海底撈火鍋 (九龍行)

營業中

休息中

我係飲完酒自己一個凌晨去食，叫左差唔多600蚊野。主要想講吓啲侍應扮忙，服務差。如果真係認為啲嘢食好食而想去嘅，請再三思考，因為有嘢食都要有人拎俾你，如果唔係你都冇得食。先講野食, 其實我最終淨係食咗小小, 都算不過不失, 食物分量足夠。環境都唔錯。但打呢個食評主要主要係想講服務，我第一次食海底撈，以前聽人講服務好，但今次去到，其實服務好差，order咗半個鐘，都仲未黎個湯底，好肚餓但都冇辦法，唯有等，可能真係好忙。之後啲野食黎齊個湯底都未黎到，唔知咩原因會咁。之後我手機冇電，想要條充電線，問左侍應三次,分別三個人, 都冇人真係諗住拎條線俾我, 最後發現條線只係係隔離個櫃入面,都冇人拎, 佢地話好忙。但我有特登留意佢地係咪真係忙，其實除左第一個送餐既姨姨外，其餘兩個，都係到扮忙，企係路中間等客人，但有少少時間都唔肯係隔離拎條線，佢地有walkie，冇人可以同其他同事講幫手拎條線，都冇人有十秒既時間去拎條線?有咩可能。到第四個侍應真係拎俾我，有個女侍應企左係我隔離對住拎緊線嗰位侍應講左句：佢呢張台充唔到電架。我嗰下真係ｏ左嘴，佢企係我隔離完全冇野做，都唔對住我講，佢其實可以一句 : 呢到

海底撈火鍋响香港有幾間分店遍佈港、九、新界～今次就黎左油麻地九龍行的分店，位於2-3樓共兩層吃火鍋一坐底最緊要揀左鍋底先四宮格真係十分正，可以揀幾款想試既鍋底，啱晒選擇困難症的我🤭介紹一下我揀既四宮格鍋底 $104 有D 咩 ，其中一格係清水鍋底，唔洗錢的，想轉口味又或者覺得太辣、太咸時，去清水嗰邊淥一淥，我覺得幾好😆金黄色的係港式金湯鍋底，偏咸 ⭐️⭐️⭐️右邊深紅色的係清油無渣麻辣，小辣⭐️⭐️⭐️⭐️左邊鮮紅色的係蕃茄火鍋，多蕃茄⭐️⭐️⭐️⭐️鵝腸 半份 $64 ⭐️⭐️⭐️ 記住唔好淥咁耐，否則就唔爽架喇滑牛肉 半份 $59 ⭐️⭐️⭐️⭐️ 肉質又滑又嫩，放落麻辣鍋底，有D似水煮牛肉巴沙魚片 整份 $98 ⭐️⭐️⭐️⭐️無骨，滑身，啖啖魚肉，放落蕃茄鍋底，酸酸甜甜，好好味架😋😋青筍 半份 $23 ⭐️⭐️⭐️ 味道似萵筍絲，但粗身好多，淥既時間會多一點，呢個放落金湯鍋底都幾夾以前黎吃火鍋都冇留意有燒烤食，叫左烤茄子 🍆 $32/條 和 烤扇貝$48/隻不過我覺得呢度都係火鍋出色過燒烤，燒烤火候好似爭少少🤏順帶一提，黎海底撈吃火鍋係可以免費🆓整手指甲💅🏻排隊既人係唔少，繁忙時間可能要等幾個鐘，可以吃住火鍋等叫籌號都得既～不

今晚朋友約食飯，話想打邊爐，於是近近哋就去咗油麻地嘅海底撈 ，呢間海底撈分店都有一段時間冇嚟啦，記得初初嚟嘅時候印象好好嘅，不單止係通宵營業喇，而且仲係畀好多歡樂大家，生日又有燈牌啦，跟住又唱曬歌啦，拉麵耍難雜技咁，但係疫情之後再返到來，感覺就好唔同囉，首先睇下時間方面，九點幾已經 last order，十點鐘已經閂門， 另外服務員，雖然服務水平都算唔錯，但係就好似少咗以前好想畀大家歡樂嗰種熱情，今次除咗叫咗便是最鍾意食嘅鴨腸、滑牛、魚柳等等，見到佢多咗新嘢，有燒烤，於是乎就叫咗個烤扇貝同埋烤茄子試下，味道中規中矩啦，如果比起一啲重慶燒等，味道就冇咁濃烈，燒烤價錢都唔平，建議如果想食燒烤嘅都係去返真正嘅燒烤點啦，朋友話想順道整指甲，實在太天真喇，呢間分店不嬲都好多人，最終今日都係full曬。

餐廳：海底撈火鍋 (九龍行) (油麻地)地址：油麻地彌敦道555號九龍行2-3樓第一次去呢間大名鼎鼎嘅海底撈，嗰日落大雨，大概下午5:30鐘已經上到去，估唔到呢個時間已經好多人排隊。大概等咗半個鐘，就有位，服務係好，而且全程用iPad落單，出面嘅自助Bar都幾多小食可以食，調味料、小食、水果唔算好多。火鍋就叫到四種唔同嘅湯底，當然唔係放題形式，而係逐碟計，食物質素就不過不失，整體就覺得一般般，性價比唔算高😂

1740落左外賣自取，寫明1820半個鐘有得拎。去到1830，已經見到自己袋野食擺係度，我講明趕時間想拎先，但門口接待話要等佢serve晒啲walk in 入座先幫我搞。之後對單時先發覺食物未到齊，又要我再等。最後等到1850先齊啲野食⋯未試過咁差既海底撈。最後發現叫左蝦滑鴨血等食物也沒有給小料。落外賣也沒有儲分

