海天小館 (已結業)

有時就係比一樣嘢縛倒你成日幫襯，就係佢十點半前有幸食倒嘅蒸飯，點解咁講 😅雖然佢點心紙係寫住食到十一點，但好多時十點半都唔會有得食，試過十點三都已話無 😈 佢個蒸飯好食在d米唔係索飽水去蒸，感覺係鑑生蒸 😂😂😂 所以好有口感，超乾身，勁正 👍👍 個腸粉豉油都做得好好，個馬拉糕就差d，唔鬆軟，獨立一個蒸出嚟，傔唔香 👎其他點心都正常，但有一樣就相信好多寫佢呢間小館嘅食評都有提到，佢有部分嘅伙計態度好麻麻 😎 個冷氣都唔掂，好似無冷氣咁，講真凍可以著衫，熱無得剝皮，希望佢個冷氣改善吓

父親節的節目少不了晨早搵位飲茶，老豆之前已經成日講呢間嘅點心係比同區嘅其他酒樓好食，甘就當然冇理由唔早d去搵位啦。的確佢位唔多，（仲有就係d呀姐會留檯俾熟客🙈），但我甘神心早起就當然有位啦😎😎😎係menu 見到好耐冇見嘅灌湯餃，點都要俾個✔️佢啦！上檯個樣都幾靚仔，夠晒大隻，味道都算唔錯，不過實際嘅料就唔算好多🥟反而佢嘅蒸點真心覺得好，因為唔會好似其他酒樓長蒸/重複蒸，大家知啦，如果個蝦餃over蒸，個皮就唔會通透，仲會「林」晒發脹🙈佢個酥皮叉燒包雖然都好好食，但我好掛住叉燒餐包呀🙈

母親節前一個星期，所以預早訂了位食飯，之前已來過，覺得價錢好合理，味道亦不錯，只是環境差少少 一口骨- 細細嚿好易入口 ,味道稍為鹹咗少少 黑松露炒帶子-好香黑松露味，味道適中 西芹炒蝦仁 -正常嘢 糖醋魚塊-炸粉不厚，香口，好食 了醬雞- 味道很重 ,鹹了點 啫啫通菜煲-味道適中,好食 瑤柱蛋白炒飯-炒得好乾身,好好味總括來說，價錢公道，味道不錯，份量都ok，不會太細碟 ， 服務都可以 ，上菜好快，只係门口環境比較舊一點, 都值得去再試！

{食物滿分}屋企人喜歡海天的食物，廚房出品用心，好食眾所周知。{接線職員及支客職員垃圾}接線支客職員態度氣焰極大，無論你打去態度如何有禮貌，說話已經幾清晰，對方都會以極差態度及遊花園。試過打電話訂座，接線櫃檯職員態度極差，口音廣東話但講野好快，亦無耐性同你講原因。旺季提早成功訂座，訂座當日太早未有菜單，但及至預約前一日都未有，致電查詢，接線職員一樣態度差，亦以「你到時黎現場睇」敷衍，難道顧客對幾千蚊一圍飯局食物菜式都無任何知情權？見過佢地出面排長龍，都會留檯俾熟客。或者呢套好過時，不過呢間酒樓就仲好岩用。甘多年態度都甘差既職員到而家都做緊，經理究竟係包庇，定係客人縱容出甘既運作同服務態度，真不得而知。顧客角度，良好既預約方式及良好溝通係必須，否則不過是浪費廚房良好既出品。

訂左檯打算15/2食團年飯，之前係度食過晚飯覺得小菜都唔錯，先至提前訂檯，由於唔夠一圍，所以臨去食之前先打個電話問下有無咩套餐菜式， 唔使去到先慢慢睇咁曬時間， 我都係想食好D， 所以睇定有咩選擇，結果個電話阿姐同我講唔得閒wor，叫我當晚去先選擇wor⋯⋯OKOK，無下次， 都痴痴地線，你話遲小小fax俾我都好啊，竟然叫個客去到先選，我使乜你教我？ 去到先發現無野啱食咁點！？ 大節日先問你遮！都唔知係咪做生意架

台灣朋友到訪指定要吃海天小館，我才驚訝原來這店的名氣之大。蝦棒味道不錯，整條春卷裡面也是蝦魚肉煎茄子茄肉飽滿，魚肉也厚身，醬汁甜甜的，比其他店的更真材實料燒賣台灣朋友說燒賣還是香港的做得最好薑蔥生蠔台灣朋友說上次吃過好吃再點的，份量不多，但每隻蠔也很肥美。用煲上，上枱時還在熱燙中叉燒包蝦餃看相片也知道皮薄，餡滿XO醬炒腸粉炒得香口，不油膩還點了猴頭菇雞腳湯

