海寶漁港 (石蔭路) (已結業)

今日2點15左右落街同媽咪兩個人打算撐枱腳去飲茶 媽咪話海寶好食 想去食 點知去到冇人招呼不突止 仲比人無視 無論有冇著黑衫西裝外套個啲都係 見到我地揮手咁耐都唔應 對視都係咁話 想搵人幫手執枱都冇人 有個黑西裝嘅員工仲要係我地面前就咁拎走左壺茶走就算 全程冇答過我地一句 仲要之後去左其他枱接單 完全無視 其他送餐個啲員工又係 離遠企係度望到我地 對左眼 見到我地揮手 都扮唔知 盲左咁 真心我同媽咪都嬲左 之後果斷走 走個陣係2點22分左右

熟客唔使排隊㗎 垃圾 武漢肺炎冶到你 抵你冇生意 熟客可以打尖 依家咁嘅時勢唔去做好自己想搵人食就有鬼啦 你啲所謂熟客其實咪又係冇錢嘅亞毛 嗰啲咁嘅着黑衫女高層為咗過年果封利是就比熟客打尖 正乞兒 唔怪得你着黑衫 老殘廢

年初四，屋企人諗住搵個地方聚下食晚飯，唔想去咁遠，就試一試呢間住左係附近咁耐都未試過既酒樓，。室內環境及燈光都通明，伙計態度不是很熱誠，但招待都很好。因為人數多唔想諗食咩，今日就試左呢個套餐＜龍鳳呈祥宴＞，全包宴，11個餸包酒水茶介加一，$3288元。以區內計，食物質素不算差可接受。

適逢老公也放假，他說很久沒去酒樓飲茶了，二話不就，換好衣服，我便拉我老公出門，到了附近的「海寶漁港」酒樓吃早茶。附近很多街坊也會到此酒樓飲茶，我們到達酒樓時已10時半，近乎座無虛席，差點要搭枱呢。兩口子點了牛柏葉，芋頭卷，鳳瓜排骨飯，鮮蝦腸粉，臘味蘿蔔糕。想提一提，原來它那個臘味蘿蔔糕是「蒸」的，老公前後說了三次為何是「蒸」的？！我笑說，即管試一試蒸蘿蔔糕。「咦，又相當不錯」這個蒸蘿蔔糕不會很重粉味呢，反而吃到大量蘿蔔，很足料，原來蒸也好吃。最想推介的是牛柏業，我每次到這間酒樓必點的點心之一，份量超級大，牛柏葉多到滿瀉，牛柏葉蒸得很軟身，不會太難咀嚼，而且它味道剛好，連同薑絲吃，真的很滋味！今天早餐盛惠103元。

位於石蔭, 一個比較多老年人的社區. 這間茶樓個人覺得是狂這區比較好的茶樓.首先他的環境舒適, 燈火比較通明. 衛生程度是這局做得比較好的一間. 而且價錢合理, 商場裡那一間價錢貴得不合理.而食物方面, 我覺得是中上的質素. 比起某連鎖集團 X香好吃得多. 

屋企人生日，就諗住簡簡單單落樓下食個飯。依間茶樓搞緊晚市優惠，叫夠$200就可以用半價叫一個指定菜式。晚市黎講，依間茶樓都幾多人。岩岩佢又裝修完，環境靚曬。黃金蝦球粉絲煲姐係咸蛋黃炸蝦同粉絲，蝦球炸得鬆軟，蝦好大隻，食到淡淡既咸蛋黃味。粉絲就太油了，食到成口都係油花膠豆腐雞粒煲豆腐嫩滑，花膠入味，大大件。雞粒就好少，都係冬茹多。依個菜用黎送飯一流。田園是蔬依個就係我講半價既指定菜式，除左依個仲有幾個吾同既選擇。清清地，因為另兩個菜都太重口味，要食翻啲菜。最後埋單300多元，都幾抵。

次次飲茶都會叫嘅邪惡嘢食😛😛1️⃣炸魷魚鬚份量唔少，四個人每人都至少食到三、四條！🦑而且會好大條，又長，外面香脆，裏面彈牙！😋🥰外面仲灑左一層脆脆同椒鹽，更加䶢香可口。雖然熱辣辣，但係唔使三分鐘就清曬🤤🤤🤤2️⃣椒鹽豆腐，表面脆卜卜、炸到金黃金黃，裏面豆腐嫩滑、豆香味濃，好味道🥰🥰3️⃣鵪鶉蛋燒賣，唔錯，肉味正常，粒鵪鶉蛋都幾大粒。😋4️⃣叉燒腸粉就差啲啦，佢嘅腸粉比較腍同散，容易爛，唔夠爽滑，而d叉燒都比較老，唔會好juicy5️⃣ XO醬蘿蔔糕，正正常常，唔會話特別好食。6️⃣碟生菜🥬都新鮮。7️⃣仲叫咗馬拉糕，唔會太甜，正常味道。

呢間酒樓係區內出晒名不能入口。負評多不星數。但今晚見到個易拉架吸引住。不坊試試。老豆講「好食要試。不好食都要試」食左大條道理講出來。全套餐都係三百蚊有龍蝦有雞有菜。生果。糖水。首先龍蝦不算出眾.但未到入不到口都的層面...個菜真係幾好食手。最估不到係碟雞.仲熱仲好脆。唔係放係廚房好耐個味道。咁既價錢算不錯