油麻地海底撈，講明生日，到了差不多食完就黎走，摧了兩次先黎唱生日歌，問先俾小禮物，好似膚顯我地咁，不俾尊重，又成日漏單，食物款式又少，味道普通，no good! 不會推薦俾其他朋友👎

海底撈 我第一次食，唔知同大陸有咩分別啦。但係我想講，佢4格湯底係抵過兩格嘅，咁我女友雖然兩個人，但我地都揀咗4格湯，咁另外兩格用清湯，咁佢麻辣湯，有得揀麻到同辣到，好適合我呢d唔食得辣但食得麻嘅人。值得一提係佢嘅手工麵，真係好好食，又彈牙，放落麻辣湯到吸哂d味，真係好正！再配埋蝦滑，真係超級好食。我地都叫咗大量海鮮，墨魚仔呢d，都好新鮮，員工都會幫我地剝蝦，服務好好.lunch set依家好抵食，一個價錢包咗肉同主菜。值得一試。

點了個單人火鍋花膠雞套餐，外賣自取味道不錯，而且足夠飽肚，一個人完成食唔曬特別係個小菜佢比你去小食區自己任拎，雖然選擇不多但淨係小食都可以食到好飽，可惜嘅佢佢只比小食盒我，無得裝湯，所以只能裝小菜飲飲亦會另外用膠樽裝起不怕會漏.另外只要詢問一下，就能夠拎埋零食惟一可惜嘅係，外賣自取要打電話而我打嘅第一通電話無人接，第二通先有人接，而且打電話時，要第佢講完電話要錄音嘅三種語言所以要等好耐，打唔通電話都幾嬲🥹

The 清油麻辣火鍋 "boiled oil and pungent spicy hot pot" soup base was very buttery and oily. Good aroma but not spicy at all and had quite a lot of MSG. The mutton here was not very gamey like other Mongolian mutton. Just frozen quality and slightly tough. Honestly just mediocre and a bit pricey. Staff were not attentive either. However it was convenient to order with the pad!Buying a Haidilao soup pack of and better quality ingredients would be much cheaper and tastier than dining in Haidilao.

服務態度非常好的火鍋店, 自助小食、水果、醬料仍然多選擇, 店員招呼非常周到, 可以慢慢享受火鍋及美食選了鴛鴦鍋🍲分別是清油麻辣火鍋蕃茄火鍋火鍋湯底夠濃郁夠香, 麻辣略嫌不夠麻及辣, 但適合香港人口味, 反而蕃茄湯底非常足料, 滿滿新鮮蕃茄, 非常鮮甜配料選了：手切牛小排 - 非常新鮮, 滾一滾就可以食用, 牛味香濃、油花分佈均勻、質地柔軟帶甘甜撈派滑牛肉 - 是火鍋店招牌之一, 口感軟嫩, 喜歡食牛, 必點推介無刺巴沙魚片 - 沒有魚腥味, 口感綿密不易散撈派千層毛肚 - 火鍋店少有的食材, 口感爽脆、滿滿沾上湯底的味道撈派毛肚 - 黑色牛柏葉比白柏葉新鮮能保留原味和口感、非常可口魚皮餃 - 正常水準午餐肉 - 正常水準海膽丸 - 正常水準豬肚 - 沒有異味, 有咬口鴨血 - 麻辣火鍋必備的食材, 細、滑、嫩四川酥肉 - 小食之一, 可以直接食用或沾上湯底, 鬆脆香口山藥拼竹筍（送）- 店員送了配料, 可以去點油膩坐位寬敞舒適、整體配料新鮮, 沒有限時可以慢慢食, 最喜歡是服務態度, 上菜快, 這裏可以點半份或整份, 就算兩個人食用都可以試到多些菜品, 絕對食到飽😜

外賣自取，經典麻辣香鍋。味道還不錯，辣度降低了，只是量比之前少了。之前買過一次，基本算是一滿盒，這次只有半盒多一些。配了一份白飯，兩種小菜和一杯金桔蜜飲料。門口接待人員服務禮貌熱情。

第一次試食，整體感覺只係一般，雖然係午餐時段，但無需要等候就可以入座⋯自助醬料/生果/冷盤區，食物無用蓋保護，真係唔敢食用，同時見到有客人，唔帶口罩四圍行，職員亦無阻止，呢個有D擔心⋯食物方面有D失望，因為價錢唔算平，但整體食物質素好一般，唔覺得好新鮮，又或者有乜嘢特色，收呢個價錢可以有更好選擇⋯

外賣就是希望回到家可以立即進食可惜有點失望 湯底是給我湯料 回家還要我自己煮第一次叫海底撈外賣小料 給一個樽 給都給一個小碗我們幾個人食 一個樽真心無言，服務員的態度很好 👍這一點

食過好多次，因為好中意食鴨腸毛肚個啲野，次次都會叫個麻辣湯底再是但加多一個湯底，麻辣真係必備，個度嘅服務員都好好態度，有次個麻辣湯彈到件衫，我手都味舉已經衝過黎幫我處理，不過有次去好似係新人服務，好似好多野都味識咁…

朋友生日，選擇火鍋。九龍行這間第一次來，位置非常方便。整晚人多，但員工的招待仍十分殷勤，有拉麵表演、有變臉表演、也有唱生日歌，加上食物款式多，新鮮可口，朋友們都盡興而歸。 過了兩天，收到海底撈來電話，原來我有一位朋友，那天遺下了銀包（她第二天才知道，也在徬徨，不知在甚麼地方跌了銀包）。因為，是我訂位，有電話號碼留低，所以輾轉找到我（原來我有多次電話沒有接聽，他們打了好多次）。 朋友失而復得，真的喜出望外，在此非常感謝🙏 海底撈的所有員工，並讚揚他們高質素、真誠待客的服務態度。