等位時問人搭唔搭枱最後入到去就話冇得搭枱咁都算數啦仲要比個位係要不斷讓路茶都未開就要起身多次比佢哋行最好笑係有枱都唔俾人坐浪費左整整半個小時等位不知所謂的服務態度帶位嗰啲服務勁差

媽媽生日，因為想試下其實酒樓，見前日小學飯局食過呢度，覺得可以來食多次，因為我好欣賞芝士焗龍蝦伊麵和蒸生斑，所以提議來呢度食。來到爸就話無人幫襯，又貴，覺得好似地方寒酸咁，下次做生日唔好再揀呢啲餐館，搞到我無mood囉😓同上次一樣，叫左焗芝士龍蝦伊麵、蒸生斑、冬菇鵝掌、娃娃菜煲，但飲第2款湯-木瓜豬湯。龍蝦伊麵堅正，大嫂都讚，生斑相對上次食細啲啲，都是幾新鮮，肉質實得來都唔會好硬，但我地少個人就好努力先食哂。個木瓜豬湯都幾甜，幾好飲吖~埋單都真的貴過平時食開的酒樓，所以同家人食就唔會再來呢度啦，同埋其實選擇唔太多，可以話啱我地口味嘅野唔多~

又來小學同學生日了，建議想食大排檔，主角就話不如食呢間，同大排檔價錢差唔多，但舒服好多又乾淨些，於是約好8點係度開餐~係地下門口唔知點上來，原來有lift搭2層的，入到門口見到唔多人，茶樓來講個場一定唔係大，隔離是雀館。個魚缸都唔大，唔多海鮮的，6人比左張大枱，可以有位放袋。主角拍板，叫左芝士焗龍蝦伊麵、冬菇炆鵝掌、花膠蟲草花瘦肉（定豬）湯、菠蘿咕嚕肉、蒸生斑、娃娃菜煲。龍蝦伊麵係我食過最好食的，上面好多芝士仲有粒粒，好濃芝士汁，龍蝦又彈牙，唔怕肥就真的好想食多2碗！原本要豬肺湯，點知等齊人叫上時話無哂，得返花膠蟲草花豬肉湯，其實都好嘅，滋潤下都幾好飲，而且我都驚外面嘅豬肺無洗得咁乾淨來煲。咕嚕肉就嫌肥膏多過肉，一件起就唔想再食，鍾意咕嚕汁都驚太肥，呢度嘅汁都校得唔錯，酸甜度都中中地，不會過酸。娃娃菜甜，我鍾意食呢類菜煲，唔會好鹹，食到多啲菜，感覺健康啲嘛！冬菇鵝掌都好一般，菇無乜菇味，其實都無得要求咁多鵝掌炆得幾腍，都不錯啦！最驚喜係條大生斑，好大條，肉就一定會實少少，但都幾鮮，感覺好抵呢！食飽飽，仲有糖水送，係綠豆沙，好耐無食過，有少少陳皮，但味唔出，我唔太喜歡煲過嘅陳皮味，所以

這間位於元朗又新街B仔糖水隔離的樓上鋪，原先是在又新街的海天酒樓，現在改名叫海天小館，由於位置處於一棟舊式商業樓宇的樓上，外型看並不起眼，但食物質素相當不錯，平時假日中午飲茶時段幾乎座無虛席，晚市的小菜更是美味可口，菜式雖然不多，但是味道很入味，尤其是他的話梅豬手，家常回鍋肉等均十分好味，晚飯完後還有糖水送上，真是很棒！

今晚一家人來到海天小館晚飯，因為朋友帶我去飲茶，說是全元朗飲茶最好味的，果然不是說笑！非常認同朋友的話。於是來到試試晚飯，只能說是真的很好味！別的不多說了，自己去試

