廚房開始磨豆漿、炸油條和蒸糯米，準備晨早供應的粢飯豆漿早餐，這份辛勤和毅力，實在值得佩服。而因為前來幫襯的客人都幾多的關係，所以雖然店內還有另一位中年女士幫忙招呼顧客，老闆娘仍是忙個不停呢！放眼望去，店內的客人幾乎全部都是吃粢飯，喝豆漿的，而我們兩人這次前來的原因，也是因為想試試這裡的粢飯和豆漿吧了，所以不用多想，我倆便叫來兩碗熱的「甜豆漿」、一個「鹹粢飯」和一個「鴛鴦粢飯」做早餐。其實這裡的「鹹豆漿」我是想試試的，不過始終還是覺得不太習慣鹹的豆漿的滋味，所以終於還是

見到食評人話佢地的桑寄生蓮子蛋茶. 蓮子入口即溶. 咁誇張. 去了去試.... 個間野個位置真係好唔起眼. 連個掛街上面的都勁細塊. 差多要行到店外才看到. 入到去, 很舊式的裝修. 只有三四張圓枱. 摺椅. 都有冷氣的. 用的碗子乃是景泰藍個款. 叫左一碗桑寄生茶. 一飲第一啖.就知足唔足料. 我氣管唔好. 平時都不停去其他甜品店/屋企自己煲. 食過無數次. 佢呢度係好足料. 好重桑寄生味道. \沒有落糖. 應該加入了蜜棗之類的. 平時我都要求走蓮子. 因為出面個d店. 都唔林. 實實硬硬咁. 佢呢度. 值得讚 我愛上它了連子入口即溶. 很綿~~~~~雞蛋好新鮮,. 不似過夜反煲的. 都比出面新牌的店較大碗. 飲完條氣管舒援了不少. ^^整体上價格17 差唔多啦. 我個人認為. \不過原來親戚有去過飲. 佢地話佢之前一兩個月賣開12 蚊. 咁聽落一加加左五元, 都算幾西利. 可能網上呢度的人同佢宣傳. 啦. 不過 現在你的價格17 就夠了. 我仍會再去飲~ 如果再加價. 我都唔會考慮. 反而佢其他舊式甜品又冇加到價喎. 都係12.13蚊下次有機會再試下別人讚過的粢飯. 先. ^^

浩記本身不用多介紹，旺角朋友由細食到大，味道始終能保持，價格亦相對廉宜，旺角鬧市，這類舊式風味，連「狗牙字告示」都有的老鋪越來越少，甜品店更是稀有，久不久就會「念你」，心癢癢又捧場。招牌糖水之一，桑寄生的味道夠甘香，但始終是大路貨，真價在於足料又鬆化的蓮子，配合桑寄生糖水，好！老派的蓮子腐竹雞蛋組合，腐竹多而較完整，蓮子鬆化，入口質感豐富，味道清甜！今時今日，旺角區十多元一碗糖水，老派而且足料，實在難能可貴，好難再苛求。

在上海找不到秶飯,便回來找,由上海人開的秶飯店。委派了人,替我買鴛鴦秶飯(半咸半甜),誰知委託人忘了「鴛鴦」二字,就給店員姐姐一句「秶飯係得一種」。那我晚上就是吃了這個,正正經經的咸秶飯喇。下午買,也是即即叫即造。回家蒸熱,誰知包飯手勢不夠實,蒸熱後如熱鍋上的螞蟻,米飯四散。唯有用筷子續啖吃。用了三種糯米混合做的秶飯,出來的飯果然甜甜地,肉鬆好吃,榨菜頗咸。如果可以,即場吃,會吃到油炸鬼是否脆。還有起碼是秶飯形狀。

原本想出差回港後才寫食評, 奈何出差的生活太苦悶, 太寂寞, 有必要調劑一下在國內打OR網址, 會自動redirect到國內版OR, 不能進入香港版, 食家們如果遇到同樣情況, 可以介紹一個方法給你去百度搜尋u1008, 下載, 解壓, 打開, 等連線成功之後, 就可以打OR網址如常進入香港版(u1008 亦可以幫你打通FB)話說回來, 出差那一天已經是10號, 想在出差前食一個好味的早餐於是選了這家的即做栥飯和凍豆漿好味的栥飯, 裡面的油條必須要新鮮, 即是脆, 亦不要太咸想食這家最好的栥飯, 最好在早上八時半前, 因為一定是即叫即做, 油條不會被蒸氣軟化凍豆漿 : 一般貨色咸栥飯 : 把膠袋打開, 肉鬆香味隨即湧出來, 外面的糯米7成熟, 軟硬度及黏度適中, 裡面炸菜的咸味被糯米和肉鬆的甜味中和, 一啖咬下去, 感受到油條的鬆脆, 這就是我走過四個路口, 都要到這家買早餐的原因不過, 幫襯了好幾年, 由$13買到現在$20, 開始令我有點卻步見到之前有位食家給了一個負評, 就是因為時間不對, 午飯時間當然找不到好的栥飯, 大家要留意喇

於某飲食雜誌見到極力推薦呢度o既粢飯, 大喜過望, 事關從未o係香港吃到滿意o既秶飯。 (以前廿幾年住在南加州, 好幾間台灣人開的鋪, 粢飯都做得不錯)。 對我來講, 好食0既粢飯, 飯要新鮮軟熟, 油條要脆, 加上肉鬆及榨菜要多。 可惜今次食到o既, 完全唔係呢回事。 首先, 無錯係即叫即做, 飯是暖暖的, 但超硬。 油條好似隔夜咁, 又軟又 UN, 用牙扯極扯唔開, 肉鬆和柱榨菜之份量就還可以。 之後叫了碗腐竹蓮子蛋糖水, 嘩! 全碗都係一塊一塊o既腐竹。我在家每逢煲腐竹, 白粥又好, 糖水又好, D 腐竹好快就溶晒, 成煲好似牛奶咁, 又點會一塊一塊咁就拿上檯?