海底撈火鍋 (九龍行)

營業中

休息中

好耐無來食海底撈啦。今日晏晝同朋友仔來食，三個人三點鐘左右上到來。唔駛排隊，直接來就有位。最抵玩都係點四宮格湯底，兩個或者三個湯底➕一個清水湯底，我地點佐番茄鍋➕牛骨湯鍋➕辣鍋。正，顧及到每個人嘅口味。蝦滑係每次來都必點嘅！我地為佐可以食多種類，所以樣樣都淨係點佐半份。有嫩牛肉、肥牛、鵝腸、毛肚、鴨血、蝦滑、響鈴、皇帝菜、冬瓜，加埋現場各樣小食➕生果任食，夠曬飽飽。做完仲係度做佐個指甲💅心情靚絕。

朋友生日，想打邊爐。所以比個有氣氛的生日驚喜佢！海底撈就不二之選！鴛鴦湯底：蕃茄湯底拼大骨湯底五花肉套餐五花肉，好彩唔太肥！牛小排套餐牛小排雪花分明，唔太韌！好有牛味👍海鮮套餐不過不失！生日顧客送毛巾公仔、生果碟👍生日顧客另送長壽麵、加多一隻生日荷包蛋🍳好窩心😘長壽麵好有意頭👍夠晒長😀最後，朋友食得好開心👍👍

話說其實我只不過係五月份做會員，但而家只不過係八月上旬已經變咗銀海，我都唔知係咩事😂 諗諗吓個原因應該係因為聚餐太多，大家諗唔到食乜就食海底撈，坐又好坐，所以儲下儲下就變左銀海(笑)響呢度反而想講講啲，未必大家成日叫嘅嘢食。佢嘅炸饅頭係比我想像中俾酒樓嘅更加好食，而如果唔係一個朋友講佢嘅蕃茄湯浸一浸啲饅頭好食（yes I know it sounds weird), 我都未必unlock到呢種新食法。另外就係佢個生椰系列，超好飲！未懷孕前真係次次都叫一杯自己飲晒（一般情況下我自己好難飲晒成杯L size既野），希望日後生完仔之後再encore!

海底撈六大特色：通宵，生日歌，專人剝蝦，美甲，服務好，送禮物！環境舒適，寬敞，服務好，有氣氛，大人小朋友都玩得好開心，每台還有3個硬幣送（可以玩夾公仔機）！菜式品種多，食材新鮮，湯底濃郁！

我預訂的座位，有鮮花，汽球，心思沙盤及禮物包，連鄰座都羨慕不已服務員好有善，不停送食物或小吃來，我們差不多每兩星期來一次，我主要係修甲我女要求我經常來，因為那些小吃及氣氛好

今日同八個朋友一齊去食嘢，一張大枱坐得好舒服，服務員嘅服務非常之好，仲要過嚟幫我哋剝蝦，唱歌，6野食，聽人講等位嘅時候仲可以整指甲，不過我未試過😝下次試吓先！

凌晨班服務員超級差，由其是那位頭髮及肩並戴黑色眼鏡的主管阿姐，問她東西就西口西面，完全冇平日時間的服務態度及水準。建議係需要整頓凌晨班的服務人員的質素，因為以上情況已超過3次以上，所以才作評價，多多得罪🙏🏻

內地嘅海底撈我成日都食，香港相對嚟講貴好多，所以光顧通常為咗整甲。服務方面都好殷勤，但可能顧客太多，對比內地嘅服務都係爭小小，但係都會送一些配料。湯底方面，最鍾意蕃茄湯底同埋辣湯底，肉類質素一般。推介食法網上有好多推介食法，其中一個我覺得幾好食，可以叫侍應俾磅肉碎蔥花，加上蕃茄湯底就會好似屋企煲蕃茄湯嘅味道，酸酸地好開胃，好好飲😋生日會過嚟唱生日歌，又生日牌又有生果插上蠟燭，好好笑。為打邊爐食嘢有其他好嘅選擇，但係呢度氣氛一流，不失為一個慶祝的好地方，笑吓又係一餐。-

一进去服务员就感觉到氛围很好很轻松。服务超级好，一喊服务员他就立刻过来。又是送这，又是送那。食物也是很好吃，不用啥蘸料也很有味儿。真的很不错。旁边过生日也是很开心。那音乐那叫一个喜庆我跟我兄弟吃的很开心。

太久没有体会到内地服务的话海底捞是个好选择如果习惯了香港的快急燥的餐饮服务海底捞还是很不错的服务对标内地态度很好餐前小吃以及食物都和内地一样也可以做美甲价格比内地稍贵1.5倍其他差不多

海底撈火鍋是一家在全球範圍內廣受歡迎的餐廳連鎖品牌。我最近光顧了其中一家店，感受到了他們出色的服務。雖然我對食物的評價僅僅是中等水平，但是他們的服務可以說是出類拔萃。進入餐廳，我們迅速被一位友好的服務員帶到了座位。他們很周到，不僅為我們介紹了菜單上的各種選項，還詢問了我們的口味偏好和飲食限制。我們點了一些肥牛、牛柏葉和豬肉，幾種海鮮以及一些蔬菜。我們迫不及待地等待著美味的火鍋食材。食物到達時，我們發現食材的新鮮程度令人印象深刻。不幸的是，我們在吃肉的時候發現有一些纖維質量不太好，口感略顯硬。但是其他的食材表現良好，包括蝦、蛤蜊和魚糜都很新鮮，讓人回味無窮。關於味道方面，相對於其他火鍋店，海底撈的食材調味相對保守，但口感仍不錯。雖然食物有一些小瑕疵，但服務卻絕對是無可挑剔的。除了友好的服務員外，我們還被邀請參加了一個互動小遊戲。其中一個服務員表演了一些魔術，令人印象深刻。餐廳還提供了各種各樣的調味品和小吃，無需額外付費。總之，雖然食物方面有一些小瑕疵，但是服務方面卻絕對是五星級。餐廳的服務員真的非常出色，讓我們感到非常受歡迎和受到關注。所以，我會推薦這家店，特別是那些喜歡良好服務體驗的人

