海南小廚 (已搬遷) 新店位置

今晚媽媽太累不想煮飯，又是外出吃晚飯的時間，她說想吃湯麵，最後她眾多湯麵店中選了海南小廚，因為她想念這裡的皮蛋和手撕雞。手撕雞雞肉口感一如以往嫩滑細緻，而且雞肉毫不肥膩，亦吸滿醬料味道，故非常入味，反而墊底的芽菜沒有甚麼味道，可能是沒有調味的關係。如果以例牌來說，這手撕雞份量算是多。尖椒皮蛋絕對是開胃的冰涼前菜，皮蛋有著漂亮的蛋花，加上惹味的花椒辣油與尖椒，味道，口感層次都非常豐富。紅燒牛肉麵配豬耳則有點失望，雖然麵的軟硬度適中。可是紅燒牛肉肉質沒有燉煮得軟嫩，也沒有甚麼香料味道。豬耳更是不合格，皮與軟骨嚴重分離，豬皮部份爛而無味。湯底雖添加肉碎，豆瓣醬提味，可是都是淡淡的，最後媽媽要拌入辣醬吃才夠味。西洋菜蜜解喝非常，不會死甜，我與媽媽都很喜歡。

小妹周不時都會係新北江覓食，海南小廚係本人食堂之一，連我家大老闆都鐘意過來食。此店有不少街坊幫襯，晚上7點後往往爆場，即使外賣自取都有唔少客，唔想等位就真係要早少少。店內裝修有大陸食店風味，簡約並配以木紋枱櫈，食物價格以香港價來講，相宜。干煸四季豆，今次唔夠炸得唔夠乾身。之前做得比較好，有鹹香辣。手撕包菜，比較淡味，唔夠辣。辣子雞，半隻都好大碟，多肉。口水雞，例牌，普通。水煮牛，中辣，內有薯粉木耳大豆芽，好好好味手撕雞，唔辣嘅，小朋友都岩食重點推介，中辣水煮魚，我地點無骨魚，魚片好滑，薯粉索埋啲湯，超正。呢個商場唔夠冷氣，食到滿頭大汗，爽。

12點食早餐唔應該叫早餐川菜的餐廳叫車仔麵食28蚊三樣送，飲品加5蚊上次來食細細碗，而家就大大碗麵以前太少不夠食，現在太多吃剩了豬腸好入味但乾了豬腩肉好飲韓燒既咁一片剪開幾片，同樣入味。豬紅夠滑，入味湯底太油，偏嚴重。整體：味精重左少少，油左，味道不錯，底食

海南小廚算係新北江一間比較大既川菜食店，而且小菜選擇都幾多，岩哂我地一家幾口好食。水煮魚又幾好食，雖然多辣椒但係又唔會辣都麻👍魚夠嫩口多肉，但魚骨多左少少😐薯粉，木耳吸哂啲辣湯，非常惹味，我自己飲左三碗湯連薯粉食，好鬼正。不過屋企得我一個咁飲法🙊我地一致覺得海南小廚蒜泥白肉係附近多間川菜中整得最好，啲蒜蓉經過油炸處理變得香口，唔似一般用生蒜整。36蚊有咁大碟，譚仔都食唔到呢個份量。不過如果啲腩肉切得薄啲，用辣油浸耐啲可以滲透得徹底啲辣味。對於我黎講冇咩難度既口水雞😂好快比我地瓜分哂碟雞，雞唔太辣，而且肉嫩。海蜇青瓜如調味濃番啲就好。

致新界西北朋友：其實天水圍真係一個卧虎藏龍既地方 有好多好野食！天水圍新北江平民美食集中地 惹味川菜麻辣手撕雞$38 豬耳撈薯粉$33雞絲粉皮$36😂價錢平 份量足 絕對要一試啊😂.琴晚大胃D偽文青又去左天水圍搵好野食👻小店小店！當然要去我們最愛的平民美食集中地-新北江覓食啦😆今次要介紹既係 海南小廚川菜😱 *陸續有黎 天水圍平價美食 吃貨敬請密切留意！😈.雞絲粉皮 $36 必食👍係大胃D鐘意既辣度😘粉皮食落微暖 青瓜爽!雞絲好入味 份量唔少嘢 .手撕雞$38（少辣）底部雖然有好多芽菜 但同雞絲既份量係一比一 偽文青最愛手撕雞 麻麻辣辣的感覺 😋.豬耳撈粗薯粉$30+$3（轉薯粉）份量超...多..有豆角 花生 等等配料 薯粉無淥到淋patpat 軟硬適中👍.依3樣我地都係叫小辣 但3個既辣度都唔同😂粉皮先係小辣 其他係bb辣建議如果2個女仔叫一個薯粉share 加個涼拌小食就bellbell👍