去石蔭食飯可以試下呢間茶樓，無論係點心或小菜都好搣食。 價格平民份量都不少。上菜速度快，鍋氣都夠。多款小菜可供挑選。美中不足係佢環境唔夠光鮮，好街坊。但以呢個價錢絕對物超所值。

星期一晚 同家人到上址食飯，叫左個龍躉食，點知黎左成碟都係魚頭骨，叫左個人黎問下係發生咩事，個侍應拎左入廚房，轉個頭個經理拎返同一碟骨出黎問黎反我地咩事，我地話點解龍躉得碟骨？佢話：碟碟都係咁架啦（俾我既感覺就好差，即係話佢地係咁樣，換個碟都係骨黎）然後放低左碟骨就走左人，無奈下大家就望住碟骨唔想浪費食物，唯有點都食d冇服務，態度差！食食下先記得影相🤷🏻‍♀️🤷🏻‍♀️🤷🏻‍♀️呢碟就係「龍躉」

前幾天幾個人去食晚飯，跟員工拿張濕紙巾抹手食壽包，員工竟説不吃龍蝦抺什麼手，跟著只丟下一張就走了，真是O咀。 現在還有這種態度的員工在前線工作，這店的管理真的是..............

很少在海寶漁港吃晚餐,5點半已在等待6點後的晚餐,由於時間尚早,全場僅有食客三枱,我最喜歡在"時間尚早"時段吃飯,因為可以靜靜地吃晚飯,就像包場一樣,想一想,同樣的價錢卻能享受包場的環境,何樂而不為。看一看餐牌,並沒有甚麼想點,又不想吃回平時常吃的小菜,今晚覺得口腔有點悶,於是索性給女人話事。正所謂:唔知食乜好,女人話晒事(唔押韻既?無錯,今次我就係鐘意佢唔押韻)。女人說想點一份開邊蒜蓉蝦及生菜冬菇鵝掌,我點了點頭,不帶走一片雲彩,卻掉下一條頭髮,當她點了之後,我才說其實不太喜歡吃鵝掌,給我吹漲了吧。等你等到鳥兒也謝了,半小時後,終於迎來人生的第一碟開邊蒜蓉蝦(可能我吃過也不一定,但我喜歡當它是第一次,也是一件挺令人開心的事)。這碟菜最大的好處就是幫我開邊,因為我懶得剝蝦,通常我女人幫我剝,如果無女人在身邊,我就索性不剝,就算是白灼蝦,也原隻用口剝,以免沾污我的纖纖玉手。(當然，用口剝蝦也是一種吃法，因為將灼蝦的水份味道也能品嘗到)。再來一砌生菜冬茹鵝掌,先吃鵝掌,鵝掌十分大,同我的手掌差不多，吃東西有時加點想像力會更正,於是我想像我在吃一隻正在走動鵝,口感就fit晒。通常新年或甚一些

放假同媽咪去飲茶，兩個人唔識得好多所以見到點心紙上有點心套餐，一共有四件分別係山竹牛肉球兩件金粟菜苗餃兩件，香茜素翅餃兩件，薑汁糕兩件，價錢只係$26.9 非常扺。另外叫咗個芝士蝦春卷同埋芝麻煎堆仔。素翅餃味道OK，皮薄。另外既金粟菜苗餃味道都幾甜，不過略嫌水晶皮厚左小小。驅寒薑汁糕口感不錯，如果再硬番小小，口感會更好。芝麻煎堆仔 芝麻好多，但吾算太濃味。芝士蝦春卷 試下新口味，芝士味唔算好濃，都係原味好食D 🤣

Family Sunday , 叫埋男朋友一齊同我family day 🤣晚飯落左樓下酒樓食圍餐，套餐名叫 「開心、快樂全包宴」。$19xx有一圍，$10xx半圍。我地叫左一圍，共12餸。乳豬食到一半先醒起要影相🤣 皮脆，瘦豬仔👍🏻一家人都讚。上湯龍蝦伊麵底。呢間份量一向足料，味道偏淡，如果再濃d就好。沙律鍋貼鳯尾蝦底係牛油炸多士，香口，但可以上枱時凍左小小。入口微温下顯得有小小油膩。雙蚌片，呢個好食！蚌片好爽口，味道適中。紅燒花膠雞絲翅，尚可。炸子雞，熱辣辣，皮未係好脆，但雞肉滑身。清蒸沙巴龍躉斑-份量好足，魚甘大條易蒸到老哂，但呢肉質幾甜幾滑 ，僅僅熟！瑤柱蛋白炒飯 飯好乾身👍🏻味道尚可甜品係糖水&生果盤。總括係好抵食！一家人落街食飯之選。11人食，每人平均都係$180。

為什麼相片注明我會將清蒸長腳蟹，寫成清（蒸），因為店家不是用蒸的！烚蟹無問題，但烚到蟹味都走得7788，過份左囉。長腳蟹以蟹肉多，肉身鮮味聞名！過份說一句，比俄羅斯嘅急凍貨仲差....。因為呢間店賣的長腳蟹，預訂價十蚊一兩，又近屋企，所以我應該會比多一次機會呢間店，下次一定講清楚我要清蒸唔要烚！第二味差的食物係銀芽桂花炒瑤柱，大家睇相都應該睇到咩問題。我食到嘅係金菇炒蛋！老婆仔唔like，唯有搵部長問下咩事啦，唔問由自可一問把幾火！大家都應該睇唔到銀芽，佢嘅答案係師傅將啲銀芽切碎晒.......我當場無言......。後來經理主動走過來解釋，又換過其他菜。接受嘅！經理嘅行動快，唔錯。