我係飲完酒自己一個凌晨去食，叫左差唔多600蚊野。主要想講吓啲侍應扮忙，服務差。如果真係認為啲嘢食好食而想去嘅，請再三思考，因為有嘢食都要有人拎俾你，如果唔係你都冇得食。先講野食, 其實我最終淨係食咗小小, 都算不過不失, 食物分量足夠。環境都唔錯。但打呢個食評主要主要係想講服務，我第一次食海底撈，以前聽人講服務好，但今次去到，其實服務好差，order咗半個鐘，都仲未黎個湯底，好肚餓但都冇辦法，唯有等，可能真係好忙。之後啲野食黎齊個湯底都未黎到，唔知咩原因會咁。之後我手機冇電，想要條充電線，問左侍應三次,分別三個人, 都冇人真係諗住拎條線俾我, 最後發現條線只係係隔離個櫃入面,都冇人拎, 佢地話好忙。但我有特登留意佢地係咪真係忙，其實除左第一個送餐既姨姨外，其餘兩個，都係到扮忙，企係路中間等客人，但有少少時間都唔肯係隔離拎條線，佢地有walkie，冇人可以同其他同事講幫手拎條線，都冇人有十秒既時間去拎條線?有咩可能。到第四個侍應真係拎俾我，有個女侍應企左係我隔離對住拎緊線嗰位侍應講左句：佢呢張台充唔到電架。我嗰下真係ｏ左嘴，佢企係我隔離完全冇野做，都唔對住我講，佢其實可以一句 : 呢到

海底撈火鍋响香港有幾間分店遍佈港、九、新界～今次就黎左油麻地九龍行的分店，位於2-3樓共兩層吃火鍋一坐底最緊要揀左鍋底先四宮格真係十分正，可以揀幾款想試既鍋底，啱晒選擇困難症的我🤭介紹一下我揀既四宮格鍋底 $104 有D 咩 ，其中一格係清水鍋底，唔洗錢的，想轉口味又或者覺得太辣、太咸時，去清水嗰邊淥一淥，我覺得幾好😆金黄色的係港式金湯鍋底，偏咸 ⭐️⭐️⭐️右邊深紅色的係清油無渣麻辣，小辣⭐️⭐️⭐️⭐️左邊鮮紅色的係蕃茄火鍋，多蕃茄⭐️⭐️⭐️⭐️鵝腸 半份 $64 ⭐️⭐️⭐️ 記住唔好淥咁耐，否則就唔爽架喇滑牛肉 半份 $59 ⭐️⭐️⭐️⭐️ 肉質又滑又嫩，放落麻辣鍋底，有D似水煮牛肉巴沙魚片 整份 $98 ⭐️⭐️⭐️⭐️無骨，滑身，啖啖魚肉，放落蕃茄鍋底，酸酸甜甜，好好味架😋😋青筍 半份 $23 ⭐️⭐️⭐️ 味道似萵筍絲，但粗身好多，淥既時間會多一點，呢個放落金湯鍋底都幾夾以前黎吃火鍋都冇留意有燒烤食，叫左烤茄子 🍆 $32/條 和 烤扇貝$48/隻不過我覺得呢度都係火鍋出色過燒烤，燒烤火候好似爭少少🤏順帶一提，黎海底撈吃火鍋係可以免費🆓整手指甲💅🏻排隊既人係唔少，繁忙時間可能要等幾個鐘，可以吃住火鍋等叫籌號都得既～不

今晚朋友約食飯，話想打邊爐，於是近近哋就去咗油麻地嘅海底撈 ，呢間海底撈分店都有一段時間冇嚟啦，記得初初嚟嘅時候印象好好嘅，不單止係通宵營業喇，而且仲係畀好多歡樂大家，生日又有燈牌啦，跟住又唱曬歌啦，拉麵耍難雜技咁，但係疫情之後再返到來，感覺就好唔同囉，首先睇下時間方面，九點幾已經 last order，十點鐘已經閂門， 另外服務員，雖然服務水平都算唔錯，但係就好似少咗以前好想畀大家歡樂嗰種熱情，今次除咗叫咗便是最鍾意食嘅鴨腸、滑牛、魚柳等等，見到佢多咗新嘢，有燒烤，於是乎就叫咗個烤扇貝同埋烤茄子試下，味道中規中矩啦，如果比起一啲重慶燒等，味道就冇咁濃烈，燒烤價錢都唔平，建議如果想食燒烤嘅都係去返真正嘅燒烤點啦，朋友話想順道整指甲，實在太天真喇，呢間分店不嬲都好多人，最終今日都係full曬。

餐廳：海底撈火鍋 (九龍行) (油麻地)地址：油麻地彌敦道555號九龍行2-3樓第一次去呢間大名鼎鼎嘅海底撈，嗰日落大雨，大概下午5:30鐘已經上到去，估唔到呢個時間已經好多人排隊。大概等咗半個鐘，就有位，服務係好，而且全程用iPad落單，出面嘅自助Bar都幾多小食可以食，調味料、小食、水果唔算好多。火鍋就叫到四種唔同嘅湯底，當然唔係放題形式，而係逐碟計，食物質素就不過不失，整體就覺得一般般，性價比唔算高😂