獨自一個人去食午餐，呢一間係食川菜既。獨食嘅午餐就係一碗手撕雞撈米線，加一個凍檸茶少甜。雖然一個獨食嘅午餐，但係個款一啲都唔獨喎，因為佢食個份量都幾多，同埋個款好似排到好多款送咁。配料有豬肉平，酸豆角，芽菜，雞，花生。雖然係無湯，但好夠味，因為病病地，所以叫左佢少油，果然油份真不多，而且叫左不辛辣。但我諗辛辣應該會更加好味，而檸茶不會太少檸檬，都算大杯。埋單35蚊，有下次

屋村類型嘅商場搵食，一間冇咩裝修，陳列比較簡單，本身係食四川風味嘅餐廳。我選擇左食車仔麵，三個餸＄28，加多＄5仲有凍飲，埋單＄33。對於天水圍區，食個早餐都要呢個價錢。所以＄33食到一個午餐，係抵嘅！三個餸當中，我選擇咗豬紅，豬腸，川椒腩肉，配油麵。份量適中，剛剛食得晒，食完又唔會覺得非常唔夠嘅感覺。豬紅係有少少咬口，豬腸唔係好林係比較爽嘅質地，幾好。而腩肉既肉質比較遜色，比較硬身。

今日試呢間，見不止一個店鋪，自己行左去無咩人個邊，但無咩人又真係無人到無人理所以自己走去主店找伙記點野好啦，點了一個手撕雞撈米線，加凍檸茶走甜凍檸茶來到後，一飲後真係好想大嘩出來，係多甜........好彩，伙記換返俾我，不過等左好耐米線個碗好大，所以影到好似好少野食，其實係夠食既，幾好味wor,個樣似冷麵，實際都係熱既，花生好香口，豆魚好好味，雞絲果然無骨如果只講呢碗野既味道簡直一流不過杯無甜檸茶又真係要講下，茶底似咖啡多過茶，完全OVER曬，好彩未係苦，不過真係大大扣除分總結，只食不飲就perfect了

下午茶時間，在天水圍呢個好多人既商場，雖然有好多餐廳，但都係有好多人呢個小小既商場仔點解會甘多人既呢？間間餐廳都暴滿，乜生意原來甘好做？！行來行去，搵間人少D既餐廳終於見到，一個角落頭，見人不多，就入去試下啦叫左呢碗手撕雞撈粉加凍檸茶，由於本身不覺肚餓，膽粗粗叫少粉點知，所謂既少粉都不少呀，剛剛好食得曬，咪做大side鬼嘛真係係雞骨既，雞肉無生，也不會太老，又幾好味BOR，大中小辣隨便選擇，因為呢間似四川菜，為免食唔到，我挑了小小辣配料有芽菜，花生，酸豆角，都幾野味，凍檸茶還可以加埋曬32蚊，算是合理價格，會再encore! 

呢間在商場巷仔的海南小廚人很多我等了5分鐘左右，一坐下點了3餸車仔麵先飲一口湯，味道同平時食的有些分別，卻說不出當中的分別，應該是當中的香料吧麵的份量算不少，但餸偏少，每個餸有2件／粒／片左右對女性來講剛剛好夠飽湯底幾好味的原因，一整碗食曬，配上凍檸茶，27蚊埋單商場抽風問題，吃飽離開後全身也殘留油煙味

做完運動去補充體力一間商場內巷仔既小店,好多人,今天自己一人, 易搵位就食下啦手撕雞撈粉, 點了少辣粉其實係米線撈埋一齊先食, 有蔥,花生等份量剛剛好,好野味, 好彩少辣其實真係唔多辣好好味, 油左D, 好多香料既味道, 如果有皮膚敏感真係唔好一次過食曬因為唔知香料有D咩但真係好野味雞絲份量都唔少, 但一碗野28蚊好抵食加埋飲品32蚊埋單

路過巷仔, 見到D人食得咁好味我又即管試試外貌不揚, 沒有裝修的小台23蚊3送1麵, 加5蚊凍檸茶湯底好味精, 但又覺得味精中有D特別,送既份量好少, 送已在麵面見曬, 豬紅幾點, 豬腸一舊, 川椒腩肉已變絲有3條23蚊係咁上下既, 凍檸茶明明叫小甜,來到大叫小冰, 我同佢講係要小甜,佢又話係呀小甜來架結果... 甜到爆,冰就溶曬... 算啦, 廿幾蚊唔好咁多要求, 所以就咁叫佢加返D冰俾我就算埋單28蚊, 算係合理既質素, 見佢好多不同食物,下次再試其他