海岸餐廳

營業中

休息中

又到我張神嚟介紹野食同屋企人到愉景灣玩，落船後就想食個下午茶，揀咗呢間海岸餐廳，可能係愉景灣入面，感覺地方都乾淨啲，我就叫咗個南瓜.紋排骨飯同湯，開頭我問佢係咩湯，服務員講係蟲草花湯，我有少少驚喜，竟然例湯有蟲草花，仲要唔洗加錢！而湯好甜，我覺得好香蟲草花味，好正，飯就中上，呢餐都係48蚊，超抵！而服務員方面服務都算幾好，而唯一有一件少少做得唔好，就係喺到做緊維修，好嘈，仲要用電鑽，點解唔閒日做呢，人一定少過假期

如題：就是一間快餐店..............................話說由市區搭車去愉景灣都要成個鐘，咁我就食完個午餐先慢慢搭車出去啦.......一心諗住去到沙灘附近high 翻個tea ，感受下夏日熱辣辣既離島風情。。。點知，去到3點鐘，，，近乎間間餐廳都冇人，，，，唯有McDonDon 同呢間cafe係有人既足跡，咁我就緊係唔去 McDonDon 啦！點知，點知，原來............佢係一間不論裝修同味道都好似大x樂既快餐店.......sad唯一可取既，就係食物種類多又快！講到尾，就係快餐店囉。。。 "Cafe" 提一提既係，我食左 泰式濕炒河同熱狗。。。泰式濕炒河， 味道超級差！ 我覺得佢可以改名 --> 咸魚醬。雞肉。浸厚綿胎第一，完全feel 到唔到泰式，味道勁似中式咸魚醬。第二，佢唔係濕咁簡單，佢係一個 "湖" 咁豐滿。第三，河粉，漿埋成個層層疊咁，真係好難食！熱狗，味道就可以接受，腸仔比一般既粗，味道唔錯。但係個麵包就係凍既，冇整暖，唔鐘意。。。bu

話說愉景灣開左一間新酒店, 我就同男友book 左一晚relax 下浪漫下~~原本諗住晚餐會留喺酒店食自助餐, 點知酒店話平日冇自助餐, 要星期六日先有=.=咁我地唯有出返去愉景灣碼頭果邊搵食, 果邊一律都係西餐廳較多, 可能因為愉景灣都係較多外國人聚居。我地行左幾間西餐廳, 都覺得唔太吸引, 都係一般pizza 意粉~~~但個價錢就相當"拿利"。最後我地發現左一間叫海岸餐廳既店, 佢既門口相當唔起眼，真係行過左龍都唔知，因為要行樓梯上一層才是餐廳, 所以較難察覺。一上到樓上,  哦~~原來係快餐店!!! 同美心大家樂果D一樣, 要先買飛後取餐。再看看員工既制服, 原來係King Parrot Group !!! 我一直都有幫襯開呢個集團既食肆 , 我不嬲都覺得佢地D餐廳都唔錯。男友看看餐牌全都是港式風味, 啱晒佢口胃, 而且價錢合理。我地就決定拍板喺度食啦!!!先黎印尼炒飯，好惹味，個飯炒得好香!!!仲有蝦片做伴碟，一啲都唔馬虎。再黎星洲炒米，少少辣，夠穫氣。最後有椒鹽鮮魷，時間等得耐少少，份量亦都少左Ｄ，但味道唔錯，用黎送酒一流。總結，我覺得呢間餐廳味道唔錯，而且價錢於愉景灣內最

同男友黎愉景灣一遊, 映下相玩完都要搵野食見到一間叫island cafe 既餐廳, 一心以為係西餐~點知入到去..呆左~ 原來係快餐~!!! @.@不過都算了, 照食~沙律都幾開胃~不過酸左d~ 同埋唔夠辣...炒菜太咸~ 廚師落鹽 / 魚露太重手.....食完要狂飲水..酸甜咕嚕肉都係開胃之選, 呢個係全晚最好食既~~肉好林~ 中意食肉既朋友一定要叫, 真係啖啖肉~!

有事要去愉景灣一躺, 做完自己既野, 反正都差不多7點. 就決定食埋飯先走~見到呢間叫island cafe 既餐廳~ 就入去試下~原來同快餐店差不多, 有各式各樣既食物, 種類都算多~ 叫左個冬陰功湯, 好咸, 太多味精. 完全唔係冬陰功那回事~仲叫左個炒菜, 太油, 同埋都係太咸... 下次唔會再去喇~

風和日麗，陽光普照，最好外出曬下太陽，呼吸下新鮮空氣。由中環坐船出發去愉景灣，只係廿分鐘左右船程，實在快捷方便，於是決定到呢度優閒一下。其實愉景灣餐廳選擇都幾多，不過早一晚飲得太多酒，肚子空空洞洞好難受，所以好想有飯到肚，上網翻查後決定黎呢度食個燒味飯...登上樓梯到二樓，眼中所見完全係大家樂式快餐店格局，先睇牌再買飛，後排隊取食物。望著餐牌考慮點選邊種燒味組合之際，見到開放廚房內嘅人都戴上King Parrot Group徽號嘅帽子，腦海突然想起原來我從來未光顧過呢個集團嘅快餐店，心入面亦不禁對呢間快餐店期望提升不少。最後選擇燒肉油雞飯連凍飲套餐($43)呢個簡單組合，價錢相對愉景灣其他餐廳消費來計已算便宜。一大碗嘅燒肉油雞飯送上時，單睇賣相已覺得比起太興或美心燒味飯好得多。影過相後，第一時間將燒肉放入口，先聽到外皮破開嘅香脆聲音，再咬肉身唔覺韌，肥瘦剛好，暖暖感覺口中滾動，非常好食。油雞水準無太大驚喜，雞胸肉口感尚算嫩滑，味道唔錯，再送上一啖冰凍可樂，簡簡單單亦覺得滿足！