工作中晚餐，一行9人到呢間樓上小廚，客𨋢大堂好殘舊好窄，入內好開揚，酒樓格局，裝修幾清簡，地方乾淨！店員都係酒樓侍應嘅制服，唔係街坊小廚咁不修邊幅！坐低開茶叫餸！店員有禮！食物陸續到！黃豆涼瓜豬肚煲（$65）砂煲盛載豬肚炆得淋身！苦瓜我唔食，不過啖湯濃厚唔算苦，易入口！海皇冬瓜盅（$68）店員分好小碗比我哋，冬瓜入味，好像海綿索晒啲湯，瓜肉爽口，配料多，蔬菜梗爽脆，蝦肉爽口！好味姬松茸醬爆蝦球（$78）辣辣地惹味！蝦球大隻爽口，西芹爽脆，菇菌淋身爽口！味道好夾好味道子薑百靈菰炒牛柳（$78）子薑酸味解膩，百靈菰莖部比較韌，有𡁻口！牛柳淋身醃得入味，好味！家常回鍋肉（$75）面頭全部大蒜，得無食，回鍋肉肥美淋身，醬汁微辣，惹味香口！客家佬豆腐（$65）砂鍋上，湯頭熱辣辣，豆腐滑，魚肉餅煎過彈牙，加上黃豆同唐芹，好味！糖醋班塊（$78）魚塊煎過，外脆內軟，魚肉唔腥，醬汁酸甜開胃！加上五柳絲爽口酸甜，好味！地度梅菜扣肉（$85）呢個係碟上，鹹香梅菜墊底，所以視覺上只見肉片，五花腩肉肥美，醬汁濃香好味！撈飯一流！免費糖水-綠豆沙：好多海帶及臭草，綠豆煲得淋身，唔會過甜，下火好味！食物唔錯，店員

香港人壓力真的很大, 久不久放假輕鬆一下都很不錯。今天放假會到元朗逛一逛, 逛街之前先歎一歎茶。之前亦到曾到此食店歎過茶, 知道午市特價㸃心一律$18.8 逢一至五 上午11.00~下午2.00, 另外午市特價粉、麵、飯 , 價錢由$65至$85, 特價㸃心和粉麵飯, 價錢十分優惠且份量與正價相同。星期一至六 茶茗$6/位, 星期日及公衆假期 茶茗$8/位。午市粉麵飯由$78~$88, 煲仔飯$48, 上午11:00至下午4:00供應。先㸃選了一壺壽眉, 清香味甘, 沒有苦澀味, 加水多次都没有變淡。我們當然㸃選了特價㸃心和特價焗飯:陳皮牛肉腸($18.8): 腸粉皮薄幼滑, 牛肉肉質嫩腍，加了陳皮粒和芫荽粒更覺清香, 但豉油味道略淡。帶子菜苗餃($18.8): 外皮非常薄, 可清楚看到裡面的饀料, 晶瑩剔透, 餡料有蝦肉, 帶子, 豆苗, 蝦肉爽口, 帶子鮮甜, 豆苗爽甜, 由於皮薄略嫌包裹不夠扎實。酥皮叉燒包($18.8): 包面黃色那層味道像"墨西哥包”的味道,  包質感軟棉棉且仍然微暖, 叉燒肉質嫩腍配與特製的醬汁, 真是絕配。芝士長春卷($18.8): 外皮香脆, 蝦肉鮮甜爽

元朗酒樓十分多，要數邊間好食，呢間海天小館無第一都第二。每次同家人聚餐飲茶，都必去呢度。價錢可能貴咗少少，但坐得舒服，唔太嘈，啱傾計。鳳爪排骨飯:用瓦煲盛滿粒粒分明嘅白飯、排骨同鳳爪，一打開個蓋，就聞到排骨油香。略加點豉油，撈勻啲豬油飯，十分滿足嘅簡單食法。加上啲排骨唔膻又夠實凈，美味感提升！鮮竹卷:以前佢嘅鮮竹卷好食啲，會三條切開六粒，完整地浸落啲湯度。啖啖豬肉、菜被鮮竹卷包住，再浸滿鮮湯。而家就咁三條放晒落啲湯度，好似普通酒樓咁。幸好，都係放落啲湯度，而唔係杰達達嘅汁。飽魚片燒賣:一塊素鮑魚片放上燒賣上面，燒賣當堂變得矜貴咗。喜歡食到最尾先食個素鮑魚片。燒賣本身都好好食，豬肉夠實凈無乜豬肉，肉汁都有啲！炸鮮蝦雲吞:好耐無食呢個炸雲吞，呢度唔點甜酸醬，而係有沙律醬同罐頭生果喺雲吞上面，都醒胃嘅！椰汁紅豆糕:椰汁味夠，紅豆都夠腍，夾起唔會好易散，涼浸浸好消暑！